სებ-ში მიმდინარე პროცესების პარალელურად, ეროვნულ ბანკს დოლარი გამოაქვს გასაყიდად, თუმცა ინტერვენციების ბოლომდე ათვისება ვერ ხერხდება და ამასობაში კურსი მაღალ ნიშნულზე რჩება. საბანკო სფეროს სფეციალისტთა ერთი ნაწილი ფიქრობს, რომ კომერციული ბანკების მხრიდან სპეკულაციას აქვს ადგილი. სებ-ი ცდილობს გაცვლითი კურსი რეალურ წონასწორულ ნიშნულს დაუბრუნოს, მაგრამ მას ამაში ეწინააღმდეგებიან.

საქართველოდან რუსეთში ევროპული ავტომობილების რეექსპორტი აიკრძალა. ცვლილებებზე საუბარი უკვე კარგა ხანია მიდის და იმპორტიორებზე ეს გარკვეულწილად მაინც იმოქმედებს. სექტორის წარმომადგენლების თქმით, ქართული ბაზარი დაახლოებით 5%-ს დაკარგავს, რაც დიდი დანაკლისი არ იქნება. "რეზონანსი" დაინტერესდა რა ხდება რეალურად ახლა ადგილობრივ ბაზარზე და ახლო მომავალში როგორ განვითარდება მოვლენები.

უმძიმესი დანაშაული ბოლნისში - მამაკაცმა ჯერ ცოლი მოკლა, რა დროსაც შემთხვევით საკუთარი არასრულწლოვანი შვილი დაჭრა, რომელიც დედის დახმარებას ცდილობდა, შემდეგ კი, როცა გააცნობიერა რა ჩაიდინა, დანით თვითმკვლელობა სცადა. ის ახლა მძიმე მდგომარეობაში კლინიკაში იმყოფება. 

გარემო ფაქტორებიდან და საზოგადოების მაღალი ინტერესიდან გამომდინარე, ბოლო პერიოდში აქტუალური გახდა შავი ზღვის წყლის ხარისხის მდგომარეობა  საქართველოს აკვატორიაში. საქართველოს გარემოს დაცვის და სოფლის მეურნეობის სამინისტროს გარემოს ეროვნული სააგენტოს მიერ მნიშვნელოვანი ნაბიჯები გადაიდგა წყლის ხარისხის მონიტორინგის გაუმჯობესების მიმართულებით - ფართოვდება მონიტორინგის ქსელი, იზრდება განსასაზღვრი პარამეტრების რაოდენობა.

ყარაბაღის მოვლენებს ცხინვალსა და სოხუმში შეშფოთებით ადევნებენ თვალს. სეპარატისტული რეჟიმების განხილვის მთავარი საგანია ახალი, შეცვლილი გეოპოლიტიკური რეალობა რეგიონში და მათი პერსპექტივა ასეთ ვითარებაში. ანალიტიკოსი პაატა ზაქარეიშვილი „რეზონანსთან" აცხადებს, რომ ამ მსჯელობისას ხშირად საუბრობენ მოვლენების განვითარების ორ შესაძლო სცენარზე, რომელიც, სეპარატისტთა შეფასებით, საკმაოდ რეალურია და რომლისაც ყველაზე მეტად ეშინიათ.

პარტიამ „საქართველოსთვის", პარლამენტში შს მინისტრის ინტერპელაციის შემდეგ, პოზიცია შეიცვალა და შოვის ტრაგედიაზე პარლამენტში საგამოძიებო კომისიის შექმნას მხარს დაუჭერს. სავარაუდოდ, ასეთ შემთხვევაში ოპოზიციას კომსიის შექმნისათვის საჭირო 50 ხმის მოგროვება არ გაუჭირდება, თუმცა, როგორც ანალიტიკოსი რამაზ საყვარელიძე „რეზონანსთან" აცხადებს, ოპოზიციას მაინც გაუჭირდება „ოცნების" პოლიტიკურ პასუხისმგებლობამდე მიყვანა.

