სამშაბათს შუადღიდან სოხუმში ე.წ. სამთავრობო შენობების კომპლექსთან სტიქიურად დაიწყო მოქალაქეების შეკრება. ადგილზე მობილიზებული არიან ძალოვნებიც და უკვე მოხდა რამდენიმე მცირე ინციდენტი მათსა და აქციის მონაწილეებს შორის. ყოველივე ეს კი გამოიწვია დე ფაქტო ხელისუფლების მოულოდნელმა გადაწყვეტილებამ, რომ ე.წ. პარლამენტში ბიჭვინთის რუსეთისათვის გადაცემის საკითხი აქამდე დაგეგმილი 28 დეკემბრის ნაცვლად, 27-ში გაეტანათ განსახილველად.

დედოფლის წყაროს რაიონის სოოფელ არბოშიკში მომხდარ კვლელობაშ ბრალდებულს, რომელიც ხანგრძლივი ძებნის შემდეგ საფრანგეთში დააკავეს, 20 წლით პატიმრობა მიუსაჯა. საქმე ეხება გახმაურებულ მკვლელობას, როდესაც მარტო მცხოვრებ 65 წლის ქალს 4 ნიღბიანი და შეიარაღებული პირი დაესხა თავს. ქალი გაკოჭეს, სასტიკად აწამეს და შემდეგ კი დაახვრჩეს.

წინასაახალწლოდ, 30 დეკემბერს, მმართველი პარტიის ყრილობა გაიმართება. ოფიციალური ინფორმაციით, მთავარი განსახილველი საკითხი ახალი პოლიტსაბჭოს ფორმირებაა, რომლის შემადგენლობაც წინასწარ უკვე გამოცხადდა. თუმცა, ოპოზიცია ეჭვობს, რომ ყრილობის მოწვევის რეალური მიზეზი სულ სხვაა და მასზე შესაძლოა ბიძინა ივანიშვილიც მივიდეს. უნდა ველოდოთ თუ არა წინასაახალწლოდ „ოცნებაში“ მოულოდნელ ცვლილებებს?

ანალიტიკოსები „რეზონანსთან“ აცხადებენ, რომ ახლა „ოცნებას“ არ აქვს ისეთი მდგომარეობა, რომ ივანიშვილის დახმარება სჭირდებოდეს. ხოლო თუ ის პლიტიკაში მესამედ გადაწყვეტს დაბრუნებას, ეს მხოლოდ ახალი გუნდით და შემადგენლობით მოხდება, თუმცა „ოცნების“ სახელით. „რეზონანსთან“ საუბრისას ანალიტიკოსები იმ მიზეზსაც ასახელებენ, რამაც შესაძლოა ივანიშვილს ამ ნაბიჯისაკენ უბიძგოს.

საქართველოს მთავრობამ ევროკომისიის მიერ განსაზღვრული ნაბიჯების შესრულების სამოქმედო გეგმის დოკუმენტი გამოაქვეყნა. ანალიტიკოსების ნაწილი მიიჩნევს, რომ ამ გეგმის შესრულება რეალისტურია, თუმცა მისი შესრულების პარალელურად მუდმივად უნდა იყოს კომუნიკაცია ევროკავშირთან. ნაწილი კი ვარაუდობს, რომ საქართველოს ევროინტერგაციის თვალსაზრისით ყველაფერი მაინც დამოკიდებული იქნება მსოფლიოში მიმდინარე პოლიტიკურ პროცესებზე და საქართველოს პოლიტიკურ-სტრატეგიულ მნიშვნელობაზე.

კაპიტალის ბაზარი საქართველოში ვერ ვითარდება. ფაქტობრივად არც ერთი გავლენიანი ფინანსური სტრუქტურა არ არსებობს საქართველოში, რომელიც ამ პროცესს მხარს დაუჭერს. სპეციალისტები გამოთქვამენ დასაბუთებულ ეჭვს, რომ კაპიტალის ბაზრის განვითარების რეკომენდაციას არ იძლევა საერთაშორისო  სავალუტო ფონდი, შესაბამისად, საქართველოს ეროვნული  ბანკი გაჩუმებულია  და ამასობაში კომერციულმა ბანკებმა შთამთქეს მთელი ფინანსური ბაზარი. ასეთ პირობებში, ცხადია, არც  სავალუტო ფონდი ცდილობს სიტუაციის შეცვლას, რადგან ამ პირობებში უფრო უმარტივდება გავლენის გაძლიერება და რეალურად არც აწყობს კაპიტალის ბაზრის განვითარება.

