ქართულ ავიაციას ვერც  საჰაერო სივრცის გახსნამ  უშველა. პანდემიურ პერიოდში ქვეყნის საჰაერო სივრცე ისევ ნაკლებად დატვირთულია და 40%-ით ჩამორჩება იმ დონეს, რა მაჩვენებლებიც საქართველოში კორონავირუსის გამოჩენამდე ფიქსირდებოდა. მართალია, შეზღუდვები მოიხსნა, მაგრამ ამ შეღავათით ქვეყანა დიდ სარგებელს ვერ იღებს. სპეციალისტები აცხადებენ, რომ შედეგი ჯერჯერობით უმნიშვნელოა და ინდუსტრიის გამოცოცხლებას სწორ მენეჯმენტთან ერთად, დრო სჭირდება.

მერია ავარიული შენობების ჩანაცვლებას სამშენებლო კომპანიებთან თანამშრომლობით აპირებს. დეტალები ჯერჯერობით უცნობია, თუმცა მწირი ბიუჯეტიდან გამომდინარე, აქცენტი პირველ ეტაპზე მწვავედ ავარიულ საცხოვრებელ სახლებზე გაკეთდება. სპეციალისტების თქმით, მერიის პროექტი გულისხმობს ძველი საბჭოთა პერიოდის ავარიული შენობების ჩანაცვლებას, რომელთა უსაფრთხოება დიდ რისკს უკავშირდება.

კორონავირუსმა ტურიზმის სექტორს სერიოზული პრობლემები შეუქმნა. თითქოს წლევანდელი სეზონი კარგად მიმდინარეობდა, თუმცა ფაქტია, რომ ზამთრის კურორტები ისევ მძიმე მდგომარეობაში აღმოჩნდნენ. როგორც ზოგიერთი სასტუმროს წარმომადგენელი ამბობს, კურორტებზე დამსვენებლები საერთოდ არ ჩანან. „რეზონანსი“ შეეცადა გაერკვია, თუ რა მდგომარეობაა „თეთრ კურორტებზე“ და გადარჩება თუ არა წლევანდელი ტურისტული სეზონი.

ქვეყანას რეალურად გაუჩნდა შესაძლებლობა, რომ  სულ მალე იაფი მედიკამენტების შემოსვლა დაიწყოს, თუმცა ეს იმას არ ნიშნავს, რომ წამლების ხარისხი დაეცემა. ახლა საინტერესოა, როდიდან აისახება მოსახლეობის ოჯახების ბიუჯეტზე თურქეთის ბაზრის გახსნა და ეს შეამცირებს თუ არა ინფლაციის მაჩვენებელს ქვეყანაში?

საქართველოში ერთ-ერთი ყველაზე "ძვირი პერიოდი" დადგა. სპეციალისტები ვარაუდობენ, რომ დაახლოებით 1 თვეში დახლებზე ქართული პროდუქტი უკვე შეიძლება აღარც იყოს და ქვეყანა ხანგძლივი დროით ისევ იმპორტულ სურსათზე გახდება დამოკიდებული. ამ მხრივ პრობლემაა ისიც, რომ ძვირდება შემოტანილი საქონელიც, რაც დიდწილად ტრანსპორტირების გაზრდილ ხარჯს უკავშირდება. გარდა იმისა, რომ ლოგისტიკის ტარიფები ისედაც პიკზეა, ბოლო პერიოდში მუდმივად მატულობს საწვავის ფასი და უკვე 88 დოლარის ნიშნულზეა. ასეთ ფონზე ფასების შენარჩუნების შანსი თითქმის არ არსებობს.

პრემიერის დაპირებისამებრ თურქეთის ბაზარი გაიხსნა. ეს კი იმას ნიშნავს, რომ საქართველოში იაფი მედიკამენტები შემოვა, თანაც ისე, რომ არ დაეცეს ხარისხი და ქვეყანაში შეიქმნას კონკურენტული გარემო. სპეციალისტები იმედოვნებენ, რომ აღნიშნული ნაბიჯი სწორედ ამ პრინციპებს მოერგება.

