რაც უფრო შორდება პრეზიდენტი „ქართულ ოცნებას", მით უფრო აქტიურია ხმები მის რომელიმე ოპოზიციურ პარტიასთან დაახლოებაზე. მით უმეტეს იმ ფონზე, რომ ის სულ უფრო მეტად იძენს პროდასავლური პოლიტიკური ფლაგმანის ფუნქციას. რამდენად შეიძლება სალომე ზურაბიშვილი საპრეზიდენტო ვადის ამოწურვის შემდეგ რომელიმე პოლიტიკურ პარტიაში ვიხილოთ, ამ კითხვით „რეზონანსმა" პოლიტიკის ექსპერტებს მიმართა.

„ნაციონალური მოძრაობა" გაყოფილ-დაქუცმაცებულია და ჩამოყალიბებულია როგორც სექტა. ერთ სექტას სათავეში ხაბეიშვილი უდგას, მეორეს - სააკაშვილი, მესამეს - მელია. ვერავითარი შეკრება და შერიგებ-შემორიგება ამას ვერ უშველის", - აცხადებს „რეზონანსთან" ანალიტიკოსი ედიშერ გვენეტაძე ენმ-ში მიმდინარე მოვლენების შეფასებისას.

საქართველოში ავტოპარკი ვერაფრით გაახალგაზრდავდა. საავტომობილო ბაზარზე განხორციელებული რეფორმისა და რეგულაციების მიუხედავად, ავტომობილების 80%-ზე მეტი მეტი 20 წელზე მეტი ხნისაა და ევრო-5 სტანდარტს ვერ აკმაყოფილებს.  ეს მაშინ, როდესაც ბაზარზე დადებითი ტენდენციებია, მოთხოვნა გაზრდილია და ადგილობრივი მოსახლეობის მსყიდველუნარიანობაც გაუმჯობესებული, თუმცა ქვეყანაში მოძრავ მანქანებს ამ პროცესების გავლენა ნამდვილად არ ეტყობა. სულ ცოტაც და უკვე მომავალი წლიდან  2013 წლამდე წარმოებული მანქანების იმპორტის აკრძალვასთან დაკავშირებით ახალი რეგულაცია ამოქმედდება. შედეგი რომ საგრძნობი იყოს, რეგულაციის ამოქმედებიდან, მინიმუმ 10 წელი უნდა გავიდეს.

საქართველოში დასაქმების მაჩვენებელი მატულობს ოღონდ, ძირითადად, მსხვილი ბიზნესის და საჯარო ხარჯზე. როგორც კვლევებით დასტურდება, მცირე და საშუალო ბიზნესს ამ მხრივ საკმაოდ უჭირს და სექტორში დასაქმებულთა წილი მცირდება. მცირე ბიზნესი, რომელიც ეკონომიკის მამოძრავებელ ძალას უნდა წარმოადგენდეს, რეალურად გასაჭირშია და კადრებთან დაკავშირებულ პრობლემას ვერ აგვარებს. მართალია, წელს მდგომარეპობა ამ თვალსაზრისით გაუმჯობესებულია, თუმცა დიდი ნაწილი ისევ მოუგვარებელია.

სამშაბათს სასამართლო სხდომაზე დისტანციურად ჩართვისა პატიმრობაში მყოფმა ექსპრეზიდენტმა მიხეილ სააკაშვილმა პრეზიდენტ სალომე ზურაბიშვილს პრაქტიკულად პირდაპირ მოუწოდა მისი შეწყალებისაკენ, რაც მისი 2-წლიანი პატიმრობის განმავლობაში პირველად მოხდა. რამ უბიძგა ექსპრეზიდენტს ამ ნაბიჯისაკენ და რამდენად რეალურია, რომ ამის გავლენით სალომე ზურაბიშვილმა ადრე ნათქვამი „არა და არასდროს" გადათქვას?

წვრილი ოპოზიციური პარტიების მოწოდებების მიუხედავად, „ოცნება“  5%-იანი ბარიერის დაწევას არ განიხილავს. ამ პოლიტიკური მოცემულობით და წინასაარჩევნო კვლევებით ჩანს, რომ 2024 წლის არჩევნების შედეგებით პარლამენტში მხოლოდ ორი პარტია შედის -„ნაციონალური მოძრაობა“ და „ქართული ოცნება“. ანალიტიკოსთა შეფასებით, წვრილ ოპოზიციურ პარტიებს სხვა გზა არ რჩებათ გარდა იმისა, რომ გამსხვილდნენ და რამდენიმე პერსპექტიულ ცენტრად ჩამოყალიბდნენ. ამ შემთხვევაში ძალთა ბალასიც შიცვლება და მომავალ პარლამენტში მანდატების გადანაწილების პერსპექტივაც, რამაც შესაძლოა „ოცნებას“ ბარიერის დაწევისკენ უბიძგოს. 

