საქართველოში ჩინური ავტომობილების პოპულარობა იზრდება, ამას მოწმობს სტატისტიკა, რომლის მიხედვითაც ქვეყანაში ჩინური წარმოების მანქანების შემოყვანა ძალიან გახშირდა. უმთავრესი მიზეზი, რა თქმა უნდა, მისი სიიაფეა და არ არის გამორიცხული, რომ საქართველოში კონკრეტული ქვეყნის ავტომობილებმა ევროპულ და ამერიკულ მანქანებს კონკურენცია გაუწიონ. 

აფხაზეთი თბილისს დენის მიწოდების გაზრდას სთხოვს, თანაც პრაქტიკულად  უფასოდ, რადგან ოკუპირებულ რეგიონს ფული გამოელია. ამის მიზეზი რუსეთიდან დაფინანსების შემცირება გახდა, რის გამოც სეპარატისტებს ხელფასების დარიგება სწორედ იმ რეზერვიდან მოუწია, რომელიც  ელექტროენერგიის შეძენისთვის ჰქონდათ განსაზღვრული. როგორც "რეზონანსისთვის" გახდა ცნობილი ქართული მხარე აფხაზეთისთვის დენის უფასოდ მიწოდებას არ აპირებს. 

არჩევნებიდან მოყოლებული, ლარის კურსმა არაერთ  შემოტევას გაუძლო და სტაბილურობას მეტ-ნაკლებად ინარჩუნებს. მართალია, ფსიქოლოგიური ფაქტორი არ მოხსნილა და ისევ ძალაშია, თუმცა მინიმუმ წლის ბოლომდე მკვეთრი რყევები მოსალოდნელი აღარ არის, რაზეც სპეციალისტებიც საუბრობენ და მთავრობაც ოპტიმისტურ მოლოდინს ინარჩუნებს. ამ მხრივ  აღსანიშნავია ეროვნული ბანკის მიერ გადადგმული ნაბიჯები, რაც  ლარის სტაბილურობას უზრუნველყოფს ეროვნული ვალუტისთვის ერთ-ერთ კრიზისულ პერიოდში. 

სანქცირებულ მთავრობასთან თანამშრომლობის გაგრძელება არავის მოუნდება. ასეთია ექსპერტთა ერთი ნაწილის მოსაზრება, თუმცა მეორე ნაწილი ფიქრობს, რომ ასეთ კრიტიკულ ზღვრამდე ქვეყანა არ მივა და მსგავსი მოსაზრების საჯაროდ ტირაჟირება არაფერში ჯდება. მათი მოლოდინით, დონალდ ტრამპის ოფიციალურად გაპრეზიდენტების შემდგომ ურთიერთბები დალაგდება და ვითარების დრამატიზებაც მაშინვე დასრულდება.

მოსახლეობასთან ერთად, ქვეყანაში მიმდინარე პოლიტიკური მოვლენების გამო, ბიზნესიც ორ ნაწილად არის გახლეჩილი. კერძო სექტორის ერთი მხარე საკუთარ პოზიციას ღიად აფიქსირებს და აქციებში მონაწილეობასაც იღებს, მეორე მხარე კი მოვლენებს აკვირდება და პოლიტიკური განცხადებების გაკეთებისგან თავს იკავებს, ამიტომ მთავრობა კერძო სექტორს დიალოგს სთავაზობს. ნაწილი შეხვედრისთვის მზადაა.

საქართველოში მიმდინარე პოლიტიკური პროცესები ყველაზე მეტად ტურისტულ სფეროს აზარალებს, თუმცა ამ პრობლემის გავლენა ზამთრის კურორტებზე შედარებით ნაკლებად იგრძნობა. ბაკურიანისა და გოდერძის კურორტებზე სასრიალო სეზონი გახსნილია და პირველი დამსვენებლებიც გამოჩნდნენ. მართალია, წინა წელთან შედარებით, კლებაა, მაგრამ უახლოეს დღეებში მდგომარეობა შეიძლება უკეთესობისკენ შეიცვალოს, მით უფრო თუ პოლიტიკური პროცესები არ გამწვავდება.

