აშშ-სა და ირანს შორის ორკვირიანი ცეცხლის შეწყვეტის შეთანხმებამ გლობალურ ეკონომიკაზე გარკვეული გავლენა უკვე მოახდინა. პირველ რიგში, ეს დაეტყო საწვავის ფასს, რამაც კლებისკენ აიღო გეზი. სავარაუდოდ, შეჩერდება ძვირფასი ლითონის გაძვირების ტენდენციაც, თუმცა, ანალიტიკოსები ფიქრობენ, რომ  ამ მიმართულებით რაიმე მნიშვნელოვანი ცვლილება არ იქნება - ოქროს ფასი შეიძლება 5-6%-ით შემცირდეს. სასუქების და შხამქიმიკატების ბაზარზე კი, პირიქით, გაძვირების ტენდენცია გაგრძელდება.

თბილისის მერია თხევადი გაზის სარეალიზაციო ობიექტებს აჯარიმებს. ეს მაშინ, როდესაც მსოფლიო ბაზრებზე საავტომობილო საწვავი ძვირდება, ხოლო თხევადი აირი მის ერთადერთ და იაფ ალტერნატივად ითვლება. თხევადი გაზის იმპორტიორთა და რეალიზატორთა ასოციაცია წერილს ამზადებს და ჯარიმების გასაჩივრებას აპირებს. დარგის სპეციალისტები კი აცხადებენ, რომ პროდუქტების საყოველთაო გაძვირების ფონზე, მერიის სადამსჯელო ღონისძიება კარგს არაფერს მოგვიტანს. 

ახალი სესხი არ გვჭირდება, მაგრამ საერთაშორისო სავალუტო ფონდი დაჟინებით გვთავაზობს. საქართველოს ფინანსთა მინისტრი აცხადებს, რომ ამ ეტაპზე, ქვეყანას სსფ-გან დაფინანსების მოზიდვის საჭიროება არ აქვს, მაგრამ ფონდის მისიის ხელმძღვანელი მზადაა ნებისმიერ დროსა და ფორმატში თანამშრომლობისთვის. ეკონომიკისტები ფინანსთა მინისტრის გადაწყვეტილებას მხარს უჭერენ და აცხადებენ, რომ სსფ ახალ სესხს საკუთარი ინტერესებიდან გამომდინარე გვთავაზობს. შუა დერეფანზე, რომელიც საქართველოზე გადის და ერთადერთი უსაფრთხო სავაჭრო გზაა, კონტროლის დასამყარებლად საერთაშორისო საფინანსო ორგანიზაციები ირგვლივ გვიტრიალებენ.

წინასააღდგომო ვაჭრობა აქტიურობით გასული წლის მაჩვენებელს საგრძნობლად ჩამორჩება. ამის მიზეზი გაზრდილი ხარჯია, რის გამოც მომხმარებელს სადღესასწაულო პროდუქტზე არჩევანი უჭირს და შედარებით იაფი პროდუქტის შეძენას ამჯობინებს. ყველაზე მეტი მოთხოვნა, რასაკვირველია, სააღდგომო პასქაზეა. სუპერმარკეტები მომხმარებელებს პროდუქციას გარკვეული ფასდაკლებით სთავაზობენ. ადგილობრივი წარმოების პასკების ფასი, საშუალოდ, 5-6 ლარიდან იწყება 35-40 ლარის ფარგლებშია, თუმცა არის გაცილებით ძვირიანი ნაწარმიც.

უახლოეს მომავალში შესაძლებელია ბავშვთა კვებაზე ზღვრული ფასი დადგინდეს. სახელმწიფოს ინიციატივას სპეციალისტები ერთხმად მიესალმებიან. დღეს ახალგაზრდა ოჯახებისთვის ეს ერთ-ერთი მთავარი ხელისშემშლელი ფაქტორია.

ახლო აღმოსავლეთში შექმნილმა მდგომარეობამ და ნავთობპროდუქტებზე გაძვირებამ მომსახურების და წარმოების  სფეროზე უარყოფითი გავლენა უკვე მოახდინა. პირველ რიგში, ეს შეეხო სატრანსპორტო სერვისს, საქალაქთაშორისო რეისები ძვირდება, ტაქსის მომსახურების ფასიც იცვლება, ხოლო დიზელის გაძვირება საგაზაფხულო სამუშაოებზე მოახდენს გავლენას და შეიძლება შემაფერხებელ ფაქტორადაც იქცეს. სერიოზულ წნეხია ელექტროენერგიის ტარიფის მატებაც, რამაც ყველა დარგში ცუდი მოლოდინი შექმნა.

