საწვავის ბაზარზე დიდი არასტაბილურობაა. მას შემდეგ, რაც რუსეთმა ნავთობპროდუქტების ექსპორტი შეზღუდა, ქართველი იმპორტიორები ალტერნატიულ ბაზარზე გადართვის აუცილებლობის წინაშე დადგნენ, რამაც გარკვეული სხვაობა ფასშიც გამოიწვია. მით უმეეტს, საერთაშორისო ბაზრებზე ნავთობპროდუქტების გაძვირების ტენდენციაა. სპეციალისტების ვარაუდით, საშუალოვადიან პერსპექტივაში საწვავი დაახლოებით კიდევ 15-25 თეთრით გაძვირდება. ესეც იმ შემთხვევაში, თუ გლობალურ ბაზრებზე არსებული ფასები შენარჩუნდება.

2024 წლის ბიუჯეტში უამრავი სიახლეა დაგეგმილი. მთავრობა რიგი მიმართულებით დაფინანსებას ზრდის, რაც მოსახლეობის სხვადასხვა კატეგორიაზეა გათვლილი. მომავალი წლის ბიუჯეტი მოიცავს ყველა სეგმენტს და ხელფასებისა თუ პენსიების ზრდას. ასევე იქნება მხარდაჭერა და განვითარებისკენ მიმართული თანხები. ეკონომისტები ფიქრობენ, რომ მოსახლეობა გაზრდილი ბიუჯეტით სარგებელს მიიღებს.

სახელმწიფო უსაფრთხოების სამსახური ე.წ. რევოლუციური სცენარის საქმეზე ახალ დეტალებს ასაჯაროვებს - უწყება ოპერატიულ ჩანაწერს ავრცელებს და აღნიშნავს, რომ კადრებში ორგანიზაცია „კანვასის" წევრებისა და არასამთავრობო ორგანიზაციების შეხვედრაა ასახული. ამასთან, „ხდება ერთ-ერთი დიდი ჯგუფის გადამზადება", რომლებმაც, სუს-ისინფორმაციით, „გადამწყვეტი როლი უნდა შეასრულონ ხელისუფლების ძალადობრივი გზით დამხობის პროცესების მომზადებასა და განხორციელებაში".

რუსული ძალები რობოტინოსა და ვერბოვოის რაიონებში დაკარგული პოზიციების აღდგენას ცდილობენ და უკრაინულ ჯარებს წარუმატებლად უტევენ ავდეევკის, მარინკასა და შახტიორსკის მიმართულებებით. ომის შემსწავლელი ინსტიტუტის შეფასებით, რობოტინოს სამხრეთით სიტუაცია არასტაბილური, ტაქტიკურად რთული და დინამიკურია.

ყარაბაღის პრეცედენტმა ოკუპირებულ აფხაზეთსა და „სამხრეთ ოსეთს" დისკომფორტი შეუქმნა, როგორც ანალიტიკოსები აცხადებენ, აფხაზები და ოსები შეშფოთებულები არიან იმის გამო, რომ რუსეთმა სომხეთთან მიმართებაში არაფერი გააკეთა, მიუხედავად იმისა, რომ ერევანმა დახმარება არაერთხელ სთხოვა კოლექტიური უსაფრთხეობის ხელშეკრულების ორგანიზაციის (ოდკბ) ვალდებულების ფარგლებში.

სამშაბათს, 3 ოქტომბერს 12 საათზე საკონსტიტუციო სასამართლოში პრეზიდენტის წინააღმდეგ აღძრული სარჩელის განხილვა იწყებს, რის შედეგადაც უნდა დადგინდეს, დაარღვია თუ არა სალომე ზურაბიშვილმა კონსტიტუცია. დადებითი პასუხის შემთხვევაში კი, პარლამენტი განიხილავს და კენჭს უყრის პრეზიდენტის იმპიჩმენტს. ანალიტიკოსთა შეფასებით, წინასწარ რთულია იმაზე მსჯელობა, თუ რას დაადგენს სასამართლო. თუმცა, მათი ნაწილი მიიჩნევს, რომ საბოლოოდ მმართველი პარტიის ინტერესებში არ შედის პრეზიდენტის გადაყენება.

