„ქართული ოცნების" ახალგაზრდული ორგანიზაცია მასშტაბურ რეგიონულ ტურნეს იწყებს. მომდევნო თვეებში შეხვედრები ქვეყნის 10 რეგიონს მოიცავს და ახალგაზრდებთან პირდაპირ დიალოგზე იქნება ფოკუსირებული. მმართველ გუნდში ამბობენ, რომ მიზანი ახალგაზრდების აქტიური ჩართულობაა, თუმცა ანალიტიკოსები ამ პროცესს უკვე წინასაარჩევნო სტრატეგიის ნაწილად აფასებენ.

ახლო აღმოსავლეთის კონფლიქტის ფონზე, უკრაინასთან დაკავშირებით მიმდინარე მოლაპარაკება კვლავ ჩიხშია მოქცეული. შეხვედრები პერიოდულად მაინც ტარდება, თუმცა უშედეგოდ. ამის პარალელურად აშშ-სა და უკრაინას შორის ახალი სკანდალი აგორდა - სახელმწიფო მდივანი მარკო რუბიო და პრეზიდენტი ვოლოდიმირ ზელენსკი ერთმანეთს ტყუილში ადანაშაულებენ.

ბრიტანეთის თემთა პალატის საგარეო საქმეთა კომიტეტის ანგარიშში საქართველო კრიტიკული შეფასებების კონტექტში მოხვდა. კომიტეტი საკუთარ მთავრობას მოუწოდებს, დააწესოს ახალი სანქციები „ქართული ოცნების" ოფიციალური პირებისა და იმ მედიაორგანიზაციების წინააღმდეგ, „რომლებიც დეზინფორმაციას ავრცელებენ".

აშშ-ს პრეზიდენტის, დონალტ ტრამპის მწვავედ კრიტიკული რიტორიკა ნატო-ს მიმართ, ალიანსის მომავალზე კითხვებს აჩენს - გააგრძელებს თუ არა ვაშინგტონი უცვლელ მხარდაჭერას, თუ დასავლური უსაფრთხოება და ერთიანობა გამოწვევების წინაშე დადგება. ტრამპის ამ განცხადებებს ემთხვევა ბალტიის ქვეყნების თავზე რუსული დრონების გამოჩენა, რაზედაც ანალიტიკოსები ფიქრობენ, რომ რუსეთს სურს შეამოწმოს, თუ რამდენად მტკიცეა ალიანსის მეხუთე პარაგრაფი, სადაც ერთ ქვეყანაზე თავდასხმა ნიშნავს ყველა ქვეყანაზე თავდასხმას. დასავლური მედიაში კი უკვე ჩნდება ცნობები, რომ ტრამპს სწორედ ამ მიმართულებით ფიქრობს ნატო-ს რეორგანიზაციას.

აშშ-მა ირანის სარაკეტო არსენალის დაახლოებით მესამედი გაანადგურა - ამის შესახებ აშშ-ის დაზვერვასთან დაახლოებული ხუთი პირი „როიტერსთან" ანონიმურობის დაცვის პირობით აცხადებს. კიდევ დაახლოებით მესამედის მდგომარეობა გაურკვევლია, თუმცა ოთხი წყაროს თქმით, რომ დაბომბვების შედეგად ეს რაკეტები, სავარაუდოდ, დაზიანდა ან განადგურდა. ექსპერტები კი ფიქრობენ, რომ ირანი შესაბამის მომენტს ელოდება და რაკეტებს უბრალოდ მალავს.

საქართველოს ეკლესიის ახალი პატრიარქის არჩევამდე კიდევ საკმაო დროა დარჩენილი, თუმცა ამ საკითხზე „გარკვეული ვნებათაღელვა" უკვე შესამჩნევია. ამის შესახებ თავად საპატრიარქოში საუბრობენ. ანალიტიკოსების შეფასებით კი ნაკლებად მოსალოდნელია, რომ ყველაფერი მშვიდად ჩაივლის.

