14 აგვისტოს სტიქიის ზონაში, კიდევ ერთი გარდაცვლილი იპოვეს. ჯამში, დაღუპულთა რაოდენობა 25-მდე გაიზარდა. შოვის ტრაგედიიდან 12 დღის შემდეგ სამძებრო სამუშაოები კვლავ გრძელდება. შესამოწმებელი ტერტორიის 26%-ია დარჩენილი. ხელისუფლება ძიებას ახანგრძლივებს, ვიდრე არის თეორიული შანსი ვინმე დაკარგული იპოვონ, ოპოზიციის მხრიდან კი კვლავ კრიტიკა ისმის.

ფრონტზე შესაძლოა მალე დიდი ცვლილებები ვიხილოთ. უკრაინელი მებრძოლები დნეპრის ფორსირებისთვის ემზადებიან, ხერსონთან მდინარის მარცხენა სანაპიროზე პოზიციები დაიკავეს და პლაცდარმის შესაქმნელად მოქმედებებს აგრძელებენ. ამის პარალელურად რუსები ხარკოვის ოლქის ქალაქ კუპიანსკის მიმართულებით ძალების თავმოყრას ცდილობენ და აანონსებენ, რომ ამ ქალაქისათვის ბრძოლა იქნება ამ ომის ისეთივე მასშტაბური და მნიშვნელოვანი ეპიზოდი, როგორიც იყო ბრძოლა მარიუპოლისა და ბახმუტისათვის.

ერთ კვირაზე მეტი გავიდა, რაც შოვში უმძიმესი ტრაგედია მოხდა და კვლავ ისმება კითხვები - შესაძლებელი იყო თუ არა ამ სტიქიის თავიდან აცილება. ადგილზე დაახლოებით, 2 მილიონ კუბამეტრზე მეტი მიწის მასაა ჩამოშლილი. ამ ეტაპზე 24 ადამინის ცხედარია ნაპოვნი, ხოლო 9 დაკარგულს კვლავ ეძებენ. 

ოპოზიციამ ხალხს უნდა აუხსნას, თუ თავად რითია მოქმედ ხელისუფლებაზე უკეთესი, თორემ მხოლოდ „ქართული ოცნების" კრიტიკით მომავალი წლის საპარლამენტო არჩევნებზე წარმატებას ვერ მიაღწევს. ამის შესახებ „რეზონანსთან" ყოფილმა სახელწიფო მინისტრმა და კონფლიქტოლოგმა პაატა ზაქარეიშვილმა განაცხადა იმაზე საუბრისას, თუ რა პოლიტიკურ პროცესებს უნდა ველოდოთ შემოდგომაზე, „პოლიტიკური არდადეგების" დასრულების შემდეგ.

სომხეთისა და ყარაბაღის დამაკავშირებელ ლაჩინის კორიდორში შექმნილი კრიზისული სიტუაცია სულ უფრო მძიმდება და ანალიტიკოსები არ გამორიცხავენ, რომ ამ ყველაფერს ახალი შეიარაღებული დაპირისპირება მოჰყვეს. შაბათს სომხეთმა ოფიციალურად მოითხოვა გაეროს უშიშროების საბჭოს საგანგებო სხდომის მოწვევა. როგორც სომხეთს, ასევე აზერბაიჯანს ამ საკითხზე პრინციპული პოზიცია აქვს და დათმობას არ აპირებს.

ერთ დღეში საქართველოს ორ ქალაქში - ქუთაისსა და რუსთავში ფემიციდის უმძიმესი ფაქტები მოხდა. ქალებს სასიკვდილო ჭრილობები ცივი იარაღით ქმარმა და ყოფილმა ქმარმა მიაყენა. ერთ შემთხვევაში კონფლიქტის მიზეზი ეჭვიანობა, მეორეში კი - სავარაუდოდ, ნარკოტიკები.

