საქართველოში საარსებო შემწეობის მიმღებთა რაოდენობა ერთ წელიწადში 7%-ით გაიზარდა და 700 ათასს გადააჭარბა. მათი რიცხვი კი, რომლებიც თვლიან, რომ ღარიბები არიან, 1.282 მილიონზდე მეტია. მიუხედავად იმისა, რომ ქვეყანაში ეკონომიკური მდგომარეობა წლიდან წლამდე უმჯობესდება, სოციალურად დაუცველთა რაოდენობა მაინც იზრდება, რაც ეკონომისტების შეფასებით, პოლიტიკურად ადამიანთა გულის მოგებით და მოსახლეობის სიზარმაცით არის განპირობებული. ამიტომ საარსებო შემწეობის მიმღებთა რაოდენობა მკვეთრად უნდა შემცირდეს. 

ბიზნესი ახალ კადრებს სულ უფრო ნაკლებად ეძებს. ამის მიზეზი დიდწილად სექტორში არსებული მდგომარეობაა, რაც ბოლო პერიოდში განვითარებულ პროცესებს უკავშირდება. როგორც დარგში აცხადებენ, განსაკუთრებით მცირე და საშუალო ბიზნესს უჭირს. დამსაქმებლების ნაწილი ან ემიგრაციაში წავიდა, ან გრძელვადიანი პროექტები შეაჩერა. ერთ-ერთი ვერსიით კი, ბიზნესმა კრიზისი გადალახა და თუკი ახალ კადრს არ ეძებს, შეიძლება იმის გამოც, რომ საკუთარი არხებით ცდილობს  თანამშრომლების მოზიდვას.  

პარლამენტში 23 აპრილს ახალი საკანონმდებლო პროექტი დაინიცირდა, დაგეგმილი ცვლილებებით უცხო ქვეყნის მოქალაქეების მიმართ ზომები მკაცრდება: წვრილმანი ხულიგნობა, საზღვრის უკანონოდ გადმოკევთა, სახელმწიფო-პოლიტიკური პირების მიმართ შეურაცხყოფა, იმ დანაშაულებების ნაწილია, რაც საქართველოში შემოსვლის 3 წლმადე აკრძლავას ან ფულად ჯარიმებს გამოიწვევს.

საქართველოსთვის ვიზალიბერალიზაციის შესაძლო გაუქმების შესახებ განცხადებები პოლიტიკოსების მხრიდან არ წყდება, ეს კი საზოგადოებას აძლევს იმის ფიქრის საფუძველს, რომ საფრთხე თანდათან რეალური ხდება. მანამდე ცნობილი გახდა, რომ ევროკავშირში უვიზო მიმოსვლის შეცერების გამკაცრება იგეგმება, ამით ბრიუსელს ვიზალიბერალიზაციის დროებით,ან სრულიად გაუქმების პროცედურა უადვილდება.

საქართველოს პრემიერ-მინისტრი ირაკლი კობახიძე ეუთო-ს გენერალურ მდივანს, ფერიდუნ სინირლიოღლუს შეხვდა. ოპოზიციის ნაწილი ამბობს, რომ სინირლიოღლუ საქართველოში არ უნდა ჩამოსულიყო, რადგან ეს „ოცნების" ლეგიტიმაციას ნიშნავს, ხელისუფლებაში კი აცხადებენ, რომ ოპოზიციას „კოვზი ნაცარში ჩაუვარდა" და ხაზგასმით ამბობენ, რომ მმართველ პარტიას ლეგიტიმაცია ქართველი ხალხისგან უკვე მიღებული აქვს.

სახელმწიფო გრანტის მართვის სააგენტოს თავმჯომარე უკვე შერჩეულია. პრემიერ-მინისტრ ირაკლი კობახიძის ბრძანებით, ამ პოსტზე თამარ ზოდელავა დაინიშნა. დაჩქარებული წესით მიღებული პროექტის მიხედვით, მთავრობის საჯარო სამართლის იურიდიულ პირს არასამთავრობო ორგანიზაციებისთვის გრანტების გაცემის უფლება ექნება. კანონის ამოქმედებისთანავე, სახელმწიფო გრანტის მართვის სააგენტო შეიქმნა, რომელიც გრანტებს საზოგადოებრივი ორგანიზაციებისთვის გასცემს.

