ბოლო ხუთი წლის განმავლობაში ჩინეთის ეკონომიკა საშუალოდ წლიურად 5,4%-ით გაიზარდა, რაც გლობალური ეკონომიკური ზრდის თითქმის 30%-ს შეადგენს - ეს უფრო მეტია, ვიდრე „დიდი შვიდიანის" ქვეყნების ჯამური წვლილი. ჩინეთი დღეს მსოფლიოს უდიდეს პოტენციურ მომხმარებელთა ბაზარს და უმსხვილეს განვითარებად ეკონომიკას წარმოადგენს - ასეთი განცხადება ჩინეთის საგარეო საქმეთა მინისტრმა და პოლიტბიუროს წევრმა ვან ი-მ სახალხო კონგრესის მე-14 მოწვევის მეოთხე სესიის ფარგლებში გამართულ კონფრენციაზე გააკეთა.

ანალიტიკოსი დავით ჩიხელიძე ბიძინა ივანიშვილის ყოფილ ადვოკატს მძიმე ბრალდებებს უყენებს - ექსპერტი მას თაღლითობასა და უცხოეთის ინტერესებთან კავშირში ადანაშაულებს, რასაც თავად ყიფიანი ამ დრომდე საჯაროდ არ გამოხმაურებია.

საქართველოს საკითხზე უფრო დეტალური განხილვა ევროკავშირის მინისტრთა საბჭომ შემდგომი სხდომისთვის გადადო, რომელიც, ანალიტიკოსთა თქმით, შესაძლოა მაქსიმუმ ერთ თვეში ჩატარდეს, თუმცა ისეთი რადიკალური გადაწყვეტილებები მოსალოდნელი არაა, თუნდაც როგორიცაა მთელი მოსახლეობისთვის უვიზო მიმოსვლის შეჩერება.

პოლიტოლოგი იგორ კვესელავა ქვეყანაში მიმდინარე პროცესების შეფასებისას ყოფილი სახალხო დამცველის, უჩა ნანუაშვილის გამოკითხვაზე დაბარებას ეხმაურება და არ გამორიცხავს, რომ სამოქალაქო სექტორიდან მსგავსი „დაბარებების" სერია დაიწყოს. ამერიკა-საქართველოს ურთიერთობების გაუმჯობესებს მხრივ კი პოზიტიური მოლოდინი არ აქვს.

სუს-მა ეუთოს ეგიდით შექმნილ „მოსკოვის მექანიზმთან" დაკავშირებით გამოკითხვაზე ყოფილი სახალხო დამცველი, უჩა ნანუაშვილი დაიბარა, რომელიც მისვლას არ აპირებს. ანალიტიკოსთა ნაწილი ფიქრობს, რომ ხელისუფლებამ სამოქალაქო სექტორის „დატერორება დაიწყო". სხვები ამ დაბარებას ნანუაშვილისგან ინფორმაციის გაგებას უკავშირებენ.

ყულევის პორტის დასანქცირებასთან არსებული ეჭვები საბოლოოდ გაქარწყლდა. ევროკავშირმა ყულევი სანქციების მე-20 პაკეტიდან ამოიღო, რასაც სპეციალისტები დადებითად აფასებენ. სექტორის წარმომადგენლების  საუბრობენ, რომ ის შავ ზღვაში ერთ-ერთი მნიშვნელოვანი ნავთობტერმინალია, რომლითაც "სოკარი" ახდენს ოპერირებას. სანქციების სიიდან ამოღება კი სერიოზული დადებითი სიგნალია ქვეყნისათვის. 

მას შემდეგ, რაც ირანსა და ახლო აღმოსავლეთში შექმნილი კონფლიქტის გამო, ჰორმუზის სრუტე ჩაიკეტა, ნავთობპროდუქტები საგრძნობლად გაძვირდა. თუ 27 თებერვალს, 1 ბარელი „ბრენტის“ ტიპის ნავთობი 67 აშშ დოლარი ღირდა, დღეს უკვე 102 დოლარამდე გაძვირდა. ცხადია, ნავთობის გაძვირება სხვა სახის საქონელსაც  გააძვირებს. დარგის სპეციალისტები ფიქრობენ, რომ ამ ეტაპზე პროდუქტები არ გაძვირდება, მაგრამ თუ კონფლიქტი გაგრძელდება, ეს პროცესი გარდაუვალი იქნება. თუმცა, ასეთ შემთხვევაშიც კი, შუა დერეფნის, როგორც ყველაზე უსაფრთხო მარშრუტის მნიშვნელობა გაიზრდება, რაც საქართველოს სრულიად ახალ ეკონომიკურ შესაძლებლობებს გაუხსნის. 

ოპოზიციური „ალიანსის" მომავალი, „მოსკოვის მექანიზმის" ანგარიში და ეუთოს კრიტიკული დოკუმენტი - ეს იმ საკითხების ნაწილია, რომლებზეც პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე გაამახვილა ყურადღება. მთავრობის მეთაურმა ოპოზიციის გაერთიანება „დისკრედიტირებულად" შეაფასა, ხოლო საერთაშორისო ანგარიშების ნაწილი პოლიტიკურად მოტივირებულად და რეალობას მოწყვეტილად მიიჩნია.

რუსეთის თავდაცვის სამინისტროს ცნობით, ქვეყნის საჰაერო თავდაცვის სისტემებმა ღამით რუსეთის ოლქების თავზე 145 უკრაინული დრონი ჩამოაგდეს, - ინფორმაციას რუსული მედია ავრცელებს. „ღამის განმავლობაში, 15 მარტს, მოსკოვის დროით 23:00 საათიდან 16 მარტს, მოსკოვის დროით დილის 8:00 საათამდე, რუსეთის საჰაერო თავდაცვის სისტემებმა 145 უკრაინული უპილოტო საფრენი აპარატი მოიგერიეს და გაანადგურეს", - ნათქვამია უწყების განცხადებაში.

უკრაინაში ომის დასრულებისა და ევროპისთვის იაფი ენერგომომარაგების აღდგენის მიზნით, ბელგიის პრემიერ-მინისტრი ბარტ დე ვევერი ევროკავშირს რუსეთთან მოლაპარაკებების დაწყებისკენ მოუწოდებს. მისი განცხადებით, ბევრი ევროპელი ლიდერი ამ პოზიციას პირად საუბრებში იზიარებს, თუმცა, საჯაროდ ამის თქმას ვერ ბედავს, მაშინ როდესაც ევროკავშირში საკითხზე მკვეთრად განსხვავებული პოზიციები იკვეთება.

"ლელო - ძლიერი საქართველოს" განცხადებას მმართველ პარტიასთან დიალოგის აუცილებლობაზე ოპოზიციის გულისწყრომა მოჰყვა. არც ადრესატი არ შეეგება ამ განცხადებას ისე, როგორც სავარაუდოდ "ლელო" ელოდა - "ქართულ ოცნებაში" განაცხადეს, რომ "კონსტიტუციის და სისხლის სამართლის დამნაშავეებთან" დიალოგს არ აპირებენ.

იაპონიას ჰორმუზის სრუტის გახსნაში დახმარების შესახებ ოფიციალური თხოვნა არ მიუღია, თუმცა განიხილავს, თუ როგორ უპასუხოს სათანადოდ, - ამის შესახებ ქვეყნის პრემიერ-მინისტრმა სანაე ტაკაიჩიმ განაცხადა.