ოპოზიციურ ფლანგზე ახალი ალიანსის კონტურები გამოიკვეთა - „ლელო", „დროა" და „გირჩი". ამის შესახებ „გირჩის" ერთ-ერთმა ლიდერმა ჰერმან საბომ განაცხადა. ანალიტიკოსები მიიჩნევენ, რომ ასეთი ალიანსის მთავარი პრობლემა მასში შემავალი პარტიების განსხვავებული წარმომავლობა იქნება და დღევანდელი გადასახედიდან ძნელი სათქმელია, შეძლებს თუ არა ეს გაერთიანება გაისად 5%-იანი ზღვარის გადალახვას.

„ნაცმოძრაობამ" ყოფილი თანაპარტიელების შემოკრება დაიწყო - პარტიის თავმჯდომარემ ლევან ხაბეიშვილმა ჯერ გიორგი ვაშაძესთან შეკრა ალიანსი, ახლა კი ზურაბ ჭიაბერაშვილი პარტიის საგარეო მიმართულების ხელმძღვანელად დანიშნა. ანალიტიკოსები არ გამორიცხავენ, რომ პარტიის ყოფილი წევრები მასიურად დაბრუნდნენ, ეს კი შესაძლოა, ენმ-ს მხარდამჭერების ნაწილში სულაც არ იყოს პოპულარული იდეა.

ბათუმში პროტესტისთვის ისევ ემზადებიან - 31 ივლისს, სოჭიდან რუსული საკრუიზო ლაინერი ისევ ჩამოვა. გემს, სადაც, მედიის ცნობით, კრემლის მომხრე არტისტები იქნებიან, დილის 6 საათზე აქციით დახვდებიან. როგორც ანალიტიკოსი რამაზ საყვარელიძე „რეზონანსთან" აცხადებს, დიდი შანსია, რომ ამ საზღვაო ლაინერის „წინ და უკან ტრიალი" რუსეთის გამიზნული პროვოკაცია იყოს და თუ ორშაბათის აქცია ფიზიკურ დაპირისპირებაში გადაიზარდა, არაა გამორიცხული, რომ ამას განცხადებები მოჰყვეს მოსკოვის მხრიდან.

რობინ დანიგანი საქართველოში ამერიკის ელჩის თანამდებობაზე კელი დეგნანს ჩაანაცვლებს. რა ახალი ხედვებით და პრაგმატული პოლიტიკით შემოაბიჯებს ის საქართველოს პოლიტიკაში და ქართულ-ამერიკულ დიპლომატიაში, ამაზე „რეზონანსთან" ანალიტიკოსები ამბობენ, რომ დანიგანი მაღალი კლასის დიპლომატია, რომელიც ურთიერთობებს გააუმჯობესებს.

ოკუპირებულ აფხაზეთში აპარტ-სასტუმროებისა და აპარტამენტების სამართლებრივი სტატუსის რეგულირების შესახებ კანონპოექტს ისევ ბევრი მოწინააღდეგე ჰყავს და განხილვებზე კვლავ ცხარე კამათები მიდის. ამაზე დე ფაქტო ხელისუფლებასა და აფხაზურ საზოგადოებას შორის კვლავ დიდი დაპირისპირებაა.

15 წლის შემდეგ, სერჟანტ როინ შავაძის მკვლელობის საქმეზე პროკურატურამ რვა ადამიანი დააკავა, ორის მიმართ კი ძებნა გამოაცხადა. ამ საქმეზე ევროპულმა სასამართლომ როგორც პროცედურული, ისე არსებითი ნაწილის დარღვევა დაადგინა და წინა ხელისუფლების ოფიციალური ვერსია არ გაიზიარა. საქმეზე ეჭვმიტანილები არიან ენმ-ს დროს არსებული კონსტიტუციური უსაფრთხოების დეპარტამენტის (კუდ-ი) თანამშრომლები.

