პრემიერ-მინისტრ ირაკლი კობახიძის ინიციატივის ფარგლებში, რომელიც სურსათის, მედიკამენტებისა და საწვავის ფასების შემცირებას უკავშირდება, საპარლამენტო კომისიაც ამუშავდება. სამთავრობო კომისიის პარალელურად, უკვე მომავალი კვირიდან, მუშაობას დაიწყებს საპარლამენტო კომისიაც, რომელსაც გავრცელებული ინფორმაციით, ფრაქცია „ქართული ოცნების“ თავმჯდომარის მოადგილე, შოთა ბერეკაშვილი უხელმძღვანელებს. 

გლობალურ ბაზრებსა და უკვე საქართველოშიც ოქროს ფასი მკვეთრად გაიზარდა, თანაც ოქროსთან შედარებით, მისი გაძვირების მასშტაბი გაცილებით სწრაფია. თუკი ერთწლიან ჭრილში ოქრო დაახლოებით 150%-ით არის გაძვირებული, ვერცხლის შემთხვევაში ეს მაჩვენებელი 600%-ს შეადგენს. სპეციალისტები ვარაუდობენ, რომ ტენდენცია გაგრძელდება.

მეორადი საბურავების უტილიზაციის საკითხი კვლავ გამოწვევაა, რასაც რეგულაციითაც ვერ აგვარებენ. დიდი ცდელობის მიუხედავად, ნარჩენი საბურავების გადამუშავება ვერ ხერხდება, რაც, თავის მხრივ, ეკოლოგიური პრობლემის მოგვარებას აფერხებს და ქვეყნისთვის დიდი გამოწვევაა.

უცხოელი დასაქმებულების შესახებ კანონის ამოქმედებამ პირველ ეტაპზე, შესაძლოა, შრომის ბაზარზე გარკვეული დეფიციტი შექმნას. არ არის გამორიცხული, რომ არალეგალური დასაქმების რისკი გაიზარდოს, რადგან ქვეყანაში დასაქმების პრობლემა რეალურია. როგორ იმუშავებს კანონი, ამაზე სექტორი წინასწარ ვერ საუბრობს, თუმცა ადასტურებს, რომ საქართველოში ,,იაფი მუშახელის" პოვნა გაჭირდება. საბოლოოდ, დასაქმებულების შრომის ანაზღაურებაზე იმოქმედებს და მის ზრდას გამოიწვევს.

ადგილობრივ პროდუქციაზე მაღალი ფასი უმეტესწილად  ქსელური მარკეტების საფასო პოლიტიკის გამოა. ყოველ შემთხვევაში, ბიზნესი ასე ფიქრობს. მთავრობის წარმომადგენლებისა და მეწარმეების შეხვედრამ ეს პრობლემა სააშკარაოზე გამოიტანა და მწარმოებლები აალაპარაკა იმ რთულ პირობებზე, რის გამოც ისინი წარმოებული პროდუქციის სუპერმარკეტების დახლებზე განთავსებას ვერ ახერხებენ.

ქსელურ სუპერმარკეტებში სახელმწიფო უსაფრთხოების სამსახური შევიდა. ინფორმაცია რითეილ ასოციაციასა და „აგროჰაბში“ დაადასტურეს. სუს-მა სხვადასხვა სახის ფინანსური დოკუმენტაცია ამოიღო. საზოგადოება დიდი ინტერესით აკვირდება მოვლენებს, რადგან პრობლემა, რის გამოც ქვეყნის პრემიერ-მინსიტრმა საკოორდინაციო საბჭო შექმნა, პროდუქტების მაღალი ფასია და ეს თითოეული მოქალაქის ჯიბეს აცარიელებს. საბჭო გუშინ ქსელური მარკეტების წარმომადგენლებს შეხვდა, დღეს კი სუს-მა მათგან დოკუმენტაცია გამოითხოვა. 

პირველი იანვრიდან იმპორტირებულ სიგარეტზე აქციზის გადასახადი გაიზარდა, ხოლო ადგილობრივზე - შემცირდა. ლოგიკურად, ამ გადაწყვეტილებას ადგილობრივი პროდუქციის გაიაფება თუ არა, ყოველ შემთხვევაში, გაძვირება მაინც არ უნდა მოჰყოლოდა. თუმცა, რამდენიმე დღეა, სიგარეტი „პირველი“, რომელიც 2026 წლის 1-ელ იანვრამდე 5.30 ლარი ღირდა, რატომღაც 20 თეთრით გაძვირდა და ახლა 5.50 ლარი ღირს. 