შემწეობის მიმღებ პირთა რაოდენობა მუდმივად მზარდია. ფაქტია, სახელმწოფოს პრობლემასთან გამკლავება უჭირს. ეკონომიკური მაჩვენებლის ზრდის მიუხედავად, ქვეყანაში კატასტროფულად მატულობს იმ ადამიანების რაოდენობა, ვინც ხელისუფლებიდან დახმარებას იღებს. ქვეყანას 700-ათასი სოციალურად დაუცველი ჰყავს. ამას თან ერთვის, იმ ადამიანთა რიცხვი, ვინც სტატუსის მომლოდინეთა რიგებშია ჩაწერილი. ამდენდ, სურათი კატასტროფულია. 

არჩევნების შემდეგ საქართველოს ეკონომიკა გარკვეული გამოწვევის წინაშეა. მართალია, უკვე პრეზიდენტიც არჩეულია და ფაქტობრივად, ყველა სახელისუფლებო შტოს დაკომპლექტების პროცესი დასრულდა, მაგრამ საზოგადოებრივი პროტესტი მაინც გრძელდება, რაც ეკონომიკაზე იმოქმედებს. სპეციალისტები შექმნილ ვითარებას არაერთგვაროვნად აფასებენ. ნაწილი ფიქრობს, რომ პროტესტი არ არის იმ მასშტაბის, რომ ეკონომიკური წინსვლა დაამუხრუჭოს. ნაწილს საპირისპირო მოსაზრება აქვს და ქვეყნის ეკონომიკაში სერიოზულ ვარდნას პროგნოზირებს.

მშენებარე კორპუსების ექსპლუატაციაში მიღება კვლავ პრობლემად რჩება.  დეველოპერები ვერ ახერხებენ დროულად შენობების დასრულებას. თავის მხრივ, დუსრულებელ მშენებლობებს უამრავი დაზარალებული ჰყავს. ამიტომაც სახელმწიფომ გადაწყვიტა ასეთ კომპანიებს შეღავათი გაუგრძელოს და ვადა 3 წლით - 2028 წლამდე გადაწიოს.

ზამთრის დადგომასთან ერთად, გაზზე დანადგარებზე დაკვირვება და მისი შემოწმება ნომერ პირველი ამოცანაა. უბედური შემთხვევების თავიდან აცილების მიზნით უსაფრთხოების წესების დაცვა ძალიან მნიშვნელოვანია, რისი გაკონტროლებაც გაზგამანაწილებელმა კომპანიებმა უნდა უზრუნველყონ. მათი წარმომადგენლები ოჯახებს წელიწადში ერთხელ ამოწმებენ, თუმცა დარგის სპეციალისტები მიიჩნევენ, რომ გაზზე მომუშავე მოწყბილობები წელიწადში ორჯერ მაინც უნდა შემოწმდეს. 

დაძაბული პოლიტიკური სიტუაციის გამო დაზარალდა სარესტორნე ინდუსტრიაც. რესტორნებში მკვეთრად შემცირებულია სტუმრების რაოდენობა. მომსახურების ობიექტებში მიუთითებენ, რომ კლებაა როგორც უცხოელების, ასევე  ადგილობრივი მოსახლეობის მხრიდანაც. პირველ შემთხვევაში უქმდება ტურისტული ჯავშნები, საქართველოში მცხოვრებ ადამიანებს კი შესაბამისი განწყობა არ აქვთ.

ექთნებისა და მეან-ექთნებისთვის უგამოცდოდ საქმიანობის გაგრძელების ნებართვა, სავარაუდოდ, კადრების მწვავე დეფიციტს უკავშირდება. სტატისტიკა მოწმობს და სპეციალისტებიც ადასტურებენ, ქვეყანაში ექთნების დიდი ნაკლებობაა და რეგულაციები ამ პრობლემას კიდევ უფრო გაამწვავებს. სამედიცინო პერსონალის  ნაწილი ქვეყანას ტოვებს, რისი მიზეზიც შრომის დაბალი ანაზღაურებაა. მართალია,  ექთნებისთვის მინიმალური სახელფასო განაკვეთი  განსაზღვრა, მაგრამ საკადრო პრობლემას  ვერც ამან უშველა.