რამდენიმე დღის წინ, ბრიუსელში ვიზიტამდე, პრემიერ-მინისტრმა ირაკლი ღარიბაშვილმა ყოფილ თანაგუნდელებზე განაცხადა, რომ აშშ-ის საელჩოს მიმართ მათი კრიტიკის და პოლემიკის შემდგომი განვრცობა, მისი გაღრმავება და გადაჭარბება ქვეყნის ინტერესებში არ შედის, თუმცაღა, მიუხედავად ამისა „ოთხეულმა" ხუთშაბათს ახალი განცხადება გაავრცელა. რატომ არ იმოქმედა მათზე პრემიერის მოწოდებამ?

ჩრდოლო ატლანტიკურ ალიანსში მიიჩნევენ, რომ უკრაინაში ომი კრიტიკულ ფაზაში შედის, დასავლეთი ზამთრის ომისთვის უნდა მოემზადოს და მიზნის მიღწევამდე არ შეჩერდეს. როგორც სამხედრო ანალიტიკოსები აცხადებენ, უკრაინის შეიარაღებულმა ძალებმა რუსეთის საოკუპაციო ძალებთან საბრძოლო პოტენციალი უკვე გაათანაბრეს, ფსიქოლოგიური ბარიერი გადალახეს და ოკუპირებული ტერიტორიების გათავისუფებისთვის უკვე კონტრშეტევითი ოპერაციებს აწარმოებენ, კრიტიკულ პერიოდში კი სწორედ ეს მოიაზრება.

საქართველოს პრემიერ-მინისტრის, ირაკლი ღარიბაშვილის ხელმძღვანელობით, სამთავრობო დელეგაციამ საქართველო-ევროკავშირის ასოცირების საბჭოს მე-7 სხდომაში მონაწილეობა მიიღო. დასრულების შემდეგ, ღარიბაშვილის, ევროკავშირის უმაღლესი წარმომადგენელის საგარეო საქმეთა და უსაფრთხოების პოლიტიკის საკითხებში ჟოზეფ ბორელის და ევროკომისრის გაფართოებისა და სამეზობლო საკითხებში ოლივერ ვარჰეის ერთობლივი პრესკონფერენცია გაიმართა. ევროკავშირის წარმომადგენლების მხრიდან საქართველოსთვის მნიშვნელოვანი გზავნილები გაჟღერდა, გაერთიანება გააგრძელებს ქვეყნის მხარდაჭერას შედეგების მისაღწევად, რათა საქართველომ ევროკავშირის კანდიდატის სტატუსი მიიღოს.

რუსეთის პრეზიდენტის, ვლადიმერ პუტინის მორიგი მუქარა დასავლეთს - კრემლის ლიდერის თქმით, ევროპას გაზისა და ნავთობის მიწოდებას „გაუყინავს", თუ რუსულ ნავთობსა და გაზზე ფასების ლიმიტი დაწესდება. შავი ზღვის უნივერსიტეტის პროფესორი და ანალიტიკოსი ნიკა ჩიტაძე „რეზონანსთან" აცხადებს, რომ ზამთრისთვის ევროპის ქვეყნებს ბუნებრივი აირის მარაგის დიდი ნაწილი უკვე აქვთ.

უკრაინის შეიარაღებულმა ძალებმა უკრაინის სამხრეთ ნაწილში მდებარე რამდენიმე დასახლება დაიბრუნეს. ბოლო რამდენიმე დღეა უკრაინა სამხრეთის მიმართულებით შეტევით ბრძოლებს ახორციელებს  და რუსეთის  არმია ძირითადად თავდაცვით პოზიციაში იმყოფება. 

"ჩვენი ურთიერთობა თვისობრივად მაღალ დონეზე გადავიდა და საქართველო მტკიცედ ადგას ევროპულ გზას" - ეს არის გზავნილი, რომელიც საქართველომ ევროპის პოლიტიკური დედაქალაქიდან მიიღო. ბრიუსელში საქართველოსა და ევროკავშირს შორის გამართულ ასოცირების საბჭოს მე-7 სხდომაზე, სადაც განიხილეს რეკომენდაციები, რომლის შესრულება მნიშვნელოვანია საქართველოსთვის ევროკავშირის წევრობის კანდიდატის სტატუსის მისანიჭებლად, საქართველომ მიიღო ევროკავშირის მხარდაჭერა საქართველოსთან შეთანხმებული ამოცანებისა და პრიორიტეტების განხორციელების პროცესში. სხდომაზე ხაზი გაესვა საქართველო- ევროკავშირის თანამშრომლობის მნიშვნელობას საგარეო და უსაფრთხოების პოლიტიკის საკითხებში.