პარასკევს „ნაციონალური მოძრაობის ლიდერმა ლევან ხაბეიშვილმა ზურაბ ჭიაბერაშვილი „ნაციონალური მოძრაობის" საგარეო მიმართულების ხელმძღვანელად დაასახელა. რასაც კიდევ ერთი უარყოფითი რეაქცია მოჰყვა ნიკა მელიას მხრიდან, რომელმაც თქვა, რომ პარტიაში პრინციპულობას ფასი არ ჰქონია.

პრემიერ ღარიბაშვილის ჩინეთში ვიზიტი ისტორიულია, დახვედრის გრანდიოზული ცერემონიიდან უკვე ჩანდა, რომ ის სასურველი სტუმარია და უმაღლესი დონის შეხვედრები ექნებოდა - ამის შესახებ „რეზონანსთან" ანალიტიკოსმა გია აბაშიძემ განაცხადა, საქართველოს მთავრობის მეთაურ ირაკლი ღარიბაშვილის ჩინეთში ვიზიტზე და პრეზიდენტ სი ძინპინთან შეხვედრაზე საუბრისას.

ქართულ პოლიტიკურ ველზე უკვე გაჩნდა გარკვეული მონახაზები, როგორ აპირებს ესა თუ ის პოლიტიკური ჯგუფი 2024 წლის არჩევნებისთვის ბრძოლას. დღეის მოცემულობით, 5%-იანი ბარიერის გადალახვის შანსი აქვთ მხოლოდ „ოცნებას", „ნაციონალურ მოძრაობასა" და ახალ პოლიტიკურ ძალას, რომელიც ჯერ კულისებშია - აცხადებს პოლიტოლოგი იგორ კვესელავა, რომელსაც „რეზონანსი" მომავალ არჩევნებში პოლიტიკურ ძალთა პერსპექტივებზე გაესაუბრა.

ოპოზიციამ 2024 წლის არჩევნებისთვის მზადება ახალი ტაქტიკით დაიწყო, ამოცანა კი მკაფიოა - ორპოლუსიანობის დასამსხვრევად შეიქმნას ალტერნატიული მიზიდულობის ცენტრები, სადაც წამყვანი უფრო გუნდური მუშაობის პრინციპი იქნება. ანალიტიკოსთა შეფასებით, დღეს პოლიტიკური გაერთიანებები ქარიზმატული ლიდერების გარშემო აღარ იკრიბებიან, სიტუაცია თანდათან იცვლება, პრიორიტეტული უფრო გუნდურობის პრინციპია და ფაქტიურად ე.წ. ბელადები აღარ გვყავს.

მთავარ ოპოზიციურ პარტიაში დიდი დაპირისპირება გრეძელდება - ამჯერად "ნაციონალური მოძრაობის" ყოფილ თავჯდომარესა და პარტიის წევრ გიორგი ბარამიძეს შორის. სიტუაცია გაამწვავა ნიკა მელიას რამდენიმე დღის წინ სატელევიზიო ინტერვიუმ და ფეისბუქპოსტმა, სადაც პარტიის ყოფილი თავმჯდომარე პარტიაში არსებულ ჩრდილოვან მმართველობაზე საუბრობს. მელია ასევე აკრიტიკებს და ბრალს სდებს ფაქტების დამახინჯებაში თანაპარტიელ გია ბარამიძეს. მას პოლიტიკური კორუფციის ჭაობად ქცეულ და პროგრესის მოწინააღმდეგედ მოიხსენიებს და უპრინციპობაში ადანაშაულებს.

საქართველოს პრეზიდენტი სალომე ზურაბიშვილი სოხუმის აეროპორტის რუსეთისთვის გადაცემის შესახებ დროებით ოკუპირებული აფხაზეთის ე.წ. პარლამენტის გადაწყვეტილებას გმობს და საერთაშორისო თანამეგობრობას რეაგირებისკენ მოუწოდებს. ამასთან, საგარეო საქმეთა ყოფილი მინისტრი ირაკლი მენაღარიშვილი, „რეზონანსთან" აცხადებს, რომ ასეთი ნაბიჯები მხოლოდ საერთაშორისო მხარდაჭერით ხდება.