„ნაციონალურ მოძრაობაში" შიდა დაპირისპირებების ფონზე სააკაშვილი კვლავ ერთიანობის იდეით გამოდის და მხარეებს შერიგებისკენ მოუწოდებს, მათ შორის მელიასა და ხაბეიშვილს. საქალაქო სასამართლოში საქართველოს მესამე პრეზიდენტმა „ნაციონალურ მოძრაობას" მიმართა და თქვა, რომ წყენები უნდა დასრულდეს, ყველამ თავის გზა იპოვოს.

5 დღე ევროკომისიის შუალედური ანგარიშის გამოქვეყნებამდე - საკითხი კვლავ პოლიტიკური ბრალდებების თემაა. უმრავლესობა აცხადებს, რომ მაშინ, როცა ყველას პოზიტიური მოლოდინი აქვს, პარტია „ლელო“ სტატუსის საბოტაჟირებას განაგრძობს, ამის არგუმენტად „ქართულ ოცნებას“ მოჰყავს დავით უსუფაშვილის ბრიუსელში ვიზიტის შემდეგ გაკეთებული განცხადება, სადაც ის ამბობს, რომ ევროკავშირში ჯერ გადაწყვეტილი არაფერია. 

პარლამენტის წევრი, პარტიის „ლელო საქართველოსთვის“ პოლიტიკური მდივანი, სალომე სამადაშვილი აცხადებს, რომ ქართველი ხალხი არ უნდა დაისაჯო და კანდიდატის  სტატუსზე მიღებული უნდა იყოს პოზიტიური გადაწყვეტილება.   

მთელი ქვეყნის ეკონომიკა იქნება 85 მილიარდ 370 მილიონ ლარი. შედარებისთვის, მინდა, შევახსენო საზოგადოებას, რომ 2012 წელს იყო 27 მილიარდი ლარი, ანუ გასამმაგდა მთელი ქვეყნის ეკონომიკა ჩვენი მმართველობის პერიოდში, 11 წელიწადში, - განაცხადა პრემიერმა ირაკლი ღარიბაშვილმა მთავრობის სხდომაზე. მისი თქმით, ერთ სულ მოსახლეზე გადაანგარიშებით მშპ იყო 4250 დოლარი და 2024 წელს იქნება უკვე 8500 დოლარი.

უკრაინის პრეზიდენტ ვლოდიმირ ზელენსკისა და მისი ოფისის ყოფილი მრჩეველის ალექსეი არესტოვიჩს შორის დაპირისპირება მწვავდება. ერთ დროს ზელენსკის თანამოაზრე, ახლა მისი კონკურენტი ხდება და სარეზიდენტო არჩევნებში მონაწილეობას აპირებს. ამასთან, მის წინააღმდეგ სისხლის სამართლის საქმეა აღძრული, გამოძიებაში ჩართულია უკრაინის უსაფრთხოების სამსახური.

რუსეთის ომი უკრაინასთან მთლიანად ჩიხში შევიდა. ხანგრძლივი ომის პერსპექტივა კი ვლადიმერ პუტინს და რუსეთს უპირატესობას ანიჭებს, - ამის შესახებ უკრაინის შეიარაღებული ძალების მთავარსარდალმა, ვალერი ზალუჟნიმ თჰე Eცონომისტ-თან ინტერვიუში განაცხადა, რომელიც ოთხშაბათს ღამით გამოქვეყნდა. რა აღიარა ზალუჟნიმ და როგორი შეფასება მოჰყვა მას.

ყოფილი პრემიერის გიორგი გახარიას პარტია სხვა ოპოზიციურ ჯგუფებღან ალიანსს არ აპირებს. პრეზიდენტ სალომე ზურაბიშვილთან თანამშრომლობას რაც შეეხება, აცხადებენ, რომ მასთან საუბრები „ჩვეულებრივი თანამშრომლობის ფორმატებია" და 2024 წლის არჩევნებისთვის მათი შესაძლო ალიანსის შესახებ „ოცნების" ლიდერების განცხადებები „პროპაგანდის ნაწილია".

