პოლიტიკური მიზნების მისაღწევად ბიზნესის გამოყენება კვლავ აქტუალურია. საყოველთაო გაფიცვის ორგანიზების მცდელობა საქართველოში, თითქოს, დასრულდა, მაგრამ კერძო სეტორის პოლიტიკაში ჩართვის მცდელობა მაინც გრძელდება. ექსპერტთა ნაწილი მიიჩნევს, რომ ეს ჩვეულებრივი საბოტაჟია და ბიზნესს ამუნათებენ.

აშშ-ის ახლად არჩეული პრეზიდენტი დონალდ ტრამპი რუსეთის პრეზიდენტ ვლადიმირ პუტინთან „ძალიან სწრაფად" შეხვედრას აანონსებს, ამის შესახებ მან ორშაბათს განაცხადა, თუმცა შეხვედრის ზუსტი დრო, ადგილი და ფორმატი ჯერჯერობით უცნობია.კრემლიც მზადყოფნაშია. რუსეთის პრეზიდენტის პრესსპიკერი დმიტრი პესკოვი ხაზგასმით ამბობს, რომ პუტინს შეხვედრის საწინააღმდეგო არაფერი აქვს. 2022 წელს რუსეთ-უკრაინის ომის დაწყების შემდეგ ეს ორი სახელმწიფოს ლიდერების პირველი შეხვედრა იქნება. მედიაშ კი უკვე ვრცელდება ცნობები, თუ, სავარაუდოდ, რა პოზიციებით წარსდგებიან მხარეები ერთმანეთის წინაშე.

ადგილობრივი წარმოების დასახმარებლად იმპორტირებული არმატურა დაიბეგრება. ცვლილება 25 იანვრიდან ამოქმედდება და ძალაში 7 თვის განმავლობაში იქნება, რომელიც 1 ტონა არმატურაზე 420-ლარიან (148 დოლარი) გადასახადს გულისხმობს.

საახალწლო „პოლიტიკური არდადეგები" პრაქტიკულად დასრულდა და ქვეყანა აქტიურ პოლიტიკურ ცხოვრებას იწყებს. ანალიტიკოსები „რეზონანსთან" საუბრისას ვითარების მოსალოდნელ მკვეთრ გამწვავებაზე საუბრობენ და მიიჩნევენ, რომ ბოლო დღეებში ამის წინაპირობები უკვე გამოჩნდა. განსაკუთრებით დაძაბული კი, მათივე აზრით, აშშ-ში დონალდ ტრამპის ინაუგურაციამდე დარჩენილი პერიოდი იქნება.

დღეს, ვაშინგტონში სომხეთის რესპუბლიკა და აშშ ოფიციალურად სტრატეგიული პარტნიორები გახდებიან, აშშ-ს სახელმწიფო მდივანი, ანტონი ბლინკენი და სომხეთის საგარეო საქმეთა მინისტრი, არარატ მირზოიანი, ხელს მოაწერენ დოკუმენტს სტრატეგიული პარტნიორობის შესახებ, ამის შესახებ ინფორმაციას სომხური მედია ავრცელებს, რას შეცვლის ეს გადაწყვეტილება ამიერკავკასიის რეგიონში და გახდება თუ არა ამიერკავკასიიდან, საქართველო „მეორე რანგის მოთმაშე" ევროპულ გზაზე?

ოპოზიციონერმა დეპუტატებმა პარლამენტს მანდატების გაუქმების შესახებ ჯერ კიდევ ნოემბერში მიმართეს, თუმცა, იმის მიუხედავად, რომ პარლამენტი ვალდებულია ასეთ შემთხვევაში მანდატები გააუქმოს, „ქართული ოცნება" სავარაუდოდ, ამის გაკეთებას არც ამჯერად აპირებს. ანალიტიკოსები ამის მთავარ მიზეზებზე საუბრობენ და აღნიშნავენ, რომ ხელისუფლებას ოპოზიციის პარლამენტში შესვლის იმედი აქვს, როგორც წინა წლებში, და სწორედ ამიტომ წელავს დროს.

