რუსეთის ფედერაციიდან გაზრდილი მიგრაციის ფონზე საქართველოში აივ ინფექციის დაავადებულთა რაოდენობამ 6%-ით იმატა - „გახსოვდეთ, რუსეთი ის ქვეყანაა, სადაც შიდსი ძალიან დიდი პრობლემაა. მიგრანტებს ძალიან აქტიურად უნდა შევთავაზოთ აივ ინფექციაზე კვლევა, რათა დროულად გამოვავლინოთ ინფიცირებულები" - ამის შესახებ ინფექციონისტმა მაია ბუწშვილმა „მედიაცენტრ მთავარში" პრესკონფერენციაზე განაცხადა.

საქართველო მრავალეროვნულ სწავლებას „მტკიცე სული 2023" ( Agile Spirit 2023) უკვე მეთერთმეტედ მასპინძლობს. სწავლების ფარგლებში პირველი საჩვენებელი კომპონენტი ვაზიანის სამხედრო აეროდრომის ტერიტორიაზე გაიმართა. ამის შესახებ ინფორმაციას საქართველოს თავდაცვის სამინისტრო ავრცელებს.

უკრაინისათვის უახლესი ავიაგამანადგურებლების „ეფ-16“-ების გადაცემა უკვე გადაწყვეტილია, უკვე დასახელებულია პირველი პარტიის დაოდენობა და სამხედრო მფრინავების წვრთნაც მიმდინარეობს. თუმცა, როგორც ანალიტიკოსები აცხადებენ, ეს დროში გაწელილი პროცესია და ეს შეიარაღება საბრძოლო მოქმედებებში მომავალი წლის გაზაფხულამდე ვერ ჩაერთვება, რაც ნიშნავს, რომ ომი ჭიანურდება.

აშშ-ის ელჩი საქართველოში კელი დეგნანი, რომელიც თანამდებობას ტოვებს, კიდევ ერთხელ გახდა მმართველი პარტიის წარმომადგენელთა კრიტიკის ობიექტი მის მიერ 2024 წლის საპარლამენტო არჩევნებთან დაკავშირებით გაკეთებული განცხადებების გამო. რამდენად სანდოა ხმის მიცემის ელექტრონული სისტემა, რომლითაც მომავალი წლის არჩევნები უნდა ჩატარდეს და რას ნიშნავს წინასაარჩევნოდ საქართველოში გრძელვადიანი სადამკვირვებლო მისიის ჩამოსვლა? ანალიტიკოსთა შეფასებებიც ამ მხრივ არაერთგვაროვანია.

პატიმრობაში მყოფმა ექსპრეზიდენტმა მიხეილ სააკაშვილმა კიდევ ერთხელ მიმართა საქართველოს მოქალაქეებს თხოვნით, მიწოდონ მას თავისი მოსაზრებები, თუ თუ როგორ ხედავენ საქართველოს მომავალს. მმართველი პარტია ამას ექსპრეზიდენტის მხრიდან საარჩევნო კამპანიის დაწყებად აფასებს და აცხადებს, რომ კანონით სააკაშვილს, როგორც უცხო ქვეყნის მოქალაქეს, ამის უფლება არ აქვს.

გლობალურ ბაზრებზე ოქროს ფასი არნახულ ზრდას განიცდის. ტენდენცია იმდენად მზარდია, რომ ანალიტიკსოები ძვირფასი ლითონის ბაზარზე ცვლილებას ელიან და აცხადებენ, რომ ძვირფასი ლითონის ღირებულება ახალ რეკორდს დაამყარებს. დიდი ალბათობით ფასი წლის ბოლოს 2000 დოლარს მიაღწევს.

საქართველოში უცხოური ინვესიტიცები მოცულობა იზრდება, მოლოდინი კი უკვე არსებულ მაჩვენებელს არ ჩამორჩება. სტატისტიკა მეტყველებს იმაზე, რომ პანდემიისგან მიღებული მძიმე შედეგი უკან მოტოვებულია და მეტიც, გასული წელი ინვესტიციებისთვის სარეკორდო აღმოჩნდა. საინტერესოა, რეგიონში არსებული გამოწვევების ფონზე, როგორ მოახერხა საქართველომ ინვესტიციების ზრდა და როგორი იქნება შემდგომი თვეები უხოური კაპიტალის მოზიდვის მიმართულებით.

ქვეყანაში მოზარდებზე ძალადობის სტატისტიკა მზარდი და შემაშოთებელია. ოფიციალური მონაცემებით, მხოლოდ 2023 წლის პირველ 6 თვეში, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოში ბავშვთა მიმართ ძალადობის 793 შემთხვევაზე შევიდა შეტყობინება და მათგან ძალადობა 171 ფაქტზე დადასტურდა. ამის შესახებ ინფორმაცია სააგენტოს სტატისტიკურ მონაცემებშია ასახული, თუმცა არ არის დაკონკრეტებული ძალადობის რომელ სახეებზეა საუბარი.

ხორბლის წარმოებაში დიდი გაურკვევლობაა. არც ფერმერებმა, არც ხორბლის იმპორტიორებმა არ იციან, როგორ დაგეგმონ გრძელვადიანი სტრატეგია. მით უმეტეს, იმ ფონზე, როცა გლობალურ ბაზრებზე დაძაბულობაა  და ადგილობრივ ბაზარზეც უცნობია,  კონკრეტულად რა შეიცვლება ნოემბრის შემდეგ, როცა ფქვილის იმპორტისთვის დაწესებული შეზღუდვა მოიხსნება. ცალკე საკითხია ხორბლის ფასი, რომელიც ბოლო პერიოდის განმავლობაში იაფდება, თუმცა მარაგი არათანაბრად არის გადანაწილებული, რაზეც სექტორის წარმომადგენლები საუბრობენ.

წელს შიდა ტურიზმი მეტ-ნაკლებად აქტიურია, მაგრამ არა იმ დონეზე, რომ დარგის განვითარებისთვის გადამწყვეტი იყოს. მიუხედავად იმისა, რომ ჯერ ზღვამ, შემდეგ უკვე მთაში დატრიალებულმა შოვის ტრაგედიამ მოქალაქეები შეაშინა, დასვენების მსურველების რაოდენობა არ შემცირებულა, თუმცა  იკლო ტურების ხანგრძლივობამ როგორც ლაშქრობებზე, ასევე დასასვენებელ ობიექტებში.

ფემიციდის უმძიმესი შემთხვევა მარნეულში - სოფელ სადახლოში კაცმა ცოლი მოკლა, შვილი კი, რომელმაც მისთვის წინააღმდეგობის გაწევა და დედის დახმარება სცადა, დაჭრა. 15 წლის მოზარდი ამ ეტაპზე საავადმყოფოშია გადაყვანილი და მის ჯამრთელობას საფრთხე არ ემუქრება. 

უკრაინის თავდაცვის ძალები ბახმუტის სამხრეთით წინ მიიწევენ და გასული კვირის განმავლობაში კიდევ სამი კვადრატული კილომეტრი ტერიტორია გაათავისუფლეს. ამ მიმართულებით გათავისუფლებული მთლიანი ტერიტორიის ფართობი 43 კვადრატულ კილომეტრამდე გაიზარდა. აღმოსავლეთ უკრაინაში კი მძიმე ბრძოლები მიმდინარეობს და სიტუაცია განსაკუთრებით რთული ქალაქ კუპიანსკის მახლობლად არის. ოკუპანტები წინსვლის გეგმას და დამატებითი ძალების მობილიზებას ახორციელებენ.