სომხეთსა და აზერბაიჯანს შორის საომარი კონფლიქტი განახლდა - ბაქოს მტკიცებით ანტიტერორისტული ოპერაცია დაიწყო, რომლის მიზანი ყარაბაღის მთავრობის დაშლა და სომხური ჯარების გაყვანაა. სომხურ მხარემ კი, რამდენიმესაათიანი დუმილის შემდეგ, შექმნილი ვითარება აგრესიად და გენოციდად შეაფასა და საერთაშორისო პარტნიორებს მოქმედებისკენ მოუწოდა.

ფრონტის ხაზზე უკრაინელები კვლავ აქტიურად უტევენ და მათი წინსვლაც შესამჩნევია. ბახმუტის სამხრეთით მდებარე ანდრეევკასა და კლეშჩეევკაზე გამართული ბრძოლების შედეგად რუსეთის თავდაცვის ხაზი დაირღვა და 3 რუსული სამხედრო დანაყოფი დამარცხდა. რუსები ახორციელებენ  კონტრშეტევებს სხვადასხვა მიმართულებით, თუმცა წარუმატებლად ცდილობენ დაკარგული პოზიციების დაბრუნებას. გარდა ამისა, უკრაინელების თქმით, რუსებმა ბრძოლაში ყველა არსებული რეზერვი ჩართეს.   

ევროკავშირის უმაღლესი წარმომადგენელი საგარეო პოლიტიკისა და უსაფრთხოების პოლიტიკის საკითხებში, ჯოზეფ ბორელი ადასტურებს, რომ კიევში ევროკავშირის წევრი ქვეყნების საგარეო საქმეთა მინისტრების შეხვედრა გაიმართება - უკრაინული მედიის ინფორმაციით, ამის შესახებ მან ნიუ-იორკში გაეროს გენერალურ ასამბლეაში მონაწილეობის ფარგლებში გამართულ პრესკონფერენციაზე განაცხადა.

რუსეთ-უკრაინის ომის პარალელურად, მსოფლიოში მნიშვნელოვანი გლობალური ცვლილებები მიდის, მათ შორის სამხრეთ კავკასიის რეგიონში სიტუაცია სამხედრო დაპირისპირებამდეც მივიდა, ამის ფონზე კი, უსაფრთხოების სფეროს სპეციალისტები თანხმდებიან, რომ ჩრდილო ატლანტიკური ალიანსისგან საქართველოს უსაფრთხოების გარკვეული გარანტიები უნდა ჰქონდეს.

ბოლო 2 დღეში წალენჯიხის მუნიციპალიტეტში ორი ყაჩაღობა მოხდა - ორივე შემთხვევაში ყაჩაღები ოჯახისგან ფულს ითხოვდნენ. ერთმანეთის მიყოლებულ თავდასხმებს კი ადგილობრივები თხილის მოსავლის სეზონს უკავშირებენ.

რამდენიმე შეიარაღებულმა პირმა სოფელ ჭალეში ადგილობრივი ოჯახი დააყაჩაღა. მათ იარაღის მუქარით 250 ლარის წაღება შეძლეს. ფიზიკური დაზიანებები მიაყენეს ოჯახის უფროსს, ჯანოკო ხასაიას, რომელსაც თავში იარაღის "კონდახი" ურტყეს, რის გამოც მას რამდენიმე ნაკერის დადება დასჭირდა. 

საქართველო ეკონომიკური ზრდის ტემპით რეგიონში და ევროკავშირის მასშტაბითაც ლიდერ პოზიციაზეა. ამასთან, იზრდება მშპ მოსახლეობის ერთ სულზე და მარტო მეორე კვარტლის მონაცემებით 2017 დოლარს შეადგენს (მთელი წლის შედეგით დააახლოებით 9000 დოლარის ფარგლებშია ნავარაუდევი). მთლიანობაში, როგორც სპეციალისტები განმარტავენ, საკამოდ მაღალი მაჩვენებელია და დიდ იმედს იძლევა, რომ ტენდენცია შენარჩუნდება, თუმცა არის გარკვეული გამოწვევა - რეალური სექტორის არასათანადო განვითარება, რაც ეკონომიკაში მეტი დოვლათის მომტანია.

