ხუთშაბათს ირაკლი კობახიძე აშშ-ის სახელმწიფო მდივნის თანაშემწის მოადგილეს, სონატა კოლტერს შეხვდა. პრემიერ-მინისტრმა ურთიერთობების გადატვირთვის მზადყოფნა დაადასტურა და კონკრეტული გზამკვლევის საჭიროებას გაუსვა ხაზი, რაც მაისის ბოლოს დაგეგმილი მომდევნო მაღალი დონის ვიზიტით გაგრძელდება.

საქართველოს ეროვნული ბანკი ინფლაციური პროცესის მართვასა და ლარის კურსის გამყარებას უწყობს ხელს. ყოველ შემთხვევაში, ასე ხსნიან ეკონომისტები და დარგის სპეციალისტები სებ-ის მონეტარული პოლიტიკის კომიტეტის ბოლო გადაწყვეტილებას, რომლითაც სებ-მა კომერციულ ბანკებს უცხოური ვალუტის დეპოზიტებისთვის მინიმალური სარეზერვო მოთხოვნები 5 პროცენტული პუნქტით შეუმცირა. გარდა ამისა, მათ, ვისაც ეროვნულ ვალუტაში აქვთ შემოსავალი, სებ-მა 1 000 000 ლარამდე სავალუტო სესხის აღება შეუზღუდა. 

გერმანია დაჩქარებულ მილიტარიზაციას ახორციელებს და რუსეთთან სამხედრო დაპირისპირებისთვის ემზადება, - რუსული მედიის ინფორმაციით, ამის შესახებ ბერლინში რუსეთის ელჩმა სერგეი ნეჩაევმა განაცხადა. მისი თქმით, გერმანია უარყოფს, რომ უკრაინაში შეიარაღებულ კონფლიქტში ჩართულ ქვეყნად იქცა.

პროკურატურამ 2024 წლის აქციების დროს მომიტინგე ზვიად მაისაშვილის, ენმ-ის ერთ-ერთ ლიდერ ლევან ხაბეიშვილისა და ჟურნალისტ გურამ როგავას მიმართ განხორციელებული ძალადობის ფაქტზე 5 ძალოვანი დააკავა - 3 ყოფილი და ერთი მოქმედი სპეცრაზმელი. პროკურატურა სასამართლოს ხუთივე ბრალდებულის მიმართ აღკვეთის ღონისძიების სახით პატიმრობის გამოყენების შუამდგომლობით მიმართავს.

ექსპრეზიდენტი სალომე ზურაბიშვილი ცდილობს „ქართული ქარტია" გააცოცხლოს. ამ დოკუმენტს ოპოზიციურმა პარტიებმა 2 წლის წინ მოაწერეს ხელი, თუმცა ამას რაიმე პრაქტიკული შედეგები არ მოჰყოლია. ახლა ექსპრეზიდენტი დოკუმენტში ორი ცვლილების შეტანის ინიციატივით გამოდის.

ჯაშუშობის ბრალდებით დაკავებულ „ქართუ ჯგუფის" საზოგადოებასთან ურთიერთობის ყოფილ ხელმძღვანელს და ფინანსური პოლიციის ყოფილ მაღალჩინოსანს, გიორგი უძილაურს აღკვეთის ღონისძიების სახით პატიმრობა შეეფარდა. ბრალდების მხარის შუამდგომლობა პატიმრობაში დატოვების თაობაზე თბილისის საქალაქო სასამართლოს მოსამართლე დავით კურტანიძემ დააკმაყოფილა.

უკრაინასთან მკვეთრად გაუარესებული ურთიერთობების ფონზე, პოზიტიური ტენდენცია შეინიშნება. ორიოდე დღის წინ ერევანში გამართული საუბრის შემდეგ, ორი ქვეყნის საგარეო საქმეთა მინისტრებს შორის სატელეფონო საუბარიც შედგა, რის შემდეგაც მხარეებმა ორმხრივი თანამშრომლობის წინ წაწევაზე ისაუბრეს. მაკა ბოჭორიშვილმა უახლოეს მომავალში შეხვედრაც დაანონსა. ქართული მხარის ცნობით, ინიციატივა კიევიდან წამოვიდა.