ახლო აღმოსავლეთში სამხედრო დაპირისპირება გრძელდება, აშშ მოლაპარაკებებზე საუბრობს, თუმცა ირანიც და ისრაელიც აცხადებენ, რომ სამხედრო შეტაკებები გაგრძლედება, რუსული მხარის შეფასებით კი „ახლო აღმოსავლეთში ყველაზე დიდი ომი ჯერკიდევ წინ არის". ამის ფონზე კითხვა, დაიწყებს თუ არა ამერიკა ირანში სახმელეთო ოპერაციას, სულ უფრო აქტუალური ხდება.

იმდენად აფექტურ მდგომარეობაში ვიყავი, ჩავარტყი, ოღონდ განზრახ არა, ვერ ვიგებდი რა უნდა მექნა, გავუქანე და ჩავარტყი.... დანა წავიღე, „რაკოვინაში" ჩავაგდე, წყალი გადავავლე, - ამის შესახებ ქმრის მკვლელობის ბრალდებით დაკავებული 25 წლის თეკლა გერსამია ფარულ ჩანაწერში აცხადებს. ფსიქოლოგის ჩვენების მიხედვით კი, გერსამიამ მასთან გასაუბრებისას ეს ფაქტი სხვაგვარად თქვა. ის აფექტის მომენტსაც გამორიცხავს. ბრალდებულს 16-დან 20-წლამდე ან უვადო პატიმრობა ემუქრება.

გიორგი ვაშაძე და შალვა პაპუაშვილი ერთმანეთს უპირისპირდენიან, პარლამენტის თავმჯდომარე ოპოზიციური ალიანსის მომავალთან დაკავშირებით „სტრატეგია აღმაშენებლის" ლიდერის მიერ გაკეთებულ განცხადებას მწვავედ საჯაროდ აკრიტიკებს, რასაც ოპოზიციონერი პოლიტიკსისგან პასუხი მოჰყვა. მსგავსი ტიპის დაპირისპირებები კი ახალ დაძაბულ ფონს ქმნის პოლიტკურ ველზე და აჩენს კითხვებს აქვს თუ არა საერთოდ დიალოგს პერსპექტივა.

პრემიერმა ირაკლი კობახიძემ ცენტრალური და აღმოსავლეთ ევროპის საბანკო ასოციაციის საერთაშორისო კონფერენციაზე ქვეყნის ფინანსური სექტორი „ეკონომიკის ხერხემლად" შეაფასა და აღნიშნა, რომ ანაბრების უმეტესობა უკვე ლარშია განთავსებული, ხოლო ქართული ბანკები რეგიონში სტაბილურად აფართოებენ გავლენას.

სომხეთის დედაქალაქი ერევანი 4-5 მაისს სომხეთ-ევროკავშირის პირველ სამიტს უმასპინძლებს. საგარეო საქმეთა სამინისტროს პრესსამსახურის ცნობით, სამიტზე ყურადღება გამახვილდება ორმხრივი ურთიერთობების განმტკიცებაზე. კონფლიქტოლოგის პაატა ზაქარეიშვილის აზრით, სამიტის მიზანია მოახლოებულ არჩევნებში სომხეთის რეპუტაციის გაძლიერება.

ევროსაბჭოს ადგილობრივი და რეგიონული ხელისუფლებების კონგრესი 1 აპრილს, 50-ე სესიის ფარგლებში, საქართველოს საკითხს განიხილავს - დღის წესრიგის მიხედვით, დელეგატები იმსჯელებენ ქვეყანაში განხორციელებული ფაქტების დამდგენი მისიის ანგარიშზე და კენჭს უყრიან შესაბამის რეზოლუციისა და რეკომენდაციის პროექტებს, რაც საქართველოს მიმართ საერთაშორისო შეფასებებისა და პოლიტიკური გზავნილების მნიშვნელოვან ეტაპად მიიჩნევა.