უკრაინამ ზაფხულის კონტრშეტევის დაწყებიდან 300 კვადრატული კილომეტრი ტერიტორია გაათავისუფლა. კიევი კონტრშეტევის ნელა განვითარების მიზეზად ჯარისკაცების სიცოცხლის გადარჩენას ასახელებს. თავდაცვის მინისტრის მოადგილე ანა მალიარი ამბობს, რომ უკრაინელებმა მიუხედავად იმისა, რომ რუსებს ბევრად მეტი ჯარი და იარაღი აქვს, კონტრშეტევა მაინც გარისკეს.    

დრონების მორიგი ვარდნა შავი ზღვის ნატოს ქვეყნების ტერიტორიაზე - რუმინეთის შემდეგ სამიზნე ბულგარეთი გახდა - სოფია კურორტ ტიულონოვოში აღმოჩენელი დრონის შესამოწმებლად სპეციალურ ჯგუფს აგზავნის. ბულგარეთის თავდაცვის სამინისრომ განაცხადა, რომ ასაფეთქებელი ნივთიერების გადამტანი დრონის შესამოწმებლად და დეაქტივაციისთვის სპეციალური დანაყოფი გაგზავნა.

ბაბუშერას აეროპორტს სავარაუდოდ რუსი ინვესტორები 2025 წელს ააშენებენ, აფხაზეთის დე ფაქტო ხელისუფლებაში აცხადებენ, რომ ამით „გეოგრაფიული არეალი გაფართოვდება და ტურიზმი განვითარდება". მანამდე კი, ე.წ. მთავრობამ აეროპორტის ოკუპანტებისთვის 49 წლით გადაცემის გადაწყვეტილება მიიღო და„პარლამენტმა" ერთხმად დაამტკიცა, რაც საქართველოს პრეზიდენტმა სალომე ზურაბიშვილმა დაგმო და უკანონო ქმედება უწოდა, რომელიც საერთაშორისო საზოგადოების კატეგორიულ და მტკიცე რეაქციას მოითხოვს.

ფქვილის იმპორტსა და ხორბლის ადგილობრივი ხორბლის რეალზიაციასთან დაკავშირებით ისევ გაურკვევლობაა. იმპორტისთვის დაწესებული 200-ლარიანი გადასახადის მოქმედების ვადა მალე იწურება. მწარმოებლები, მემარცვლეობის ასოციაცია და ასევე წისქვილ-კომბინატები  იმპორტის ვადის გახანგრძლივებას და სამომავლოდ ტარიფის უფრო მეტად გაზრდას ითხოვენ. ისინი მიიჩნევს, რომ სტრატეგიული მარცვლეულის  მომავალი დიდი რისკის ქვეშაა, რადგან არ იყიდება და შეიძლება ამან მომავალ წლებში მოსავლიანობის მკვეთრი კლება გამოიწვიოს.

საქართველოს მთავრობა წლევანდელ ბიუჯეტს რეკორდულად - 500 მილიონი ლარით ზრდის. ეს გარემოება ძალიან მნიშვნელოვანია ქვეყნისთვის, რადგან ეკონომიკაზე პოზიტიურად იმოქმედებს და კიდევ უფრო წინ წასწევს. სპეციალისტები ერთხმად ამბობენ, რომ მთავრობას ასეთი უპრეცენდენტო გადაწყვეტილების მიღების საშუალება მაღალმა ეკონომიკურმა ზრდამ მისცა და ხაზს უსვამენ იმ მიმართულებებს, რომლებზეც სამომავლოდ განსაკუთრებულად კარგად აისახება.

თხილის ხარისხი წელს საგრძნობლად გაუმჯობესებულია. ყველა ფერმერმა, ვინც მოსავალს სწორად მოუარა, შედეგიც გარანტირებული აქვს. ამის საფუძველს წლევანდელ სეზონზე წარმოადგენდა თხილის წამლობა და სახელმწიფოს ფინანსური მხარდაჭერა, რომელიც ფერმერებმა სეზონის წინ მიიღეს. სახელმწიფო პროგრამამ ფერმერებს შესაძლებლობა მისცა თხილის მოვლისთვის საჭირო ყველა საშუალება უფასოდ მიეღოთ.