საქართველოში მიმდინარე უწყვეტი საპროტესტო გამოსვლების ფონზე, როგოც მმართველი პარტია, ისე ოპოზიცია მოვლენების განვითარების თვალსაზრისით გარდამტეხ თარიღად მიიჩნევდა 20 იანვარს - აშშ-ის ახალი პრეზიდენტის დონალდ ტრამპის ინაუგურაციის დღეს. რა პროცესებს უნდა ველოდოთ ამ თარიღის დადგომის შემდეგ - გაიზრდება თუ პირიქით, დაიკლებს გამოსვლების ინტენსივობა თბილისის ქუჩებში და ხომ არ გადაინაცვლებს „ოცნება"-ოპოზიციის დაპირისპირების ეპიცენტრი თბილისიდან ვაშინგტონში?

პრეზიდენტ დონალდ ტრამპის ინაუგურაციიდან 24 საათში აშშ-ში საიმიგრაციო რეიდი დაიწყება. ოპერაცია ერთი კვირა გაგრძელდება და არალეგალური ემიგრანტების იდენტიფიცირებასა და დეპორტაციაზე იქნება მიმართული. საწყისი წერტილი ჩიკაგოა. მედიის ცნობით, შესაძლოა ტრამპმა გააუქმოს პოლიტიკა, რომელიც ეკლესიებს აშშ-ის საიმიგრაციო დაკავებებისგან დაცულ ზონად აცხადებდა. შეეხება თუ არა შეზღუდვები მექსიკის საზღვარს და რა ბედი ელით ამერიკაში არალეგალურად მყოფ ქართველებს?

სახალხო დამცველი ლევან იოსელიანი ოპოზიციისა და ქვეყანაში მიმდინარე უწყვეტი საპროტესტო გამოსვლების მონაწილეთა კრიტიკის ობიექტი გახდა. პარასკევს მის ოფისთან აქციაც კი გამართეს. ომბუდსმენს საყვედურობენ, რომ ის ადამიანის უფლებების ნაცვლად რეალურად ხელისუფლების პოზიციებს იცავს. თავად იოსელიანი აცხადებს, რომ მან არაერთხელ ითხოვა არჩევნების გაყალბებაზე მტკიცებულებები და ვერ მიიღო. რამდენად სამართლიანია და რეალურად რას ეფუძნება ომბუდსმენის მიმართ პრეტენზიები?

ორშაბათს, 20 იანვარს აშშ-ის ახალი პრეზიდენტი დონალდ ტრამპი ოფიციალურად შეუდგება თავისი მოვალეობის შესრულებას. ანალიტიკოსთან მნიშვნელოვანი ნაწილის აზრით, მისი პრეზიდენტობა, სავარაუდოდ, მასშტაბური გლობალური ცვლილებების დასაწყისი გახდება. როგორ აისახება ეს საქართველოზე და რამდენად რეალისტურია „ქართული ოცნების" მოლოდინი, რომ აშშ-ის ახალი ადმინისტრაციის პირობებში შესაძლებელი გახდება აშშ-საქართველოს ურთიერთობის გადატვირთვა?

კალიფორნიის შტატში უპრეცენდენტო სტიქიას ვერ უმკლავდებიან - ლოს ანჟელესის ოლქში უპრეცენდენტო მასშტაბის ხანძარი მძვინვარებს, რომელსაც უკვე, სულ მცირე, 24 ადამიანის სიცოცხლე ემსხვერპლა, გადამწვარია 40,000-ზე მეტი ჰექტარი, ხოლო უსახლკაროდ დარჩა 75,000 ადამიანი, მათ შორის ჰოლივუდის არაერთი ვარსკვლავი. ჯერჯერობით ხანძარი ბოლომდე ლოკალიზებული არ არის. ექსპერტები ხაზგასმით ამბობენ, რომ ეს ამერიკის ისტორიაში ერთ-ერთი ყველაზე „ძვირი" ხანძარია.

სირიისა და ერაყის ისლამური სახელმწიფო მოუწოდებს თავის მებრძოლებს ისარგებლონ ლოს-ანჯელესის ხანძრებით რეგიონში თავდასხმების განსახორციელებლად. ანალიტიკოსების ნაწილი არ გამორიცხავს, რომ ლოს-ანჯელესის მასშტაბური ხანძარი ტერორისტული ქმედებებით იყოს გამოწვეული. სხვები კი ამას ნაკლებად ვარაუდობენ.

