უახლოეს მომავალში საქართველოში შესაძლოა ზეთი, შაქარი, ბურღულეული და რძის პროდუქტები გაძვირდეს. ამის მიზეზი რუსეთში სურსათის ექსპორტის შეზღუდვაა, რაზეც ამ რამდენიმე დღის წინ გახდა ცნობილი. იანვრის ბოლოს რუსულ მედიაში გავრცელდა ინფორმაცია, რომლის თანახმად, იმ შემთხვევაში, თუ ქვეყანაში ვითარება შიდა ბაზრის სასარგებლოდ არ განვითარდა, მოსკოვი სურსათის ექსპორტზე შეზღუდვას დააწესებს. როგორც ქართველი იმპორტიორები განმარტავენ, დეფიციტი არ იქნება, მაგრამ პროდუქცია გაძვირდება, ვინაიდან ალტერნატიულ ბაზარზე გადართვა მოუწევთ.

საქართველოში თითქმის არ იწარმოება ისეთი პროდუქცია, რომელიც ქიმიურ დანამატებს არ შეიცავს და უსაფრთხოების ნორმას 100%-ით აკმაყოფილებს. მიუხედავად იმისა, რომ სასურსათო უსაფრთხოება დღეს დიდწილად დაცულია, კომპანიები მაინც არ აწარმოებენ სრულად უსაფრთხო პროდუქციის. როგორც სპეციალისტები აცხადებენ, სურსათის ხარისხთან დაკავშირებით დარღვევები ხშირია და უმეტეს შემთხვევაში იგი პროდუქტის შემადგენლობას უკავშირდება, რაც შეიძლება მომხმარებლისთვის საფრთხის შემცველი გახდეს. ამის ნათელი მაგალითია „ბაკურიანი ციდასთან" დაკავშირებული ინცინდენტი. სამხარაულის ექსპერტიზამ დარღვევა დაადგინა.

საქართველოში დემოგრაფიული მდგომარეობა მუდმივად უარესდება, ამიტომ მთავრობის მხრიდან სტრატეგიის განსაზღვრა აუცილებელია.  ამის აუცილებლობას ხედავს ქვეყნის პრეზიდენტიც, მიხელ ყაველაშვილმა საგაზაფხული სესიის პირველ სხდომაზე სიტყვით გამოსვლისას გარკვეული ნაწილი აღნიშნულ სკითხს დაუთმო. პრობლემამ განსაკუთრებით ბოლო წლებში იჩინა თავი, არაერთი კვლევა აჩვენებს მოსახლეობის კლების, შობადობის შემცირების სავალალო შედეგებს.

ელექტროენერგიის მოხმარება საგრძნობლად მატულობს. პარალელურად იზრდება ინვესტირება და ახალ ენერგეტიკულ პროექტებზე მუშაობაც დაწყებულია.  მთავრობის ამბიციურ გეგმის განხორციელებას, რომ  საქართველო თვითკმარი უნდა იყოს ელექტროენერგიის გამომუშავებისა და მოხმარების ბალანსში, წინ არაფერი ეღობება. როგორც დარგის ექსპერტები აცხადებენ, სწორი ენერგეტიკული პოლიტიკა, ჰესების მშენებლობა და ალტერნატიული ენერგეტიკის განვითარება ამის შესაძლებლობას იძლევა. 

პოლიტიკური პროცესების გავლენა ჰორეკა სექტორს საგრძნობლად დაეტყო, სადაც დაბალი მოთხოვნიდან გამომდინარე, კადრების შემცირების პროცესი დაიწყო. სხვა დარგებს, განსაკუთრებით ადგილობრივ წარმოებას, პრობლემა ამ კუთხით არ შექმნია და არც არის მოსალოდნელი. სამეწარმეო ბიზნესში ,,ეკონომიკურ კრიზისსზე საუბარს გადაჭარბებულად მიიჩნევენ, თუმცა ადასტურებენ, რომ შრომის ბაზარზე გარკვეული შეფერხებაა, რაც გამოსწორდება, როგორც კი დაძაბულობა გაქარწყლდება. 

