დონალდ ტრამპის გაპრეზიდენტებამდე ერთ კვირაზე ნაკლები რჩება. შესაბამისად, იმატებს მოლოდინი, რომ უკრაინაში ომი დასრულდება, თუმცა ეს დროის ამბავია და ამერიკაში ხელისუფლების ცვლილებიდან მალევე ვერ მოხდება. სავარაუდოდ, ამა  რამდენიმე თვეში დასჭირდება და შემდეგ პოლიტიკური სიტუაციაც დამშვიდდება. პარალელურად საინტერესოა, როგორ გადაეწყობა გლობალური ეკონომიკა და რა პროცესები დაიწყება რეგიონული და საერთაშოსირო მიმართულებით. 

ქვეყანაში კვლავ უწყვეტი პროტესტია, ვითარება დროდადრო იძაბება, განსაკუთრებით მწვავე იყო 12-13 იანვრის ღამე, როგორც თბილისში, ისე ბათუმში. აქცია-მსვლელობა იყო სხვა ქალაქებშიც და როგორც ანალიტიკოსები ამბობენ, როგორც ჩანს, დაძაბულობის ეპიცენტრები რეგიონებში გადადის.

ირაკლი ჩიქოვანი უკრაინის თავდაცვის საკონტაქტო ჯგუფის შეხვედრაში მონაწილეობდა. „ქართულ ოცნებაში" აცხადებენ, რომ „რამშტაინის" ფორმატში 25-ე შეხვედრაზე საქართველოს თავდაცვის მინისტრის დასწრება დასავლეთის მხრიდან საქართველოს ხელისუფლების ლეგიტიმაციის აღიარებას ნიშნავს. ანალიტიკოსები ირაკლი ჩიქოვანის შეხვედრაზე ყოფნაზე საუბრობენ და ამბობენ, რომ რა თქმა უნდა, საქართველოს მონაწილეობა კარგია, თუმცა „ოცნებას" დასავლეთის მხრიდან ხელისუფლების აღიარებაში არ ეთანხმებიან.

მარკ ცუკენბერგის ანონსს დონალდ ტრამპის ინაუგურაციამდე ორი კვირით ადრე „მეტას“ სოციალურ ქსელებში ცვლილებების შესახებ, აშშ-ის მოქმედი პრეზიდენტის, ჯო ბაიდენის კრიტიკა მოჰყვა. ცუკენბერგი ბაიდენის ადმინისტრაციის მხრიდან ზეწოლაზე ალაპარაკდა და „სიტყვის თავისუფლების აღდგენის“ წინაპირობას იძლევა. სისტემური ცვლილებები თავდაპირველად აშშ-ში ამოქმედდება. მსგავსი სისტემა მოქმედებს ტრამპის მოკავშირე, ილონ მასკის სოციალურ ქსელებზეც. არის თუ არა ეს „მეტას“ პასუხი ტრამპის მუქარაზე და რატომ გახდა ეს გადაწყვეტილება ბაიდენის ადმინისტრაციის უკმაყოფილების მიზეზი?

ხელისუფლების მოწინააღმდეგეთა რიგებში ბოლო დროს აქტიურად მიდის კამათი და მსჯელობა იმაზე, თუ რატომ არაფერი დაუპირისპირა ოპოზიციამ „ქართული ოცნების" საარჩევნო კამპანიის ერთ-ერთ მთავარ მესიჯს - „აბა, ომი გინდათ?!" და როგორი იქნებოდა არჩევნების შედეგები, ყველაფერის სხვაგვარად რომ ყოფილიყო. ანალიტიკოსი ნიკა ჩიტაძე „რეზონანსთან" აცხადებს, რომ ოპოზიციამ, ბოლო 12 წელია, ჭორების და დეზინფორმაციის გაფანტვაზე „ოცნებას" ეფექტური მექანიზმი ვერ დაუპირისპირა. „ოცნება" კი მოქმედებს დევიზით - „რაც უფრო დიდია ტყუილი, მით უფრო იჯებეს მას ხალხი".

