აშშ-ის 47-ე პრეზიდენტი დონალდ ტრამპი მეორე პრეზიდენტობის ვადის პირველი დღიდანვე მოვალეობის შესრულებას აქტიურად შეუდგა. საგარეო კუთხით მის გააქტიურებას ანალიტიკოსები უფრო მოგვიანებით ელიან და აცხადებენ, რომ ტრამპის ადმინისტრაციის პოზიცია გავლენას მოახდენს, როგორც ზოგადად მსოფლიოზე, ისე კონკრეტულად საქართველოში მიმდინარე შიდა პოლიტიკურ პროცესებზე. მანამდე კი როგორც „ქართული ოცნება", ისე ოპოზიცია ცდილობენ დაამტკიცონ, რომ აშშ-ის ახალი ხელისუფლების მოკავშირეები სწორედ ისინი არიან, ან, სულ მცირე, მასთან იდეოლოგიურად თანხვედრაში მოდიან.

სადისტრიბუციო ავტომობილებისთვის თბილისში 550 საპარკინგე ადგილი უნდა გამოყოფილიყო, მაგრამ, ამ დროისთვის, მისი ნახევარიც არ გაკეთებულა. კომპანიები მუდმივად საუბრობენ ჯარიმებაზე, რაც მათთვის პრობლემას წარმოადგენს და საქმე იქითკენ მიდის, რომ მალე პროდუქციის ფასშიც აისახება.

დონალდ ტრამპი ჯო ბაიდენის პოლიტიკას სრულიად ცვლის. მან უკვე რამდენიმე დოკუმენტს უკვე მოაწერა ხელი. ერთ-ერთი მათგანი საგარეო დახმარებების 90 დღით შეჩერებას გულისხმობს. საინტერესოა, რა სიგნალია აღნიშნული გადაწყვეტილება იმ ქვეყნებისთვის, რომელთაც აშშ ფინანსურად ეხმარება და იმ არასამთავრობო ორგანიზაციებისთვის, რომლებიც ამერიკული ფულით იკვებებიან. 

აშშ-ის პრეზიდენტად მეორედ არჩეულმა დონალდ ტრამპმა ინაუგურაციის შემდეგ მალევე დაიწყო სწრაფი ცვლილებები. პრეზიდენტმა სამხრეთის საზღვარზე საგანგებო მდგომარეობა გამოაცხადა, რათა აშენდეს ე.წ. სასაზღვრო კედელი; ბაიდენის ოთხი მაღალჩინოსანი გაათავისუფლა და განაცხადა რომ „ბევრი მათგანი მსგავს ბედს გაიზიარებს“, დროებით შეაჩერა აშშ-ის საგარეო დახმარების ყველა პროგრამა, რათა დადგინდეს, შეესაბამება თუ არა ისინი ახალი ადმინისტრაციის პოლიტიკას და ჯანდაცვის მსოფლიო ორგანიზაციიდან (ჯანმო) გასვლის პროცედურა დაიწყო. 

საქართველოს მთავრობა საუნივერსიტეტო რეფორმას იწყებს, რომელიც შეიძლება ახალი პროტესტისა და საზოგადოების ნაწილის სერიოზული უკმაყოფილების მიზეზი გახდეს. ამას არც თავად მმართველ გუნდში უარყოფენ. ხელისუფლების ოპონენტებმა კი ეს უკვე შეაფასეს, როგორც „ქართული ოცნების" მიერ უმაღლესი სასწავლებლების მოთვინიერების მცდელობა. კონკრეტულად რას შეიძლება გულისხმობდეს ეს რეფორმა და გახება თუ არა ის საზოგადოებაში ახალი ვნებათაღელვის მიზეზი?

„ჩვენი ულტიმატუმის ვადა ამოიწურა. ჩვენ ვიწყებთ!" - ამის შესახებ ვასო აბაშიძის სახელობის „ახალი თეატრი" „ფეისბუქზე" წერს. მათივე ინფორმაციით, შემდგომ ნაბიჯებთან დაკავშირებით საპროტესტო მანიფესტს 23 იანვარს გააჟღერებენ. ანალიტიკოსების ვარაუდით, ქუჩაში რაღაც ახალი საპროტესტო ტალღის აგორება ნაკლებად მოსალოდნელია, თუმცა, მათივე აზრით, სხვადასხვა პერფომანსებს სავარაუდოდ, ვიხილავთ.

