„ნაცმოძრაობის" თავმჯდომარე ლევან ხაბეიშვილს განცხადება, რომ ნიკა მელია გარიცხულია, საწინააღმდეგოდ შეუბრუნდა და ახლა ენმ-ის ძველი თუ ახალი წევრები მის გადადგომას ითხოვენ. თავად მელია კი ისევ დუმს და, როგორც ანალიტიკოსები ამბობენ, არაა გამორიცხული, რომ საქმე პარტიის თავმჯდომარეობის ახალ არჩევნებამდე მივიდეს.

ბიუჯეტი რეკორდულად იზრდება და ბოლო წლების განმავლობაში, ფაქტობრივად, უპრეცენდენტო შემთხვევაა, როცა მოსახლეობის კეთილდღეობისკენ რეალური ნაბიჯები იდგმება ქვეყანაში, რასაც სპეციალისტები ადასტურებენ და იმედს გამოთქვამენ, რომ საბიუჯეტო მაჩვენებლების ზრდა სოციალური და ეკონომიკური ფონის საგრძნობ გაუმჯობესებას გამოიწვევს. ირკვევა, რომ 2024 წლის ბიუჯტი 25 მილიარდს გადააჭარბებს, რაც თავისი მასშტაბით საქართველოს ეკონომიკისთვის უპრეცენდენტო შემთხვევაა.

14-15 დეკემბრის ევროკავშირის სამიტზე ოფიციალურად უნდა გადაწყდეს, მიიღებს თუ არა კანდიდატის სტატუსს საქართველო და აუნთებენ თუ არა მწვანე შუქს გაწევრიანებაზე მოლაპარაკებებისთვის უკრაინას და მოლდოვას. თუმცა, უკრაინის საკითხს თავად ევროკავშირში ჰყავს მოწინააღმდეგეები. პირველ რიგში, კიევთან მოლაპარაკებების დაწყებას ღიად ეწინააღმდეგება უნგრეთი. ასევე უკრაინის დაჩქარებული ინტეგრაციის წინააღმდეგია ავსტრიაც, თუკი ამის პარალელურად ბალკანეთის ქვეყნების შანსებიც არ გაიზრდება. ასევე ჯერჯერობით უცნობია როგორი იქნება იმ ქვეყნების პოზიცია, სადაც ახლახანს არჩევნებში მემარჯვენე ძალებმა გაიმარჯვეს - ნიდერლანდები და სლოვაკეთი. ომში მყოფ უკრაინისთვის კი ევროკავშირთან გაწევრიანებაზე მოლაპარაკების დაწყება სასიცოცხლოდ მნიშვნელოვანია.

,,შავ პარასკევს" წელს შავი დღე დაუდგა. წლევანდელი აქციები აშკარად განსხვავებული აღმოჩნდა. მარკეტინგის მიმართულებით, ფაქტობრივად, არაფერი შეცვლილა, როგორც ადრე, ახლაც იგივე ,,აგრესიული" ფორმით და წამახალსიებელი აქციით შეეცადნენ მაღაზიების წარმომადგენლები მომხმარებლების დაინტეერსებას. წინასწარ გამაოცხადეს კიდეც მოსალოდნელი ფასდაკლების შესახებ და საკმაოდ მიმზიდველად წარმოაჩინეს კამპანია, თუმცა საქმე საქმეზე რომ მიდგა, ყველაფერი შეიცვალა. რეალურად სავაჭრო ობიექტებში მომხმარებლების ძალიან მცირე ნაკადი მივიდა და მათაც ადგილზე სასურველი ფასდაკლება არ დახვედრიათ.

ფემიციდის უმძიმესი ფაქტი თბილისში - ქალი ქმრის მხრიდან მოკვლას  მხოლოდ იმიტომ გადაურჩა, რომ მას ქუჩაში ორი  გამვლელი დაეხმარა. ინციდენტი ზღვის უბნის დასახლებაში მოხდა. დაკავებული უცხო ქვეყნის მოქალაქეა. მას მეუღლისა და 2 პირის მიმართ დამამძიმებელ გარემოებებში ჩადენილი განზრახ მკვლელობის მცდელობისა და მეუღლის მიმართ იძულების ფაქტებზე ედება ბრალი.

ენმ-ის თავმჯდომარე ლევან ხაბეიშვილის მიერ პირდაპირ ეთერში ნიკა მელიას პარტიიდან გარიცხვამ პარტიაში ბომბის აფეთქების მსგავსი ეფექტი გამოიწვია. ამ გადაწყვეტილებას უკვე ღიად დაუპირისპირდნენ ენმ-ის ის წევრებიც, რომელიც პარტიის ორ ფლანგს შორის მიმდინარე მწვავე დაპირისპირებაში აქამდე მეტნაკლებად ნეიტრალურ პოზიციას ინარჩუნებდნენ. ყველა მოუთმენლად და ინტერესით ელოდება ამ საკითხზე ექპსრეზიდენტ მიხეილ სააკაშვილის პოზიციას, თუმცა სააკაშვილმა ორშაბათს სულ სხვა თემაზე გაავრცელა განცხადება - მან ოპოზიციას მოუწოდა, აიძულონ მთავრობა, რომ სტუდენტების მიერ ბინის ქირაობა დაასუბსიდიროს.