ქვეყანაში მალე ე.წ. საპოლიციო გამოსახლება დაბრუნდება, თუმცა შეცვლილი სახით და მექანიზმებით. სიახლე ის იქნება, რომ საჯარო რეესტრში ქირავნობის ხელშეკრულების დარიგისტრირება გახდება საჭირო. კანონპროექტი, რომელიც მალე პარლამენტში შევა ბევრ კითხვის ნიშანს აჩენს, თანაც ცვლილება შესაძლოა, ყველა ბინის მეპატრონისთვის არ აღმოჩნდეს მისაღები, რადგან რეგისტრაციის შემდეგ მათ წლიური შემოსავლიდან მინიმუმ 5%-ის გადახდა სახელმწიფოსთვის მოუწევთ, კანონით განსაზღვრული ჩანაწერის გათვალისწინებით.

პატიმრობაში მყოფი ექს-რეზიდენტი მიხეილ სააკაშვილი „ნაციონალურ მოძრაობას" პოლიტსაბჭოს ხელმძღვანელად საკუთარ თავს სთავაზობს, ხოლო პოლიტსაბჭოდან წასულ ენმ-ის ყოფილ თავმჯდომარე ნიკა მელიასა და მის მომხრეებს უკან დაბრუნებას სთხოვს. ამის შესახებ მან ორშაბათს თავის სასამართლო სხდომაზე განაცხადა. გარდა ამისა, 23 ნოემბერს, ვარდების რევოლუციის მე-20 წლისთავზე, იგი ერთობის მემორანდუმს გამოაქვეყნებს და ყველა თანაპარტიელს მასზე ხელმოწერისკენ მოუწოდებს.

მოქალაქეები, რომელთაც ძველი პირადობის მოწმობა აქვთ, მომავალი წლის საპარლამენტო არჩევნებში ხმის მიცემას, სავარაუდოდ, შეძლებენ. შესაბამისი საკანონმდებლო ცვლილება პირველი მოსმენით პარლამენტმა უკვე მიიღო. ოპოზიცია ამაში არჩევნების გაყალბების საშიშროებას ხედავს, მმართველი პარტია კი მას საკუთარი ალტერნატივის შემუშავებას სთავაზობს.

ისრაელი-„ჰამასის" ომი, როგორც ჩანს, დასკვნით ფაზაში შედის და უკვე დაიწყო საუბარი კონფლიქტის დასრულების შემდეგ რეგიონის პოლიტიკურ მოწყობაზე. აქტიურად განიხილება ღაზის სექტორიდან ისრაელის არმიის ნაწილების გასვლის შემდეგ რეგიონში სამშვიდობო ძალების შეყვანა. ცნობილი გახდა, რომ დასავლეთი საჭიროდ მიიჩნევს ომის შემდეგ ღაზის სექტორისა და იორდანეს დასავლეთ სანაპიროს გაერთიანებას. პალესტინის სახელმწიფოს შექმნას კი, სხვა ლიდერებთან ერთად, აშშ-ის პრეზიდენტმა ჯო ბაიდენმაც დაუჭირა მხარი.

„ნაცმოძრაობა" 23 ნოემბერს, „ვარდების რევოლუციის" 20 წლისთავთან დაკავშირებით, დიდ შეკრებას აანონსებს. პატიმრობაში მყოფ ექპსრეიდენტ მიხეილ სააკაშვილის ინიციატივით, შედგება მანიფესტსზე ხელმოწერაც, რომლის შინაარსი ჯერჯერობით უცნობია. ანალიტიკოსები აცხადებენ, რომ თუ ტექსტი ზოგადი იქნება, მაშინ მას ენმ-ის ყოფილი თავმჯომარის ნიკა მელიას ფლანგიც ხელს მოაწერს, რომელიც პარტიის ამჟამინდელ მენეჯმენტთან ღია კონფლიქტშია. თუმცაღა, თუ მემორანდუმის ტექსტში პარტიის ერთიანობაზე იქნება აქცენტი, დიდი ალბათობით მელია თავისი მომხრეებით პარტიას გამოეყოფა და ცალკე პოლიტიკურ ძალად შეეცდება ჩამოყალიბდეს.

პარლამენტში 18 ნოემბერს ისევ დაფისქსირდა სიტყვიერი შეურაცხყოფა და დაპირისპირება გენდერულ ნიადაგზე. „ქართული ოცნებისა" და „ნაციონალური მოძრაობის" დეპუტატებს შორის მომხდარი კონფლიქტი პრეზიდენტმა სალომე ზურაბიშვილმა ქალთა მიმართ ძალადობად შეაფასა. თუმცა, „ტაბულას" დამფუძნებელი და „ევროპული საქართველოს" ერთ-ერთი ლიდერი თამარ ჩერგოლეიშვილი დანარჩენ ოპოზიციას დაუპირისპრდა და მათი ქცევა დაგმო.