პარლამენტის წევრების ანაზღაურება გაიზრდება და არსებულ განაკვეთთან შედარებით, 40-80%-ის ფარგლებში მოიმატებს. მიუხედავად იმისა, რომ დეპუტატები სხვადასხვა პრივილეგიით სარგებლობენ და უფასო საწვავი, მობილური ტელეფონი და სხვა სიკეთეც მრავლად აქვთ, ახლა მათი შრომის ანაზღაურების გაზრდის საკითხი დადგა დღის წესრიგში. სპეციალისტები ამის ეკონომიკურ საფუძველს აშკარად ხედავენ, მაგრამ გამოდიან რეკომენდაციით, დეპუტატების ხელფასი მიებას ეკონომიკურ ზრდას, ანდა იმის კრიტერიუმის მიხედვით, თუ რამდენად გაუმჯობესდება მათი საქმიანობით მოსახლეობის კეთილდღეობა და ცხოვრების პირობები.

„ავერსის“ კლინიკიდან გაქცეული სამივე პატიმარი დაკავებულია. ამის შესახებ ინფორმაციას ისტიციის მინისტრი რატი ბრეგვაძე ადასტურებს. ცნობილია, რომ სამივე მათგანის დაკავება თბილისთან ახლოს მოხდა და ისინი შინაგან საქმეთა სამინისტროს თანამშრომლებმა 24 საათში იპოვა. ეხმარებოდა თუ არა გაქცეულ პატიმრებს ვინმე და ვისი პასუხისმგებლობის საკითხი შესაძლოა გამოიკვეთოს უცნობია, თუმცა ცნობილი ხდება ის, რომ  საქმეზე ერთ-ერთი ბადრაგის დაკავება უკვე მოხდა. ის 37 წლის ივერი ნატრიაშვილია. აღიძრება თუ არა სხვა ბადრაგებზეც საქმე ჯერჯერობით უცნობია. 

„ქართული ოცნება“ ამბობს, რომ კანდიდატის სტატუსის მიღების შანსი გაიზარდა და დიდი ალბათობით პასუხი დადებითი იქნება. 8 ნოემბერს ევროკომისიამ დასკვნა უნდა გამოაქვეყნოს და  ევროპულ საბჭოს უნად უთხრას, დაუჭიროს თუ არა საქართველოსთვის სტატუსის მინიჭებას. პასუხი კი საბლოოდ დეკემბერში იქნება ცნობილი.  

რა შეიძლება შეცვლილიყო, რის გამოც დასავლეთში ფიქრობენ, რომ საქართველოს სტატუსი უნდა მიენიჭოს?

მიუხედავად იმისა, რომ დიდი ხნის განმავლობაში ლარი მყარდებოდა და ტენდენცია სტაბილურად ნარჩუნდებოდა, ახლა ვითარება საპირისპიროდ შეიცვალა და გაუფასურების გზას დაადგა. ეროვნული ვალუტა 2023 წლის ყველქაზე დაბალ ნიშნულამდე დაეცა. ფინანსისტთა ნაწილი ტენდენციის გაგრძელებას პროგნოზირებს და ვარაუდობს, რომ კურსი 2.75-იან ნიშნულის ფარგლებსი იტრიალებს.

რუსეთი სოციალურ-ეკონომიკური განვითარების ხელშეწყობის საინვესტიციო პროგრამის ფარგლებში ოკუპირებულ აფხაზეთს დაფინანსებას უმცირებს. რატომ გადაწყვიტა აფხაზეთის დასჯა მოსკოვმა და რა ელის ოკუპირებულ რეგიონს, და რა შანსები უჩნდება საქართველოს აფხაზეთთან დაახლოების პოლიტიკის პერსპექტივაში, ამაზე „რეზონანსი" ექსპერტებს ესაუბრა.

აშშ-ს პრეზიდენტი ჯო ბაიდენი ვეტოს დაადებს კანონპროექტს, სადაც მხოლოდ ისრაელის დახმარებაზეა საუბარი და უკრაინა ნახსენები არაა. პროექტი ეკუთნით რესპუბლიკელებს, რომლებსაც წარმომადგენელთა პალატაში უმრავლესობა აქვთ და მოსალოდნელია, რომ ისინი ამის მიღებას მოახერხებენ, თუმცაღა, აქვე უნდა აღინიშნოს, რომ ვეტომდე სენატის თანხმობაცაა საჭირო, რომელსაც დემოკრატები აკონტროლებენ და რომლებიც ბაიდენის სტრატეგიას უჭერენ მხარს უკრაინისა და ისრაელის მხარდაჭერის გაერთიანებაზე.