ქეთო გოგოხია
14.02.2022

საქართველოსთვის მოწოდებული გაზის ხარისხი სტანდარტს მინიმალურ დონეზეც ვერ აკმაყოფილებს. საქართველოში სამომხმარებლო გაზის ხარისხი უკვე ვერანაირ კრიტიკას ვერ უძლებს. სოციალურ ქსელში გამოთქმული მოსაზრებებით თუ ვიმსჯელებთ, მოქალაქეების  მოსაზრება, რომ  ბუნებრივ აირს რაღაც გაურკვეველ ნივთიერებას ან ჰაერს ურევენ,  დიდი ეჭვის საფუძველია. ეს იწვევს გაზის ნაკლებკალორიულობას და გადასახადიც ამიტომ იმატებს. თუმცა, როგორც სპეციალისტებმა "ბიზნეს-რეზონანსს" განუცხადეს, ეს მხოლოდ ვარაუდია და სინამდვილეში გადასახადი მოსახლეობას გაზის ხარისხის გამო გაეზარდა.

ქეთო გოგოხია
10.02.2022

საერთაშორისო გადაზიდვების ტარიფების შემცირება  ჯერჯერობით ვერ ხერხდება.  მოლოდინი, რომ  2022 წლიდან  ამ საკითხის მოგვარება დაიწყებოდა, რეალურად ვერ გამართლდა. ჯერჯერობით არანაირი წინაპირობა არ არის, რომ გადაზიდვის ხარჯი შემცირდეს. ეს ეხება როგორც ჩინეთიდან, ასევე ნებისმიერი მიმართულებით ლოგისტიკას, რომელიც მუდმივად ძვირდება.

გვანცა წულაია
10.02.2022

მსოფლიოში კორონავირუსის გამო დაწესებული რეგულაცია ნელ-ნელა მსუბუქდება. იტალიასა და ესპანეთში პირბადის ქუჩაში ტარება სავალდებულო აღარ არის. შვედეთმა კი პანდემია საერთოდ დასრულებულად გამოაცხადა. საინტერესოა, როდის შეიძლება გადადგას მსგავსი ნაბიჯი საქართველომ და რა ასახვას მოახდენს ის ეკონომიკასა და ბიზნესზე?

თიკა სიბოშვილი
09.02.2022

ბოლო დროს პურპროდუქტები მუდმივად ძვირდებოდა და არ არსებობდა მექანიზმი, რაც ვითარების მოთოკვას შეძლებდა, თუმცა ლარის კურსის გამყარებამ სიტუაცია რადიკალურად შეცვალა. უკვე გაჩნდა შანსი იმისა, რომ მოსახლეობამ შვება იგრძნოს და ძირითადი საკვები პროდუქტის გაძვირება შეწყდეს. გაიაფებაზე ლაპარაკი არ არის, მაგრამ დღევანდელი მდგომარეობის შენარჩუნება შესაძლებელია. 

გვანცა წულაია
09.02.2022

საქართველოს მთავრობაში მორიგი საკადრო ცვლილებები განხორციელდა _  ნათია თურნავა ეკონომიკის მინისტრის თანამდებობაზე ლევან დავითაშვილმა შეცვალა, გარემოს დაცვისა და სოფლის მეურნეობის მინისტრის პოსტი კი ოთარ შამუგიამ დაიკავა, რომელიც ლევან დავითაშვილის მოადგილე იყო. „რეზონანსი” შეეცადა გაერკვია, რა გავლენა შეიძლება ჰქონდეს ეკონომიკის განვითარებაზე საკადრო ცვლილებებს, განსაკუთრებით მაშინ, როდესაც ხელისუფლებამ ორიენტირად სწორედ ეს მიმართულება აირჩია.

ქეთო გოგოხია
08.02.2022

ლარის გამყარების ტენდენცია  გრძელდება და მან უკვე ყველა ყველა მოლოდინს გადააჭარბა. მთავრობაშიც და ექსპერტულ წრეებშიც ახლა იმაზე ბჭობენ, რამ გაამყარა ლარი და ტენდენციის გრძელვადიან პერიოდში შენარჩუნება რამდენად შესაძლებელია. ხელისუფლება მთავარ ,,დამსახურებად“ ეკონომიკაში მიმდინარე პროცესებს - ეკონომიკურ ზრდას, ფულადი გზავნილების ნაკადების მატებას და ექსპორტის მიღწევებს ასახელებს, რასაც სპეციალისტების ერთი ნაწილი ნაწილობრივ ეთანხმება, ნაწილი კი ლარის გამყარებას გლობალური პროცესით - დოლარის სისუსტით ხსნის.