პროდუქტების მოსალოდნელი გაძვირების ფონზე, მთავრობამ წამლებთან დაკავშირებით პრევენციული ზომა უკვე მიიღო და რამდენიმე ასეული მედიკამენტის, როგორც საბითუმო, ასევე საცალო რეფერენტული ფასების ზედა ზღვარი დააწესა. თუმცა, ჩნდება ლოგიკური კითხვა - რა საჭიროა რეფერენტული მედიკამენტების ნუსხის დრო და დრო განახლება, ხომ შეიძლება, ერთხელ და სამუდამოდ დადგინდეს წამლების ფასის ზედა ზღვარი. აი, სწორედ აქ გაიყო სპეციალისტების აზრი - ერთი ნაწილი თვლის, რომ რამდენიმე ასეული მედიკამენტის დამატება საერთო სურათს ვერ შეცვლის, ხოლო მეორე ნაწილის აზრით, რეფერენტული ფასები მეზობელი და შესადარი ქვეყნების ბაზრებზე არსებული მდგომარეობის მიხედვით დგინდება, რისთვისაც ამ ნუსხის პერიოდულად განახლება აუცილებელია. 

,,მეწარმეთა შესახებ"  კანონის მოთხოვნების შესაბამისობაში მოყვანა კომპანიების უმეტესობამ ვერ მოახერხა ან ბოლო დღეების ფაქტორის გამო, დააგვიანა. ეს ნიშნავს, რომ ისინი ბიზნესსაქმიანობაში სრულად პარალიზებულები არიან. შეზღუდვები შეეხო მათაც, რომლებმაც ვადის მიწურულს შეავსეს დეკლარაციები, თუმცა მათი საბუთების დამუშავება ვერ მოესწრო, რის გამოც მოცემულ მომენტში  საქმიანობას ვერ ახერხებენ. კომპანიებს შეეზღუდათ წვდომა rs.ge-ზე და საბანკო მომსახურებაზეც. იურისტების ინფორმაციით, შეზღუდვა კომპანიების ამ ნაწილს უახლოეს დღეებშივე მოეხსნება, როგორც კი მათი მონაცემები დამუშავდება. თუკი ხარვეზი აღმოჩნდება, მათ გამოსასწორებლად გონივრული ვადა მიეცემათ. 

1-ლი აპრილიდან ელექტროენერგიის ტარიფი მოსახლეობისთვის - 5 თეთრით, ხოლო კომერციული ობიექტებისთვის 4-6 თეთრით გაიზარდა. ამიტომ ლოგიკურია და არავისთვის უსიამოვნო სიურპრიზი არ უნდა იყოს, რომ ბიზნესი მოსალოდნელ და გარდაუვალ გაძვირებაზე ალაპარაკდა. მწარმოებლები ერთ-ორ თვეს დაიცდიან, ნახავენ, როგორ აისახება გაზრდილი საფასური მათ წარმოებაზე და ადეკვატურ გადაწყვეტილებას მხოლოდ ამის შემდეგ მიიღებენ. 

"ახალგაზრდა ფინანსისტთა და ბიზნესმენთა ასოციაცია" - აფბას მიერ „ბრიტანულ ქართული აკადემიის“ დავასთან დაკავშირებით გავრცელებულ განცხადებას, ანალიტიკოსი გიორგი ცუცქირიძე გამოეხმაურა. 

ინფლაციასთან დაკავშირებული პროგნოზი უარესობისკენ იცვლება.  ამ მხრივ გარკვეული გავლენა გეოპოლიტიოკურმა ვითარებამ მოახდინა. სულ ახლახან დენის ტარიფის ზრდასთან მიღებულმა გადაწყვეტილებამ კი რისკები კიდევ უფრო გაზარდა. ეკონომისტები ვარაუდობენ, რომ ინფლაცია მიზნობრივ მაჩვენებელს მნიშვნელოვნად გადააჭარბებს და შესაძლოა, საგანგაშო ნიშნულამდე ავიდეს.

სტატისტიკის ეროვნული სამსახურის ინფორმაციით, იანვარში რეალური მთლიანი შიდა პროდუქტის ზრდამ 8.8% შეადგინა. იანვარ-თებერვლის საშუალო მაჩვენებელი კი - 8.4%-ია. სპეციალისტების ვარაუდით ეკონომიკურ ზრდას მომდევნო თვეებშიც უნდა ველოდოთ, განსაკუთრებით ირანსა და ახლო აღმოსავლეთში შექმნილი საომარი მოქმედებების ფონზე. ანალიტიკოსები ამას იმით ხსნიან, რომ საქართველო ერთადერთი ქვეყანაა რეგიონში, რომელიც სტაბილურად ვითარდება და რაც მთავარია, მშვიდობას ინარჩუნებს. შესაბამისად, ინვესტორები შეეცდებიან, საკუთარი კაპიტალი უსაფრთხო ადგილზე გადამოიტანონ.