„ვაგზლის" ბაზრობაზე დაახლოებით 15 ათას კვადრატზე გაჩენილი ხანძრის შედეგად დამწვარია ტანსაცმლის, ხილ-ბოსტნეულისა და სხვადასხვა სახის სასაწყობე ფართები. ხანძარის გამო, რომელიც დილის 6 საათისკენ გაჩნდა არავინ დაშავებულა, თუმცა, ძლიერი დაკვამლიანების გამო პაციენტების ევაკუაცია მიმდინარეობდა ახლომდებარე კლინიკებში.

პარლამენტმა ვიცე-სპიკერ თეა წულკიანის დროებით საგამოძიებო კომისიას უფლებამოსილების ვადა 5 მაისიდან კიდევ ერთი თვით გაუგრძელა. კომისიას გაფართოებული აქვს მანდატიც და ის აღარ შემოიფარგლება „ნაციონალური მოძრაობის" ხელისუფლებაში ყოფნის პერიოდით. ვადის გახანგრძლივებაზე დადგენილების მიღებამდე, სამშაბათს წულუკიანმა კომისიის მიერ გაწეული საქმიანობის შუალედური ანგარიში პლენარულ სხდომაზე წარადგინა.

დონალდ ტრამპის სავაჭრო ომის გამო გლობალურ ეკონომიკას წელს რეცესიის საფრთხე ემუქრება. ასეთი ვარაუდი აქვთ გავლენიან ეკონომისტებს. ამ დროს საქართველოს მშპ დიდი სისწრაფით იზრდება. საინტერესოა, ასეთ პირობებში რამდენად დაჩქარდება იმ ჩამორჩენის აღმოფხვრა, რომელიც საქართველოს განვითარებულ ქვეყნებთან აქვს?

ევროკავშირმა შეიძლება შეაჩეროს უვიზო მიმოსვლა, გადახედოს საქართველოსთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებას და „გაყინოს" კანდიდატის სტატუსი, თუმცა ამისგან ჯერჯეობით თავს იკავებს. ამის პარალელურად კი ევროკავშირი საქართველოს მთავრობასთან კონტაქტების აღდგენასაც განიხილავს. ამის შესახებ გაფართოების საკითხებში ევროკომისარმა მარტა კოსმა განაცხადა.

ბოლო დროს აშშ-ს პრეზიდენტის დონალდ ტრამპის დამოკიდებულება ვლადიმირ პუტინის მიმართ შესამჩნევად შეიცვალა. მიუხედავად იმისა, რომ წარსულში, ხშირად ხაზს უსვამდენენ ტრამპის კეთილგანწყობას კრემლის ლიდერისადმი, დონალდ ტრამპმა რუსეთისთვის სანქციების ახალი პაკეტის დაწესებაც არ გამორიცხა და ღიად თქვა, რომ „შესაძლოა შეცდა". რატომ იცვალა ფერი ტრამპმა და „გაეცლება" თუ არა აშშ რუსეთ-უკრაინის სამშვიდობო მოლაპარაკებას?

საქართველოს მოსახლეობის თითქმის 12% სიღარიბის ზღვარს ქვევით იმყოფება, რაც რაოდენობრივად დაახლოებით 440 ათას ადამიანს მოიცავს. ასეთია 2023 წლის ოფიციალური მონაცემები, 2024 წლის შედეგი კი ჯერჯერობით ცნობილი არ არის. ქვეყანას ჯერ კიდევ ბევრი გაჭირვებული მოქალაქე ჰყავს, თუმცა სხვადასხვა ორგანიზაციები საერთოდ წარმოუდგენელ სურათს ხატავენ. სპეციალისტები კი ამბობენ, რომ საქართველოში პოლიტიკური მიზნების მისაღწევად მოსახლოების სოციალური და ეკონომიკური მდგომარეობით სპეკულირება კვლავ აქტუალურია.

პროკურტურა რამდენიმე ფონდის ხელმძღვანელს საბოტაჟსა და უცხოური ორგანიზაციისთვის მტრულ საქმიანობაში დახმარებას ედავება და ამ გამოძიების ფარგლებში 29 აპრილის დილიდან ხუთ მისამართზე ჩხრეკა ჩატარდა. გაიჩხრიკა მათ შორის ტელეწამყვან ნანუკა ჟორჟოლიანის, მისი შვილისა და სხვა სამოქალაქო ატივისტების საცხოვრებელი ბინები, რასაც დიდი გამოხმაურება მოჰყვა, როგორც არასამთავრობო და ოპოზიციური ფლანგიდან, ისე მმართველი პარტიიდან.

საქართველოში უცხო ქვეყნის მოქალაქეების რიცხვი სწრაფად მზარდია. იმის  მიუხედავად, რომ მიგრაციული პოლიტიკა მკაცრდება, ქვეყანაში მათი წილი მაინც მატულობს. პარალელურად, დიდია ადგილობრივი მოსახლეობის გადინება. სპეციალისტები აზრით, პროცესი თუ არ დარეგულირდა, შესაძლოა უცხოელების მზარდამა შემოდინებამ, უახლოეს მომავალში, ადგილობივი მოსახლეობის ეთნიკური შეცვლაც კი გამოიწვიოს.

საერთაშორისო ბირჟაზე ოქრო მკვეთრ გაძვირებას განაგრძობს და ისტორიული მაქსიმუმიდან არ ჩამოდის. ამჯერად 1 უნცია მეტალის ღირებულება 3300 დოლარს შეადგენს. ცოტა ადრე ფასი 3450 დოლარიც იყო. მიუხედავად იმისა, რომ ფასი ცოტათი დაკორექტირდა,  გაიაფების პერსპექტივა არ არის.  ერთწლიან პერიოდში ოქრო 50%-ით არის გაძვირებული. შესაბამისად, მისი ფასი ქართულ ბაზარზეც მატულობს. 

"ქართულ ოცნებაში" არ გამორიცხავენ, რომ ექსპრემიერი და პარტიის ყოფილი თამჯდომარე პოლიტიკაში დაბრუნდეს "უახლოეს პერიოდში თუ არა, გარკვეული დროის შემდეგ". პარლამენტის პირველი ვიცე-სპიკერი გია ვოლსკი ამბობს, რომ ღარიბაშვილს ყველა კრიტერიუმი უწყობს ხელს, რომ პოლიტიკაში იყოს.

პური გაძვირდა, ხარისხი კი საგრძნობლად გაუარესდა. ბოლო პერიოდის განმავლობაში მომხმარებლების უკმაყოფილება საკვების ხარისხთან დაკავშირებით ხშირ შემთხვევაში სწორედ პურს უკავშირდება. ფქვილის გაძვირებისა და იმპორტთან დაკავშირებული გარკვეული შეზღუდვის პირობებში მწარმოებლებს უხარისხო ფქვილის გამოყენება უწევთ, რაც პურის ხარისხზეც ადეკვატურად აისახა და სამართლიანი გულისწყრომაც გამოიწვია.

ყირიმის, დონეცკის სახალხო რესპუბლიკის, ლუგანსკის სახალხო რესპუბლიკის, ხერსონისა და ზაპოროჟიეს რეგიონების რუსულ ტერიტორიებად აღიარება უკრაინის კონფლიქტის დარეგულირების აუცილებელი პირობაა, - რუსული მედიის ინფორმაციით, ამის შესახებ რუსეთის საგარეო საქმეთა მინისტრმა, სერგეი ლავროვმა ბრაზილიურ გამოცემა O Globo-სთან ინტერვიუში განაცხადა.