თბილისში, დადიანის ქუჩაზე მომხდარმა ავტოსაგზაო შემთხვევამ, რომელსაც შუახნის ქალი ემსხვერპლა, პოლიტიკური აჟიოტაჟი და ცხარე დისკუსია გამოიწვია. მას შემდეგ, რაც გაირკვა, რომ დაღუპული ვეტერანი გვარდიელი და სერჟანტი იყო, ხოლო ავტომობილს რუსეთის მოქალაქე მართავდა, სოციალურ ქსელებში სხვადასხვა ვერსია და ინტერპრეტაცია გავრცელდა, მათ შორის ვარაუდებიც შესაძლო უცხოური სპეცსამსახურების კვალზე. თუმცა, ამ ეტაპზე გამოძიება ავტოსატრანსპორტო საშუალების მოძრაობისა და ექსპლუატაციის წესების დარღვევის მუხლით მიმდინარეობს, რამაც ადამიანის სიცოცხლის მოსპობა გამოიწვია და სხვა ვერსიებზე არ საუბრობს ოფიციალური გამოძიება.

ნატო-ს სამიტამდე ორიოდე დღით ადრე აშშ-ის პრეზიდენტს, დონალდ ტრამპს უკრაინისა და რუსეთის პრეზიდენტებთან სატელეფონო საუბარი ჰქონდა. ექსპერტები და საერთაშორისო მედიასაშუალებები ამას უბრალო დამთხვევად არ უყურებენ და აღნიშნავენ, რომ ტრამპს სურს სამიტზე ჩავიდეს არა როგორც უბრალოდ ერთ-ერთი ლიდერი, არამედ როგორც ძალა, რომელსაც კონფლიქტის რეალურად დასრულება შეუძლია. მათი პროგნოზით, თურქეთში გადაწყდება, რა პირობებით დაიწყება ოფიციალური სამშვიდობო მოლაპარაკებები შემოდგომამდე.

„ჰიბრიდული ჩარევის" პრევენცია თუ ოპოზიციური ხმების ნეიტრალიზება? - სომხეთის ხელისუფლებამ ემიგრანტებისთვის ბინადრობის მკაცრი საარჩევნო ცენზი დააწესა, რითაც დარტყმა პირველ რიგში რუსეთში მცხოვრებ ამომრჩეველზე მიიტანა. ამას ოპოზიცია და ადგილობრივი უფლებადამცველები არაკონსტიტუციურს უწოდებენ, 7 ივნისის არჩევნების შემდეგ მმართველი გუნდის ძალაუფლების ცემენტირების მცდელობად აფასებენ და საკონსტიტუციო სასამართლოში ჩივილს გეგმავენ.

მომავალ კვირაში თინა ბოკუჩავას ენმ-ის თავმჯდომარის უფლებამოსილების ორწლიანი ვადა ოფიციალურად ეწურება, თუმცა პარტიას ამ დრომდე არც ოფიციალური კანდიდატები დაუსახელებია და არც ყრილობის თარიღი. ამ ფონზე, ექსპრეზიდენტი მიხეილ სააკაშვილმა პარტიის მომავალზე ახალი განცხადება გააკეთა და კიდევ 4 თავისი ფავორიტი დაასახელა და ენმ-ში ახალგაზრდების მოზიდვის აუცილებლობაზე ისაუბრა.

სანამ ანკარაში ნატო-ს სამიტისთვის ემზადებიან, კრემლმა ბალტიის ქვეყნებს სერიოზული ბრალდება წაუყენა. მათი ინფორმაციით, ლატვია და ესტონეთი უკრაინულ დრონებს „საჰაერო დერეფნებს" უთმობენ რუსეთის ტერიტორიაზე დარტყმებისთვის. სამხედრო ანალიტიკოსების შეფასებით, ეს რუსული „ელექტრონული ბრძოლის" შედეგია - რუსეთი თავად უცვლის ხელოვნურად კურსს უკრაინულ დრონებს, ნატო-ს ქვეყნების ტერიტორიაზე აგდებს და შედეგად მიღებულ ინციდენტებს ალიანსის წევრების დასაშანტაჟებლად იყენებს.

ევროპის უსაფრთხოების არქიტექტურა, რომელიც ცივი ომის შემდგომ პერიოდში სტაბილურობისა და სამხედრო თავშეკავების პრინციპებზე იყო აგებული, როგორც ჩანს იცვლება. ფინეთის მიერ ბირთვულ იარაღზე არსებული ხანგრძლივი ტაბუს მოხსნამ ჯაჭვური რეაქცია გამოიწვია: დღეს დღის წესრიგში უკვე ლიეტუვის კონსტიტუციის გადახედვის საკითხი დგება

სანამ მოსკოვი ყირიმში უკრაინის მასშტაბური იერიშების მოსაგერიებლად ნაჩქარევად სწავლებებს მართავს, სახელწოდებით „ყირიმის გამოღვიძება", კიევი ნახევარკუნძულზე რეალურ და გამანადგურებელ დარტყმებს აგრძელებს.

უკრაინის თავდაცვის მინისტრმა 40 ქვეყანას გაუგზავნა წერილები უკრაინისთვის „პეტრიოტის" ტიპის რაკეტების ამ თვეში გადაცემის თხოვნით ამის შესახებ განცხადებას უკრაინის თავდაცვის სამინისტრო სოციალურ ქსელში ავრცელებს.

კიდევ ერთი სტრატეგიული პარტნიორი გვყავს - აღნიშნულ დოკუმენტს საქართველოს პრემიერ-მინისტრმა ირაკლი კობახიძემ და უზბეკეთის რესპუბლიკის პრეზიდენტმა შავკატ მირზოევმა მოაწერეს ხელი, ქვეყნების შესაბამის უწყებებს შორის ასევე გაფორმდა მემორანდუმები ეკონომიკის, ჯანდაცვის, გარემოს დაცვისა და სოფლის მეურნეობის, საფინანსო, საბაჟო, განათლების, საინფორმაციო და საკომუნიკაციო ტექნოლოგიებისა და კულტურის სფეროებში თანამშრომლობის შესახებ.

ირანის ყოფილი სულიერი ლიდერის, აიათოლა ალი ხამენეის დაკრძალვის ცერემონიალზე დასასწრებად პრეზიდენტი მიხეილ ყაველაშვილი თეირანში უკვე ჩავიდა, სადაც ირანელ კოლეგას მასუდ ფეზეშქიანსაც შეხვდა.

ევროკავშირი თურქეთთან ვიზალიბერალიზაციაზე მუშაობს. ამის შესახებ ინფორმაციას გამოცემა „პოლიტიკო" ევროპელ მაღალჩინოსანზე დაყრდნობით ავრცელებს. გამოცემის ინფორმაციით, ევროკავშირი თურქეთთან სავიზო რეჟიმის ლიბერალიზაციაზე მუშაობს, რაც ანკარაში ევროკავშირის უმაღლესი წარმომადგენლის, კაია კალასის, შინაგან საქმეთა და მიგრაციის საკითხებში ევროკომისრის, მაგნუს ბრუნერისა და გაფართოების საკითხებში ევროკომისრის, მარტა კოსის ვიზიტს მოყვა.

აიათოლა ხამენეის მასშტაბური დაკრძალვის ცერემონიალმა აშშ-ირანის ისედაც მყიფე სამშვიდობო მოლაპარაკება დროებით შეაჩერა, რაც ექსპერტების აზრით, 60-დღიანი ვადის გარდაუვალ გაგრძელებას გამოიწვევს