გვანცა წულაია
08.02.2022

ქართული ვალუტა პოზიციებს თანდათან იუმჯობესებს, ლარი ყოველდღიურად საგრძნობლად მყარდება. საინტერესოა, როდიდან შეიძლება აისახოს გამყარებული ლარი ინფლაციაზე? საქართველოს ეროვნულ ბანკში იწრმუნებიან, რომ შეუძლებელია, რევალვაციის პროცესმა ინფლაციაზე პოზიტიური გავლენა არ მოახდინოს.

გვანცა წულაია
08.02.2022

ბოლო დღეებში, საერთაშორისო ბაზარზე ნავთობის ფასი ირყევა. ორი დღის წინ, `ბრენტის~ ღირებულებამ 93 დოლარი შეადგინა, გუშინ კი 90 დოლარი ღირდა. იქამდე 87-დოლარიანი ნიშნულიც დაფიქსირდა, იყო 91-დოლარიანი მაჩვენებელიც. „რეზონანსი” შეეცადა გაერკვია, რის გამო ხდება ყოველდღიურად ფასთა სხვაობა და რა გავლენა შეიძლება ჰქონდეს საქართველოზე მაშინ, როდესაც ლარი საგრძნობლად მყარდება.

რეზონანსი
07.02.2022

ინფრასტრუქტურული პროექტების განხორციელების მხრივ სერიოზული პრობლემებია. მიუხედავად იმისა, რომ პროექტები პანდემიურ პერიოდშიც არ შეზღუდულა, გამონაკლისი შემთხვევის გარდა, მასობრივად არის ვადების დარღვევის, ხარისხის პრობლემა, რაც ზოგადად ტენდერების გაუმჭვირვალობაზე მეტყველებს. წლების განმავლობაში სიტუაცია უცვლელია - ინფრასტრუქტურის სამინისტროს მხრიდან საგზაო ინფრასტრუქტურაში მილიარდობით თანხა იხარჯება და შედეგი რეალურად არ ჩანს ან არადამაკმაყოფილებელია.

რეზონანსი
07.02.2022

მიწის არასისტემური რეგიტრაციის მაღალი ტარიფი საყოველთაო რეგისტრაციის პროცესზე უაღრესად ნეგატიურად იმოქმედებს. როგორც სპეციალისტები ვარაუდობენ, ე.წ. სპორადული რეგისტრაცია საერთოდ გაჩერდება და თუკი ამის აუცილებლობა არ შეიქმნება, თავისი სურვილით მიწას არ დაარეგისტრირებენ. მიუხედავად იმისა, რომ სისტემური რეგისტრაცია უფასოა და წლებია, რაც გრძელდება, მან ვერ შექმნა მოტივაცია და მიწების, დაახლოებით, 50%  კვლავ დაურეგისტრირებელია, რაც ზოგადად სახელმწიფოს უქმნის დიდ პრობლემას და სოფელსაც, რაც საბოლოდ მიწის რეფორმის განხორციელებასაც ხელს შუშლის.

თიკა სიბოშვილი
07.02.2022

დიდი კრიზისის შემდეგ, ლარის კურსი 2.90-იან ნიშნულთან ახლოსაა და პოზიციებს ყოველდღე იუმჯობესებს. ეროვნული ვალუტა დოლართან მიმართებით ასე მყარი დიდი ხანია, არ ყოფილა. ახლა მთავარია, კურსი ახალ წონასწორულ ნიშნულზე დასტაბილურდეს და მოსახლეობას შეღავათის მიღების შესაძლებლობა გაუჩნდეს. „ბიზნეს-რეზონანსი“ დაინტერესდა, რამდენად პოზიტიურად აისახება კურსის გამყარება შინამეურნეობებზე, რა შეღავათს მიიღებენ ოჯახები და ნახავს თუ არა სარგებელს მოსახლეობა?

ირაკლი ლომიძე
03.02.2022

ინფლაციის მოთოკვა ქართული ეკონომიკის ერთ-ერთ მთავარ გამოწვევად რჩება.  ამაში განსაკუთრებული წვლილი მიუძღვის მსოფლიო პროცესებს და მთავრობის შეცდომას ვერ დავაბრალებთ. სპეციალისტები აქტიურად საუბრობენ იმ ღონისძიებებზე, რის განხორციელებასაც ინფლაციური წნეხის შესამცირებლად საჭიროა. საუბარია სხვადასხვა ტიპის შეღავათზე, რამაც შეიძლება ბიზნესს მდგომარეობა შეუმსუბუქოს და ფასების კლების შესაძლებლობა მისცეს. 


Copyright © 2006-2022 by Resonance ltd. . All rights reserved
×