ევროპარლამენტის მიერ საქართველოზე მიღებულ რეზოლუციას პარლამენტის თავმჯდომარე შალვა პაპუაშვილი მწვავე შეფასებებით გამოეხმაურა - მისი თქმით, ქართულ მხარეს ევროპარლამენტთან „სულ უფრო ნაკლები სასაუბრო რჩება", რადგან მხარეები „ღირებულებით ორ განსხვავებულ პოლუსზე" დგანან.

განაჩენი გამოტანილია, ბიზნესმენ ლევან ჯანგველაძის შეკვეთითა და ანგარებით მკვლელობის ორგანიზებაში ბრალდებული ძმები - დავით და გიორგი მიქაძეები, ასევე გიორგი ჯოხაძე სასამართლომ დამნაშავედ ცნო. საბოლოო გადაწყვეტილება თბილისის საქალაქო სასამართლოს მოსამართლემ რომეო ტყეშელაშვილმა მიიღო. ბრალდებულის მხარე გადაწყვეტილების გასაჩივრებაზე საუბრობს და სასამართლოს გადაწყვეტილებას" უკანონო, დაუსაბუთებელაა და სამარცხვინოს" უწოდებს

ირანული მედია აცხადებს, რომ შეერთებულმა შტატებმა „პროექტ თავისუფლების" მიზნებს ვერ მიაღწია და აშშ-ის პრეზიდენტის დონალდ ტრამპის გადაწყვეტილება მის შეჩერებასთან დაკავშირებით ოპერაციის წარუმატებლობის შედეგია, - ინფორმაციას „სი ენ ენი" ავრცელებს.

მაღალი ინფლაციის ფონზე ეროვნულმა ბანკმა რეფინანსირების განაკვეთის გაზრდის გადაწყვეტილება მიიღო. ცვლილება ახლო აღმოსავლეთში მიმდინარე კონფლიქტს უკავშირდება, რამაც ფასების მკვეთრი ზრდა გამოიწვია და საფინანსო ბაზარს სტაბილურობის საფრთხე შეუქმნა. როგორც სპეციალისტები განმარტავენ, გადაწყვეტილება დროულია და არ არის გამორიცხული ტენდენცია გაგრძელდეს.

საერთაშორისო ბირჟებზე, ნავთობის ფასი მკვეთრად დაეცა. 1 ბარელი „ბრენტი“ 100 დოლარი ჩამოსცდა, ხოლო ამერიკული ნავთობი - 90 დოლარამდე გაიაფდა. სპეციალისტების შეფასებით, ფასების ვარდნა „აქსიოსის“ ინფორმაციას მოჰყვა, რომლითაც ვაშინგტონი და თეირანი ომის დასასრულებლად შეთანხმებაზე მუშაობას ასრულებენ. მართალია, აშშ-ის მაღალჩინოსნების განცხადებები კონფლიქტის დასრულებასთან დაკავშირებით, დამაიმედებელია, მაგრამ ქართველი ანალიტიკოსების აზრი მაინც ორად გაიყო: ერთი ნაწილი მიიჩნევს, რომ ასეთი განცხადებები ომის დაწყებიდან დღემდე ბევრი გვინახავს, ხოლო მეორე ნაწილის აზრით, ირანის კონფლიქტი უკვე ფინალურ ფაზას მიუახლოვდა. 

მომხმარებელთა უფლებების დარღვევის ფაქტები სარძნობლად გახშირდა. პრობლემა  განსაკუთრებინ ონლაინ გაყიდვებს ეხება - უმეტესი ნაწილი შეძენილი პროდუქტის ხარისხს, ზოგ შემთხვევაში გარანტიებსა და არსებული ვალდებულებების შეუსრულებლობას. შესაბამისად, უკმაყოფილო მოქალაქეების საჩივრების რაოდენობაც გაიზარდა. სპეციალისტების შეფასებით, ეს, ერთი მხრივ, მომხმარებლების ცნობიერების ამაღლებასაც უკავშირდება.