საქართველოში მსყიდველუნარიანი ტურისტების დიდი სიმცირეა. ტენდენციაზე სექტორის წარმომადგენლები დაუფარავად საუბრობენ, რომლის ერთ-ერთი მთავარი მიზეზი მომსახურების მაღალი ტარიფია, რაც ხშირ შემთხვევაში ტურისტული სერვისის ხარისხთან შეუსაბამოა. ტარიფები კი იმდენად მაღალია, რომ ადგილობრივი დამსვენებლები მშობლიურ კურორტებს უკვე ქვეყნის გარეთ დასვენებას არჩევენ, მათ შორის უკვე საბერძნეთსა და ბულგარეთშიც კი. რაც შეეხება ეგვიპტესა და თურქეთს, ტარიფები ამ ქვეყნებში გაცილებით იაფია, ვიდრე საქართველოში.

ინფლაცია მომდევნო პერიოდის განმავლობაში შეიძლება გაიზარდოს. ამის ერთ-ერთი მთავარი საფუძველკი ნავთობპროდუქტების გაძვირებაა, რაც ინფლაციურ მაჩვენებლებშიც აისახება და საკმაოდ უარყოფითადადაც. ბოლო რამდენიმე დღეა საქართველოში საწვავი მკვეთრად ძვირდება. რუსეთის მხრიდან იმპორტის შეზღუდვა ბაზარზე არსებულ ფასებზე სამომავლოდაც იმოქმედებს. მოლოდინია, რომ შესაძლოა, საწვავი დაახლოებით კიდევ 20-25 თეთრით გაძვირდეს, თუკი მიწოდების იაფი წყარო სრულად დაიკეტება. ცხადია, ცვლილება მოსალოდნელია ინფლაციის მიმართულებითაც.

სამტრედიაში ყოფილ პოლიციელზე თავდასხმის ახალი დეტალები ხდება ცნობილი. როგორც „რეზონანსს“ ადგილობრივები უყვებიან, ლევან მიგინეიშვილს ავტომატით შეიარაღებული მისი ყოფილი თანამშრომლის შვილი, ანრი მილორავა დაესხა თავს. ახალგაზრდა მამაკაცმა, სავარაუდოდ, ყოფილ პოლიციელზე თავდასხმა შურისძიების მოტივით  განიზრახა. თუმცა რა არის ეს მოტივი, ჯერჯერობით უცნობია. თავად ყოფილი პოლიციელი, რომელმაც ახალგაზრდა მამაკაცი თავდაცვის მიზნით დაჭრა, ამბობს, რომ მას არ იცნობს და მხოლოდ ის იცის, რომ მისი ყოფილი თანამშრომლის შვილია. ხოლო მამის დაკრძალვის  შემდეგ ის არ  უნახავს. 

ბოლო პერიოდში სოციოლოგიური კვლევები არ გამოქვეყნებულა და და ჯერჯერობით უცნობია მოცემულ მომენტში რა რეიტინგი აქვთ პოლიტიკურ ველზე მყოფ აქტორებს, თუმცა, როგორც ანალიტიკოსები ამბობენ, დღეისათვის „ქართული პოლიტიკა გაღარიბებულად გამოიყურება" და თუ პოლიტიკური ჯგუფები სათანადოდ არ გააქტიურდნენ, 2024 წელს არჩევნებზე ორი-სამი პარტიის გარდა, 5%-იანი ბარიერის გადალახვა გაუჭირდებათ.

ბოლო ოთხი დღის განმავლობაში, როგორც რუსეთმა, ასევე უკრაინამ უჩვეულოდ ინტენსიური თავდასხმები განახორციელეს - ამის შესახებ გაერთიანებული სამეფოს თავდაცვის სამინისტროს დაზვერვის ანგარიშშია აღნიშნული. 

რთველი 2023 პიკურ ფაზაში შედის. ამ დროისთვის მოსავლის დიდი ნაწილი უკვე დაბინავებულია. მთავრობის მხრიდან  ყველა წინაპირობაა, რომ წლევანდელი შემოდგომა საინტერესო და წარმატებული აღმოჩნდეს საქართველოს მევენახეობა-მეღვინეობის დარგისთვის. მიმდინარე ღონისძიებები იძლევა შესაძლებლობას, რომ ქართულმა ღვინომ კიდევ უფრო დაიმკვიდროს ადგილი საერთაშორისო ბაზარზე.