სომხეთ-აზერბაიჯანის დაპირისპირების მშვიდობიან ფაზაში გადასვლის შემდგომ აზერბაიჯანი და თურქეთი ზანგეზურის დერეფნის გააქტიურებას გეგმავენ. სატრანსპორტო დერეფანი აზერბაიჯანული პროექტია, რომლის სიგრძეც, დაახლოებით, 40 კმ-ია და სომხეთის სიუნიქის პროვინციაზე გადის. ახლა საუბარია იმის შესახებ, რომ პროექტი შესაძლოა, შუა დერეფანის ალტერნატიული მარშრუტი გახდეს, თუმცა ამ მოსაზრებაზე სპეციალისტთა აზრი განსხვავებულია. 

რუსეთიდან მიგრანტებს შესაძლოა, ფულად გზავნილებზე შეზღუდვა დაუწესდეთ. რუსი დეპუტატები მიგრანტებისთვის საზღვარგარეთ იმაზე მეტი თანხის გადარიცხვის აკრძალვას ითხოვენ, რომელიც მათ ოფიციალურ ხელფასს აღემატება. ამის შემდეგ შეიცვლება თუ არა რაიმე საქართველოსთვის, იმის გათვალისწინებით, რომ რუსეთიდან ჩვენს ქვეყანაში ბევრი ტრანზაქცია ხორციელდება? 

რუსულ ხორბალზე საექსპორტო გადასახადი დროებით ნულოვანია. შესაბამისი გადაწყვეტილება ძალაში 9 ივლისს შევიდა და მინიმუმ 22 ივლისამდე გაგრძელდება. რა იქნება მას შემდეგ, ჯერჯერობით უცნობია. მანადე კი მოსალოდნელია, რომ მარცვლეული გაიაფდება, რაც ფქვილი ღირებულების შემცირებასაც გამოიწვევს.  

ბოლო სამი დღეა, საზოგადოების ყურადღება სადგურის მოედანზეა მიმართული, სადაც შენობა ჩამოინგრა და ორი ადამიანი გარდაცვალა. შენობა ავარიულია, რის გამოც 2017 წელს მოხდა გამაგრება. იმავდროულად, კორპუსის მაცხოვერბელბთან პარალელურად მიმდინარეობდა მოლაპარაკება ჩანაცვლებასთან დაკავშირებით, თუმცა 100%-იანი თანხმობა ვერც ერთხელ ვერ მოხერხდა. საინტერესოა, ასეთ დროს ვისი ბრალეულობა იკვეთება და რა არის მსგვასი შემთხვევებისგან გამოსავალი? 

საქართველო აზარტული თამაშების მოგების მაჩვენებელმა ყველანაირი რეკორდი მოხსნა. ქვეყანაში სათამაშო ბიზნესი არანორმალურად მზარდია. მიუხედავად იმისა, რომ გარკვეული რეგულაციები დაწესდა, სათამაშო ბიზნესის მიმართ ინტერესი არ ნელდება. მასში ჩართულია, როგორც ადგილობრივი, ასევე უცხო ქვეყნის მოქალაქეები. ბიზნესის მზარდი მოგების პარალელურად უბედურდებიან ადამიანები. ისინი იღებენ სესხებს, კარგავენ საცხოვრებლებს, ზოგიც თვითმკვლელობამდეც მიდის. შემზღუდავი მექანიზმების მიუხედავად, სათამაშო ინდუსტრია მუდმივად მზარდია და მისი შეკავება ვერანაირად ხერხდება. იგი მოედო ყველას და ყველაფერს. 

ისტორიაში პირველად, ყველაზე მსხვილი კრიპტოვალუტის, ბიტკოინის ღირებულებამ 122 000-დოლარიან ნიშნულს გადააჭარბა და ამით კრიპტოენთუზიასტების დიდი ხნის პროგნოზი გაამართლა. ინდუსტრიის გულშემატკივრებისთვის, ბიტკოინის მიერ ამ ნიშნულის დაძლევა გარდამტეხი მოვლენაა და მისი სამომავლო პოტენციური ზრდის დასაწყისად მიიჩნევა. თუმცა ანალიტიკოსები სიტუაციას კრიპტოივალუტებთან მიმართებით არაპროგნოზირებადად მიიჩნევენ და არ გამორიცხავენ, დროთა განმავლობაში ციფრულმა ვალუტამ მკვეთრი რყევა განიცადოს. 

