ლევან ჯანგველაძის მკვლელობის საქმეზე გამოძიება ახალ ეტაპზე გადავიდა - ყოფილ მთავარ პროკურორს, ოთარ ფარცხალაძეს, შეკვეთით მკვლელობის ორგანიზებაში ადანაშაულებენ, ოპოზიცია პროცესს კლანურ დაპირისპირებად აფასებს, ხოლო ხელისუფლება აცხადებს, რომ საქმე სრულად გახსნილია.

რუსეთის საგარეო საქმეთა მინისტრი, სერგეი ლავროვი რუსეთ-ევროპის შესაძლო ომზე საუბრობს და აღნიშნავს, რომ ზოგიერთი ევროპელი ლიდერების განცხადებები, თითქოს რუსეთი ევროპაზე თავდასხმისმისთვის ემზადება, ყველანაირ საფუძველს მოკლებულია. თუმცა, თუკი ევროპა თავს დაესხმება რუსეთს, „გამანადგურებელ პასუხს" მიიღებს.

საქართველოს ხელისუფლება „ბი-ბი-სის" საგამოძიებო ფილმთან დაკავშირებით სარჩელზე მუშაობას აგრძელებს. ამის პარალელურად კი ბრიტანულმა ტელეკომპანიამ ფილმი რუსულად თარგმნა და ინტრენეტში განათავსა. ანალიტიკოსთა ნაწილი ფიქრობს, რომ ეს მიზანმიმართულად მოხდა ამ საკითხთან დაკავშირებით „ბი-ბი-სის" მიდგომას აჩვენებს. ხოლო რატომ ჭიანურდება „ოცნების" მხრიდან სარჩელის მომზადება და ზოგადად, რა პერსპექტივა აქვს ამ სარჩელს, ამაზე ანალიტიკოსებს განსხვავებული მოსაზრებები აქვთ.

გიორგი გახარიას გუნდი ექსპრეზიდენტ სალომე ზურაბიშვილს ისევ აკრიტიკებს და 4 ოქტომბრის მოვლენებზე პოლიტიკურ პასუხისმგებლობის აღებას სთხოვს. მათი შეფასებით, ამ მოვლენებში ზურაბიშვილი „სეირის მაყურებლის" როლში იყო, ხოლო აქციის უშუალო ორგანიზატორებმა კი ქვეყანაშ მშვიდობიანი პროტესტის დისკრედიტაცია მოახდინეს

დასავლეთთან ურთიერთობებში მზარდი დაძაბულობის ფონზე, ხელისუფლება „სტრატეგიულ მოთმინებაზე" საუბრობს და 2026 წელს შესაძლო გარდატეხის წლად ასახელებს, თუმცა ანალიტიკოსების შეფასებით, ეს ოპტიმიზმი რეალურ პოლიტიკურ წინაპირობებს მოკლებულია და ურთიერთობების გაუმჯობესებაზე მოლოდინი, პირიქით, სკეპტიციზმს იწვევს.

ქვეყანაში მიმდინარე პროცესებს ანალიტიკოსი ზაალ ანჯაფარიძე „რეზონანსთან" აფასებს და არ გამორიცხავს, რომ 4 ოქტომბრის მოვლენებზე კიდევ დაიჭირონ ხალხი. ასევე აღნიშნავს, რომ ოპოზიციაში არავითარი საინტერესო პროცესები არ მიდის.

უკრაინის პრეზიდენტი, ვოლოდიმირ ზელენსკი ამერიკელ კოლეგასთან შეხვედრას აანონებს, სავარაუდო თარიღი 28 დეკემბერი სახელდება. ამ ეტაპზე შეხვედრაზე ბევრი დეტალები არ ვრცელდება, თუმცა ზელენსკი აღნიშნავს, რომ ზოგიერთი დოკუმენტი უკვე მომზადებულია. ანალიტიკოსები ვარაუდობენ, რომ ის აპირებს ტრამპს უკრაინულ-ევროპული გეგმა გააცნოს.

ჩერგოლეიშვილ-ჟორჟოლიანს კვლავ „ფეისბუქ ომი" აქვთ, „ფედერალისტების" ლიდერი ბაჩო ახალაიას მეუღლეს, ანი ნადარეიშვილს ღიად ხელს ადებს, რომ 4 ოქტომბრის ე.წ. მშვიდობიან დამხობაში მართლაც მონაწილეობდა და კამპანიას საჯაროდ ეწეოდა. ამ პოსტის ე.წ. სქრინს აზიარებს ნანუკა ჟორჟოლიანი და თან ურთავს, რომ თამარ ჩერგოლეიშვილი სუს-ს ეხმარება.

თავდაცვის ექსმინისტრი ბაჩო ახალაია დააკავეს. სუს-ის ინფორმაციით, ის 4 ოქტომბრის მოვლენებს ინტერნეტ აპლიკაციების მეშვეობით ხელმძღვანელობდა და იყო მთავარი ორგანიზატორი. შესაბამისი სამსახურების გამოძიების თანახმად, საქმეში ფიგურირებს ახალაიას მეუღლეც. როგორც სპეციალურად გამართული ბრიფინგიდან ირკვევა, ცოლ-ქმარს ხერბორკილები ერთდროულად დაადეს, თუმცა მოგვიანებით გაათავისუფლეს.

ვაშინგტონიდან რუსეთ-უკრაინის ომის დასრულების ვადები რამდენჯერმე დასახელდა - ჯერ კიდევ დონალდ ტრამპი პრეზიდენტად არჩევამდე საუბრობდა, რომ კონფლიქტს 24 საათში მოაგვარებდა, თუმცა საკითხი დღემდე ღიად რჩება. ახლა ტრამპი ამბობს, რომ თითქმის ერთ წელში „რვა ომი დაასრულა და ერთიღა დარჩა". აშშ-შს ელჩი ნატოში მეთიუ უიტაკერი ომის 90 დღეში მოგვარების შესაძლებლობას განიხილავს.

შსს-ს მიერ დაწესებული აკრძალვების მიუხედავად, 27 დეკემბერს, ფილარმონიიდან პარლამენტის შენობის მიმართულებით საპროტესტო მსვლელობა მოეწყობა. აქციის დაანონსებამდე ცნობილი გახდა, რომ 21 დეკემბრიდან 9 იანვრამდე აქციის დროს მსვლელობის გამართვა შეიზღუდა. ორგანიზატორების თქმით, აქციიის ძირითადი მიზანია კიდევ ერთხელ მოითხოვოს ხალხმა საერთაშორისო გამოძიება ქიმიური მოწამვლის საქმეზე.