საწვავის კრიზისმა რუსეთში წარმოებასა და ტრანსპორტირების კუთხით საკმაოდ მძიმე ვითარება შექმნა. უკრაინული დარტყმებით დაზიანებული ნავთობგადამამუშავებელი ქარხნების დაზიანებამ ბენზინის დეფიციტი გამოიწვია და  უკვე სოფლის მეურნეობასა და სურსათის წარმოებას უქმნის საფრთხეს. ამ ყველაფერს ადგილზე პროდუქციის გაძვირება მოჰყვა. ამ დროს საქართველო დიდწილად სწორედ რუსეთიდან მარაგდება, განსაკუთრებით ეს მარცვლეულისა და ზეთის სეგმენტია, რომლიც იმპორტიც შეიძლება შეიზღუდოს და ალტერნატიული ბაზრების მოძიება გახდეს საჭირო.  როგორც ქართველი იმპორტიორები აცხადებენ,  დეფიციტი არ გვექნება, მაგრამ პროდუქტი გაგვიძვირდება. განსაკუთრებით ეს ეხება ისეთ პროდუქტებს, როგორიცაა ხორბალი, მზესუმზირის ზეთი, შაქარი და სხვა.

უკვე გადაწყვეტილია, რომ დიდი დიღმის მე-3 და მე-4 მიკრორაიონებს მეტროსადგურ „დიდუბესთან“ ტრამვაი დააკავშირებს. ტენდერში, რომელიც თბილისის მერიამ გამოაცხადა დაპროექტება-მშენებლობაზე, თურქულმა კომპანია „ემრე რეიმ“ გაიმარჯვა. ახლა საინტერესოა, ტრამვაის 7.5-კილომეტრიანი ხაზი რეალურად განტვირთავს მოძრაობას, თუ პირიქით, საცობს შექმნის? სპეციალისტები ერთხმად აცხადებენ, რომ თუ ტრამვაი ავტობუსთან ერთად იმოძრავებს ერთ ზოლში (ბასლაინში), არავითარი საცობი არ შეიქმნება. გარდა ამისა, ნებისმიერ ქვეყანაში ითვლება, რომ ტრამვაი ეკოლოგიურად სუფთა ტრანსპორტია. 

ბოლო პერიოდში, საქართველოს ეკონომიკის განვითარების მთავარი მახასიათებელია ძლიერი სავალუტო შემოდინებები, რომლის ძირითადი წყაროა ექსპორტი, ტურიზმი და სავალუტო გზავნილები. სპეციალისტების შეფასებით, ქვეყნის მაკროეკონომიკური განვითარების ეს მაჩვენებლები, რაც საბოლოოდ, ლარის გამყარებას უწყობს ხელს, მოსალოდნელიც კი იყო, რადგან ერთი მხრივ, აშშ-ირანის, ხოლო მეორე მხრივ, უკრაინა-რუსეთის კონფლიქტმა საქართველოს, როგორც მშვიდობიანი და სტაბილური ქვეყნის ფუნქცია გაზარდა, რომელიც აზიისა და სხვა დანარჩენი ქვეყნების დამაკავშირებელ რგოლად იქცა. 

საქართველოში ხორბლის ფასი, სავარაუდოდ, შენარჩუნდება. მიუხედავად რუსეთში არსებული გაურკვეველი მდგომარეობისა, სპეციალისტები ვარაუდობენ, რომ ქვეყანას საჭიროების შემთხვევაში ალტერნატიული გზებითაც შეუძლია დანაკლისი შეავსოს ისე, რომ ამან ფასზე გავლენა არ მოახდინოს. მართალია, იმპორტდამოკიდებული ქვეყანა ვათ და პეროდუქციის უდიდესი რუსეთიდან მარაგდება, მაგრამ შეიძლება ითქვას, რომ რეგიონში არსებულ გაურკვეველ ვითარებას ქართულ ბაზარზე არსებითი გავლენის მოხდენა არ შეუძლია.

2025 წლის ბოლოს, სახელმწიფო უწყებების დაქვემდებარებაში მყოფ სსიპ-ებსა და ა(ა)იპ-ებს კომერციულ ბანკებში 1.1 მილიარდი ლარი ჰქონდათ განთავსებული. აქედან, 833 მილიონი ლარი (76%) - მოთხოვნამდე ანაბრებსა და საბარათე ანგარიშებზე;  264 მილიონი ლარი (24%) - ვადიან დეპოზიტებზე. ფაქტია, რომ სახელმწიფო ორგანიზაციებს წლის ბოლოს მნიშვნელოვანი ოდენობის თავისუფალი სახსრები ჰქონდათ ბანკებში. ეს ნიშნავს, რომ რომ სახელმწიფო სსიპ-ები და ა(ა)იპ-ები თანხებს ვერ ითვისებენ, სახელმწიფო სახსრებს არაეფექტურად განკარგავენ და არ იციან შემოსავლები როგორ გამოიყენონ.