არაბული ინვესტიციებით ქალაქგარეთ სამშენებლო პროექტის განხორციელება უძრავი ქონების ბაზარზე სერიოზულ ძვრებს გამოიწვევს. ახალი რეაკრეაციული და საცხოვრებელი ზონის შექმნას სპეციალისტები წინგადადგმულ ნაბიჯად მიიჩნევენ, თუმცა ამბობენ იმასაც, რომ დაუშვებელია, პროექტი თბილისის მიწათსარგებლობის გენერალური გეგმის ჯგუფთან შეთანხმების გარეშე განხორციელდეს. არ არის გამორიცხული, მასშტაბურმა პროექტმა გენგეგმაში გარკვეული ცვლილება მოითხოვოს.

ამერიკის ახლადარჩეული პრეზიდენტი საერთაშორისო ბირჟებზე ნავთობის გაიაფებას დაუფარავად ითხოვს. დონალდ ტრამპმა ოპეკის წევრ ქვეყნებს და საუდის არაბეთს პირდაპირ მოუწოდა, რომ შავ ოქროზე ღირებულება შეამცირონ. ტრამპის ამ განცხადებას ნავთობის გაიაფება მართლაც მოჰყვა, სხვაობა უკვე 6-7%-ია, თუმცა ექსპერტთა ერთი ნაწილი მიიჩნევს, რომ ეს დროებითი და ფსიქილოგიური მომენტია. 

სომხეთმა შავი ზღვის ელექტროკაბელის მშენებლობაში ჩართვის სურვილი გამოთქვა. ქვეყნის პრეზიდენტმა ნიკოლ ფაშინიანმა შესაბამისი განცხადება საქართველოს პრემიერ-მინისტრ ირაკლი კობახიძესთან გააკეთა. პროექტის მიმართ ინტერესი ძალიან დიდია, თუმცა ენერგეტიკოსები ამბობენ, რომ კაბელის დატვირთვა მცირეა და ეკონომიკური კუთხით სხვა ქვეყნის ჩართვა ჯერ არ იქნება მომგებიანი.

ავტოსადგურების რეფორმის ვადა, სავარაუდოდ, გახანგრძლივდება. ამაზე ეკონომიკის სამინისტრო უკვე მსჯელობს, რადგან საკითხი დღის წესრიგში ბიზნესმა დააყენა, რომელიც ახალი რეგულაციებისთვის ემზადება. სადგურები დადგენილ გადაწყობას ვერ ასწრებენ, ამიტომ სამინისტრომ შესაძლოა, მათი თხოვნა გაითვალისწინოს.

საქართველო ინფლაციის პრობლემამ შეაწუხა. მსოფლიოსა და ქვეყანის შიგნით მიმდინარე პროცესებმა ფასების სტაბილურობას საფრთხე შეუქმნა. ამიტომ მომავალი თვეების განმავლობაში მონეტარული პოლიტიკის განაკვეთი უცვლელი იქნება. ეროვნული ბანკი უკვე აღარ მალავს, რომ ინფლაცია გაიზრდება. აქამდე არსებული პოზიტიური ტენდეციის შეცვლაზე სებ-ი უკვე ალაპარაკდა და მათი მხრიდან არც რეფინანსირების განაკვეთის ზრდა გამორიცხა, იმ შემთხვევაში, თუკი რისკი მოიმატებს.

საქართველოში ყველაზე მსხვილმასშტაბიანი ინვესტიცია განხორციელდება. კაპიტალდაბანდება არაბეთიდან შემდეგი წლიდან დაიწყება და თბილისსა და აჭარაში მშენებლობას მოხმარდება, მაგრამ ოპოზიცია ამჯერადაც უკმაყოფილოა - როგორც სხვა დროს და სხვა საქმეში, აქაც პრობლემას ხედავს და რეალობას ვერ ან არ აღიქვამს.

საქართველოში გზების მშენებლობის ტემპი არასაკმარისია, ავტომობილების რაოდენობა კი მზარდია. ამას თან ერთვის ის გარემოებაც, რომ ჩვენი ქვეყანა სატრანზიტო-საკომუნიკაციო ტერიტორიაა. მომრავლდა სატრანზიტო მანქანები. მაგისტრალების გარკვეულ ნაწილს უკვე ტრაილერები იკავებენ, რაც აფერხებს გადაადგილებას, ქმნის საცობებს და ხშირ შემთხვევაში უბედური შემთხვევის მიზეზიც ხდება. როგორც დარგის სპეციალისტები ფიქრობენ, მართალია, გზების მშენებლობის ტემპი მანქანების როდენობის ზრდას ვერ დაწეევა, მაგრამ სწორი მიდგომა პრობლემის შეამსუბუქებს.