აშშ-ის კონგრესის საკანონდებლო მაცნეში უკვე ოფიციალურად დარეგისტრირდა რესპუბლიკელ ჯო უილსონისა და დემოკრატ სტივ კოენის „ქართული კოშმარის არაღიარების აქტი". ახლო მომავალში დოკუმენტის გახილვა წარმომადგენელთა პალატის კომიტეტებში იწყება. პროცედურის მიხედვით, თუ აქტს კონგრესის ქვედა პალატამ დაუჭირა მხარი, გადაეცემა კენჭისყრისთვის სენატს, სადაც ასევე უმრავლესობის მხარდაჭერას საჭიროებს, საბოლოო დამტკიცებისთვის კი დოკუმენტი ხელმოწერისთვის პრეზიდენტს გადაეცემა.

გერმანიის კანცლერი ოლაფ შოლცი უკრაინისთვის დამატებით 3 მილიარდი ევროს დახმარების პაკეტს ეწინააღმდეგება.

აშშ-ის ახალი პრეზიდენტის დონალდ ტრამპის ინაუგურაციამდე ათი დღეა დარჩენილი და ჯერ კიდევ ბოლომდე ცნობილი არაა ის სრული შემადგენლობა თუ ვინ დაესწრება ფიცის დადების ცერემონიას, რომელიც კაპიტოლიუმში ჩატარდება. მანამდე სხვადასხბა წყაროებიდან ცნობილი ხდება, რომ ტრამპმა პირადად გაუგზავნა მოსაწვევები იმ სახელწიფოთა მეთაურებს და ლიდერებს, რომელთაც ახლო წარსულში არცთუ სახარბიელო ურთიერთობა ჰქონდათ აშშ-სთან.

„ქართული ოცნების" ანონსს დროებითი საგამოძიებო კომისიის შექმნაზე, რომელიც „ნაციონალური მოძრაობის" „სისტემურ დანაშაულს" შეისწავლის, ოპოზიციაში „არაადეკვატურს" უწოდებენ. აღნიშნავენ, რომ „ქართული ოცნება" „უსუსურ მდგომარეობაშია" და ეს ნაბიჯი მათ თავად მიიყვანს ციხის კარამდე. ცდილობს თუ არა „ოცნება" „კოლექტიური ნაცმოძრაობის" აკრძალვას და რა შედეგებს მოუტანს ეს სახელმწიფოს?

დასავლეთთან ურთიერთობის გამწვავების ფონზე, პრემიერი კობახიძე ჩინეთის ელჩს ხვდება. ზოგი ამაში ერთ რიგით დიპლომატიურ შეხვედრას ხედავს, სხვები კი მიიჩნევენ, რომ ეს ერთგვარი გამოწვევაა, რადგან "ოცნების" ხალხს დასავლეთში არავინ ხვდება.

"ბოლო პერიოდში ლაპარაკია, რომ "ქართული ოცნება" გეზს რუსეთისკენ იღებს, ამავე დროს, არცთუ იშვიათად მიაყოლებენ ხოლმე, რომ 2012 წლამდე ყველაფერი წესრიგში იყო. იმის შესადარებლად თუ 2012 წლამდე რუსეთთან ურთიერთობაში რა ხდებოდა და 2012-ის მერე რა ხდება, ამასთან რა მდგომარეობა იყო ადამიანის უფლებების მხრივ, მე მგონი ეს კომისია ამ საკითხების ჩამოყალიბებისთვის, ფორმულირებასა და გამძაფრებისთვის კეთდება",- განაცხადა "რეზონანსთან" ანალიტიკოსმა რამაზ საყვარელიძემ.

აშშ-ის მომავალ პრეზიდენტ დონალდ ტრამპსა და რუსეთის ლიდერ ვლადიმერ პუტინს შორის შესაძლოა შეხვედრა შედგეს. როგორც ტრამპი ამბობს, შეხვედრის სურვილი პუტინმა გამოთქვა და ამისთვის მზადება დაწყებულია. ანალიტიკოსები მათი შეკრების რამდენიმე მიზეზზე საუბრობენ, მათ შორის პუტინის შეთავაზებაზე, რომელიც გავლენის სფეროების გადანაწილებას გულისხმობს. მათივე ვარაუდით, რუსეთის ლიდერი ტრამპთან ძალების მოსინჯვას ცდილობს.