აშშ-ს სურსათისა და მედიკამენტების სააგენტომ „მოდერნასა" და „ფაიზერის" ერთობლივი კოვიდ-19-ის ვაქცინის „ბუსტერ 2" განახლებული ვერსია დამტკიცა. ეს ვერსია შეიქმნა იმისთვის, რომ „ომიკრონის" ახალ ქვეშტამებს ეფექტურად გაუმკლავდეს. ინფექციონისტი ალექსანდრე გოგონავა „რეზონანსთან" ამბობს, რომ ახალი გაუმჯობესებული ვარიანტი კიდევ ერთი წინგადადგმული ნაბიჯია, თუმცა, ვაქცინებს ეტაპები ჯერ კიდევ გასავლელი აქვს. სწორედ ამის გამო გოგინავა ამბობს, რომ ახალი ვაქცინების საქართველოში შემოსვლის ზუსტი თარიღი ჯერ კიდევ უცნობია.

რამდენიმე დღეა  უკვე უკრაინული ძალები კონტრშეტევაზე არიან გადასული დროებით ოკუპირებულ ხერსონის მიმართულებით. ამის პარალელურად კი მათ სამშაბათს მოულოდნელად შეტევა ხარკოვის მიმართულებით, ქალაქ ბალაკლეაზეც დაიწყეს.

ეს არის პიარი და უკრიანაში გაკეთებულ პიარს „ნაცმოძრაობა“ ქართულ პოლიტიკაში იყენებს - ასე ეხმაურება პოლიტოლოგი ვახტანგ ძაბირაძე უკრაინის კორუფციის პრევენციის ნაციონალური სააგენტოს მიერ იმ ქართველი ბიზნესმენების სიის გამოქევყნებას, რომელთა წინააღმდეგაც სანქციების შემოღებას ითხოვენ. ამ სიის ერთ-ერთმა წევრმა, ვანო ჩხარტიშვილმა განაცხადა, რომ რეპუტაციის შელახვის გამო სასამართლოში გეგმავს ჩივილს.

პრეზიდენტის ინსტიტუტი დღეს სიმბოლოებით არის გაჯერებული და აქედან გამოსული არასწორად ფორმულირებული სიტყვა შეიძლება საზიანო იყოს ქვეყნისთვის - ასე ეხმაურება უმრავლეობობის წევრი ლადო კახაძე პრეზიდენტის სასახლეში სამშაბათს გამართულ ღონისძიებას.

რუსეთის ურთიერთობაში მის მეზობლებთან და მათ შორის საქართველოსთან ერთ-ერთი მთავარი განმსაზღვრელი ფაქტორი ის იქნება, თუ როგორ ექცევიან ამ ქვეყნებში რუსულენოვან მოსახლეობას. ამის შესახებ საუბარია საზღვარგარეთ რუსეთის ჰუმანიტარული პოლიტიკის ახალ კონცეფციაში, რომელიც პრეზიდენტმა ვლადიმირ პუტინმა სამშაბათს დაამტკიცა. იმის გათვალისწინებით, რომ ბოლო რამდენიმე თვეში საქართველოში რუსეთიდან იმიგრირებულ მოქალაქეთა რაოდენობა მნიშნელოვნად გაიზარდა, ეს გადაწყვეტილება შესაძლოა საქართველოსთვის გარკვეულ საფრთხეებს შეიცავდეს.

ენმ ოპოზიციურ პარტიებს მოუწოდებს, რომ ქვეყანაში ვადამდელი საპარლამენტო არჩევნების ჩატარება მოითხოვონ. მათი მთავარი არგუმენტი ისაა, რომ ქვეყანაში მძიმე სოციალური ვითარებაა და „ნებისმიერი თვე, 2024 წლამდე, ქვეყნისთვის საზიანოა ამ ხელისუფლების პირობებში". ანალიტიკოსთა აზრით, დღეს ვადამდელი არჩევნების ჩატარების არც იურიდიული და არც პოლიტიკური საფუძველი არ არსებობს. გარდა ამისა, მათივე შეფასებით, ეს თავად ოპოზიციას კარგს არაფერს მოუტანს.