ევროპის რეკონსტრუქციისა და განვითარების ბანკმა საქართველოს ეკონომიკური ზრდის პროგნოზი 0.5%-ით, 6%-მდე გააუმჯობესა. ყველაზე მნიშნელოვანი ის არის, რომ „იბიარდმა“ საქართველო რეგიონის ქვეყნებს შორის გამოარჩია და მხოლოდ ჩვენს ქვეყანაზე გასცა დადებითი რეკომენდაცია. ეკონომისტების ერთი ევროპის ცენტრალური ბანკის ამ პროგნოზს სკეპტიკურად უყურებს და დიდად არც ენდობა, ხოლო მეორე ნაწილს ევრობანკის პროგნოზი არ გაჰკვირვებია, რადგან სწორედ ამ გადაწყვეტილებას ელოდნენ. 

ინფლაციის შემცირების ტენდენცია დაწყებულია. მაისში  წლიურმა მაჩვენებელმა 5.7%-მდე დაიკლო, რაც იძლევა იმედს, რომ სამომავლოდ კიდევ შემცირდება. ამ მხრივ გარკვეულ გავლენას სეზონური ფაქტორიც მოახდენს. როგორც კი ქართული პროდუქტით გაჯერდება ბაზარი, ცვლილება უფრო შესამჩნევი გახდება. მიხედავად ამისა, ინფლაციის მიზნობრივ მაჩვენებელთან დაახლოება წარმოუდგენელია და ამ ამოცანის გადაჭრას ეროვნული ბანკი ვერ შეძლებს. 

ბაქო-თბილისი-ყარსის სარკინიგზო მაგისტრალი სრულ ექსპლუატაციაში შევიდა, რაც რეგიონში საქართველოს როლს მნიშვნელოვნად გააძლიერებს. მთავრობის წევრები ცალსახად აღნიშნავენ, რომ და ქვეყნის სატრანზიტო პოტენციალი ერთიორად გაიზრდება. დარგის სპეციალისტები კი საკითხს სკეპტიკურად უყურებენ. ისინი მიიჩნევენ, რომ მოლოდინი გადაჭარბებულია და კარგი იქნება თუ მომდევნო 2-3 წლის განმავლობაში რკინიგზა წონასწორობის ზღვარზე მაინც შეძლებს მუშაობას. 

ევროკავშირში მიგრანტების დეპორტაციის ახალი წესები დამტკიცდა. 12 ივნისიდან, ძალაში შევა შეთანხება, რომლის მიხედვით, ორწლიანი დაკავება მუდმივი აკრძალვა ელის პირს, რომელიც მიგრაციის შესახებ კანონს დაარღვევს. ეს გადაწყვეტილება ააჩქარებს ევროკავშირიდან დეპორტაცვიის პროცესს და დეპორტირებულთა რაოდენობასაც გაზრდის. საინტერესოა, რა მოჰყვება ახალ რეგულაციას და როგორ აისახება ეს პროცესი საქართველოზე. აქ ქართველი სპეციალისტების აზრი ორად გაიყო. ერთი ნაწილი მიიჩნევს, რომ ახალი რეგულაცია უმუშევრობას გაზრდის, ხოლო მეორე ნაწილის მოსაზრებით, ეს აუცილებელი და საჭირო ნაბიჯია. 

შრომის უსაფრთხოებასთან დაკავშირებული პრობლემა, საქართველოში მეტ-ნაკლებად მოგვარდა, თუმცა, გამოწვევები მაინც რჩება. მიუხედავად იმისა, რომ სამუშაო ადგილებზე სიკვდიალიანობის მაჩვენებელი არ გაზრდილა, უბედური შემხვევების სტატისტიკა დიდიად არ გაუმჯობესებულა.  სპეციალისტები ითხოვენ ისეთი მექანიზმის შემუშავებას, რომელიც დასაქმებულებს მოსალოდნელი რისკებისგან დაიცავს. საქმე არ ეხება, მხოლოდ გარდაცვალების ფაქტებს. შრომით ბაზარზე არსებული ვითარება ადამიანების ჯანმრთელობისა და სიცოცხლისთვის ხშირად საზიანოა, რაც დარგში არსებულ პრობლემებზე მეტყველებს.

კრიპტომაინინგის პროცესი სვანეთში მკაცრად გაკონტროლდება. სპეციალურად ამ მიზნით მთავრობა გამრიცხველიანებას იწყებს. ბოლო წლების განმავლობაში პრობლემებზე სექტორში მუდმივად საუბრობდნენ, თუმცა ქმედითი ნაბიჯის გადადგმა მხოლოდ ახლა იწყება. სპეციალისტების შეფასებით, ახლო მომავალში გამოჩნდება, როგორ დარეგულირდება ელექტროენერგიის გამანაწილებელი კომპანიის შემოსავალი და რა დონეზე შემცირდება მოხმარება.