რამდენად შესაძლებელია, რომ ე.წ. ასოცირებული ტრიოს ქვეყნებმა - საქართველომ, უკრაინამ და მოლდოვამ - ერთდროულად დაიწყონ მოლაპარაკება ევროკავშრთან გაწევრიანებაზე? პრეზიდენტი სალომე ზურაბიშვილი მიიჩნევს, რომ ეს სავსებით რეალურია და ამ მხრივ გადამწყვეტი იქნება მომავალი წელი. ანალიტიკოსთა მოსაზრებები კი ამ საკითხზე არაერთგვაროვანია.

ნავთობპროდუქტების იმპორტი ოდნავ შემცირდა, თუმცა მოთხოვნა სტაბილურად შენარჩუნებულია. როგორც ვიცით, ნავთობპროდუქტების ბაზარზე ბოლო პერიოდში არაერთი ცვლილება განხორციელდა, რაც დაკავშირებულია რუსეთის გადაწყვეტილებასთან, რომლის საფუძველზეც ბენზინის ექსპორტი შეიზღუდა. შესაბამისად, საქართველოში რუსეთიდან ამ პროდუქტის იმპორტი გაჩერდა. მართალია, რამდენიმე დღის წინ აკრძალვა გაუქმდა, თუმცა ახლა ბიზნესისთვის მთავარია რამდენად მისაღები იქნება საფასო პოლიტიკა და ისარგებლებს თუ არა ქვეყანა შეღავათიანი, ე.წ. ,,პლატც მინუსის" ტარიფით, რაც თავის დროზე ნავთობპროდუქტების ბაზარზე რუსეთთან დამოკიდებულებას ამყარებდა.

დეკემბერში საქართველოს ევროკავშირის წევრობის კანდიდატის სტატუსს ელოდება, მაგრამ 9 პირობით. მმართველი პარტია აცხადებს, რომ ამ რეკომენდაციების შესრულების სამოქმედო გეგმას ორშაბათს წარმოადგენს. თუმცა, „ოცნებას" ეჭვი ეპარება, რომ ამ პროცესში ოპოზიციაც მიიღებს მონაწილეობას. რა გეგმა აქვს ოპოზიციას და რამდენად მნიშვნელოვანია მისი მონაწილეობა ახალი რეკომენდაციების შესრულებაში?

გასულ კვირას ექსპრეზიდენტმა მიხეილ სააკაშვილმა თავის სასამართლო პროცესზე განაცხადა, რომ „ოცნება" კულტურის მინისტრს, თეა წულუკიანს მომავალი პრეზიდენტობისთვის ამზადებს, თბილისის მერ კახა კალაძეს კი - პრემიერ-მინისტრობისთვის. ამ სცენარს მმართველმა გუნდმა არარეალური უწოდა. როგორც „რეზონანსთან" ანალიტიკოსი რამაზ საყვარელიძე ამბობს, ეს სცენარი ნაკლებად დამაჯერებელია, განსაკუთრებით პრეზმიერ-მინისტრის ნაწილში, რადგანაც მოქმედ პრემიერ ირაკლი ღარიბაშვილს წამგებიანი ნაბიჯები პრაქტიკულად არ ჰქონია და ასეთი ცვლილებისათვის არანაირი წინაპირობა ამჟამად არ არსებობს.

დასავლურ მედიაში ბოლო დროს სულ უფრო ხშირად განიხილება უკრაინაში ომის დასრულების სცენარი, რომლის მიხედვითაც ოფიციალური კიევი შესაძლოა იძლებული გახდეს გარკვეული ტერიტორიების დათმობის სანაცვლოდ სამშიდობო შეთანხმების გაფორმებს დათანხმდეს. რატომ გაძლიერდა ამგვარი პესიმისტური განწყობები და ნიშნავს თუ არა ეს, რომ დასავლეთი უკრაინას რუსეთთან მოლაპარაკებისაკენ უბიძგებს?

ყველაზე მსხვილ ოპოზიციურ პარტიაში არსებული ღრმა კრიზისი გავლენას ახდენს როგორც ელექტორატის განწყობებზე, ასევე ქვეყანაში არსებულ პოლიტიკურ ველზე. რა სახის ცვლილებებია ამ მხრივ მოსალოდნელი და გამოიკვეთა თუ არა რაიმე ტენდენციები პარტიაში აგორებული სკანდალის შემდეგ? ანალიტიკოსთა ნაწილი მიიჩნევს, რომ ენმ-დან ნიკა მელიას გამოყოფის შემთხვევაში ბევრი რამშეიძლება შეიცვალოს, რადგან, ერთის მხრივ, იგი პარტიის ელექტორატის ნაწილსაც თან წაიყპლებს და მეორეს მხრივ, ოპოზიციურ ფლანგზე გაჩნდება ახალი პარტია, რომელსაც, სავარაუდოდ, 5%-იანი ბარიერის დაძლევის პრობლემა არ ექნება.