გლობალურ ბაზრებზე შაქარი წარმოუდგენელი სისწრაფით იაფდება,  4 დეკემბრიდან მოყოლებული, პროდუქტზე ფასი 17%-ით არის შემცირებული. თუმცა ადგილობრივ ბაზარზე სიტუაცია ჯერ კიდევ უცვლელია. ტენდენცია დიდი ალბათობით გაგრძელდება, თუმცა მსოფლიოში მიმდინარე მოვლენებს ქართული ბაზარი რამდენად აუწყობს ფეხს, იმპორტიორებს ამაზე პროგნოზის გაკეთება უჭირთ. მათი ვარაუდით,  საუკეთესო შემთხვევაში, შაქარი შეიძლება 15-20 თეთრით გაიაფდეს. ესეც იმ შემთხვევაში, თუკი იმპორტი ისევ განახლდება. ახლა პროცესი, შაქარზე დაწესებული გადასახადის გამო, რეალურად შეჩერებულია და ჯერჯერობით ,,აგარას" უკონკურენტო პირობებში უწევს წარმოება.

ოპოზიცია ძიების პროცესშია, რა შეიძლება იყოს არჩევნებში წარმატების მიღწევის ფორმულა - ერთიანი მძლავრი ალტერნატიული ცენტრის შექმნა, თუ ძალების გადანაწილება და რამდენიმე დაჯგუფების ორგამიზება. ასევე, საინტერესოა, არიან თუ არა ოპოზიციაში რეიტინგული ლიდერები, რომელთაც შეუძლიათ ლოკომოტივის როლი ითამაშონ 2024-ში „ოცნების" დასამარცხებლად.

საბერძნეთში ქურდობისთვის 32 და 37 წლის ქართველები დააკავეს. საქმის მასალებით დადგინდა, რომ დაკავებულები 2019 წლიდან 2023 წლამდე ქვეყნის სხვადასხვა ქალაქში მდიდრულ სახლებსა და ძვირადღირებულ მანქანებს ძარცვავდნენ. 

2023 საქართველოში ნავთობპროდუქტების ბაზრისთვის მეტ-ნაკლებად სტაბილური იყო. გლობალური გამოწვევების მიუხედავად, ქვეყანაში ბენზინსა და დიზელზე მოთხოვნა და შესაბამისად, იმპორტიც გაიზარდა, რაც ეკონომიკის აღმავალ ტრენდს უკავშირდება. ამ პროცესს შიდა ბაზარზე სავალუტო კურსმაც საგრძნობლად შეუწყო ხელი, თუმცა საერთაშორისო ბაზრებზე რისკები ჯერ კიდევ არსებობს, განსაკუთრებით ახლო აღმოსავლეთში შექმნილი ვითარებისა და უკრაინაში მიმდინარე ომის გამო, რამაც შესაძლოა, ნებისმიერ მომენტში შეცვალოს სიტუაცია.

რუსულმა ძალებმა უკრაინაში რამდენიმე ოლქზე უპილოტო საფრენი აპარატებით იერიში მიიტანეს. საჰაერო თავდაცვის სისტემა ამოქმედდა დნიპროპეტროვსკსა და ხმელნიცკში. დრონების რამდენიმე ჯგუფი ოდესის მიმართულებით დაფიქსირდა. ოკუპანტებმა შეუტიეს ხერსონის ოლქში ჩერნო-ბაივკას - არის მსხვერპლი. დრონებითა და მძიმე არტილერიით დაიბომბა ნიკოპოლის რეგიონიც.

საქართველოს გარემოს დაცვისა და სოფლის მეურნეობის სამინისტრო წლის შედეგებს აჯამებს. მაღალი ეკონომიკური ზრდის პარალელურად, ერთ-ერთი საუკეთესოა მიღწევები, რომელიც ქართულმა აგროსექტორმა აჩვენა. ბოლო წლების განმავლობაში ქვეყანამ ამ კუთხით მნიშვნელოვან წარმატებას მიაღწია. გრძელდება სტრატეგიულად მნიშვნელოვანი ყველა პროექტი და წლიდან წლამდე ემატება ახალი პროგრამებიც, რისგანაც ქართველი ფერმერები სარგებელს იღებენ.

ქართული პოლიტიკური ცხოვრების ერთ-ერთი მთავარი ინტრიგა ახლა ისაა, შეძლებენ თუ არა ხელისუფლება და ოპოზიცია ევროკავშირის 9 რეკომენდაციის შესასრულებლად სამუშაო ფორმატში თანამშრომლობას. ამ მიმართულებით ჯერჯერობით კონკრეტული ნაბიჯები გადადგმული არ არის, თუმცა, დრო შეზღუდულია და კონკრეტულ გადაწყვეტილებებს ახლო მომავალში შეიძლება ველოდოთ.