ნავთობის საგრძნობი გაიაფება უკვე 10 დღეა გრძელდება. გლობალურ ბაზრებზე ამის მიზეზი მიმდინარე პოლიტიკური პროცესებია, განსაკუთრებით ჰორმუზის სრუტის ნაწილობრივი გახსნა, რამაც ფასებზე მნიშვნელოვნად იმოქმედა. საერთაშორისო ტენდენცია ქართულ ბაზარზე დაახლოებით ივნისის ბოლომდე აისახება, როგორც კი ახალი შესყიდვა განხორციელდება. სექტორში აცხადებენ, რომ მომავალი კვირიდან შეკვეთები დაიწყება და ნაბიჯ-ნაბიჯ გაგრძელდება ფასების კლების დინამიკა.

“ნათია ჯანაშია, ამ ეტაპზე მასთან აფილირებული გამოცემების მეშვეობით და გასული 2 წლის განმავლობაში მედიაგამოცემებში, „ბრიტანულ-ქართული აკადემიის“ წინააღმდეგ მიზანმიმართულ რეიდერულ შეტევას და კამპანიას აწარმოებს, რაც დაფუძნებულია მხოლოდ ცილისწამებაზე და ყოველგვარ არგუმენტაციასაა მოკლებული“, - ნათქვამია "ახალგაზრდა ფინანსისტთა და ბიზნესმენთა ასოციაციის" - აფბას მონიტორინგის სამსახურის მიერ გავრცელებულ განცხადებაში. შეგახსენებთ აფბა მიმდინარე წლის დასაწყისიდან "ბრიტანულ-ქართული აკადემიის" ირგვლივ არსებული დავის საზოგადოებრივ მონიტორინგს ახორციელებს, რომელიც აკადემიის ყოფილმა დირექტორმა, ნათია ჯანაშიამ 70%-იანი წილის მქონე აქციონერის, „საქართველოს განათლების ჯგუფის“ წინააღმდეგ წამოიწყო.

საქართველოში წელსმიმდინარე სესხებზე მაღალი საპროცენტო განაკვეთი შენარჩუნდება. ასეთია საბანკო ასოციაციის პროგნოზი, რასაც ეკონომისტებიც ეთანხმებიან. მიზეზი საქართველოს ეროვნული ბანკის მონეტარული პოლიტიკის  კომიტეტის ბოლო გადაწყვეტილებაა, რომლითაც ქვეყნის მთავარმა ბანკმა რეფინანსირების განაკვეთი 0.25%-ით გაზარდა. სპეციალისტების განცხადებით, ინფლაციური რისკებისგან დაცვის მიზნით, სებ-მა რეფინანსირების განაკვეთი გაზარდა და მინიმუმ ექვს თვეში აისახება ეკონომიკაზე. 

ოქროს ფასმა გეზი გაიაფებისკენ აიღო. ბოლო პერიოდში მკვეთრად გაძვირებული ძვირფასი ლითონის ღირებულება მოულოდნელად შემცირდა, რასაც ანალიტიკოსები გლობალურ ბაზრებზე მიმდინარე ვითარებას უკავშირებენ და ფიქრობენ, რომ ტენდენცია, სავარაუდოდ, ხანმოკლეა. მიუხედავად იმისა, რომ ფასი შემცირდა, საერთაშორისო ბირჟებზე სტაბილურობაა. ამ დროისთვისაც ოქრო  ერთ-ერთი ყველაზე სტაბილური აქტივია.

თუ სომხეთი ევროკავშირში ინტეგრაციაზე უარს არ იტყვის, რუსეთი გაზის, ნავთობპროდუქტების და დაუმუშავებელი ალმასების შეღავათიან მიწოდებას შეუწყვეტს. მას შემდეგ, რაც რუსეთმა სომხეთიდან ყვავილების, ბოსტნეულისა და ალკოჰოლური სასმელების ექსპორტი შეზღუდა, ეს ულტიმატუმი აშკარა შანტაჟია, თანაც წინასაარჩევნო პერიოდში. ვიდრე ფაშინიანი გადაწყვეტილებას მიიღებს, პუტინის მუქარა საქართველოზეც აისახება - სპეციალისტების განცხადებით, ამ ეკონომიკურ წნეხში ჩვენც მოვყვებით, რადგან რუსეთიდან სომხეთში გაზის გატარების, ანუ ტრანზიტის გადასახადს ვეღარ მივიღებთ. 

საქართველოში უცხოური ვალუტა კვლავ ჭარბი რაოდენობით შემოედინება. ამას ადასტურებს ოფიციალურტი მონაცემები. კერძოდ, აპრილში ეროვნულმა ბანკმა 333 მილიონი აშშ დოლარი შეიძინა. სფეროს სპეციალისტები ვარაუდობენ, რომ მსგავსი შესყიდვები მომავალშიც განხორციელდება, ხოლო რაც შეეხება ეროვნული ვალუტის კურსს, ,,თიბისი კაპიტალის" პროგნოზით, ის გამყარებას გააგრძელებს და წლის ბოლოსთვის დოლართან მიმართებით  დაახლოებით 2.65 იქნება. პროგნოზს სპეციალისტების ნაწილი დადებითად უყურებს.