არჩევნების დასრულების შემდეგ ლარის კურსი სტაბილურია, რაც ეროვნული ბანკის მიერ გახარჯულმა რეზერვებმა განაპირობა. სავალუტო ბაზარზე არსებულ სიტუაციას სრულად კონტროლდება, თუმცა გამოჩნდნენ ეკონომისტები, რომლებიც ფიქრობენ, რომ კურსს მკვეთრი გაუფასურება ელის. ბოლო დღეებში ამ თემით მანიპულირებამ ტენდენციური და მიზანმიმართული ხასიათი მიიღო. ზოგიერმა საერთოდ წარმოუდგენელი პროგნოზი გააკეთა, თითქოს 1 აშშ დოლარი 5 ლარი გახდება. 

უძრავი ქონების ბაზრის სტაბილურობა არ შერყეულა. არჩევნებიდან სულ რამდენიმე დღე გავიდა და უკვე იგძნობა, რომ პოლიტიკურ პროცესებს სექტორზე  ნეგატიურად არ უმოქმედის. მომხმარებლები, რომლებიც ფართების შეძენისგან თავს იკავებდნენ, ახლა შედარებით გამოცოცხლდნენ. როგორც ჩანს, არჩევნების შემდეგ ხალხს სტაბილურობის განცდა დაეუფლა. ეს კი ხელს უწყობს ბაზრის დინამიკურ განვითარებას. ამიტომაც, მშენებლებისა და დარგის სპეციალისტების თქმით, სეგმენტში განვითარების ტენდენცია აღარ შეიცვლება.

მიწის სისტემური რეისტრაცია, 2024 წლის ნაცვლად, 2025 წლის ბოლომდე გაგრძელდება. შესაბამისი გადაწყვეტილება მთავრობამ რამდენიმე დღის წინ მიიღო და როგორც ითქვა, მოქალაქეების ნაწილმა საკუთარი მიწის დარეგისტრირება ჯერაც ვერ მოახერხა. ამიტომ უფასო რეგისტრცია ერთი წლით გახანგრძლივდა. 

საქართველოს ეკონომიკური ზრდა, ბოლო წლების ტენდენციის მსგავსად, არც წინასაარჩევნო პერიოდში შეფერხებულა და როგორც ოფიციალური სტატისტიკით ირკვევა, სექტემბრის თვეში მშპ 8.3%-ით გაიზარდა. ეკონომისტები ფიქრობენ, რომ აღებული ტემპი მომავალშიც შენარჩუნდება და 2024 წელი ორნიშნასთან მიახლოებული მაჩვენებლით ჩაიხურება. 

სარეცხი მანქანების, მაცივრებისა სხვადასხვა ელექტრომოწყობილოებების ქართულ ენაზე ეტიკეტირება სავალდებულო ხდება. მსგავსი რეგულაცია მომხმარებელთა უფლებების დაცვის მიზნით გაკეთდა. მთავარია, კანონის შემოღების პარალელურად კონტროლის მექანიზმზეც გამახვილდეს ყურადღება. როგორც მომხმარებელთა უფლებადამდცველები აცხადებენ, მსგავსი ვალდებულება არსებობს სურსათის სფეროში, ასევე ფარმაციის ბაზარზე, მაგრამ ხარვეზ ბია აღსრულების მხრივ და  სავარაუდოდ, ასევე იქნება ტექნიკის ბაზარზეც.

საქართველოს კიდევ ერთი ჰესი შეემატა. გუშინ დღიდან `ხობი 2 ჰესი” ექსპლუატაციაში ოფიციალურად შევიდა. მართალია, ამ კუთხით მთავრობას მოსახლოების მხარდაჭერა ნაკლებად აქვს, მაგრამ 2030 წლისათვის საკმაოდ ამბიციური გეგმაა შემუშავებული, რაც 10 ათასი მეგავატი დადგმული სიმძლავრის ექსპლუატაციაში შესვლას გულისხმობს. ენერგეტიკოსები ფიქრობენ, რომ მიზანი ძალიან რთულად მისაღწევია. 

