კოვიდინფიცირებულთა რაოდენობა ბოლო კვირის განმავლობაში თითქმის გაორმაგდა, ექსპერტების პროგნოზით არ არის გამორიცხული ინფიცირების რიცხვი კიდევ გაიზარდოს - მიზეზად სახელდება ომიკრონის ახალი ქვეშტამის გამოჩენა. პარალელურად ცნობილი ხდება, რომ „ფაიზერი" და „მოდერნა" ახალ ვაქცინაზე მუშაობენ.

თუ ოპოზიცია გონივრულ მოთხოვნებს არ დააყენებს, პროტესტი მიილევა და კვლავ ქუჩიდან სახლებში გადაინაცვლებს, როგორც ეს 2009 წელს მოხდა. ხალხს ყველაფერი გადატრიალების ან რევოლუციის შესახებ შიშს უჩენს. ოპოზიციას დასავლეთიდანაც მხარდაჭერა არ ექნება. ამიტომ უნდა მოითხოვონ 12 პუნქტის შესრულება და ამ კუთხით ხელისუფლების კონტროლი, ამბობს ანალიტიკოსი ვახტანგ ძაბირაძე 3 ივლისის აქციაზე საუბრისას.        

ევროკავშირის მიერ შემოთავაზებულ 12 პუნქტიან გეგმა-რეკომენდაციაში დეპოლარიზაცია ზუსტად პირველ პუნქტადაა დაწერილი. ვფიქრობ, რომ ეს პუნქტი ენმ-ს რადიკალიზმის გამო შეუსრულებადია. არანაირი ილუზია არ მაქვს, რომ ენმ და „ქართული ოცნება" რომელიმე საკითხის შესაჯერებლად და გადაწყვეტილების გამოსატანად ერთად დასხდებიან, თუნდაც პარლამენტის შენობაში. აქ საერთაშორისო მედიაციაც ვეღარ ჩაერთვება - ამის შესახებ „რეზონანსთან" ანალიტიკოსმა გია აბაშიძემ მიმდინარე პოლიტიკური მოვლენების შეფასებისას განაცხადა. მეტიც, ფიქრობს, რომ საქართველოში პოლარიზაცია დღითიდღე უფრო რთულ ფორმებს იღებს.

3 ივლისს თბილისში სახალხო მოძრაობის, "შინ ევროპისკენ" ორგანიზებით კიდევ ერთი აქცია გაიმართება, რომლის მთავარი მოთხოვნებია: გადადგეს თანამდებობიდან პრემიერ-მინისტრი ირაკლი ღარიბაშვილი და შეიქმნას ეროვნული თანხმობის მთავრობა. როგორც ანალიტიკოსი ზაალ ანჯაფარიძე „რეზონანსთან" აცხადებს, ლოგიკურია, რომ ხელისუფლება მათ მოთხოვნებს არ გამოეხმაურა, რაც შეეხება იმას თუ რა სცენარია მოსალოდნელი, ანალიტიკოსი ამბობს, რომ ეს თავად ხალხზეა დამოკიდებული, თუმცა „ის, რომ რევოლუციური სცენარია ჩაფიქრებული, ამაში უკვე ეჭვი არავის არ ეპარება".

ომის 128-ე დღე უკრაინაში - რუსეთის მთავარი მიმართულება კვლავ ქვეყნის აღმოსავლეთია, მძიმე ბრძოლები გრძელდება სევეროდონეცკის მიმართულებით, ოკუპანტები ლუგანსკის რეგიონზე სრული კონტროლის დამყარებას ცდილობენ და თავდასხმით ოპერაციებს ახორციელებენ, რომ უკრაინის შეიარაღებული ძალების ქვედანაყოფების ლოგისტიკური მხარდაჭერა დაბლოკოს. რუსეთის საოკუპაციო ჯარებმა სარაკეტო თავდასხმა განახორციელეს ოდესაზე და მიკოლაივზე, შედეგად დაღუპული და დაშავებულია ათეულობით ადამიანი.

ნატოს ისტორიული სამიტი დასრულებულია. მადრიდში ლიდერებმა რამდენიმე მნიშვნელოვანი გადაწყვეტილება მიიღეს. პირველად, ნატომ რუსეთს მშვიდობისა და უსაფრთხოებისთვის "ყველაზე მნიშვნელოვანი და პირდაპირი საფრთხე" უწოდა, ასევე, თავის რიგებში მიიწვია ფინეთი და შვედეთი, შეიმუშავა მომდევნო ათი წლის უსაფრთხოების გეგმა და დახმარება გაუზარდა უკრაინას. რაც შეეხება საქართველოს - ალიანსი აღმოსავლეთ ფლანგს აძლიერებს. ჩვენმა ქვეყანამ ახალი და გაძლიერებული დახმარების პაკეტი მიიღო - ასევე, ძალაში დარჩა ბუქარესტის გადაწყვეტილება ღია კარის პოლიტიკის შესახებ.  

