დაახლოებით 2 კვირაში ქართულ სამომხმარებლო ბაზარზე პროდუქტების გაიაფება დაიწყება. ტენდენცია უკვე შეიმჩნევა, რისი ძირითადი საფუძველიც ლოგისტიკის ღირებულების კლებაა. მართალია, პანდემიამდე პერიოდთან შედარებით გადაზიდვების ხარჯი  კვლავინდებურად მაღალ ნიშნულზეა, თუმცა წლიურ ჭრილში  კლება 50-%-ზე მეტია.  გაჩნდა შესაძლებლობა, რომ ფასები ყველა მიმართულებით გადაიხედოს. იმპორტიორების განცხადებით, ამ მხრივ მომდევნო 1 თვეში  გარკვეული სტაბილურობაა მოსალოდნელი. ასეთია გადამზიდავების განწყობაც, რომლებიც უკვე თამამად აცხადებენ, რომ ლოგისტიკაში გაძვირების პროცესი დასრულებულია, თუმცა 1 წელი კიდევ არის საჭირო, რომ სიტუაცია დალაგდეს.

მსოფლიოს არაერთ ქვეყანასთან ერთად, კრიპტოვალუტების რეგულირება საქართველოშიც იგეგმება.  ვირტუალური ფული 21-ე საუკუნეში დიდი პუპულარობით სარგებლობს და მისი გაკონტროლება მრვალმა ქვეყანამ მოინდომა. ზოგან კრიპტოლავლუტები აკრძალულია კიდეც. „რეზონანსი“ შეეცადა გაერკვია, რამდენად შესაძლებელია საქართველოს ციფრული ფულის მიმოქცევის რეგულირება.

საქართველოში ინვესტიციებმა ბოლო 14 წლის რეკორდი მოხსნა. 2008 წლის შემდეგ ინვესტიციების ყველაზე მაღალი მაჩვენებელი წელს ფიქსირდება, თუმცა სპეციალისტების ნაწილი ამ სტატისტიკას განსაკუთრებულ მნიშვნელობას არ ანიჭებს. მეორე ნაწილი კი ინვესტიციების მზარდ დინამიკას საქართველოს მიმზიდველობას და ქვეყნის ეკონომიკის მიმართ ნდობის ზრდას უკავშირებს. სავარაუდოდ, დადებითი ტენდენცია საშუალო და გრძელვადიან პერიოდებშიც შენარჩუნდება.

განსაკუთრებული გაძვირების შემდეგ, საქართველოში მზესუმზირის ზეთის ფასი შედარებით შემცირდა. ასეთი ვითარება რუსეთის მიერ საექსპორტო მცურავი ბაჟის შემცირების გამო და საქართველოში მზესუმზირის მოსავალმა განაპირობა. ადგილობრივ წარმოებაში სხვაობა ჯერჯერობით, 0,5-1 ლარია, იმპორტირებული ზეთი კი მოსახლეობას მალე კიდევ მეტად გაუიაფდება.

საქართველოში, რუსეთ-უკრაინის ომის შემდეგ მკვეთრად გაიზარდა უძრავ ქონებაზე მოთხოვნა. ხშირად ისმის, რომ რუსები მასობრივად იძენენ ბინებს და უკვე დიდი ქონება მათ ხელში, რაც ქვეყნის უსართხოებას პრობლემებს უქმნის. რეალურია თუ არა საფრთხე და სინამდვილეში რა მოცულობის უძრავ ქონებას ფლობენ რუსეთის მოქალაქეები საქართველოში? სტატისტიკური ინფორმაციის თანხმად, ქვეყანაში ქონებას ოკუპანტი ქვეყნის 23 ათასამდე მოქალაქე ფლობს, მათგან საკმაო წილი წარმოშობით ქართველებზე მოდის.

საქართველოში საწვავი იაფდება, ხოლო მსოფლიოში - ნავთობი. დაახლოებით 2-3 კვირაა, რაც ბენზინის ღირებულება 3-ლარიან ნიშნულ ჩამოსცდა. ასეთი ვითარებაა საბითუმო ბაზარზე და უკვე საცალო ქსელშიც. ვითარება უკეთესობისკენაა შეცვლილი მსოფლიოშიც. იაფდება, როგორც "ბრენტის" მარკის ნავთობი, ისე ამერიკული "ლაითის" ტიპის ნავთობი. “რეზონანსი” შეეცადა გაერკვია, რა იქნება მომავალში, მოსალოდნელია თუ არა, გლობალურად ნავთობის კიდევ მეტად გაიაფება და პარალელურად საქართველოში საწვავის ღირებულების კლება.