ბოლო წლებში საქართველომ ექსპორტის მაჩვენებელი გააუმჯობესა. ქვეყანა დღეს იმაზე მეტ პროდუქციას აწარმოებს და ყიდის, ვიდრე წინა პერიოდში ხდებოდა, და, როგორც ითქვა, პერსპექტივა და შესაძლებლობა იმაზე ბევრად მეტია, რაც დღესაა. 

არჩევნების დასრულების შემდეგ ქვეყანაში პოლიტიკური სიტუაცია მეტ-ნეკლებად სტაბილურია. ამ ეტაპზე, არ არსებობს ისეთი მოცემულობა, რაც ეკონომიკას სამომავლოდ პრობლემას შეუქმნის. ამას ადასტურებენს, როგორც ანალიტიკური ცენტრები, ისე ეკონომისტთა ნაწილი. მეორე მხარე კი ფიქრობს, რომ საქართველოში პოლიტიკური სიტუაცია დაძაბულია, რაც ეკონომიკაზე ცუდ გავლენას მოახდენს. 

ბოლო წლების განმავლობაში მოსახლეობის სესხზე დამოკიდებულება ძალიან გაიზარდა. რაც დრო გადის, ადამიანები მეტ ვალს იღებენ. ქვეყანაში არსებული ორნიშნა ეკონომიკური ზრდის მიუხედავად, ცხადია, რომ მოსახლეობის კეთილდრეობა არ უმჯობესდება. ეკონომიკის ექსპერტები მიიჩნევენ, რომ სურათი იგივე იქნება, თუკი ქვეყნის არსებული მიდგომა ხელისუფლებამ არ შეცვალა. 

არჩევნებიდან პირველსავე დღეს, ლარის კურსის მკვეთრი გამყარება შეინიშნება. სავალუტო ბაზარზე აბსოლუტური სტაბილურობაა, რაც ნიშნავს, რომ გაცვლითი კურსი ძველ კალაპოტს დაუბრუნდება. ეროვნული ვალუტის გამყარების ტენდენცია უფრო თვალსაჩინო გახდება, როცა პოლიტიკური სიტუაცია დაწყნარდება.  როგორც ფინანსისტები მიანიშნებენ, სამომავლოდ გამორიცხული არ არის, ეროვნულმა ბანკმა დოლარის შესყიდვაც კი დაიწყოს ბაზარზე, რათა ლარის მკვეთრად გამყარების პროცესი შეაჩეროს და რეზერვებიც შეავსოს. 

არჩევნების შემდეგ საქართველოს ეკონომიკისთვის მთავარი საკითხი არსებული სტაბილურობის შენარჩუნებაა. ქვეყანაში გარკვეული პროტესტის ნიშნები გაჩნდა, რაც ეკონომიკისთვის დადებითი მოვლენა ნამდვილად არ არის. ეკონომისტები ფიქრობენ, რომ რისკები ნაკლებადაა, თუმცა ბიზნესი უფრო ფრთხილად აფასებს მოვლენებს და აცხადებს, რომ სასწრაფოდ უნდა დაიწყოს მხარეებს შორის მოლაპარაკებები, რათა დაპირისპირება ავიცილოთ.

"რთველი 2024" დასრულდა. მთავრობამ პირობა შეასრულა და მოსავლის შეუფერხებლად ჩაბარება ყველა მევენახემ შეძლო.  ახლა სწორება ქართული ღვინის პოპულარიზაციასა და ექსპორტზეა, რაც ასევე წარმატებით ხორციელდება. დარგის მხარდამჭერი ღონისძიებები ამ ეტაპზეც აქტიურად მიმდინარეობს. ქართული ღვინოს ცნობადობა განვითარებული ქვეყნების ბაზრებზე იზრდება, რასაც უცხოელი პარტნიორები თამამად აღიარებენ. უფრო მეტი შესაძლებლობაა იმისთვისაც, რომ ქართველი მეღვინეები წარმატებით წარდგნენ გლობალურ გამოფენებზე და გაყიდვების არეალი გააფართოონ.