17 იანვრიდან საქართველოში თურქეთის ფარმაცევტული მარეგულირებლის მიერ აღიარებული ფარმაცევტული პროდუქციის ავტომატური აღიარება მოხდება. ინიციატივა პრემიერ-მინისტრს ეკუთვნის და მიზნად ქართულ ბაზარზე მედიკამენტების გაიაფებას ისახავს, თანაც ისე, რომ არ დაეცეს წამლის ხარისხი და ფარმაცევტულ ბაზარზე შეიქმნას კონკურენტული გარემო. უპრეცედენტო გადაწყვეტილების შედეგს საქართველოს მოსახლეობა მალე იხილავს.

წისქვილკომბინატები მოსახლეობის ინტერესების საზიანოდ მოქმედებენ და ფქვილის იმპორტზე „სარკისებური“ საბაჟო გადასახადის დაწესებას ითხოვენ, რაც პურს ხელოვნურად გააძვირებს. მათი პოზიცია მიუღებელია როგორც ფქვილის იმპორტიორებისთვის, ასევე მთავრობისთვის, რადგან მიაჩნიათ, რომ წისქვილკომბინატების წარმომადგენელთა მოთხოვნა უპასუხისმგებლოა. ასეთი ნაბიჯი პურის გაძვირებას გამოიწვევს და კონკურენციაზე მკვეთრად უარყოფით გავლენას მოახდენს.

პანდემიამ სოციალური უთანასწორობა, დაახლოებით, 13-15%-ით გააღრმავა. როგორც სპეციალისტები აღნიშნავენ, კორონავირუსის გავლენა მოსახლეობის თითქმის ყველა ფენაზე ნეგატიურად აისახა და განსაკუთრებით ღარიბებს შეეხოთ, ვინაიდან მათი მწირი შემოსავალი ისედაც შემცირდა, ხოლო საშუალო ფენა თითქმის აღარ დარჩა ქვეყანაში, მათი ნაწილი გაღარიბდა. ყოველი 4 ოჯახიდან 3 ღარიბ-ღატაკია და ამ მხრივ ეკონომიკურმა ზრდამ მინიმალურ დონეზეც ვერ გააუმჯობესა სიტუაცია, პირიქით, სოციალური უფსკრული კატასტროფულად გაღრმავდა.

2021 წელს საქართველოში საცხებ-საპოხი მასალებისა და საგზაო ბიტუმის იმპორტი შემცირდა, თუმცა საავიაციო ნავთის შემთხვევაში იმპორტი და მოხმარება გაზრდილია, რაც ტურიზმის აღდგენას უკავშირდება. საერთო ჯამში, მიუხედავად იმისა, რომ სეგმენტურად გარკვეული კლება შეიმჩნევა, ნავთობპროდუქტების ბაზარზე მდგომარეობა მეტ-ნაკლებად  სტაბილურია და რადიკალურად განსხვავდება იმ მოცემულობისგან, რაც პანდემიურ 2020 წელს იყო.

საქართველოს მაღალი ეკონომიკური ზრდის ტემპი დიდი ალბათობით, 2022 წელსაც შენარჩუნდება. მთავრობის პათოსს ქვეყნის ეკონომიკურ მიღწევებთან დაკავშირებით სპეციალისტებიც იზიარებენ. ტრენდი შენარჩუნდება და სწრაფი აღდგენის ტემპი იქნება შეუქცევადი, საქართველოს ექნება როგორც რეგიონში, ასევე ევროპაში ერთ-ერთი ყველაზე დიდი შედეგი.

მართვის მოწმობის გაცემისა და გამოცდების ჩაბარების კუთხით სულ მალე ცვლილებები ამოქმედდება. კანონი, რომელიც პარლამენტმა, 2021 წელს დაამტკიცა, მართვის მოწმობის მიღების გართულებას და თანაც გაძვირებას გულისხმობს. მიუხედავად იმისა, რომ ახალი კანონის ძალაში შესვლამდე 3 თვე რჩება, ოფიციალურად თითქმის არაფერია ცნობილი, თუმცა „რეზონანსმა“ რამდენიმე დეტალი გაარკვია.