ჰორმუზის სრუტესთან დაკავშირებით ისევ დაძაბულობაა. გლობალური პროცესები ჩიხში შედის და ამან შეიძლება სერიოზული პრობლემა ყველა მიმართულებით გამოიწვიოს, პირველ რიგში, ნავთობპროდუქტების მარაგთან დაკავშირებით. ერთ-ერთი გამოსავალია, ქვეყნებმა და მათ შორის საქართველომ, საკუთარი ეკონომიკის უსაფრთხოებაზე მეტი აქცენტი გააკეთონ. როგორც სპეციალისტები ირწმუნებიან, ამ კონფლიქტის მოგვარება ახლო მომავალში წარმოუდგენელია და ვითარება შეიძლება  კიდევ უფრო გამწვავდეს, რაც დიდ მასშტაბურ ცვლილებას გამოიწვევს. 

დღიური მუშახელი რეგიონებში ისევ პრობლემაა. სეზონური სამუშაოები დიდწილად სწორედ ამის გამო ჭიანურდება. მიუხედავად იმისა, რომ დღიური შრომის საფასური წლიდან წლამდე იზრდება და ახლა 70  ლარზე ნაკლები აღარ არის, მუშების დაქირავება მეწარმე ფერმერებისთვის დიდი დაბრკოლებაა.

საარსებო შემწეობის მიმღებთა რაოდენობა ერთბაშად შემცირდა. სოციალური მომსახურების სააგენტოს ბოლო მონაცემებით, სულ რაღაც ექვს თვეში სახელმწიფო დახმარება 126 ათასზე მეტ მოქალაქეს შეუწყდა. მსგავსი მასშტაბის ადმინისტრაციულ თუ ეკონომიკურ ცვლილებებს, როგორც წესი, საზოგადოებრივი მღელვარება და პროტესტი ახლავს ხოლმე, თუმცა ამ შემთხვევაში პროცესი სრული სიმშვიდით მიმდინარეობს. ეს ფაქტი ბუნებრივად აჩენს კითხვას, სისტემამ მხოლოდ ის ადამიანები ჩამოაშორა, რომლებიც დახმარებას რეალურად არ საჭიროებდნენ, თუ საქმე გვაქვს სახელმწიფოს მიერ შეთავაზებულ ალტერნატიულ, უფრო ეფექტურ მეთოდთან.

სამწუხაროდ, არაკეთილსინდისიერი მოიჯარეების მიერ დაქირავებული ფართის გათავისუფლება წლობით ჭიანურდება. შედეგად, უძრავი ქონების მფლობელები სერიოზულ პრობლემებს აწყდებიან, რის გამოც იურისტების ნაწილი საპოლიციო გამოსახლების აღდგენას ითხოვს. თუმცა, ამ შემთხვევაში, სპეციალისტების აზრი ორად იყოფა: ერთი ნაწილი ეთანხმება მოთხოვნას, აღდგეს საპოლიციო გამოსახლება, ხოლო მეორე ნაწილი ამის კატეგორიული წინააღმდეგია, რადგან მიაჩნიათ, რომ ეს არის მანკიერი პრაქტიკა, რაზეც სახელმწიფომ წლების წინ უარი თქვა. 

მსოფლიო ბირჟებზე ოქროს ფასი ისევ მცირდება. შესაბამისად, ძვირფასი ლითონი გაიაფდა საქართველოშიც. უცხოელი თუ ადგილობრივი სპეციალისტების შეფასებით, ეს უფრო ფასის კორექციაა, ვიდრე კლების ტენდენცია გრძელვადიან პერსპექტივაში. ყველაფერი მაინც გეოპოლიტიკურ მდგომარეობასა და ახლო აღმოსავლეთში განვითარებულ მოვლენებზეა დამოკიდებული. 

მიტოვებული სამშენებლო არეალების გამო დედაქალაქში უსაფრთხოების სერიოზული რისკია. მართალია პრობლემა მასშტაბური არ არის, მაგრამ რამდენიმე ისეთი ტერიტორიაა დედაქალაქში, სადაც მიტოვებული  მშენებლობები დაკონსერვებული არ არის. ამ კუთხით კანონმდებლობა ბოლო დროს გამკაცრდა, მაგრამ როგორც ჩანს კონტროლი შესუსტებულია. საფრთხე შესაძლოა, ნებისმიერ მომენტში გაჩნდეს, როგორც ეს  ვაჟა-ფშაველას მეტროს მიმდებრე ტერიტორიაზე მოხდა.

უკვე 1 თვეზე მეტია საერთაშორისო ბირჟებზე ნავთობი იაფდება, მაგრამ სამწუხაროდ, ეს ტენდენცია საქართველოს ბაზარზე არ ასახულა. არადა, ბენზინისა და დიზელის საწვავის ფასი, უფრო ზუსტად, ტრანსპორტირების ხარჯი ნებისმიერი პროდუქტის ფასწარმოქმნის სისტემაში უმნიშვნელოვანესი კომპონენტია. აქედან გამომდინარე, თუ გვინდა, რომ პროდუქტები რეალურად გაიაფდეს და ხალხმა შვებით ამოისუნთქოს, სასიცოცხლოდ აუცილებელია საწვავის გაიაფება. „რეზონანსი“ დაინტერესდა, რა ხდება ადგილობრივ ბაზარზე და გაარკვია, რომ ნავთობკომპანიებმა საწვავი თურმე გააიაფეს, ოღონდ ისე, რომ მომხმარებელი, სამწუხაროდ, ამას ვერ გრძნობს!