ოპოზიცია შოვის ტრაგედიასთან დაკავშირებით პარლამენტში საგამოძიებო კომისიის შექმნას ითხოვს. ხელისუფლება ამ ინიციატივას ეწინააღმდეგება და მასში მხოლოდ ოპონენტების პოლიტიკურ მიზნებს ხედავს. ამ თემაზე ანალიტიკოსთა შეფასებებიც არაერთგვაროვანია. ნაწილი მიიჩნევს, რომ მმართველი პარტიის კატეგორიული უარი კომისიის შექმნაზე გარკვეულ ეჭვებს აჩენს და თავად „ოცნებას" აზარალებს. ნაწილის აზრით კი, მომხდართან დაკავშირებით ოფიციალური დასკვნების გამოქვეყნებამდე კომისიის შექმნის მოთხოვნა მხოლოდ პოლიტიკური სპეკულაციაა.

„ლელო“ რიკოთის სარეაბილიტაციო პროექტის საერთაშორისო აუდიტს ითხოვს. პარტიაში ამბობენ, რომ სამუშაოები რამდენიმე მიმართულების დარღვევებით მიმდინარეობს.„ქართულ ოცნებაში“ კი „ლელოს“ და სხვა ოპოზიციურ პარტიებს, რომლებიც ამ მოთხოვნას იზიარებენ ქვეყნისთვის მნიშვნელოვანი პროექტების მიზანმიმართულ დაზიანებაში და საზოგადოების შეცდომაში შეყვანაში ადანაშაულებენ.

ხუთშაბათს კულტურის მინისტრმა თეა წულუკიანმა მწერალთა სახლის დირექტორად „ოცნების" დეპუტატი ქეთევან დუმბაძე დანიშნა, რასაც ხოლო მწერალების ნაწილი პროტესტი მოჰყვა. ასამმდე მწერალმა, პოეტმა და ლიტერატორმა განცხადებას მოაწერა ხელი, სადაც წერია, რომ „არ ვიღებთ ახალ დირექტორს, რომელმაც ქართული საზოგადოების წინააღმდეგ ხმა მისცა „რუსულ კანონს". ქეთევან დუმბაძე ჯერ კიდევ არის პარლამენტის მოქმედი დეპუტატი და ამავდროულად, კულტურის კომიტეტის თავმჯდომარის მოადგილე. ის ახალ თანამდებობაზე მუშაობას 4 სექტემბრიდან შეუდგება.

ამერიკის პრეზიდენტი ჯო ბაიდენი ჩინეთს „შენელებული მოქმედების ბომბს" უწოდებს და ბრძანებაც გამოსცა, რომელიც ჩინეთში, ტექნოლოგიების სფეროში ინვესტირებას ზღუდავს. აშშ-ის ხელისუფლებაში გადაწყვეტილების მიზეზად უსაფრთხოების საკითხი დაასახელეს. ამაზე ანალიტიკოსები „რეზონანსთან" ამბობენ, რომ ბაიდენის გადაწყვეტილების მიზეზია ჩინეთის, როგორც სტრატეგიული ზე-სახელმწიფოს დაუოკებელი სურვილების შემცირება. პეკინში ამ გადაწყვეტილებამ დიდი აღშფოთება გამოიწვია.

მორიგი აფეთქება მოსკოვში - რუსულ მედიასა და სოციალურ ქსელებში გავრცელდა კადრები, სადაც ჩანს, რომ კრამიშევსკაიას სანაპიროზე საცხოვრებელი კორპუსებს ცეცხლი უკიდია და სოკოსებრი კვამლი ამოდის. კიევი ამასთან კავშირს უარყოფს, თუმცა აცხადებს, რომ რუსეთის ფედერაციის ტერიტორიაზე აფეთქებები გახშირდება და „მათი ეფექტურობა გაუმჯობესდება".

სტიქიის ზონაში დაღუპულთა რიცხვი 22-მდე გაიზარდა, ცხედარი რიონის კალაპოტშია აღმოჩენილი, სტიქიის ეპიცენტრიდან 20 კმ-ის მოშორებით. ასევე ნაპოვნია ადამიანის სხეულის ქვედა კიდური და დარჩენილ 11 დაკარგულზე საძიებო სამუშაოები მიდის. ადგილობრივ მუნიციპალიტეტთან ერთად, აქტიური სამუშაოების დროს აღმოჩენილია შინაური ცხოველების ლეშებიც.