ყარაბაღი ეთნიკური სომხებისგან თანდათან იცლება. ოფიციალური მონაცემებით, ამ ტერიტორიაზე მცხოვრები 120 ათასი ადამიანიდან, ბოლო ერთ კვირაში 100 ათასზე მეტი უკვე სომხეთში სომხეთში გადავიდა. ანალიტიკოსები არ გამორიცხავენ, რომ ყარაბაღელი ლტოლვილების ნაწილმა ოკუპირებულ აფხაზეთს მიაშუროს, მით უმეტეს, რომ აფხაზეთში საკმაოდ მრავალრიცხოვანი სომხური დიასპორაა და მათ ყარაბაღშიც აქვთ ნათესაური კავშირები. რამდენად მასშტაბური შეიძლება იყოს ასეთი გადასახლება, რას ფიქრობენ ამაზე აფხაზურ საზოგადოებაში და როგორი იქნება ყოველივე ამის პოლიტიკური შედეგები?

დიდი ბრიტანეთი უკრაინის ტერიტორიაზე სამხედრო ბაზის გახსნას აპირებს, სადაც უკრაინელ სამხედროებს მოამზადებენ. ამასთან ლონდონი კიევს შავ ზღვის აკვატორიის დაცვის გაძლიერებაში დაეხმარება, რათა ქვეყნიდან მარცვლეულის ექსპორტი არ შეფერხდეს. ამის პარალელურად ფრონტი საბრძოლო მოქმედებები ფაქტიურად გაყინულია და საუბარია იმაზე, რომ უკრაინა ახალი კონტრშეტევას ამზადებს. სხვადასხვა რუსული და უკრაინული წყაროების ცნობით, იგეგმება ახალი მძლავრი დარტყმა ზაპოროჟიეს მიმართულებით და მდინარე დნეპრის ფორსირება ხერსომის მიდამოებში.

მამის სასტიკ მკვლელობაში ბრალდებულმა ახალგაზრდა კაცმა დანაშაული აღიარა. ახლა გამოძიება ადგენს, რა გახდა ამ მძიმე დანაშაულის ჩადენის მოტივი. არსებობს  ვერსია, რომ შვილმა მამა ქონების გამო გაიმეტა. დედის გარდაცვალების შემდეგ ის მამას ავჭალაში სახლის გადაფრომებას სთხოვდა. შვილმა მამა დედის წლისთავზე მოკლა. ცხედარი ზეწარში გაახვია და შიდა ქართლიდან თბილისში წამოიღო. სხეული ავჭალაში მდებარე ბინის ეზოში, სამშენებლო ნარჩენებში დამალა. შემდეგ კი სოფელში დაბრუნდა და გაუჩიარებულ მამას თანასოფელელბთან ერთად ეძებდა. 

მართველი გუნდი შეკრებისა და მანიფესტაციების დროს დროებითი კონსტრუქციების მოწყობასთან დაკავშირებით კანონის გამკაცრებასა და ახალი ამკრძალავი ნორმების ამოქმედებას გეგმავს. როგორც ანალიტიკოსი ვახტანგ ძაბირაძე „რეზონანსს" ეუბნება, ეს ნიშნავს, რომ „ოცნება" ოპოზიციის აქციებისათვის ემაზდება, თუმცაღა, მისი აზრით, ეს კანონი, არსებული პრაქტიკიდან გამომდინარე, დიდი ალბათობით, არ იმუშავებს. ამბობს, რომ, სავარაუდოდ, არც ოპოზიციის აქციები იქნება მასობრივი და პერმანენტული, რადგან დღეს საზოგადოებაში ეს განწყობა არაა.

რა გზავნილია „ედისონ რისერჩის“ კვლევები ქართული პოლიტიკური სპექტრისთვის და განსაკუთრებით ოპოზიციისთვის. როგორც ანალიტიკოსები „რეზონანსთან“ ფიქრობენ, თუ ამ კვლევებს დავეყრდნობით, მაშინ „ოცნება“ უმრავლესობის შექმნას მაინც შეძლებს, რადგან 2024 წლამდე  ენმ-ში სიტუაცია ისე ვითარდება, რომ მას რეიტინგი კიდევ უფრო  დაბლა დაუვარდება. თუკი პარტია ორად გაიყოფა, მაშინ 17%-ანი შედეგი  გამორიცხული იქნება. 

რეჟისორ ნანა ჯანელიძის მხატვრულმა ფილმმა „იარე ლიზა", რომელიც აფხაზეთის ომზეა გადაღებული დიდი აურზაური გამოიწვია. საზოგადოების ნაწილის გულისწყრომა პრემიერიდანვე დაიწყო, რომელიც 21 სექტემბერს კინოთეატრ „ამირანში" შედგა. სოც ქსელებში გავრცელდა ვიდეო, კადრებიდან კი ჩანს, რომ ადამიანები ფილმის შინაარსს აკრიტიკებენ და დარბაზს პროტესტის ნიშნად შეძახილებით ტოვებენ.