ირანსა და ახლო აღმოსავლეთში მიმდინარე საომარმა მოქმედებებმა საქართველოს სტრატეგიული როლი კიდევ უფრო მეტად გამოკვეთა. ჰორმუზის სრუტის ჩაკეტვის გამო, დღის წესრიგში დადგა შუა დერეფნის, როგორც ყველაზე უსაფრთხო და სტრატეგიული ალტერნატივის მნიშვნელობა ტვირთების გადაზიდვის მხრივ. საქართველო კი შუა დერეფნის ერთ-ერთი, მნიშვნელოვანი ქვეყანაა. სწორედ ამ კონტექსტში უნდა განვიხილოთ ის ფაქტი, რომ დამოუკიდებელი საქართველოს ისტორიაში პირველად, „საქართველოს რკინიგზა“ მოძრავი შემადგენლობის მასშტაბურ განახლებას იწყებს. პროექტის ფარგლებში, კომპანია 50-მდე ლოკომოტივსა და 1 500 ვაგონს შეიძენს, რისთვისაც შესყიდვის პროცედურები უკვე დაწყებულია.

ინფლაცია ორწლიან მაქსიმუმზეა და მიზნობრივ მაჩვენებელს უკვე 2-ჯერ აჭარბებს. ყველაზე სავალალო ისაა, რომ ძვირდება ძირითადი პროდუქტების ჯგუფი, რაც მოქალაქეებს ყოველდღიურ ცხოვრებას უძნელებს. ბოლო ერთ თვეში ფასები გაზრდილია  საწვავზე, კომუნალურ გადასახადებსა და პირველადი მოხმარების სურსათზე, რომელიც მთავარი მიმართულებებია. ტენდენცია, სავარაუდოდ, გაგრძელდება და უკვე წლის ბოლოს ინფლაციამ მიზნობრივს 2,5-ჯერ და მეტადაც შეიძლება გადააჭარბოს. 

ერევანი ევროკავშირი-სომხეთის ისტორიულ, პირველ ორმხრივ სამიტს მასპინძლობს, რომელსაც ბრიუსელის უმაღლესი წარმომადგენლობა ესწრება. პარალელურად, ბაქოში ევროკავშირის საგარეო უწყების ხელმძღვანელი კაია კალასი რეგიონული უსაფრთხოებისა და ენერგოპარტნიორობის საკითხებს განიხილავს

ევროკავშირ-სომხეთის სამიტი ევროპული პოლიტიკური გაერთიანების მერვე სამიტს მოჰყვა, სადაც დასასწრებადაც 40-ზე მეტი ევროპელი ლიდერი ჩავიდა, მათ შორის ქართული დელეგაციაც.

დრონების საწინააღმდეგო ბადეებით დაფარულ წითელ მოედანზე 9 მაისის აღლუმისთვის მზადება თითქმის დასრულებულია - რუსეთის პრეზიდენტმა ვლადიმერ პუტინმა ფაშიზმზე გამარჯვების 81-ე წლისთავთან დაკავშირებით ორდღიანი ცეცხლის შეწყვეტა გამოაცხადა, თუმცა უკრაინის პრეზიდენტმა ვოლოდიმირ ზელენსკიმ საპასუხოდ საკუთარი წინადადება წარადგინა, რომელიც ითვალისწინებს მხარეების მიერ საბრძოლო მოქმედებების შეჩერებას უფრო ადრე - 5-6 მაისს.

ირანის ბლოკადის მიუხედავად, აშშ-ის დროშის ქვეშ მცურავმა ორმა კომერციულმა გემმა ჰორმუზის სრუტეში გაიარა, - ამის შესახებ განცხადებას აშშ-ის ცენტრალური სარდლობა ავრცელებს. „აშშ-ის სამხედრო-საზღვაო ძალების საესკადრო ნაღმოსნები არაბეთის ყურეში მოქმედებენ, მას შემდეგ, რაც მათ „პროექტი თავისუფლების" მხარდასაჭერად ჰორმუზის სრუტეში გაიარეს", - ნათქვამია აშშ-ის ცენტრალური სარდლობის განცხადებაში.