მმართველი პარტიის მოსაზრებას, რომ ევროკავშირის 9 რეკომენდაციის შესრულებისთვის სამუშაო ჯგუფების შექმნას გადამწყვეტი მნიშვნელობა არ აქვს, ოპოზიცია კრიტიკით შეხვდა. ანალიტიკოსების აზრით, „ქართულმა ოცნებამ" შესაძლოა მართლაც უარი თქვა სამუშაო ჯგუფებში მუშაობაზე, მაგრამ არსებობს სხვა მექანიზმებიც და საპარლამენტო კომიტეტებიც, სადაც მუშაობა და საქმის გაკეთება შესაძლებელია. თუმცა, ხელისუფლება ამ შემთხვევაში თამაშობს ისე, როგორც მისთვის არის მომგებიანი, ხოლო ოპოზიციამ კი ამას „ოცნების" ძველი განცხადებების გახსენებისა და კრიტიკის ნაცვლად, რამე კონკრეტული ქმედებები და შეთავაზებები უნდა დაუპირისპიროს.

ოკუპირებულ აფხაზეთის დე ფაქტო ხელისუფლების მიერ გასული წლის ბოლო დღეებში მიღებულმა გადაწყვეტილებამ სომხური დიასპორისა სხვა ეთნიკური ჯგუფების სერიოზული უკმაყოფილება გამოიწვია. საქმე ეხება „ბიუჯეტიდან" მხოლოდ ეთნიკურად აფხაზი ახალშობილებისათვის ერთჯერადი ფინანსური დახმარების დაწესებას. კონფლიქტოლოგი და ყოფილი სახელმწიფო მინისტრი პაატა ზაქარეიშვილი მიიჩნევს, რომ ამგვარი დისკრიმინაცია აფხაზეთში ეთნიკურ ნიადაგზე დაპირისპირებას გაამწვავებს.

რუტინულად გამოცხადებულმა „ქართული ოცნების“ მორიგმა ყრილობამ ქართულ პოლიტიკაში ტექტონიკური ცვლილებები გამოიწვია. პოლიტიკიდან უკვე ორჯერ წასული მისი დამფუძნებელი, ყველასათვის  მოულოდნელად დაბრუნდა. თავისივე ინიციატივით, ბიძინა ივანიშვილი „ქართული ოცნების“ საპატიო თავმჯდომარის პოსტიდან პარტიის მთავარი პოლიტიკური კონსულტატი იქნება. იგი არ ადასტურებს რაიმე საკადრო ცვლილებებს და არც პრემიერ-მინისტრის პოსტის დაკავებას აპირებს.

უძრავი ქონების მოტყუებით დაუფლების თაღლითობის უპრეცედენტო  სქემა -  უკანონო შემოსავლის ლეგალიზაციის ფაქტზე პროკურატურამ 9 პირს ბრალი წაუყენა. ცხრა დაკავებულს შორის ერთი ქალია. ცხრავე დაკავებულს ჯამში სამ მილიონიანი ქონების უკანონო მითვისებას ედავებიან.  

2023 წელი განსაკუთრებით დატვირთული აღმოჩნდა მოვლენებით, რომლებიც მომავალში საქართველოს, ჩვენი რეგიონისა და ზოგადად მსოფლიოსათვის შესაძლოა გარდამტეხი აღმოჩნდეს. თუმცა, წლის შეჯამებისას „რეზონანსთან“ საუბრისას ანალიტიკოსები ორ მათგანს ანიჭებენ განსაკუთრებულ მნიშვნელობას - საქართველოს მიერ ევროკავშირის წევრობის კანდიდატის სტატუსის მიღებასა და რუსეთი უკრაინის ომს. გარდა ამისა, იყო ბევრი სხვა რამ, რაც მომავალში სწორედ 2023 წელთან იქნება ასოცირებული, რამაც მნიშვნელოვანი პოლიტიკური ან ემოციური გავლენა მოახდინა ქვეყანაზე.

