შვედეთის საგარეო საქმეთა მინისტრმა ტობიას ბილსტრომმა განაცხადა, რომ ნატო უკრაინისთვის საკმარისს არ აკეთებს და რუსეთს მეტი სტრატეგიული სირთულე უნდა შეუქმნას. ანალიტიკოსების აზრით, ნატო უკრაინას იარაღის მიწოდებისთვის მოლაპარაკებას ძალიან წელავს და შესაძლოა უკრაინაში ნატოს ჯარები შევიდნენ.

საქართველოს ევროკავშირში ინტეგრაციის 2024 წლის სამოქმედო გეგმა დაამტკიცეს. რამდენად სწორად ასრულებს მთავრობა რეკომენდაციებს, ამის შესახებ ანალიტიკოსთა აზრი ორად იყოფა, ერთი ნაწილი თვლის, რომ საქართველო ზუსტად მიჰყვება ყველა რეკომენდაციას, რაც ბრიუსელიდან მოდის, ნაწილი კი დიდ ცვლილებებს არ ელოდება, განსაკუთრებით სასამართლო და არჩევნების რეფორმების საკითხებში.

პრეზიდენტი სალომე ზურაბიშვილი დუმს - 25 მარტს „ნაციონალურმა მოძრაობის" წევრებმა ზურაბიშვილის ადმინისტრაციაში მიიტანეს ის ხელმოწერები, რითაც ითხოვენ პატიმრობაში მყოფ ექსპრეზიდენტ მიხეილ სააკაშვილის გათავისუფლებას, თუმცა პრეზიდენტისგან გამოხმაურება ჯერ არ ყოფილა. მანამდე ზურაბიშვილმა განაცხადა, რომ გადაწყვეტილებას თავად მიიღებს და მასზე „გარე და შიდა ზეწოლა ვერ იმოქმედებს".

მმართველმა პარტიამ დააინიცირა ცვლილებები საარჩევნო კოდექსში, რომელიც ორ ძირითად საკითხს მოიცავს - საკრებულოს მაჟორიტარობის კანდიდატებისთვის დაწესებული 40%-იანი საარჩევნო ბარიერი გაუქმდება, ხოლო საპარლამენტო არჩევნებში შემოდის „დელეგატი“ცნება. კანონპროექტის თანახმად, პარტიას აქვს უფლება, საარჩევნო სიის შედგენისას პარლამენტის წევრობის კანდიდატი რომელიმე საარჩევნო ოლქის დელეგატად განსაზღვროს. რატომ გახდა საჭირო საპარლამენტო არჩევნებამდე 7 თვით ადრე ამ ცვლილებების მიღება და როგორ აისახება ეს არჩევნების შედეგებზე?

ბიზნესის დიდი ნაწილი ლარის მეტად გაუფასურებას აღარ ელის. ასეთი მოლოდინია კერძო სექტორში, რასაც ეკონომისტებიც იზიარებენ და ამბობენ, რომ რეფინანსირების განაკვეთის ყველაზე მაღალი ბიჯის შემცირების შემდეგ ლარის გაუფასურება დროებითი ფაქტორია, ამიტომ კურსი სტაბილური იქნება.

ბიზნესი სხვადასხვა სექტორში 48-საათიანი სამუშაო კვირის დაბრუნებას ითხოვს. საუბარია ისეთ მიმართულებებზე, სადაც კადრების განსაკუთრებული დეფიტიცია. სწორედ სამუშაო ძალიან ნაკლებობისა და კვალიფიციური მუშახელის სიმცირით ხსნის კერძო სექტორი ამ მოთხოვნას, თუმცა ადამიანთა უფლებების დამცველები ამბობენ, რომ მსგვასი გადაწყვეტილება მხოლოდ და მხოლოდ დაამძიმებს დასაქმებულთა მდგომარეობას.