ტემპერატურის მატებასთან ერთად, საზღვაო კურორტებზე მოთხოვნამ ერთბაშად მოიმატა. განსაკუთრებით ზღვისპირა კურორტებზე, მთიან რეგიონებში ამ მხრივ ცვლილება არ არის, რაც გამოწვეულია იმითაც, რომ ზღვასთან შედარებით, ამ სეგმენტში ზაფხულობით ნაკლები აქტიურობაა. მთავარი პრობლემა მაღალმხარჯველი ტურისტების ნაკლებობაა. რაც შეეხება საფასურს, წელს არ მომსახურება არ გაძვირებულა, მიუხედავად იმისა, რომ ადგილობრივებს ხარჯი გაეზარდათ. ბინისა და კვების ობიექტების მფლობელები ფიქრობენ, რომ გაზრდილი ტარიფით მომხმარებლების მოზიდვა გაუჭირდებათ. 

სახელმწიფოს მხრიდან მრავალი მცდელობის მიუხედავად, წყალტუბოს, როგოც კურორტის განვითარება, მაინც ვერ ხერხდება. „წყალტუბოს ახალი სიცოცხლის“ საინვესტიციო პროექტის ფარგლებში რამდენიმე სანატორიუმია გასხვისებული, თუმცა ინვესტორებისთვის რეაბილიტაციის პროექტები წამგებიანი აღმოჩნდა და რამდენიმე მათგანი სახელმწიფოს კვლავ უკან დაუბრუნდა. ეკონომისტები მმიაჩნიათ, რომ ინვესტორებს ისეთი ვალდებულებები აქვთ, რომლის უზრუნველყოფა მათთვის არახელსაყრელია.  

საქართველოში უამრავი საფრთხის შემცველი ადგილია. სტიქიური ზონები მთელ ქვეყანას მოიცავს. ასეთი ადგილებია მაგალითად აჭარაში, იმერეთში, კახეთში, გურიაში, რაჭა-ლეჩხუმსა და ზემო სვანეთში, თბილისსა და საქართველოს სხვა მხარეებშიც. ქვეყანას მეწყერის ჩამოწოლის გამო ბევრი ადამიანი დაუკარგავს, ამიტომ არსებობს თუ არა რაიმე გზა პრევენციისთვის? 

ენერგეტიკის დარგის განვითარება შესაძლოა, ჩიხში შევიდეს. ამის მიზეზი დარგში ინვესტიციების ნაკლებობაა, რის გამოც ახალი პროექტები რეალურად ვერ ხორციელდება და ვერც დაწყებული. როგორც გაირკვა, 88 ჰიდროელექტროსადგურის პროექტი გაჩერებულია. ამ დროს  ქვეყნის ეკონომიკის ერთ-ერთი მთავარი მამოძრავებელი  ენერგეტიკაა. საქართველო, თავისი ხელსაყრელი გეოგრაფიული მდებარეობითა და განახლებადი ენერგიის წყაროების სიუხვით, ყოველთვის იპყრობდა ინვესტორების ყურადღებას, დღეს კი საპირისპირო რეალობის წინაშე აღმოჩნდა.

საქართველოში ზაფხულის ტურისტული სეზონი ახალი გახსნილია და უკვე საგრძნობი აქტიურობა შეინიშნება. 2025 წლის ცხელი დღეებისთვის ვიზიტორების ზრდაა მოსალოდნელი, თუმცა ტურისტების რაოდენობა მზარდია იქამდეც, სანაც სეზონი პიკურ ფაზაში გადავა. უნდა აღინიშნოს, რომ ქვეყანას ვიზიტორები გაეზარდა ევროპული სახელმწიფოებისგან, არადა სულ რამდენიმე კვირის წინ ტურისტული სექტორის წარმომადგენლები ჩიოდნენ, რომ ევროპიდან სტუმრები აღარ გვყავსო.

ბოლო დროის ინფლაცია საქართველოსთვის უკვე გამოწვევად იქცა. მრავალთვიანი დადებითი ტენდენციის შემდეგ, ქვეყანაში უარყოფითი დინამიკა ვითარდება და არც ისაა გამორიცხული, რომ მაჩვენებელი კიდევ მეტად გაიზარდოს. ყოველ შემთხვევაში, იმაზე ყველა თანხმდება, რომ 2025 წლის ინფლაციური მაჩვენებელი მიზნობრივ 3%-ზე მაღალი იქნება, რაც მოსახლეობისთვის პრობლემაა, განსაკუთრებით კი დაბალშემოსავლიანი ოჯახებისთვის.