"ლელოს" ლიდერი მამუკა ხაზარაძე ირწმუნება, რომ ბიძინა ივანიშვილს რამდენჯერმე ჰქონდა მასთან „გარიგების" მცდელობა, თუმცა პასუხად უარი მიიღო. ოპოზიციის წევრები აღნიშნავენ, რომ „ოცნება" „მალე იგრძნობს სუსხს, რომელიც ახალ ადმინისტრაციიდან წამოვა. მმართველი პარტიის წევრების რიტორიკა არ იცვლება, ამბობენ, რომ სანქციების მიუხედავად, პოზიციის შეცვლას არ აპირებენ, რადგან - „მიზანი მშვიდობაა". ცდილობს თუ არა ბიძინა ივანიშვილი ოპოზიციასთან გარიგებას და როგორ ცდილობს მმართველი პარტია შექმნილი კრიზისიდან გამოსვლას?

„ოცნების" პოლიტსაბჭოს განცხადებაზე, რომელიც დიდი ბრიტანეთის თემთა პალატაში 14 დეპუტატის მიერ შეტანილ ინიციატივას, უფრო ზუსტად ბიძინა ივანიშვილის სანქცირებას უკავშირდება, პოლიტიკური განცხადებები კეთდება. ხელისუფლებაში აცხადებენ, რომ გარეშე ძალების მიერ უსამართლოდ მიღებული გადაწყვეტილებები ვერასდროს იდგება იმაზე მაღლა, ვიდრე ქართველების ეროვნული ინტერესები. ოპოზიციაში კი ამბობენ, რომ ეს ივანიშვილისთვის დიდი დარტყმაა, რადგან ის ათზე მეტ ოფშორულ კომპანიას ბრიტანეთის იურისდიქციაში მყოფ კუნძულებზე ფლობს.

გაერთიანებული სამეფოს თემთა პალატაში „ქართული ოცნების" საპატიო თავმჯდომარის წინააღმდეგ სანქციების დაწესების შესახებ შუამდგომლობა შევიდა, ამის შესახებ ინფორმაციას ბრიტანეთის პარლამენტი ავრცელებს. პარალელურად, ევროპარლამენტარების ნაწილის მიერ „ოცნების" კრიტიკა არ წყდება. ოპოზიციაში აცხადებენ, რომ „ოცნებას" უახლოეს მომავალში „საინტერესო სიურპრიზები" ელოდება, მმართველ პარტიაში კი ტრამპის „პოლიტიკის გადატვირთვას" ელოდებიან. დაიძრება თუ არა სანქციების მორიგი ტალღა „ოცნებისკენ", ჯერ უცნობია.

ქართული საავტომობილო ბაზარი კვლავ პრობლემების წინაშეა. ავტოდილერები ვერ პროგნოზირებენ თუ რა მდგომარეობა ექნება სფეროს იმპორტისა და რეექსპორტის კუთხით. არსებობს ალბათობა, რომ უახლოეს მომავალში რეექსპორტის მიმართულებას ყაზახეთი გამოაკლდეს, რაც 2025 წლისთვის ჩვენი ავტოიმპორტიორებისთვის დიდი დანაკარგი იქნება. შექმნილი ვითარებიდან გამომდინარე ავტოდილერთა ნაწილი იმედიანად არ არის განწყობილი, ნაწილი კი მიიჩნევს, რომ სფეროში მდგომარეობა სტაბილურია.

ბოლო წლებში საქართველოს ეკონომიკის ზრდის ტემპი დამაჯერებელია. პანდემიის დასრულების შემდეგ აღებულ გეზს რთულმა პოლიტიკურმა თვეებმა ვერაფერი დააკლო და ქვეყნის ეკონომიკა სწრაფ განვითარებას განაგრძობს. როგორია მოლოდნი 2025 წლისთვის? ეკონომისტთა ნაწილი ფიქრობს, რომ ეკონომიკური ზრდა არ შეფერხდება, მიუხედავად იმისა, რომ საქართველოში პოლიტიკური არეულობა არ დასრულებულა. 

სლოვაკეთის პრემიერ რობერტ ფიცოს 22 დეკემბერს პუტინთან შეხვედრამ უსიამოვნებები მოუტანა. ფიცო თავისი მმართველობის განმავლობაში ყველაზე სერიოზული საფრთხის წინაშე დგას - ოპოზიცია მთავრობისთვის უნდობლობის გამოცხადებას აპირებს.