ევროპარლამენტარებმა პატიმრობაში მყოფ მიხეილ სააკაშვილს წერილი მისწერეს,რომელსაც ტვიტერზე ევროპარლამენტარი პეტრას აუსტრევიჩუსი აქვეყნებს. მათი განცხადებით, აკვირდებიან საქართველოს ყოფილი პრეზიდენტის ჯანმრთელობის მდგომარეობას და ყველაფერს აკეთებენ მის გასაუმჯობესებლად.

ავტოსაგზაო შემთხვევების დროს მძღოლებს შესაძლოა, ავტომობილის გადაადგილების უფლება მიეცეთ. შესაბამის ცვლილებაზე შინაგან საქმეთა სამინიტროს და თბილისის მერია ერთობლივად მუშაობენ. სფეროს სპეციალისტები ცვლილების მომხრენი არიან და როგორც აცხადებენ, ასეთი მექანიზმის შემოღება ავარიის დროს საცობს აღარ შექმნის.

ვინ გამოიყენა სამების ტაძარში წმინდა მატრონას ხატთან დაკავშირებული აჟიოტაჟი პოლიტიკური მიზნებისთვის და რომელი პოლიტიკური ჯგუფი დარჩა ამით მოგებული? ხელისუფლება ამბობს, რომ ოპოზიცია ცდილობს რელიგიით მანიპულირებას და ამან შესაძლოა ქვეყანაში დიდი მღელვარება გამოიწვიოს. ოპოზიცია კი ფიქრობს, რომ პრიქით, ხელსიუფლება ცდილობს ამ თემიდან ქულების დაწერას.  

რუსეთ-უკრაინის სამხედრო კონფლიქტის ნატო-რუსეთის ომში გადაზრდის სცენარებზე საუბარი ჯერ კიდევ 2022 წლის თებერვლიდან დაიწყო, დღეს კი თავად დასავლელი ლიდერებიც არ გამორიცხავენ, რომ შესაძლოა ეს მალე რეალობად იქცეს. ამ ომის შესაძლო სცენარზე წერს გერმანული მედიაც ბუნდერსტაგის საიდუმლო დოკუმენტზე დაყრდნობით, სადაც დეტალურადაა გაწერილი ესკალაციის კონკრეტული თარიღები და ლოკაციები, ნატომ ეს ინფორმაცია ოფიციალირად უარყო.

მედიკამენტეზე რეფერენტული ფასები უფრო მასშტაბური გახდება. წლის ბოლომდე ზედა ზღვარი ისეთ წამლებზეც დაწესდება, რომლებიც აფთიაქებში რეცეპტის გარეშე გაიცემა. რადგანაც წამლებზე მაღალი ფასები ჯერ კიდევ ვერ დარეგულირდა, სპეციალისტები ამბობენ, რომ მექანიზმის მასშტაბურობა აუცილებელია.

საპარლამენტო არჩევნების მოახლოებასთან ერთად, ოპოზიციას მოუწევს, ხელისუფლების კრიტიკის გარდა, კონკრეტული შეთავაზებები გაუკეთოს ამომრჩეველს - რა დადებით ცვლილებებს უნდა ელოდოს რიგითი ამომრჩეველი პირადად მისთვის და მისი ოჯახისათვის ხელისუფლებაში მათი მოსვლის შემთხვევაში. მმართველ პარტიაში მიიჩნევენ, რომ დღეს ოპოზიციას ხალხისათვის ასეთი შეთავაზების გაკეთება არ შეუძლია. ანალიტიკოსები კი „რეზონანსთან" მსჯელობენ, თუ კონკრეტულად რაზე უნდა იყოს ოპოზიცია ორიენტირებული.

გურჯაანში მეგობარმა მეგობარი დაჭრა. როგორც ადგილობრივები „რეზონანსთან“ აცხადებენ, რომ 40 წლის და 24 წლის მამაკაცს შორის დაპირისპირება არყის ხდის დროს, ე.წ. ზაოდობას მოხდა. კონფლიქტი სუფრაზე დაიწყო. თავდაპირველად იქ მყოფმა სხვა პირებმა მოჩხუბართა გაშველება შეძლეს, თუმცა გარეთ გამოსულებს შორის კონფლიქტი კვლავ გაგრძელდა. ფიზიკური დაპირისპირება კი საბოლოოდ სისხლიან ანგარიშსწორებაში გადაიზარდა. 