სესხებზე დამოკიდებულება იზრდება. როგორც ეროვნული ბანკის ანგარიშიდან ირკვევა, ერთ წელიწადში გაცემული კრედიტების მოცულობამ 42 მილიარდ ლარს გადააჭარბა, რაც საკმაოდ მაღალი მაჩვენებელია და არ არის გამორიცხული, მომხმარებლებს სერიოზული პრობლემა შეუქმნას. განსაკუთრებით უძრავი ქონების დაკარგვის საფრთხე მატულობს. სპეციალისტები სესხებზე დამოკიდებულების ორ მთავარ ფაქტორზე ამახვილებენ ყურადღებას, როგორიცაა ინფლაცია და მაღალი საპროცენტო განაკვეთები.

საქართველოს უძრავი ქონების ბაზარზე ვითარება ძალიან უარესდება. საქმე ეხება წლების წინ საპოლიციო გამოსახლებების გაუქმებას, რითიც არა ერთი დამქირავებელი სარგებლობს და ბინის მეპატრონის მოთხოვნის მიუხედავად, არც დაქირავებულ უძრავ ქონებას ტოვებს და არც გადასახადს იხდის. გაჩენილი პრობლემის მოგვარებაზე პარლამენტი უკვე აღარ რეაგირებს.

ინფლაცია მცირდება, მაგრამ მრავალგზის გაძვირებული პროდუქტების გაიაფება რეალურად წარმოუდგენელია. სპეციალისტები დარწმუნებულნი არიან, რომ ინფლაციის კლების პარალელურად ფასები დაბლა არ წამოვა. მიუხედავად ამისა, კეთდება პროგნოზი, რომ ინფლაცია შეიძლება წლის ბოლომდე 7-8%-მდე შემცირდეს, რაც  კარგია, მაგრამ ეკონომიკაში მიმდინარე პროცესები ფასების პოლიტიკას ვერანაირად ვერ უშველის.

მოვიდა სექტემბერი და უკვე ფაქტებითაც დადასტურდა, რომ სტუდენტები ბინებს ვეღარ ქირაობენ. გარდა იმისა, რომ ფასი მაღალია, გასაქირავებელი ფართების დიდი დეფიციტიცაა. ბინები ფიზიკურად არ არის. ცალკე პრობლემაა უაზრობამდე გაზრდილი ტარიფები - საქართველოში ბინების გაქირავება-დაგირავების ბაზარზე კვლავ არარეალურად მაღალი ფასი ნარჩუნდება. მიუხედავად იმისა, რომ ბროკერები გაძვირებას აჟიოტაჟს უკავშირებდნენ და ფასების კლებას პროგნოზირებდნენ, როგორც ჩანს, საქმე გაცილებით რთულადაა და ცუდი ტენდენცია გრძელდება.  ამ ეტაპზე 300 დოლარზე ნაკლებად ბინა თბილისის არც ერთ უბანში არ ქირავდება, ძირითადად ფასები 1000-1500 ლარის ფარგლებშია.

მსოფლიოში ხორბლის მიმართულებით დადებითი ტენდენცია უკვე თვალში საცემი და იმედის მომცემია. ბოლო ხანებში მარცვლეული ყველგან იაფდება, ხოლო საქართველოში იაფდება ფქვილი. ტენდენციის გაგრძელებაზე საუბრობენ სფეროს წარმომადგენლები და ამბობენ, რომ ფქვილის ფასი კიდევ შემცირდება, რაც, საბოლოო ჯამში, პურის ღირებულებაზე აისახება.

საქართველოს საფონდო ბირჟაზე აქტიურობა თითქმის არ არის. ქვეყანაში ფასიანი ქაღალდები პოპულარობით ვერ სარგებლობს, ამის ინტერესი არც ფიზიკურ და არც იურიდიულ პირებს არ გააჩნიათა, რაც შედეგებითაც დასტურდება. მაგალითად, მთელი აგვისტოს განმავლობაში ქვეყნის საფონდო ბირჟაზე მხოლოდ ერთი გარიგება შედგა.