„ოცნებამ" საქართველოს მასშტაბით 30-ივე დელეგატი უკვე დაასახელა. 23 აგვისტოს გაირკვა მათი ვინაობაც, ვინც საარჩევნო პროცესს თბილისის ოლქებში გაუძღვება. როგორც პრემიერ-მინისტრმა ირაკლი კობახიძემ განაცხადა, ოცდაათივე დელეგატი წარმოდგენილი იქნება „ქართული ოცნების" პროპორციულ სიაში ე.წ. გამსვლელ ადგილებზე და „საქართველოს პარლამენტში თავისი წარმომადგენელი ეყოლება ყველა ქალაქს და რეგიონს". უკვე ცნობილია ისიც, რომ არჩევნებში მონაწილე ოპოზიციური გაერთიანებები თავისი დელეგატების დანიშვნას არ აპირებს.

26 ოქტომბრის არჩევნებზე საკონსტიტუციო უმრავლესობის მიღების შემთხვევაში, „ქართული ოცნება" კონსტიტუციაში ქვეყნის ტერიტორიული მოწყობის შეცლას გეგმავს, რათა სამართლებრივად მზად იყოს ტერიტორიული მთლიანობის აღდგენისათვის. მმართველ პარტიაში მიაჩნიათ, რომ ეს თემა დღის წესრიგში ნებისმიერ დროს შეიძლება დადგეს. ამ წინასაარჩევნო დაპირებას „ოფიციალური" გამოხმაურება ჯერჯერობით მხოლოდ ცხინვალიდან მოჰყვა. ანალიტიკოსები კი „რეზონანსთან" ამბობენ, რომ ოკუპირებული ტეროტორიების მცხოვრებლები ამას ძირითადა მაინც წინასაარჩევნო პიარის ნაწილად მიიჩნევენ, თუმცა მათ შორის გარკვეული შეშფოთებაც შეიმჩნევა.

საპარლამენტო არჩევნების მოახლოებასთან ერთად, როგორც მმართველი პარტია, ისე ოპოზიცია, მაქსიმალურად ცდილობს თავისი მხარდამჭერების მობილიზებას. ორივე მხრიდან კეთდება განცხადებები, რომ 26 ოქტომბერს „ქუდზე კაცი" უნდა გამოვიდეს. როგორ მოქმედებს ეს მოწოდებები და რაც მთავარია, ვის უფრო აწყობს ამომრჩეველთა მაღალი აქტივობა - „ოცნებას" თუ ოპოზიციას?

წინა არჩევნებისაგან განსხვავებით, ამჯერად მმართველი პარტიის საპატიო თავმჯდომარე ღიად და აქტიურად ჩაერთო საარჩევნო კამპანიაში. რას მოუტანს „ოცნებას" ბიძნა ივანიშვილის ასეთი გააქტიურება, რატომ გახდა ეს საჭირო და ზოგადად, როგორ მუშაობს დღეს ამომრჩევლებში ივანიშვილის ფაქტორი? ანალიტიკოსთა ნაწილი ივანიშვილს „ოცნების" ერთადერთ კოზირად მიიჩნევს და ამბობს, რომ მისი გამოჩენა იძლებითი ნაბიჯია. მეორე ნაწილსი აზრით კი, ივანიშვილის ფაქტორი „ოცნების" პასიური მხარდამჭერების მოტივირებისთვისაა საჭირო.

ოპოზიცია აქტიურ საარჩევნო კამპანიას ატარებს, საჯარო განცხადებებში მიიჩნევენ, რომ ხელისუფლება სწორედ არჩევნების გზით უნდა შეიცვალოს. „ოცნება" კი აცხადებს, რომ ოპოზიცია რეალურად არა 26, არამედ 27 ოქტომბრისთვის ემზადება, არჩევნებს უნდობლობას გამოუცხადებენ, რათა საპროტესტო გამოსვლებს ლეგიტიმურობის ელფერი მიეცეს.

