ვადაგადაცილებული სესხები ერთ-ერთ პრობლემურ საკითხად რჩება. მსესხებლების გარკვეული ნაწილი ვალდებულებებს ვერ ისტუმრებს. საქართველოში დაახლოებით 2 მილიონამდე ადამიანს სესხი აქვს აღებული და მათგან ყოველ მეექვსე-მეშვიდე მსესხებელს მისი დაფარვა უჭირს, რაც მთლიანი კატეგორიის 16-17 პროცენტია.

მსოფლოში ნავთობმა ისევ მკვეთრი გაიაფება დაიწყო. თუკი დაახლოებით ორი კვირის წინ, მსოფლიო ბირჟებზე გაიაფების ტენდენცია სიძვირემ შეცვალა, დღეითვის კვლავ ფასთა კლება ფიქსირდება და მიმდინარე ეტაპზე "ბრენტის" ტიპის ნავთობის ღირებულება 84 დოლარი შეადგენს. `რეზონანსი” შეეცადა გაერკვია, რას შეიძლება უკავშირდებოდეს ნავთობის გაიაფება და მიმდინარე ცვლილების რა გავლენას მოახდენს საქართველოზე?

საქართველო ინვესტიციების მოზიდვის კუთხით სერიოზულ ცვლილებებს იწყებს. საგადასახადო შეღავათის დაწესება შეიძლება კაპიტალის მოზიდვის წინაპირობა გახდეს. დღესდღეობით ყველა პარამეტრის მიხედვით ჩვენი ქვეყანა რეგიონში აშკარად მომგებიან სიტუაციაშია და თუკი ინვესტიციების მიმართულებითაც ვითარება შეიცვლება, მიღწეული სტაბილურობა უფრო მეტად გამყარდება, რის მოლოდინიც არსებობს.

საქართველოში ფერმერის დღე აღინიშნა. ღონისძიება საქართველოს გარემოს დაცვისა და სოფლის მეურნეობის სამინისტროსა და საქართველოს ფერმერთა ასოციაციის ერთობლივი ინიციატივით, თბილისში გაიმართა. ამ დღის მიზანი ფერმერთა მხარდაჭერა და მათი პროდუქციის პოპულარიზაციაა. ღონისიძიების ინიციატორებმა გამოავლინეს და დააჯილდოვეს ისეთი ფერმერები, რომლებიც რეგიონებში ცხოვრობენ, დოვლათს ქმნის და დარგის განვითარებაში ღირსეული წვლილი შეაქვთ.

ლარი ისევ მყარდება და დადებითი ტენდენცია მომავალი თვეების განმავლობაშიც გაგრძელდება. ქართული ვალუტა პოზიციებს ინარჩუნებს "სეზონური მერყეობის” დროსაც. მიმდინარე პერიოდში კურსს გაუფასურება ახასიათებს, თუმცა ახლანდელი მოცემულობა სრულიად სხვაგვარია და ლარი შეუქცევადად სტაბილურია. უფრო მეტიც, "თიბისი კაპიტალის” პროგნოზით, ლარის გამყარება მომავალ წლებშიც გასტანს.

ეკონომიკური ზრდის და უმუშევრობის შემცირების პარალელურად დგინდება, რომ ოქტომბრის თვეში, წინა წლის ანალოგიურ პერიოდთან შედარებით, მცირედით (0.4%-ით), მაგრამ მაინც შემცირებულია იმ ადამიანთა ოდენობა, რომლებიც ხელფასს იღებდნენ. ამ დროს ოფიციალური მონაცემებით, ქვეყანაში უმუშევრობა მცირდება და შესაბამისად, იზრდება იმ დასაქმებულთა რაოდენობა. როგორ აიხსნება ორი სრულიად საწინააღმდეგო მონაცემები?

ტყეში სათბობი შეშის მოპოვებას მოსახლეობა 2026 წლამდე შეძლებს. ამის შემდეგ კი, ქვეყანაში ე.წ. საქმიანი ეზოები მოეწყობა, სადაც მოსახლეობა შეშის შესყიდვას შეძლებს. ცვლილება ძალაში იანვრიდან უნდა შესულიყო, თუმცა რამდენიმე წლით გადავდდა.