„მთავარი არხის" დამფუძნებელი ნიკა გვარამია პოლიტიკაში ბრუნდება. მან სოციალურ ქსელში ვრცელი პოსტი გამოაქვეყნა იმის თაობაზე, რომ ფართო გაერთიანების მომხრეა და ითანამშრომლებს და ისაუბრებს ყველასთან. არაოფიციალური ინფორმაციით, იგი ენმ-დან წასული ნიკა მელიას ახალ პარტიაში იქნება, რომელშიც ასევე მოიაზრებიან „ნაცმოძრაობიდან" წასული დეპუტატები ხატია დეკანოიძე და რომან გოცირიძე.

პარტიის „საქართველოსთვის" წევრებს მოლოდინი აქვთ, რომ შესაძლოა წინასაარჩევნოდ პარტიის თავმჯდომარის და ყოფილი პრემიერის გიორგი გახარიას წინააღმდეგ სისხლის სამართლის საქმე აღიძრება. გახარიას შს მინისტრობისა და პრემიერობის დროს მომხდარ გადაცდომებსა და შესაძლო დანაშაულზე მმართველი პარტიის წარმომადგენლები პერიოდულიად საუბრობენ ხოლმე, თუმცა, მას შემდეგ, რაც ორიოდე დღის წინ გახარიამ პოლიტიკაში ახლადდაბრუნებულ „ოცნების" დამფუძნებელ ბიძინა ივანიშვილს დებატები შესთავაზა, „ოცნების" მხრიდან გახარიასადმი ბრალდებები კიდევ უფრო გახშირდა.

ლარის კურსისთვის მიმდინარე წელი საკმაოდ წარმატებით დაიწყო. გამყარების ტენდენცია, რასაც ბოლო თვეების განმავლობაში ჰქონდა ადგილი, გრძელდება და უკვე იანვრის შუა რიცხვებისთვის კურსი 2,65-ის ფარგლებშია. სპეციალისტების ნაწილი პროგნოზს არ უშინდება და პირდაპირ აცხადებს, რომ ლარი იპოვის წონასწორობის ახალ ნიშნულს და ეს იქნება 2,60-2,65-ის ფარგლებში. ლარის სტაბილურობის განმსაზღვრელი თითქმის ყველა ეკონომიკური პარამეტრი მწყობრშია და გამყარების პროცესს ფაქტობრივად არაფერი უშლის ხელს როგორც მოკლევადიან, ასევე საშუალო და გრძელვადიან პერიოდში. ამ ეტაპზე კურსი ,,ბლუმბერგის" პლატფორმაზე 2,65-ის დონეზეა. მიაღწევს თუ არა 2,60-იან ნიშნულს, ჯერჯერობით ვარაუდი უჭირთ, თუმცა რეალური საფუძველი გამყარებისთვის აშკარაა, რასაც არავინ უარყოფს.

საბერძნეთში პოლიციამ საქართველოს 7 მოქალაქე დააკავა, რომლებმაც ავსტრალიის არქიეპისკოპოსის ბინა გაძარცვეს. ამის შესახებ ბერძნული მედია წერს. 

არსებული ინფორმაციით, დაჯგუფებას ორგანიზებულ დანაშაულთან ჰქონდა კავშირი და მათი მეთაური ე.წ. კანონიერი ქურდია. დაკავებულებს ბრალად ედებათ მსხვილი ქურდობა, გატაცება, გამოძალვა, რეკეტი, ფულის გათეთრება, დანაშაულებრივი დაჯგუფების წევრობა, შემაკავებელი ზომების დარღვევა და იარაღებზე, ნარკოტიკებსა და უცხო ქვეყნის მოქალაქეობაზე კანონების დარღვევა.

ჰესების მიმართ გამძაფრებული პროტესტის გამო ქვეყნისთვის მნიშვნელოვანი სტრატეგიული ენერგეტიკული პროექტების დიდი ნაწილი რეალურად ვერ ხორციელდება. ასეთ არაჯანსაღ დამოკიდებულებას დიდი ხნის წინ ჩაეყარა საფუძველი და მაქსიმალურად უწყობს ხელს, რომ ქვეყანაში ჰესების ,,დემონიზება“ მოხდეს. ანალოგიური დამოკიდებულება აქვთ მოქალაქეებს ჯერ კიდევ კომუნისტური პერიოდიდან მოყოლებული. სამწუხაროდ, არასამთავრობო ორგანიზაციების ნაწილმაც  გააღვივა ეს განწყობა და მცირე ჰესის მშენებლობასაც კი, ფაქტობრივად, წინააღმდეგობის გარეშე არ ჩაუვლია საქართველოში.