საავტომობილო ბაზარი ვერა და ვერ გააქტიურდა, მოთხოვნა შემცირდა და შესაბამისად, იმპორტმაც იკლო, რასაც ბოლო სტასტიკაც ადასტურებს. სირტულეებია რეალიზაციის მიმართულებითაც. ვარაუდი, რომ 2024 წლის ბოლომდე ბაზარზე არსებული ჭარბი ავტომობილების გაწოვა მოხდებოდა, არ გამართლდა. ამიტომაც, სპეციალისტთა ნაწილი მიიჩნევს, რომ ბაზარზე შესაძლოა გაიაფება, დაიწყოს, ნაწილი კი ვარაუდობს, რომ რთული მდგომარეობა ღირებულებაზე გავლენას ვერ მოახდენს.

უძრავი ქონების ბაზარზე მიწოდება მოთხოვნას აღემატება. ამის მიზეზი პოლიტიკური დაძაბულობის გავლენაა, რამაც გაყიდვების ტემპი მნიშვნელოვნად შეამცირა, თუმცა მეორადი უძრავი ქონების ბაზარზე განსხვავებული მოცემულობაა და მდგომარეობა მეტ-ნაკლებად სტაბილურია, განსაკუთრებით მცირე ზომის ბინებთან მიმართებაში, ძვირადღირებულ სეგმენტს უჭირს რეალიზაცია და ფასიც საგრძნობლად შემცირდა, რასაც ახალ ბინებთან დაკავშირებით ვერ ვიტყვით. არსებული პრობლემის მიუხედავად ფასები ჯერჯერობით ნარჩუნდება და ჯერჯერობით არც დეველოპერები ფიქრობენ საფასო პოლიტიკის გადახედვას. 

აშშ-ს მიერ პოზიციების რადიკალური შეცვლა მსოფლიოს უამრავ ქვეყანაში დიდ გაურკვევლობას იწვევს. მათ შორის საქართველოში, მართალია, ამ ფაქტორების გავლენა პირდაპირ არ იგრძნობა, თუმცა იმ დონეზე მაინც აისახება, რომ სავაჭრო-ეკონომიკური საკითხები ახლებურად გადალაგდეს და ბოლო წლეების განმავლობაში მიღწეული სარგებელი, ლოგისტიკური თუ წმინდა სავაჭრო-ეკონომიკური კავშირები შენარჩუნდეს. მას შემდეგ, რაც ვაშინგტონმა სატარიფო პოლიტიკის შეცვლის გადაწყვეტილება მიიღო, არც სხვა სახელმწიფოების რეაქციამ დააყოვნა, რომელიც დიდწილად ევროკავშირის ქვეყნებსა და ჩინეთს ეხება.

მიმწოდებლებსა და სავაჭრო ობიექტებს შორის ურთიერთობის საკანონმდებლო დონეზე დარეგულირების საკითხი შესაძლოა, დღის წესრიგში ისევ დადგეს. კონკურენციის სააგენტო ორი წლის წინ თაროზე შემოდებულ მონიტორინგის პროცესს აგრძელებს. როგორც ლექვინაძის უწყებაში ადასტურებენ, წლიდან წლამდე სავაჭრო ქსელების მიერ მიმწოდებლებისთვის დაკისრებული ხარჯი მზარდია.

შუა დერეფნის როლი იზრდება. ბოლო პერიოდში დიდი ინტერესია ცენტრალური აზიის ქვეყნების მხრიდან, მათ შორის, უზბეკეთიდან. მხარეებს შორის მოლაპარაკებები სამთავრობო დონეზე მიმდინარეობს, რაც კიდევ ერთი  პირობაა, რომ გადაზიდვებზე მეტი მოთხოვნა გაჩნდეს. ამას კი განაპირობებს ქვეყნის მშვიდობიანი კურსი. როცა აღმოსავლეთში დაძაბულობაა, სუეცის არხში პრობლემა მოგვარებული არ არის, უკრაინაში კი ომი გრძელდება, აზერბაიჯანსა და საქართველოზე გამავალი დერეფანი მეტი დატვირთვას იძენს.