თუ 3 ივლისის აქციაზე დიდი რაოდენობით ხალხს ვიხილავთ, ეს იქნება სერიოზული განაცხადი იმისა, რომ ორგანიზატორთა მოთხოვნები საზოგადოებისათვის მისაღებია. განსაკუთრებით მაშინ, თუ ეს არა მარტო თბილისის, არამედ მთლიანად რეგიონების მასშტაბით მოხდა. ამ სიტუაციაში კი მთავრობას მოუწევს, რომ გადადგომაზე იფიქროს. ეს ყველა ევროპულ ქვეყანაშია მიღებული და აქ მტკივნეული არაფერია, თუმცა ტექნიკური მთავრობის იდეას ვერ დავეთანხმები - თქვა „რეზონანსთან" პოლიტოლოგმა იგორ კვესელავამ მიმდინარე პოლიტიკური მოვლენების შეფასებისას.

ნატოს 28-30 მადრიდის სამიტზე ალიანსის წევრი ქვეყნების ლიდერებმა სტრატეგიული კონცეფცია დაამტკიცეს, სადაც ნათქვმია, რომ რუსეთი ყველაზე მნიშვნელოვანი და უშუალო საფრთხეა მშვიდობისა და სტაბილურობისთვის ევროატლანტიკურ ზონაში, ამასთან ალიანსი აგრძლებს პარტნიორობას ბოსნია-ჰერცეგოვინასთან, საქართველოსა და უკრაინასთან, რათა საერთო ინტერესი გაძლიერდეს ევროატლანტიკური მშვიდობის, სტაბილურობისა და უსაფრთხოების მიმართ. როგორც სამხედრო ექსპერტი ვახტანგ მაისაია „რეზონანსთან" აცხადებს, როგორც ჩანს, ნატო იმ საფრთხისთვის მზად არ იყო, რომელიც რუსეთის უკრაინაში შეჭრამ გამოიწვია. ამ სამიტიდან კი ნათელი გახდა, რომ ნატო უფრო მეტად გაძლიერდება.

„აქამდე რუსებს ჩვენს ისტორიას სხვადასხვა პუბლიკაციებით, ფსევდო-ისტორიული ნაშრომებით და ინტერნეტ-ფეიკებით შლიდნენ, ახლა კი მოვიდნენ და პირდაპირ დაიწყეს დანგრევა იმის, რასაც მანამდე ვირტუალურ სივრცეში ანადგურებდნენ," - ამბობს არტემ გლუშჩენკო, ჩერნიგოვის ოლქის მთავარი არქიტექტორი, რომელიც მე-19 საუკუნის ერთ დროს ლამაზი, მთლიანად განადგურებული შენობის წინ დგას.

მადრიდის სამიტის მეორე დღე - ნატოს ახალი სტრატეგიული კონცეფცია და ლიდერების განცხადებები საქართველოზე. სამიტის ფარგლებში გამართულ ჩრდილო-ატლანტიკური საბჭოს სპეციალურ სხდომაში საქართველოს პრემიერ-მინისტრმა დელეგაციასთან ერთად მიიღო მონაწილეობა.

უკრაინის აღმოსავლეთით ვითარება კვლავ უკიდურესად დაძაბულია, ოკუპანტების ინტენსიური დაბომბვების ქვეშაა ქალაქი ლისიჩანსკი. სარაკეტო იერიშები განხორციელდა, ოჩაკოვზე, ასევე ხარკოვისა და დონბასის ოლქების ქალაქებზე. როგორც ჩანს, ოკუპანტი საომარი მოქმედებების შენელებას და მით უმეტეს დასრულებას არც ფიქრობს, რადგან რუსეთის პრეზიდენტის ვლადიმერ პუტინის ბოლო განცხადებით, დონბასის „გათავისუფლებისთვის სპეციალური სამხედრო ოპერაცია გეგმის მიხედვით მიდის და მისი დასრულების ვადებზე საუბარი არასწორია".

რუსეთის უკრაინაზე პირდაპირი თავდასხმის შემდეგ, ჩრდილო-ატლატინკურმა ალიანსმა არა მარტო გააცნობიერა, რომ დემოკრატიული სამყარო უდიდესი გამოწვევის წინაშე აღმოჩნდა, არამედ მადრიდის სამიტზე მნიშვნელოვანი გადაწყვეტილებები მიიღო ალიანსის გაძლიერებისა და აგრესორის „მოთოკვისათვის".