ოპოზიციური ალიანსი 26 მაისის აქციის ბოლო დეტალებს ათანხმებს - ადგენენ სპიკერთა სიას, ამზადებენ გარკვეულ „სიურპრიზებს" და გზამკვლევს იმაზე, თუ „როგორ მივდივართ პოლიტპატიმრების გათავისუფლებამდე, თავისუფალი და სამართლიანი არჩევნების ჩატარებამდე და, მათ შორის, ევროკავშირის გზის დაბრუნებამდე". ამასთან, მიდის შიდა დისკუსია იმაზე, უნდა იყოს თუ არა 26 მაისის აქციაზე ექსპრეზიდენტ მიხეილ სააკაშვილის ბანერები.

აფხაზეთში რუსეთის „ელჩად" ბელგოროდის ოლქის გუბერნატორს, ვიაჩესლავ გლადკოვს ნიშნავენ. აფხაზურ საზოგადოებაში ამაზე არაერთგვაროვანი მოსაზრებები გაჩნდა - ზოგი ფიქრობს, რომ კრემლი სოხუმზე ზეწოლას აძლიერებს, რადგან მოუგვარებელი საკითხები, მათ შორის აპარტამენტებისა და უძრავი ქონების გაყიდვები გადაწყვიტოს. ნაწილი კი უბრალო საკადრო ცვლილებებს უკავშირებს.

განსაკუთრებით დიდი ოდენობის ქრთამის აღების ფაქტზე სუს-ის უფროსის ყოფილი მოადგილე ლევან ახობაძე დააკავეს. სახელმწიფო უსაფრთხოების სამსახურის ინფორმაციით, აღნიშნულ საქმეში ფიგურირებს უკვე პატიმრობაში მყოფი სუს-ის ყოფილი უფროსი გრიგოლ ლილუაშვილიც. ამიტომაც ადვოკატები უშვებენ, რომ მას შეიძლება ბრალი დაუმძიმდეს.

ჩვეულებრივ, ქრომოსომის გაგონებაზე ლათინურ X მოდის გონებაში და კიდევ, ის, რომ ადამიანს 46 ქრომოსომა გააჩნია. ცენტრომერები X-ის ორი ძაფის შეერთების წერტილია. ისინი არიან პასუხისმგებლები იმაზე, რომ დედა უჯრედმა მისი გენეტიკური ინფორმაცია თანაბრად გაუყოს მის ორ შვილეულ უჯრედს. ნორმიდან გადახრას, თითქმის ყოველთვის, სავალალო შედეგი მოჰყვება, - როგორც წესი, ავთვისებიანი გადახრები (კიბოს უჯრედები ანეუპლოიდიით ხასიათდება - მათი ქრომოსომების რაოდენობა მეტია ნორმალური უჯრედში არსებულ 46-ზე). ს. ნერგაძემ ათწლეულები მიუძღვნა ულტრათანამედროვე მეთოდებით ცენტრომერათა შესწავლას.

პატიმრობაში მყოფი მესამე პრეზიდენტის, მიხეილ სააკაშვილის განცხადებამ მის გარემოცვაში მოღალატის არსებობის შესახებ სერიოზული ვნებათაღელვა გამოიწვია. ოპოზიციაში რამდენიმე დღეა მიდის მსჯელობა, თუ ვინ გასცა საქართველოში არალეგალურად ჩამოსული ექსპრეზიდენტი. სახელდება კონკრეტული გვარები და კეთდება მინიშნებებიც. ოპოზიციის მხარდამჭერთა ერთი ნაწილი კი სააკაშვილის განცხადებას არადამაჯერებლად მიიჩნევს.

ოპოზიციურ ალიანსში კვლავ დაძაბულობაა. ამჯერად „სტრატეგია აღმაშენებლის" ლიდერი გიორგი ვაშაძე დაუპირისპირდა „ფედერალისტების" ერთ-ერთ ლიდერ თამარ ჩერგოლეიშვილს. კოფლიქტის მიზეზი გახდა ჩერგოლეიშვილის კრიტიკული განცხადება ერთ-ერთი ოპოზიციური მედიის მიმართ. ვაშაძე აცხადებს, რომ ამას პირადად მასზე თავდასხმად აღიქვამს.