ყინული დაიძრა - პრემიერის ინიციატივით შექმნილი საკოორდინაციო საბჭო ქსელური მარკეტების წარმომადგენლებს შეხვდა. საზოგადოება სულმოუთქმელად ელის შედეგს, რადგან პრობლემა, რაზეც პრემიერ-მინისტრი ირაკლი კობახიძე საუბრობს, ანუ პროდუქტების მაღალი ფასი, მოსახლეობის აბსულუტურ უმრავლესობას აწუხებს. უკვე გაირკვა და ზუსტად ვიცით, რომ სურსათის გარდა, საბჭო მედიკამენტებისა და საწვავის ფასის შემცირებაზეც იმუშავებს. ახლა საინტერესოა, რა ვადაში დაასრულებს საბჭო მუშაობას და როდის გაიაფდება პროდუქტები. ცოტა არი იყოს უცნაურია, მაგრამ აღმოჩნდა, რომ მაღალი ფასი მხოლოდ მომხმარებლების კი არა, მარკეტების მფლობელებისღვისაც პრობლემაც ყოფილა და საკითხის მოსაგვარებლად ისინი მზად არიან. 

ელექტროენერგიის მოხმარება გაცილებით დაბალი ტემპით მატულობს, ვიდრე ეკონონომიკის ზრდის მაჩვენებელი. ამის მიზეზად სექტორში წარმოების ნაკლებობას მიიჩნევენ. არ არის გამორიცხული, რა ზრდაც რეალურად ფიქსირდება (3%), მაინინგის პროცესს უკავშირდებოდეს, ვინაიდან ადგილობრივი წარმოების ყველა ძირითად დარგში სერიოზული გამოწვევაა. თუმცა, რა მდგომარეობაც ამჟამად ქვეყანაში მოხმარების კუთხით არსებობს, პრაქტიკულად ყველა პირობას ქმნის, რომ საქართველო თვითკმარი ქვეყანა გახდეს, მთავარია, ჰესების მშენებლობა დაჩქარდეს, რისი პოტენციალიც დიდია. 

აშენდება თუ არა ვაზიანის საერთაშორისო აეროპორტი? ეს კითხვა აქტუალური მას შემდეგ გახდა, რაც საქართველოს აეროპორტების ასოციაციასა და ფრანგულ "გრუპ ეიდიპის" წევრ „ტავ ჯორჯიას“ შორის გაფორმებული ხელშეკრულება 2031 წლამდე გახანგრძლივდა. ექსპერტთა ნაწილი მიიჩნევს, რომ სწორედ ეს ახალი, 150-მილიონიანი ინვესტიცია აყენებს ეჭვქვეშ ვაზიანის საერთაშორისო აეროპორტის მშენებლობას. სპეციალისტთა მეორე ნაწილი კი თვლის, რომ ვაზიანის აეროპორტი საერთოდ არ აშენდება. 

წელს პურის გაძვირების ალბათობა თითქმის არ არსებობს. ბოლოს ფასმა კორექტირება შარშან შემოდგომაზე განიცადა. გლობალური მოცემულობა და შიდა ბაზარზე არსებული ვითარება, ქმნის შესაძლებლობას, რომ პროდუქტის ფასი შენარჩუნდეს. სექტორში გაძვირების წინაპირობას ვერ ხედავენ და ადასტურებენ, რომ საკითხი დღის წესრიგში არ დადგება, თუკი რაიმე ფორსმაჟორული სიტუაცია არ შეიქმნება, თუნდაც ნედლეულის იმპორტთან დაკავშირებით. 

ქართულ თხილს მსოფლიო ბაზარზე პოზიციების გასაძლიერებლად მორიგი შესაძლებლობა ეძლევა. საქმე ისაა, რომ მეზობელ თურქეთში, რომელიც თხილის უდიდესი მწარმოებელია, ვითარება ძალიან გაუარესდა. ქვეყანაში ფაროსანა ძალიან გაძლიერდა, რაც ფერმერებისთვის დიდ პრობლემად იქცა. პრაქტიკულად თურქეთში ისეთივე მდგომარეობა, როგორიც ჩვენთან 6 წლის წინ იყო. შარშან მეზობელ ქვეყანაში მოსავლიანობაზე მკვეთრად უარყოფითი გავლენა მოახდინა უამინდობამ, ხშირი ყინვების გამო მოსავალი მკვეთრად შემცირდა, რის გამოც ქართული პროდუქტის რეალიზაცია და ფასი გაიზარდა. წელს კი საქმეში ფაროსანა ჩაერთო და ვითარება თურქეთში ვერ გაუმჯობესდება.