ოპოზიცია რამდენიმე თვეა ცდილობს ოქტომბრის არჩევნებისათვის საზღვარგარეთ დამატებითი საარჩევნო უბნების გახსნას მიაღწიოს და შესაბამის კამპანიას აწარმოებს როგორც ქვეყნის შიგნით, ისე იმ ქვეყნებში, სადაც ქართველ ემიგრანტთა რაოდენობა განსაკუთრებით დიდია. ხელისუფლებისათვის კი ეს ასევე პრინციპულად მიუღებელი აღმოჩნდა. რა არის ამის მიზეზი და ზოგადად, რა გავლენას ახდენს არჩევნების შედეგებზე უცხოეთში მყოფი საქართველოს მოქალაქეების პოზიცია? 

ნატო-ში ალიანსის საზღვრებთან აღმოჩენილი რუსული რაკეტების ჩამოგდების შესაძლებლობას განიხილავენ - ამის შესახებ განცხადება პოლონეთის საგარეო საქმეთა მინისტრის მოადგილემ გააკეთა. რა რეაქცია ექნება ამაზე მოსკოვს და გამოიწვევს თუ არა ეს დასავლეთსა და რუსეთს შორის ესკალაციას?

მკვლელობა ქობულეთში - 47 წლამდე კაცმა 40 წლამდე კაცი ცეცხლსასროლი იარაღით დაჭრა. ის ჯერ კიდევ ცოცხალი იყო, როდესაც კლინიკაში მიიყვანეს, თუმცა მედიკოსებმა მისი გადარჩენა ვერ შეძლეს და ოპერაციის გაკეთებამდე დაიღუპა. შემთხვევა საღამოს, აღმაშენებლის ქუჩაზე მოხდა. როგორც ადგილობრივები ამბობენ, დაპირისპირებას წინ ურთიერთშელაპარაკება უძღოდა, თუმცა მათ კონფლიქტის მიზეზებზე საუბარი უჭირთ. სავარაუდო დამნაშავე კი პოლიციამ ცხელ კვალზე დააკავა. 

მოსკოვის ბასმანის რაიონულმა სასამართლომ საქართველოს მოქლაქე ალექსანდრე ინასარიძეს დაუსწრებლად დაპატიმრების განაჩენი გამოუტანა. რუსული მხარის მტკიცებით, ის 2022 წელს ოქტომბერში ყირიმის ხიდზე მომხდარ აფეთქებასთანაა კავშირში და გამორიცხული არაა, კრემლმა საქართველოს ხელისუფლებას მისი გადაცემა მოსთხოვოს. კავკასიის საერთაშორისო უნივერსიტეტის პროფესორი და ანალიტიკოსი ვახტანგ მაისაია „რეზონანსთან" არ გამორიცხავს, რომ ამით მოსკოვი საქართველოს მიმართ ახალი პროვოკაციის საფუძველს ამზადებდეს.

არის თუ პარტია „ახალი" ორი თანასწორი პოლიტიკური ლიდერისა და მათი თანამოაზრეების ალიანსი? ანალიტიკოსთა შეფასებით, პარტიის ლიდერთა ზოგიერთი ბოლოდროინდელი განცხადება ისეთ შთაბეჭდილებას ტოვებს, რომ „ახალში" უკვე გარკვეული აზრთა სხვადასხვაობა და შიდა დაპირისპირებაა. თუ ეს ტენდენცია შენარჩუნდა, ისინი ახალდაფუძნებული პარტიის გაყოფასაც არ გამორიცხავენ.

მოსავლიანობის კუთხით წელს, სავარაუდოდ, მნიშვნელოვანი ზრდა არის მოსალოდნელი.  ამის პირობას იძლევა  სოფლის მეურნეობის მხარდამჭერი პროგრამები და, თავის მხრივ, გააქტიურებული ფერმერული საქმიანობა. მთავარია, ამ ყველაფერს ბუნებამაც შეუწყო ხელი, სხვა წინააღმდეგობა რეგიონების მოსახლეობას, ფაქტობრივად, არ აქვს, რაზეც უკვე თამამად საუბრობენ და აცხადებენ, რომ საგაზაფხულო სამუშაოებისთვის თადარიგი უკვე დაიჭირეს.