უკრაინაში ინტენსიური ბრძოლები კვლავ გრძელდება. რუსეთმა ამჯერად მასიური საჰაერო თავდასხმები კიევის, ხარკოვის და ჩერნიგოვის ოლქებზე მიიტანა. რუსულმა ძალებმა ქვეყნის ტერიტორიას დრონებისა და რაკეტების გამოყენებით დაარტყეს. მოგვიანებით ცნობილი გახდა, რომ უკრაინის შეიარაღებული ძალების საჰაერო ძალებმა 37 ფრთოსანი რაკეტა და 29 ირანული ე.წ. „კამიკაძე“ დრონი გაანადგურეს.   

რეჯეფ თაიფ ერდოღანი კვლავ თურქეთის პრეზიდენტია. არჩევნების მეორე ტურის შედეგებით, მან ოპოზიციონერი ქემალ ქილიჩდაროღლუ მცირე სხვაობით დაამარცხა. ანალიტიკოსები ამბობენ, რომ ეს ერდოღანის წარმატებაცაა და წარუმატებლობაც, რადგან თურქეთი იდეოლოგიურად ასე ორად გაყოფილი არასდროს ყოფილა.

პრეზიდენტი სალომე ზურაბიშვილი ბოლო დროს მაქსიმალურად ცდილობს იმის დემონსტრირებას, რომ ის საქართველოს ხელისუფლებისგან დისტანცირებულია და მათ გადაწყვეტილებებს არ იზიარებს. ასე აფასებენ ანალიტიკოსები „რეზონანსთან“ საუბრისას ბოლო დღეებში ერთმანეთის მიყოლებით აგორებულ რამდენიმე სკანდალს. ყოველივე ამის ფონზე კი კიდევ უფრო აქტუალური ხდება, თუ რას იტყვის სალომე ზურაბიშვილი 31 მაისს ევროპარლმენტში გამოსვლისას და შეიწყალებს თუ არა მანამდე ნიკა გვარამიას.

იუსტიციის საბჭოს ორი ვაკანტური ადგილის შევსება კითხვის ნიშნის ქვეშ დგას. ხელისუფლება აცხადებს, რომ ოპოზიცია ევროკომისიის 12 რეკომენდაციიდან ერთ-ერთის ჩაგდებაზე და საქართველოსთვის კანდიდატის სტატუსის დაბლოკვაზე მუშაობს და თუ იუსტიციის უმაღლესი საბჭოს სრულად დაკომპლექტებას ოპოზიცია მხარს არ დაუჭრს, „ოცნება" ევროპელ კოლეგებს მივაწვდის არგუმენტაციას, „თუ რის გამო ვერ მივიდა საკითხი ბოლომდე".

რუსეთის პრეზიდენტი ვლადიმირ პუტინი გაოცებულია იმ ნეგატიური რეაქციით, რაც ფრენების აღდგენასა და სავიზო რეჟიმის გაუქმებას მოჰყვა საქართველოში. უკრაინაში მიმდინარე ომის, საყოველთაო იზოლაციისა და სერიოზული შიდა პრობლემების ფონზე, რატომ გაახსენდა რუსეთის ლიდერს საქართველო და დაგას თუ არა რაიმე პოლიტიკური გეგმა ამგანცხადებების უკან?