საქართველოს ხელისუფლებასა და გერმანიის ელჩ პეტერ ფიშერს შორის მორიგი დაპირისპირებაა. ამჯერად კონფლიქტი გამოიწვია ელჩის განცხადებამ ევროკავშირში საქართველოს გაწევრიანებასა და „ქართული ოცნების წარმომადგენელთა მიერ პერიოდულად „დიფ სთეითზე" საუბარმა. თბილისში აცხადებენ, რომ გასული წლის ოქტომბერში პეტერ ფიშერის კონსულტაციისთვის ბერლინში გაწვევის შემდეგ გერმანიის საგარეო საქმეთა სამინისტროდან მიიღეს დაპირება, რომ მას აღარ ექნებოდა აგრესიული რიტორიკა „ოცნების" ხელისუფლების მიმართ, თუმცა ეს პირობა დაიღვა.

ირანში ავტომობილების რეექსპორტი საგრძნობლად იზრდება. ბოლო ერთი თვეა, ქართულ საავტომობილო ბაზარზე ირანელი მყიდველები გააქტიურდნენ. „ქარ მარკის“ დამფუძნებელი ირაკლი კუხიანიძე კონკრეტულ ინფორმაციას ავრცელებს, მაგრამ ეს არადამაჯერებლად მიაჩნიათ ქართველ ავტოიმპორტიორებს, რომლებიც ხაზს უსვამენ, რომ ირანში ავტომობილების რეექსპორტი ისევ უცხო ქვეყნის მოქალაქეების საშუალებით ხდება.

ოპოზიციაში აცხადებენ, რომ „ქართული ოცნება" ევროკავშირში გაწევრიანებაზე უარის სათქმელად საზოგადოებრივი აზრის შემზადებას ცდილობს. ამ მოსაზრებას ოპოზიციური ალიანსი 26 მაისს დაგეგმილი აქციის წინ საპროტესტო მუხტის გასაძლიერებლადაც იყენებს. ანალიტიკოსები ამ ეჭვს ნაწილობრივ საფუძვლიანად მიიჩნევენ, თუმცა ფიქრობენ, რომ მსგავსი ხისტი განცხადება ხელისუფლებისგან მოსალოდნელი არ არის, მითუმეტეს, რომ ეს კონსტიტუციის პირდაპირი დარღვევა იქნება.

ხელისუფლება ფასდაკლებული სურსათის კონტროლის მექანიზმს აძლიერებს. კონკურენციისა სააგენტომ წარმოადგინა ახალი პროექტი, რომელიც გულისხმობს ელექტრონული პლატფორმის შექმნას. სწორედ ამ პლატფორმაზე განთავსდება საუკეთესო შეთავაზება და ფასები. რამდენად ეფექტიანი იქნება ეს მექანიზმი, მალე გამოჩნდება, მანამდე კი სპეციალისტების აზრი ორად გაიყო - ერთი ნაწილის აზრით, პროდუქტების ფასდაკლებას საბაზრო ეკონომიკის პირობებში, ჯანსაღი კონკურენცია უზურუნველყოფს. სპეციალისტების მეორე ნაწილს კი იმედი აქვს, რომ სახელმწიფო კონტროლის აძლიერებს და პროდუქტების შემდეგ, მედიკამენტების გაიაფებასაც ელოდება. 

ოპოზიციურმა ალიანსმა ჯერ კიდევ მარტში დაანონსა, რომ 26 მაისის შეკრებამდე რეგიონებში გავიდოდნენ და ხალხს შეხვდებოდნენ. დასახელდა კონკრეტული თარიღიც - 10 მაისი. თუმცა, საბოლოოდ, რეგიონებში გასვლა არ შედგა. ანალიტიკოსები ამის მიზეზად ალიანსის შიგნით უთანხმოებასა და ფინასურ პრობლემებს უკავშირებენ და ვარაუდობენ, რომ ეს 26 მაისის აქციაზე ხალხის რაოდენობაშიც აისახება.

სომხეთის საპარლამენტო არჩევნების მოახლოებასთან ერთად, რუსეთი, ეკონომიკური და პოლიტიკური ბერკეტების გამოყენებით, ნიკოლ ფაშინიანის მთავრობაზე ზეწოლას აძლიერებს. ამჯერად კრემლის უკმაყოფილების მიზეზი ის გახდა, რომ სომხეთის პრემიერი არ დაესწრება ევრაზიული ეკონომიკური კავშირის სამიტს. მოსკოვიდან ფაშინიანს კიდევ ერთხელ შეახსენეს, რომ მას არჩევანის გაკეთება მოუწევს ევროკავშირთან დაახლოებასა და ვერაზიის ეკონომიკური კავშირის წევრობას შორის.