„მე უნდა ველაპარაკო პრეზიდენტ პუტინს, ზელენსკის სურს გარიგების დადება, პუტინი ანადგურებს რუსეთს გარიგების არდადებით, ვფიქრობ, რუსეთი დიდ უბედურებაში აღმოჩნდება", - ამის შესახებ აშშ-ის პრეზიდენტმა დონალდ ტრამპი თანამდებობის ოფიციალურად დაკავებიდან რამდენიმე საათში განაცხადა. ანალიტიკოსთა შეფასებით, ეს იმაზე მიუთითებს, რომ კრემლი უკრაინის საკითხზე კომპრომისისთვის მზად არ არის. ტრამპი კი საწყის ეტაპზე სამშვიდობო დიპლომატიის ფორმატში ეცდება მხარეების დათანხმებას მოლაპარაკებაზე.

უმაღლეს სასწავლებლებში ცვლილებების ახალი ეტაპი იწყება. პირველ რიგში, ეს შეეხება საუნივერსიტეტო რეფორმას, რომელმაც თვისობრივად უნდა შეცვალოს განათლების სისტემა ქვეყანაში და პრიორიტეტები გადააწყოს. საუნივერსიტეტო რეფორმაზე  სამთავრობო კომისია, პრემიერ-მინისტრის ხელმძღვანელობით იმუშავებს. სპეციალისტები იმედოვნებენ, რომ მთავარი აქცენტი პროფესიულ დარგებზე გაკეთდება, რომ შრომის ბაზარს საჭირო კადრები სწორედ უნივერსიტეტმა მიაწოდოს, რა მხრივაც საგანგაშო მდგომარეობაა ქვეყანაში. 

ტრამპის მმართველობის პერიოდში აშშ-საქართველოს ეკონომიკურ ურთიერთობებში ცვლილებები ნაკლებად მოსალოდნელია. ქართველი ეკონომისტები ღიად აცხადებენ, რომ ქვეყნებს შორის ბოლო პერიოდში, მდგომარეობა გაუარესებულია და მისი აღდგენის ალბათობა ჯერჯერობით მცირეა. ახლა მთელი ყურადღება აშშ-კენ არის მიმართული, სადაც ახალი პრეზიდენტის ინაუგურაცია ჩატარდა. საქართველოსთვის ეს პროცესები საყურადღეობა იმ მხრივ, როგორ შეიცვლება მისი პრეზიდენტობის პერიოდში გლობალური ეკონომიკური პოლიტიკა და  როგორ აისახება  საქართველოზე.

ნათლისღების დღესასწაულთან დაკავშირებულ პრეზიდენტის შეწყალების აქტს დიდი გამოხმაურება მოჰყვა, ოპოზიცია მიხეილ ყაველაშვილის მიერ 613 პირის შეწყალების უკან პარტიულ ინტერესებს ხედავს და სიის გასაჯაროვებას ითხოვს, "ოცნება" კი აცხადებს, რომ ეს არის ჰუმანური აქტი და ყაველაშვილმა კონსტიტუციით მინიჭებული უფლებამოსილება გამოიყენა.

უკრაინა ფრონტზე ცვლილებებს გეგმავს, ადგილობრივ მედიასთან შეიარაღებული ძალების მთავარსარდალი ამბობს რომ „მხოლოდ თავდაცვით ბრძოლის მოგება შეუძლებელია". აღნიშნავს რომ უკრაინამ უნდა გამოიყენოს ის, რაშიც უპირატესობა აქვს, საჭიროა საჰაერო თავდაცვის სისტემის დახვეწა, რაც მოიცავს უპილოტო აპარატებსა და რობოტულ პლათფორმებს.

არჩევნებიდან მოყოლებული ქვეყანაში არსებული დაძაბული პოლიტიკური პროცესების მიუხედავად ეკონომიკა წინსვლას მაინც ახერხებს. ლარის კურსის შენარჩუნებაც მეტნაკლებად ხდება, თუმცა თუ მდგომარეობა არ დარეგულირდა, სფეროს სპეციალისტები მიიჩნევენ, რომ კრიზისი გარდაუვალი გახდება და ვერც ეროვნული ვალუტა შეძლებს კურსის შენარჩუნებას. ზოგადად, იანვრის ბოლო და თებერვალი ლარი გამყარებისკენ მიდრეკილია, მაგრამ შექმნილი პოლიტიკური ვითარებიდან გამომდინარე რა მოხდება წელს, ამის პროგნოზირება სპეციალისტებისთვის რთული აღმოჩნდა.