საქართველოში სამედიცინო კადრების გადინება მოსალოდნელია.  როგორც სხვა  შემთხვევაში, ამის მიზეზი შეიძლება დაბალი ხელფასები გახდეს. მიუხედავად იმისა, რომ ექიმებისა და ექთნების შრომის მინიმალური საათობრივი ანაზღაურება იზრდება, იმდენი მაინც არ არის, რომ კვალიფიციურ კადრს სამშობლოში დარჩენა მოუნდეს. დიდი რისკია, რომ სფერო გამოცდილი ექიმებისა და ექთნების გარეშე დარჩეს და ადამიანებმა მაღალი მომსახურება ვეღარ მიიღონ, რაც სრული კატასტროფა იქნება ქვეყნისთვის.

მსოფლიოში არსებული დაძაბული ვითარების ფონზე, მდგომარეობა თითქმის ყველა ქვეყანაში რთულდება. შესაბამისად, ცუდ სიტუაციაში თანდათან ქართველი ემიგრანტებიც აღმოჩნდნენ. ევროპაში კრიზისი მწვავდება სამსახურის მოძებნა რთულდება, ხოლო ანაზღაურება კი მცირდება. ბოლო წლებია საქართველოდან წასული ადამიანების უმეტესი ნაწილი ოჯახებს ამ გზით ეხმარება და ბევრი მათგანი ახლა იქეთ დასახმარებელია.

საქართველოში საწვავის ბაზარზე კონტროლის გაძლიერებაა საჭირო. არსებული ინფორმაციით, მეზობელი რეგიონებიდან აღურიცხავი საწვავის  შემოტანის ფაქტები გახშირდა, რაც საქართველოს ეკონომიკას სერიოზულ ზიანს აყენებს. ნავთობპროდუქტების იმპორტიორთა კავშირის ინფორმაციით, შემომტანები სატრანსპორტო საშუალებები არიან, როგორც ტრანზიტად გამავალი, ასევე კერძო სატვირთო სატრანსპორტო საშუალებები, რომლებსაც არასტანდარტული ავზები აქვთ დამონტაჟებული და ამის საშუალებით ახერხებენ დიზელის საწვავის შემოტანას.

უმუშევრობის შემცირების მიზეზი ცნობილია. სპეციალისტები ამ ფაქტს თვითდასაქმებული ადამიანების აღრიცხვის მეთოდოლოგიას და ქვეყნიდან შრომისუნარიანი მოქალაქეების გადინებას უკავშირებენ. მათი თანაფარდობა დასაქმებულებთან მიმართებაში მცირდება. როგორც ცნობილია, 2,5 მილიონამდე იყო ეკონომიკურად აქტიური მოსახლეობა და ბოლო პერიოდში ეს მაჩვენებელი 1,8 მილიონამდე შემცირდა. მართალია, ეკონომიკის ზრდამ დასაქმებაზეც გარკვეულწილად დადებითად იმოქმედა, მაგრამ არა იმ დონეზე, რომ მას შრომის ბაზარზე ასეთი ცვლილება გამოეწვია.

შეთანხმება მიღწეულია - უკრაინიდან მარცვლეულის ექსპორტის ოთხი თვით გახანგრძლივდა, რაც იმის გარანტიაა, რომ უკრაინული პროდუქციით დატვირთული გემები უსაფრთხო კორიდორს მიიღებენ და სოფლის მეურნეობის პროდუქციის ექსპორტზე გატანას შეძლებენ. სტაბილიზაცია არის და იქნება საქართველოშიც, რადგან ქვეყანა რუსულ ბაზარზეა დამოკიდებული და იქ კი ხორბლის მზარდი მოსავალია, თანაც განიხილება საბაჟო გადასახადის ახალი ფორმულირება, რაც ბაჟს შეამცირებს. აქედან გამომდინარე, ზამთარი მარტივი გადასატანი იქნება, როგორც გლობალურად, ისე ქვეყნის შიგნითაც.