ქრისტინე კაპანაძე
04.10.2020

 „კორონავირუსის გაზრდილი მაჩვენებელი იმ შემთხვევაში გახდება განგაშის საფუძველი, თუ საავადმყოფოებში მოთავსებულ პაციენტებს დასჭირდებათ მძიმე ტექნიკური დახმარებები", - ასე აფასებს ექიმი ირაკლი ხმალაძე კორონავირუსის მაჩვენებლის სწრაფ ზრდას და ამბობს, რომ უახლოესი დღეების განმავლობაში მოსალოდნელია ინფიცირებულთა რაოდენობის კიდევ უფრო სწრაფი ტემპით ზრდა.

თამთა ჩაჩანიძე
03.10.2020

სოჭის საქალაქო სასამართლომ აფხაზეთის დე ფაქტო პრეზიდენტის ე.წ. თანაშემწე საერთაშორისო საკითხებში ახრა ავიძბა ათი დღით დააპატიმრა. ამის შესახებ აფხაზეთის ე.წ. უშიშროების საბჭოს მდივანმა სერგეი შამბამ „სპუტნიკთან" ისაუბრა.

მარიკა ხორავა
02.10.2020

 საქართველოში პანდემია კრიტიკულ ფაზაშია. ყოველდღიურად კორონავირუსით ინფიცირებულთა რიცხვი ნახტომისებურად იზრდება, გარდაცვლილთა დინამიკა კი რადიკალურად უარესდება - როდის იქნება ვაქცინა და როგორ შევაჩეროთ ვაქცინამდე ვირუსი? - ამის შესახებ ინფექციონისტები „რეზონანსთან" საუბრობენ და იმედოვნებენ, რომ საქართველოში კორონავირუსის საწინააღმდეგო ვაქცინა 2021 წლის დასაწყისში იქნება ხელმისაწვდომი. ზოგიერთი სპეციალისტი კიდევ უფრო ოპტიმისტია და იმედოვნებს, რომ ვაქცინის პირველი პარტია საქართველოში უკვე ამ წლის ბოლომდე შემოვიდეს.

მარიკა ხორავა
29.09.2020

 კორონავირუსით ინფიცირებული უსიმპტომო პაციენტები ცხოვრების ჩვეულ რიტმს მკურნალობის დაწყებიდან მე-13 დღეს ტესტირების გავლის გარეშე დაუბრუნდებიან - ამის შესახებ ჯანდაცვის მინისტრის მოადგილე თამარ გაბუნიამ „პალიტრანიუსთან" საუბარში განაცხადა. ინფექციონისტთა ნაწილი ამ გადაწვეტილებას კრიტიკულად აფასებს.

ია აბულაშვილი
28.09.2020

"შეიძლება ასეთი განცხადება გააკეთოს ჭკუათმყოფელმა ადამიანმა, სააკაშვილის ბრძანებით ჯერ სატელევიზიო ფილმების სტუდია გააუქმეს, ახალ ტელევიზიას აუქმებენ. სულ გაგიჟდნენ, აღარ რცხვენიათ?"-ასე ეხმაურება ცნობილი ქართველი კინორეჟისორი მერაბ კოკოჩაშვილი ოპოზიციაში გაკეთებულ განცხადებას, საზოგადოებრივი მაუწყებლის გაუქმების თაობაზე.

ქრისტინე კაპანაძე
26.09.2020

 სარაკანტინო პირობებში 29 წლის ახალგაზდრის გარდაცვალება შეიძლება მიანიშნებდეს იმაზე, რომ ჯანდაცვის სისტემა ბოლომდე მზად არ არის კორონავირუსისგან მკურნალობის ახალი რეჟიმზე გადასასვლელად. თუმცა, ინფექციონისტი ირაკლი ხმალაძე „რეზონანსთან" საუბარში აცხადებს, რომ გარდაცვალების ზუსტი მიზეზის დადგენამდე ასეთი დასკვნის გაკეთება ნაადრევია.

თამთა ჩაჩანიძე
25.09.2020

სექტემბრის დასაწყისში გალის რაიონში გატაცებული ბიზნესმენი ჯემალ სოსელია გაათავისუფლეს, მის სიცოცხლეს საფრთხე არ ემუქრება, ჯანმრთელობის მდგომარეობა კი დამაკმაყოფილებელია - ამის შესახებ აფხაზური მედია დე ფაქტო გენერალურ პროკურატურაზე დაყრდნობით იუწყება, თუმცა გათავისუფლების დეტალები არ საჯაროვდება.