„ქართული ოცნება" ირწმუნება, რომ ოქტომბერის არჩევნებზე საკონსტიტუციო უმრავლესობას მოიპოვებს, ამაზე ბოლო პერიოდში ხშირად აკეთებს განცხადებებს. ოპოზიცია კი მიიჩნევს, რომ ერთობლივად შეძლებს „ოცნების" დამარცხებას. ამ პოლიტიკური მოცემულობით, დღეს რომ საპარლამენტო არჩევნები იყოს, რა მაქსიმუმს დადებს მართველი პარტია და ოპოზიცია? ანალიტიკოსთა შეფასებები ასეთია:

ენმ-ში ახლადდაბრუნებულ ხატია დეკანოიძეს პარტიის წევრი ანა წითლიძე მწვავე კრიტიკით დახვდა. მან დეკანოიძეს „შეზელვის დიდოსტატი" უწოდა. როგორც წითლიძე ამბობს, პარტიას „კიდევ ერთი უძღები შვილი დაუბრუნდა". როგორც ანალიტიკოსი რამაზ საყვარელიძე „რეზონანსთან" ამბობს, მსგავსი ტიპის შიდა დაპირისპირება წინასაარჩევნოდ არა მხოლოდ ენმ-ში არამედ სხვა პლატფორმებზეც იჩენს თავს. მიზეზი კი ისაა, რომ ოპოზიციაში ანგარიშგასაწევი ლიდერი არაა.

წინასაარჩევნო კამანიის ფარგლებში „ქართულმა ოცნებამ" ვრცელი ოთხპუნქტიანი განცხადება გამოაქვეყნა, სადაც ერთ-ერთ მთავარ საკითხად აღნიშნულია, რომ ოქტომბრის არჩევნებში საკონსტიტუციო უმრავლესობის მოპოვებისთანავე, „ოცნება" „დააინიცირებს სამართლებრივ პროცესს, რომლის შედეგად „ნაცმოძრაობა" და ყველა მისი სატელიტი თუ მემკვიდრე პარტია არაკონსტიტუციურად გამოცხადდება". აღნიშნულს ოპოზიციაში გამოხმაურება უკვე ჰქონდა, მათი შეფასებით, ესაა წინასაარჩევნო „პროპაგანდის ნაწილი" და ხელისუფლებაში დარჩენის მცდელობა.

თუ „ოცნება" საკონსტიტუციო უმრავლეობას მიიღებს, რამდენიმე საკითხზე საკონსტიტუციო ცვლილებების ინიცირებას გეგმავს. მათ შორისაა ტერიტორიულ მოწყობასთან დაკავშირებული საკითხიც. ოპოზიცია ამას „ღალატის პროგრამას" უწოდებს. ანალიტიკოსების მოსაზრებები კი არაერთგვაროვანია.

ევროკავშირის მხრიდან საქართველოსთან მიმართებაში გარკვეული პაუზაა, შემოდგომით ევროკომისია ყოველწლიურ გაფართოების ანგარიშს წარადგენს, სადაც საუბარი საქართველოზეც იქნება როგორც ოფიციალურად კანდიდატის სტატუსის მქონე ქვეყანაზე. მანამდე თბილისში ევროკავშირის ელჩმა პაველ ჰერჩისნკიმ განაცხადა, რომ ქვეყნის ევროინტეგრაციის პროცესი გაყინულია მიზეზი კი „გავლენების კანონის" მიღება გახდა.

2012 წლიდან საპარლამენტო, ადგილობრივ თუ საპრეზიდენტო არჩევნებზე პარტიების რეიტინგების მხრივ ერთი და იგივე სურათი მეორდება, პირველ-მეორე ადგილს „ქართული ოცნება" და „ნაციონალური მოძრაობა" იყოფენ, დანარჩენ ადილებზე კი მოცემულობა სხვადასხვა წელს სხვადასხვაგვარი იყო. ანალიტიკოსები თანხმდებიან, რომ 2024 წლის არჩევებზეც ეს რიგითობა არ შეიცვლება.

ენმ-ის 17 აგვისტოს ყრილობაზე საბოლოოდ ცნობილი გახდა, რომ „ევროპული საქართველო" ძველ პარტიას უბრუნდება. ასევე ხელმძღვანელობაში ბრუნდება კობა ნაყოფია. ის მიხეილ სააკაშვილის ინიციატივით შექმნილ ახალ სტრუქტურულ ერთეულს - ეროვნულ კომიტეტს უხელმძღვანელებს. როგორც შეკრებაზე სიტყვით გამოსვლისას „ნაცმოძრაობის" თავმჯდომარე თინა ბოკუჩავამ თქვა, ამ გაერთიანების „მთავარი მოტივატორი" სააკაშვილი იყო.