მმართველი გუნდი ექიმებისგან მიხეილ სააკაშვილის ჯამრთელობაზე ახსნა-განმარტებებს ითხოვს. თუკი ექიმები იტყვიან, რომ ციხეში დაბრუნება შესაძლებელია, ის რუსთავის სასჯელაღსრულების საკანში უნდა გადაიყვანონ. „ხალხის ძალის“ ლიდერები ამტკიცებენ, რომ ექსპრეზიდენტი კარგადაა და ციხეში უნდა დაბრუნდეს.  როგორც დეპუტატები მიანიშნებენ, ექიმებმა იცრუეს, როდესაც ამბობდნენ რომ „ვივამედის“ პაციენტი პატიმრის მდგომარეობა მძიმე იყო.   

ამერიკის მენის შტატის სახელმწიფო მდივანმა, შენნა ბელოუსმა დონალდ ტრამპს შტატის 2024 წლის პრაიმერში, ანუ შიდაპარტიულ არჩევნებში, მონაწილეობა აუკრძალა. ტრამპის საარჩევნო კამპანიის ოფისი ამ გადაწყვეტილებას არჩევნებში უხეში ჩარევისა და ამერიკულ დემოკრატიაზე თავდასხმის მცდელობას უწოდებს.

ბოლო გამოკითხვებში მიზერული მაჩვენებლის დაფიქსირებისა და იმ გარემოების ფონზე, რომ „ოცნება" 5%-იან საარჩევნო ბარიერს არ ამცირებს, ოპოზიციურ პარტიებში გაერთიანების პროცესი გაცხოველდა. ამჯერად „ლელოს" ლიდერმა არაორაზროვნად, მიანიშნა, რომ ყაბულსაა მელიას გუნდთან გარკევეული პოლიტიკური ერთობა შეკრას. ნაცმოძრაობიდან ლტოლვილ ექსთავმჯომარეს ამაზე ჯერ რეაგირება არ ჰქონია, თუმცა გუშინ მისმა თანამოაზრე ბაჩო დოლიძემ ასევე კატეგორიულად აღნინშა, რომ გაერთიანებას არავისთან არ გეგმავენ.

სემეკის გადაწყვეტილებით საქართველოში დენის ტარიფი 1-ლი იანვრიდან 3 თეთრით გაიაფდება. ცვლილება ეხება, როოგორც მოსახლეობას, ასევე ბიზნესს. რაც შეეხება წყალმომარაგების კომპანიას, მათ ახალი ტარიფი დაუდგინდა, რომელიც მხოლოდ კომერციულ ორგანიზაციებს შეეხება და ის ბიზნესისთვის გაძვირდება. აღნიშნული ცვლილება, ცხადია, წარმოებაზე თავისებურ გავლენას მოახდენს. საინტერესოა, ვისთვის იქნება ხელსაყრელი და ვისთვის არახესაყრელი სემეკის მიერ მიღებული გადაწყვეტილება? "რეზონანსი” ბიზნესის სხვადასხვა სფეროს წარმომადგენლებს ესაუბრა და მათი პოზიციები შეაჯერა. 

წინასაახალწლოდ მოსახლეობამ სემეკისგან მოულოდნელი სიურპრიზი მიიღო და ელექტროენერგიის გადასახადი მთელ ქვეყანაში გაიაფდა. ცვლილება შეეხო როგორც საყოფაცხოვრებო სექტორს, ასევე ბიზნესს და ტარიფი ყველას 3 თეთრით შეუმცირდა. რაც შეეხება წყლის გადასახადს, ფასი გაიზარდა სამ დიდ ქალაქში - თბილისში, რუსთავსა და მცხეთაში, ოღონდ მხოლოდ კომერციული მომხმარებლებისთვის, დანარჩენ რეგიონებში, სადაც  მართვას გაერთიანებული წყალმომარაგების კომპანია ახორციელებს, ტარიფი მოსახლეობას შეუნარჩუნდა, მაგრამ გაუძვირდა ბიზნესს.

თბილისში მომხდარი სასტიკი მკვლელობის ახალი დეტალები ხდება ცნობილი - გამოძიებით ირკვევა, რომ ჯარისკაცს, რომელსაც თავისი კოლეგისა და ნათელ-მირონის მკვლელობა ედება ბრალად, შურისძიების მოტივი ამოძრავებდა. განსასჯელის სკამზე მყოფი ხვიჩა ვარდიაშვილი დუმილის უფლებას იტოვებს და ხუთშაბათს სასამართლოზე მან მხოლოდ  ერთადერთი რეპლიკა გააჟღერა: „ახლა ისეთ მდგომარეობაში ვარ, მტერს არ ვუსურვებ...“