უკრაინა-რუსეთის ომის დასრულებაზე პოზიციების დაახლოება კვლავ ვერ ხერხდება, 23 აპრილს მინისტრების დონეზე ლონდონში დადგეგმილი სამშვიდობო მოლაპარაკებები გაუქმდა, რომელშიც მონაწილეობა უნდა მიეღო უკრაინის, აშშ-ს, დიდი ბრიტანეთისა და ევროპის სხვა ქვეყნების წარმომადგენლებს. მანამდე, ცნობილი გახდა აშშ-ს პრეზიდენტის დონალდ ტრამპის შვიდპუნქტიანი გეგმა, რომელიც მოიცავს რუსეთისთვის სანქციების მოხსნას და ყირიმის აღიარებას და არანაირ კონკრეტულ უსაფრთხოების გარანტიებს უკრაინისთვის.

ოკუპირებული აფხაზეთის ე.წ. საგარეო საქმეთა მინისტრი, ოლეგ ბარციცა ითხოვს, საქართველომ „ოკუპირებული ტერიტორიების შესახებ კანონი გააუქმოს". პარალელურად, აფხაზეთის ე.წ. პრეზიდენტი, ბადრა გუნბა მეორე მსოფლიო ომში გამარჯვების დღის აღსანიშნავ ღონისძიებებში მონაწილეობის მისაღებად მოსკოვს ეწვევა.

საქართველოში ადგილზე წარმოებული პროდუქცია ძვირდება. მარტის მონაცემებით, წინა თვესთან შედარებით, პროდუქციის წარმოების ფასი 0.7%-ით გაიზარდა, ხოლო წინა წლის შესაბამის თვესთან შედარებით სახეზეა ინდექსის 5.5%-იანი მატება. საინტერესოა, რა აძვირებს ადგილობრივ ნაწარმს?

ევროპის უსაფრთხოებისა და თანამშრომლობის ორგანიზაციის (ეუთო) გენმდივანი ფერიდუნ სირინრიოღლუ ოფიციალური ვიზიტით საქართველოშია. ის უკვე შეხვდა საგარეო საქმეთა მინისტრ მაკა ბოჭორიშილს, რის შემდეგაც ერთობლივი საჯარო განცხადებებიც გაკეთდა. ორდღიანი ვიზიტის ფარგლებში, სინირლიოღლუ შეხვდება საქართველოს აღმასრულებელ და საკანონმდებლო ხელისუფლების წარმომადგენლებს, ის ასევე ეწვევა საოკუპაციო ხაზს და ადგილზე გაეცნობა ვითარებას.

სააღდგომოდ, მიცვალებულთა ხსოვნის დღეს, მავთულხლართების მიღმა დარჩენილი საფლავების პატრონებს ოკუპაციის მძიმე შედეგმა წელსაც შეახსენა თავი. იძულებით გადაადგილებული პირებისთვის დე ფაქტო ადმინისტრაციების მხრიდან უსაფრთხო დერეფნის გახსნა კვლავ პრობლემად რჩება და აღდგომის დღეებში სასაფლაოზე მოქალაქეების დაკავების საფრთხე მუდმივადაა, თუმცა, როგორც „რეზონანსთან" კონფლიქტოლოგი პაატა ზაქარეიშვილი აცხადებს, აღდგომის დღეებში განსაკუთრებით ცხინვალის დე ფაქტო ადმინისტრაციამ ვითარება კიდევ უფრო შეამსუბუქა და ვისაც არ ჰქონდა ნებართვა და საშვი ის ხალხიც კი შეუშვა.

საქართველოს ცენტრალურმა კომისიამ (ცესკო) 22 აპრილს ევროპის საბჭოს ასამბლეას ღია წერილით მიმართა, სადაც ხაზგასმით წერია, რომ საქართველოსთან დაკავშირებულ საკითხებზე მსჯელობისას უნდა დაეყრდნონ არა აღქმებს, არამედ „გადამოწმებულ ფაქტებს". ანალიტიკოსების ნაწილი ამბობს, რომ ცესკოს მიზანი ევროსტრუქტურებსა და საქართველოს შორის არსებული სიცარიელის ამოვსებაა, მეორე ნაწილი კი ფიქრობს, რომ ცესკო მირებული დადგენილებების დემოკრატიულად წარმოაჩენს.