ენერგეტიკული სასმელი ადამიანის, განსაკუთრებით კი, მოზარდებსა და ახალგაზრდებს, ჯანმრთელობის სერიოზულ საფრთხეს უქმნის. როგორც საქართველოში, ასევე მსოფლიოს სხვადასხვა ქვეყანაში ენერგეტიკული სასმელით მოწამვლის უამრავი შემთხვევა ფიქსირდება. არის ასევე გარდაცვალების ფაქტიც, რომელიც აშშ-ში დაფიქსირდა. ამ დროს ქართულ ბაზარზე ენერგეტიკული სასმელების ბუმია და არანაირი დამაბრკოლებელი გარემოება არ არსებობს ამ საშიში პროდუქციის რეალიზაციისას, რაც მოსახლეობის ჯანმრთელობაზე მკვეთრად უარყოფით გავლენას ახდენს. მით უმეტეს, იმ ფონზე, როცა რიგ ქვეყნებს  ენერგეტიკული სასმლის აკრძალვის მიმართულებით მუშაობა დაწყებული აქვთ.

საქართველოს საგარეო ვაჭრობაში წელსაც გამოწვევაა. უარყოფითი სავაჭრო სალდო ქვეყნისთვის ყოველთვის იყო პ

რობლემა, მაგრამ მიმდინარე პოლიტიკური დაძაბულობის ფონეზე რისკი უფრო მეტად გამოიკვეთა და ამას ოფიციალური სტატისტიკაც ადასტურებს. 2024 წელს ექსპორტისა და იმპორტს შორის  უარყოფითმა სალდომ 10 მილიარდი დოლარით გადააჭარბა. 

"ნაცმოძრაობის" ხელისუფლების საქმიანობის შემსწავლელ საგამოძიებო კომისიაში ოპოზიციის სტატუსით "ხალხის ძალის" დეპუტატები ერთვებიან.

მეექვსე დღეა ლოს-ანჯელესში ხანძარია - ტყის ხანძრების შედეგად დაღუპულთა რაოდენობა 24-მდე გაიზარდა, მათ შორის 16 იტონის ხანძარს ემსხვერპლა და 8 - პალისეიდსის ხანძარს, - ინფორმაციას „სიენენი" ავრცელებს. ამასთან, ტელეკომპანიის ცნობით, ოფიციალური პირები აცხადებენ, რომ ამ დროისთვის რეალური რაოდენობის დადგენა ვერ ხერხდება, რადგან ბევრ ადგილამდე მისვლა უსაფრთხო არ არის. ასევე ისინი ვარაუდობენ, რომ ხანძრის საფრთხე კვლავ რჩება, ვინაიდან კვირის დასაწყისში მოსალოდნელია სახიფათო „სანტა ანას" ქარის დაბრუნება.

პოლონეთმა კვირას რუსეთში მიმავალ სლოვაკეთის საპარლამენტო დელეგაციას მისი საჰაერო სივრცის გამოყენების უფლება არ მისცა. დეპუტატებს მარშრუტის გადამისამართება მოუწიათ, გეზი გერმანიისა და ჩეხეთის საჰაერო სივრცისკენ აიღეს. ამის შესახებ ინფორმაციას სლოვაკური მედია ავრცელებს. გავრცელებულ ინფორმაციას პოლონეთი უარყოფს და ისინი ფრენის აკრძალვის მიზეზად შეუსაბამო დოკუმენტაციას ასახელებენ.

აშშ-ის მომავალი პრეზიდენტის, დონალდ ტრამპის მომავალი მრჩეველი ეროვნული უსაფრთხოების საკითხებში, მაიკ უოლცი ფიქრობს, რომ არარელურია იმის თქმა, უკრაინის მიწის ყოველი ინჩიდან, თუნდაც ყირიმიდან ყველა რუსს განდევნიან. მისივე თქმით, დონალდ ტრამპსა და ვლადიმერ პუტინს შორის შეხვედრის მომზადება მიმდინარეობს.