ეროვნულ ვალუტას არანაირი საფრთხე აღარ ელის, ამიტომ საფინანსო ბაზარზე სტაბილიზაცია და მყარი გაცვლითი კურსია მოსალოდნელი. რადგანაც ყველა კრიზისი დაძლეულია, პოლიტიკური დაძაბულობა გაფანტულია და ეკონომიკაც იზრდება. შეიძლება ითქვას, რომ ეროვნულმა ვალუტამ პრობლემები უკან მოიტოვა. ამიტომ, დიდი ალბათობით, ლარი ახალ წონასწორულ ნიშნულს იპოვის. 

ზამთრის ტურისტული სეზონი, პრაქტიკულად, მთავრდება. მთის კურორტებზე პოლიტიკური პროცესების გავლენა არ ასახულა. დამსვენებლების მოზიდვას განსაკუთრებით ამინდმა შეუწყო ხელი, თითქმის ყველა კურორტზე ხალხმრავლობა იყო. თუკი ბაკურიანში სექტორი, ძირითადად, ადგილობრივი ტურისტების იმედადაა, გუდაურში უმეტესობას უცხოელები შეადგენდნენ, მესტიის შემთხვევაში  ორივე სეეგმენტი აქტიურობდა. დაძაბული სეზნის მიუხედავად, კურორტებზე მდებარე სასტუმროები 80%-იან დატვირთვაზე ავიდნენ.

საქართველოში პროფესიული კოლეჯების მიმართ ინტერესი მზარდია. ბოლო წლებში ახალგაზრდების ნაწილი, უმაღლესი სასწავლების ნაცვლად, კოლეჯებში აბარებენ ანდა მეორად პროფესიას სწორედ პროსეფიულ დაწესებულებებში იძენენ. ამის მთავარი მიზეზი კი ისაა, რომ სახელმწიფომ პროფესიული განათლების დაფინანსება გადაწყვიტა.

საერთაშორისო ბაზარზე ნავთობის ღირებულება იკლებს. "ბრენტის" ტიპის საწვავი უკვე 70-დოლარიან ნიშნულს ჩამოსცდა და არც ისაა გამორიცხული, რომ ფასი კიდევ უფრო შემცირდეს. ყოველ შემთხვევაში, სპეციალისტების პროგნოზი სწორედ ასეთია.  

საქართველოში უცხოელი სტუდენტების რაოდენობა მზარდია. უმაღლეს სასწავლებლებში ყოველი მეხუთე სტუდენტი უცხოელია. ერთი შეხედვით, ეს პრობლემა არ უნდა იყოს, მაგრამ რისკი ნამდვილად არის იქიდან გამომდინარე, რომ მათი უმეტესობა უფრო დასაქმების მიზნით ჩამოდის და ადგილობრივ მუშახელთან არაჯანსაღ კონკურენციაშია. ეს ეხება განსაკუთრებით ღარიბი ქვეყნებიდან ჩამოსულ სტუდენტებს. მარტო ინდოეთიდან საქართველოში 16 000 სტუდენტი სწავლობს, როცა სულ უცხოელი სტუდენტების რაოდენობა  37 000-ია. გამოდის, რომ  მათი უმეტესობა საფუძვლიან ცოდნას ვერ იღებს, ხოლო უნივერსიტეტებს ძირითადად  ფულის კეთების ინტერესი ამოძრავებთ, რასაც საგანმანათლებლო სექტორისთვის საშიში ტენდენციაა.

პურის ფასი კიდევ ერთხელ დაკორექტირდება, პარალელურად კი მთავრობამ ფქვილზე საიმპორტო გადასახადი კიდევ გაახანგრძლივა, ოღონდ ამჯერად მხოლოდ ერთი თვით. გადაწყვეტილება უკავშირდება საიმპორტო გადასახადის პარამეტრების შეცვლას, ვინაიდან რუსეთში  ფასები იცვლება და აქედან გამომდინარე, მნიშვნელოვანია, კონკურენციის პირობები შენარჩუნდეს. ახალი ფასების დინამიკა სწორედ მარტის ბოლოდან ან აპრილის დასაწყისიდან გამოიკვეთება.

საქართველოს ეკონომიკა ნახტომისებურ ზრდას 2025 წელსაც განაგრძობს. იანვრის შედეგი ისეთი მაღალი აღმოჩნდა, რომ ყველა გაკვირვეულია, რადგან ორნიშნა ეკონომიკურ ზრდას არავინ ელოდა. ანალიტიკოსები ფიქრობენ, რომ ეკონომიკამ პოლიტიკურ დაძაბულობას თავი დააღწია და ამიტომ განვითარებას საფრთხე არ ემუქრება.