საქართველოში საინვესტიციო კლიმატი იცვლება და აქტიური ქვეყნების ლიდერთა პოზიციებს აზიური ქვეყნები იკავებენ. მოლოდინი, რომ დასავლური ინვესტიციები დამუხრუჭდება და ამით ქვეყნის ეკონომიკა ჩამოიშლება, არ მართლდება და  დასავლური კაპიტალის ადგილს თანდათან აღმოსავლური იჭერს. ეკონომიკაში ცარიელი ადგილი არ რჩება - თუ ევროპულ ბიზნესს არ სურს საქართველოში ინვესტირება, მას შემცვლელი მალე გაუჩნდება.

"ხალხის ძალაში" ამბობენ, რომ ევროპის საბჭოს საპარლამენტო ასამბლეისადმი სამი ქართული ოპოზიციური პარტიის მიმართვას, დაანონსებული საპარლამენტო გამოძიების საქმის მასალებს დაურთავს. მანამდე განაცხადეს , რომ "2003-2012 წლებში მოქმედი რეჟიმისა და პოლიტიკური თანამდებობის პირების საქმიანობის შემსწავლელი" დროებითი საგამოძიებო კომისია იქმნება. ამ ფორმატში მოხდება ენმ-ს ხელისუფლების თანამდებობის პირების გამოკითხვა, მომზადებული დასკვნა კი რეაგირებისთვის პროკურატურას და შესაბამის ორგანოებს გადაეცემა.

ტელეკომპანია „მთავარი არხი" საგანგებო განცხადებას ავრცელებს, რომელშიც აღნიშნულია, რომ არხის თანადამფუძნებელი, ზაზა ოქუაშვილი, მიჰყვება რუსულ გზას და ცდილობს, საბოლოოდ შეწყვიტოს მაუწყებლობა. არხი უკვე გათიშულია ყველა მომხმარებლისთვის, რომლებიც სიგნალს სატელიტების მეშვეობით იღებდნენ.

ოპოზიციის წარმომადგენლები ევროპაში ვიზიტით იმყოფებიან და შეხვედრებს მართავენ, როგორც თავად აცხადებენ, მიზანი ისაა, რომ „სათქმელი მიიტანონ" ევროკავშირის ყველა ქვეყნის წარმომადგენელთან. სტრასბურგშია „ქართული ოცნების"დელეგაციაც პარლამენტის ვიცე-სპიკერის თეა წულუკიანის ხელმძღვანელობით, სადაც 27 იანვარს ევროპის საბჭოს საპარლამენტო ასამბლეის ზამთრის სესია იხსნება. „ოცნების" განცხადებით, დელეგაცია 29 იანვრის ჩათვლით შეხვედრებს გამართავს.

ქვეყანაში შექმნილმა პოლიტიკურმა დაძაბულობამ უძრავი ქონების ბაზარზე უარყოფითი გავლენა მოახდინა. განსაკუთრებით ნეგატიურად აისახა ქირის გადასახადზე. მართალია, ის თვალში საცემად არ გაიაფებულა, მაგრამ გართულდა პრემიუმ კლასების ბინის გაქირავება. ამ სეგმენტში დიდი ვარდნაა. რაც შეეხება ბიუჯეტურ ბინება, იქ ფასი შემცირდა და ახლა 600 ლარიდან იწყება, უბნების მიხედვით კი ცვალებადია. 

მიმდინარე პოლიტიკური დაძაბულობისა და ეკონომიკაში განვითარებული პროცესების გამო ბოლო პერიოდშიო სავალუტო რყევები გახშირდა. კურსი გასულ კვირას 2,88-იან ნიშნულს გადასცდა, თუმცა გუშინდელი მაჩვენებლით, მან გეზი გამყარებისკენ აიღო და ,,ბლუმბერგის" პლატფორმაზე 2,87-იანი ნიშნული დაიჭირა. როგორც ჩანს, საქართველოში  მიმდინარე შიდაპოლიტიკური ვითარება ეროვნულ ვალუტაზე საკმაოდ უარყოფითად აისახება და გაუფასურებას  ბიძგს აძლევს. მიუხედავად ამისა, ანალიტიკოსების ნაწილი ლარის ვარდნას არ ელოდება და პოზიტიურ განწყობას ინარჩუნებს.

