რუსეთიდან, ირანიდან და ინდოეთიდან ტურისტული ნაკადები ივლისში მკვეთრად შემცირდა. მიუხედავაც ამისა, ზოგადი ტენდენცია მაინც მატებისკენაა და სტუმრების მლიანი რაოდენობა 1%-ით გაიზარდა, მაგრამ ისიც უნდა ითქვას, რომ ეს მოსალოდნელზე ბევრად ნაკლებია. კერძო სექტორი და სფეროს სპეციალისტები საზღვაო კურორტებზე დამსვენებლის განსაკუთრებულ სიმცირეზე საუბრობენ, რამაც ქვეყანა და ბიზნესიც მნიშვნელოვნად აზარალა.

ლარის გამყარების მცდელობა ჯერჯერობით უშედეგოა. რა მოცემულობაც დღეს ქვეყანას ლარის კურსთან დაკავშირებით აქვს, ფაქტობრივად გაუფასურებას უდრის და ეს ყველაზე ნათლად სამომხმარებლო ბაზრებზე აისახება. რეალური სტაბილურობის მისაღწევად კურსი, მინიმუმ, 2,80-ზე უნდა ჩამოვიდეს, რის საფუძველიც ამ ეტაპზე არ არსებობს. ფასები მატულობს და სულ ახლახან დისტრიბუტორებმა პროდუქტის მორიგი გაძვირებაც დაანონსეს, ფასების ზრდაზე ალაპარაკდნენ ნავთობის იმპორტიორები და სააფთიაქო ქსელების წარმომადგენლებიც.

მარეგულირებელმა, გაზის ტარიფის გადათვლა დაიწყო. მკვეთრად გაუფასურებული კურსის გამო, ქვეყანა ბუნებრივი აირის ტარიფის მატების მოლოდინშია. თუმცა, რადგანაც 2020 სარჩევნო წელია, ხელისუფლება, სავარაუდოდ, შარშანდელ პრაქტიკას გამოიყენებს და სამომხმარებლო ტარიფს კვალვ დაასუბსიდირებს, კომერციული კი ისევ გაიზრდება.

ქვეყანა ისევ პურპროდუქტების გაძვირების მოლოდინშია. ფქვილის ფასმა კვლავ კრიტიკულ ზღვარს მიაღწია. რამდენადაც ფქვილი 2 ლარით შეიძლება გაძვირდეს, რაც ეს საფრთხე უქმნის პურს ფასს და დანამდვილებით გააძვირებს სხვა ტიპის საკონდიტრო ნაწარმს. მეწარმეები მოსალოდნელ ზარალზეც ალაპარაკდნენ.

სამ მილიონამდე გადასახადის დამალვისთვის საგამოძიებო სამსახურმა ,,ფრეგოს” ორი ხელმძღვანელი პირი ციხეში გაგზავნა. კომპანია, რომელიც ,,ქართული ოცნების” ხელისუფლების პირობებში გაიხსნა და გაძლიერდა, ბოლო ორი წლის განმავლობაში ფინანსურ პრობლემებზე საუბრობდა და ოპტიმიზაციაც განახორციელა. ანალიტიკოსების თქმით, უნცაურია რომ სახელმწიფომ ამ მასშტაბის ზარალის  მიღება დაუშვა და აქამდე არფერი მოიმოქმედა.

წინა კვირის უმნიშვნელოვანეს საინფორმაციო ამბად უნდა ჩაითვალოს ევრონიუსსა და სილქნეტს შორის გაფორმებული მემორანდუმი „ევრონიუს საქართველოს“ დაფუძნებაზე. „ევრონიუს საქართველო“ იქნება ახალი ქართულენოვანი არხი და ციფრული პლატფორმა. 

ლარის გამყარება უკვე დღეიდან დაიწყება და საშუალო ვადაში 2.80-ის ფარგლებში ნიშნულზე დასტაბილურდება. ასეთია ქვეყნის ორი უმსხვილესი ბანკის პროგნოზი. ასეთ თამამ პროგნოზს ეჭვის თვალით უყურებენ დამოუკიდებელი ექსპერტები, თუმცა ლარი რომ აუცილებლად გამყარებას დაიწყებს, ამას ცალსახად ადასტურებენ.

ადგილობრივი წარმოების პროდუქციამ გაძვირება უკვე დაიწყო. ლარის გაუფასურება სულ მალე ქათამსა და კვერცხზე აისახება და 5 თეთრით გააძვირებს პროდუქციას. სფეროს წარმომადგენლები და სპეციალისტები არ გამორიცხავენ, რომ სხვა ადგილობრივი პროდუქტებიც გაძვირდება და ფასები კიდევ უფრო მოიმატებს.

ლარის  უპრეცენდენტო გაუფასურების მიუხედავად, ეკონომიკა 5%-ით გაიზარდა. ასეთია ოფიციალური მონაცემი, რომელსაც "საქსტატი" აქვეყნებს, რამაც სპეციალისტთა ნაწილში ეჭვი გააჩინა. ხომ არ ცდილობს ვალუტის გაუფასურებით ხელისუფლება ეკონომიკის სტიმულირებას და მშპ-ს ლარში გაზრდას?

ციფრული ვალუტის საწარმოების მიერ ელექტროენერგიის მოხმარება, შარშანდელთან შედარებით გაორმაგდა. მწარმოებლების მიერ დახარჯული ელექტროენერგია სამ-ოთხჯერ აღემატება ისეთი მსხვილი კომპანიების მოხმარებას, როგორებიც ,,ჰაიდელბერგცემენტი", "ჭიათურ მანგანუმ ჯორჯია” და "რუსთავის ფოლადი" არიან. კრიპტოვალუტის "მაინინგს" ქვეყნის ენერგოსისტემა კოლაფსისკენ მიჰყავს.

ლარის გამყარების კონკრეტული სამოქმედო გეგმა რომ არ არსებობს, ეროვნული ბანკის პრეზიდენტმა უკვე დაუფარავად აღიარა. გვენეტაძის განცხადებით, ეროვნული ვალუტა უფრო მეტად არის გაუფასურებული, ვიდრე უნდა იყოს. არსებობს მექანიზმები, რომლითაც გამყარება შეიძლება, თუმცა სებ-ი ამას არ აპირებს. ბიზნესმენები ფიქრობენ, რომ გვენეტაძის განცხადება თუ ქმედება არაკომპეტენტურია და ქვეყანა დეფოლტის საფრთხის წინაშე დგას.

ტურისტების შემცირებამ არა მხოლოდ სასტუმროებს, არამედ საკურორტო ზონებში არსებულ სარესტორნო ბიზნესსაც შეუშალა ხელი. ტურისტულ ადგილებში მდებარე კაფე-ბარები თითქმის ვეღარ მუშაობენ. დაკეტილია სწრაფი კვების ობიექტებიც კი. ტურიზმის ადმინისტრაციის ხელმძღვანელობას ჯერჯერობით ზუსტი პროცენტული მაჩვენებელი არ აქვს თუ რამდენი პროცენტით იკლო ტურისტების რაოდენობამ, თუმცა სახეზეა გაკოტრების პირას მყოფი ობიექტები.