მარიკა ხორავა
24.09.2020

 ბოლო დღეებში კორონავირუსით ინფიცირების შემთხვევების სრწაფი ზრდის ფონზე ნახტომისებურად მოიმატა გარდაცვალების შემთხვევებმაც. ინფექციონისტთა ნაწილი ამას ინფიცირებულთა რაოდენობის ზრდით სხსნის და მოსახლეობას უსაფრთხოებისთვის დადგენილი წესების ზუსტად დაცვისკენ მოუწოდებს.

ყოველივე ამის ფონზე ეპიდემიასთან ბრძოლის საკოორდინაციო საბჭომ ხუთშაბათს ახალი შეზღუდვების შემოღების და უკვე მოქმედის გახანგრძლივების გადაწყვეტილება მიიღო. ეს შეზღუდვები ძირითადად აჭარას ეხება, რადგანაც ყოველდღიურად ინფიცირების ახალი შემთხვევების 60%-ზე მეტი სწორედ აჭარაზე მოდის.

ცვლილებები შედის საგანმანათლებლო დაწესებულებების მუშაობის რეჟიმშიც. აჭარის სკოლებსა და უმაღლეს სასწავლებლებში სწავლა 1-ლი ოქტომბრის შემდეგაც არ განახლდება. რაც შეეხება სხვა რეგიონებს, ქალაქებში, სადაც ეპიდემიის მასშტაბები არც ისე დიდია, 1-ლი ოქტომბრიდან სწავლა სრული ფორმატით განახლდება, სხვაქალაქებში და მათ შორის თბილისშიც სკოლებში სწავლის შერეული ფორმატი იქნება.

გარდა ამისა, ხუთშაბათს გაირკვა, რომ ქვეყნის ჯანდაცვის სისტემა ეპიდემიასთან ბრძოლის სტრატეგიას ცვლის. საავადმყოფოებში მხოლოდ მძიმე პაციენტების მკურნალობა მოხდება, შედარებით მსუბუქი შემთხვევების ეგრეთ წოდებული კოვიდ სასტუმროებში ან ბინაზე.

თამთა ჩაჩანიძე
22.09.2020

პროკურატურა 23 წლის პროგრამისტის თამარ ბაჩალიაშვილის საქმეში მტკიცებულებების შესაძლო ფალსიფიკაციის საქმეს იძიებს. საქმე კი იმ სატელიტურ ფოტოებს ეხება, რომელიც ბაჩალიაშვილის ოჯახის ადვოკატს მიხეილ რამიშვილს დავით ფურცხვანიძემ მიაწოდა და რომლებზეც პროკურატურა აცხადებს, რომ ყალბია.

თამთა ჩაჩანიძე
22.09.2020

მეორე კვირაა, რაც კორონავირუსით ინფიცირების ახალი შემთხვევების ყოველდღიური მაჩვენებელი დაახლოებით 200-იანი ნიშნულის მახლობლად ფიქსირდება, 22 სექტემბერს კი ანტირეკორდი დამყარდა - 218 დადასტურებული შემთხვევა ბოლო 24 საათში. თუ დინამიკა შენრჩუნდა, რამდენ დღეში მივიღებთ ინფიცირებულთა იმ რაოდენობას, რომელთა ერთდროულად მკურნალობასაც საქართველოს ჯანდაცვის სისტემა უკვე ვეღარ შეძლებს?

რეზონანსი
22.09.2020

 კორონავირუსით ინფიცირებული დეპუტატი გედევან ფოფხაძე რესპუბლიკური საავადმყოფოდან ბოჭორიშვილის კლინიკაში გადაიყვანეს,სადაც, როგორც თვითონ აღნიშნავს თავს უფრო უსაფრთხოდ და დაცულად გრძნობს.

ელზა პაპოშვილი
18.09.2020

უმძიმესი შემთხვევა კახეთში, სოფელ გიორგიწმინდაში - მამამ მის შვილებზე მოძალადე არასრულწოვანს ყური მოაჭრა. 14 წლის არასრულწლოვანმა, სავარაუდოდ,  8-9 წლის ძმებზე გარყვნილი ქმედება სცადა, რის გამოც მათმა მამამ ის ამ ფორმით დასაჯა. დაკავებულია, როგორც 14 წლის არასრუწლოვანი, ასევე 38 წალის მამაკაცი. სოფლის მცხოვრებლები „რეზონანსთან“ აცხადებენ, რომ დაუყოვნებლივ ძმების მამის გათავისუფლება უნდა მოხდეს, წინააღმდეგ შემთხვევაში აქციების გამართვით იმუქრებიან. 


Copyright © 2006-2021 by Resonance ltd. . All rights reserved
×

sesionArray ( [s_logi] => rezoni_index )
cookieArray ( )