ევროკავშირის საბჭომ ქართველი დიპლომატებისა და ოფიციალური პირებისთვის უვიზო მიმოსვლის შეჩერების გადაწყვეტილება მიიღო. ამას გარდა იმსჯელეს ასევე უვიზო ახალ არჩევნებსა და პერსონალურ სანქციებზე. მმართველ პარტიაში აცხადებენ, რომ თითოეული გადაწყვეტილება ქართველი ხალხის დასჯასა და შურისძიებას ემსახურება. „ყველგან ბრიუსელი, არსად ევროპა" - განაცხადა ჟურნალისტებთან პაპუაშვილმა.

თურქეთი იწყებს მზადებას ევროკავშირთან ენერგეტიკული მოლაპარაკებების აღსადგენად, რათა უკრიანის გაზის ტრანზიტის შეცვლაში დაეხმაროს. პრეზიდენტს რეჯეფ თაიფ ერდოღანს დიდი ხნის ამბიცია აქვს, ქვეყანა გაზის რეგიონულ ჰაბად აქციოს.

ოპოზიციაში კვლავ დიდ გაერთიანებაზე დაიწყეს საუბარი - "სტრატეგია არმაშენებელის" ლიდერი გიორგი ვაშაძე პარტიებს და მეხუთე პრეზიდენტ სალომე ზურაბიშვილს მიმართავს, რომ გამოსავალი, რომელიც ამ პროცესს დააჩქარებს "საერთო დიდი პლატფორმის შექმნაა". ოპოზიციის ნაწილში იდეას კრიტიკით შეხვდნენ. ანალიტიკოსები კი აცხადებენ, რომ ასეთი გაერთიანება მოცემულ მომენტში ე.წ. შუაშისტ ამომრჩეველს დააკარგინებს ოპოზიციას.

2024 წელი საქართველოში ნავთობპროდუქტების ბაზრისთვის სტაბილური იყო. გლობალური გამოწვევების მიუხედავად, ქვეყანაში ბენზინსა და დიზელზე იმპორტი და შესაბამისად, მოთხოვნაც გაიზარდა, რაც ტრანზიტული ტრანსპორტისა და გადაზიდვების აღმავალ ტრენდს უკავშირდება, ასევე ავტოპარკის განვითარებასაც.

27 იანვარს სტარასბურგში ევროსაბჭოს საპარლამენტო ასამბლეის ზამთრის სესია გაიხსნება, სადაც საქართველოს დელეგაციას პარლამენტის ვიცე-სპიკერი თეა წულუკიანი უხელმძღვანელებს. „ქართულ ოცნებაში" ელიან, რომ სესიის დროს იქნება ქართული დელეგაციისთვის უფლებამოსილების შეზღუდვის მცდელობა. ანალიტიკოსების ვარაუდით, ეს შეიძლება გამოიხატოს საქართველოს დელეგაციისათვის ხმის მიცემის უფლების შეზღუდვით, თუმცა ფიქრობენ, რომ ამაზე, შესაძლოა, წულუკიანის ფაქტორმა იქონიოს გავლენა, რომელსაც გარკვეული კონტაქტები აქვს სტრასბურგში.

რუსეთ-უკრაინის ომი სწრაფად დასრულდება, თუ მსოფლიო ბაზარზე ნავთობის ფასი მკვეთრად შემცირდება - ამის შესახებ აშშ-ის პრეზიდენტი დონალდ ტრამპი საუბრობს და არც მალავს, რომ ნავთობის გაიაფებისათვის კონკრეტული ნაბიჯების გადადგმას გეგმავს, რათა მოსკოვი სამშვიდობო მოლაპარაკებაზე დაიყოლიოს. კრემლში მოვლენების ასეთ სცენარს სკეპტიკურად აფასებენ. შეწყდება თუ არა ეკონომიკური წნეხით ომი უკრაინაში და რა როგორი იქნება ამ საკითზე ოპეკის წევრი სახელმწიფოების პოზიცია?