დარწმუნებული ვარ, პარლამენტის წევრებმა იციან, რომ სამართლებრივი სახელმწიფოს დასამკვიდრებლად და ევროპულ კავშირში სრული ინტეგრაციისთვის, პირველ რიგში, დამოუკიდებელი სასამართლო გვჭირდება, რომელიც საქართველოში ადამიანის უფლებებისა და კანონის უზენაესობის დაცვის გარანტი იქნება. თუმცა, დამოუკიდებლობის აღდგენის შემდეგ უკვე მეოთხე „სასამართლო რეფორმის“ მე-4 ეტაპზეც („ტალღაზე“) კი დედაქალაქში მართლმსაჯულება სავაჭრო ცენტრის უკან მდგარი, სასამართლოსთვის სრულიად შეუფერებელი, შენობის სხვენსა და სარდაფში ხორციელდება... მოსამართლეთა დამოუკიდებლობის ხარისხზე კი მკაფიო წარმოდგენას იუსტიციის უმაღლესი საბჭოსა (იუს) და უზენაესი სასამართლოს დღევანდელი შემადგენლობა გვიქმნის, რომელიც, ფაქტობრივად, ერთი ე. წ. გავლენიანი ჯგუფის („კლანის“) მიერ შერჩეული იურისტებით არის დაკომპლექტებული...

8-10 დეკემბერს ყირგიზეთის დედაქალაქში ევრაზიის უმაღლესი ეკონომიკური საბჭოს სხდომა გაიმართა. ევრაზიის ეკონომიკური კავშირის ლიდერების სამიტი რთული გეოპოლიტიკური ვითარებისა და 5 წევრიდან 2-ზე მძიმე სასანქციო ზეწოლის ფონზე შედგა. ამგვარი კონტექსტი სერიოზულ ტესტი გამოდგა გაერთიანების გამძლეობაზე, რომელიც ყველაფრის მიუხედავად აგრძელებს სიცოცხლეს და ცდილობს გააფართოვოს კავშირები და ვაჭრობის მოცულობა გაზარდოს.

მართალია, ისევე, როგორც დიდ პოლიტიკაში, დიდ ფეხბურთშიც შედეგი მნიშვნელოვანწილად დაფინანსებაზეა დამოკიდებული და კორუფციამაც მოიკიდა ფეხი, მაგრამ, საბედნიეროდ, ჯერჯერობით, ისეთივე ადვილად პროგნოზირებადი არ არის, როგორც საპრეზიდენტო ან საპარლამენტო არჩევნები. ამის გამო, მსოფლიოში ყველაზე მასობრივ და პოპულარულ სანახაობაში მონაწილე გრანდების პაექრობას კატარში მილიარდზე მეტი გულშემატკივარი დისტანციურად ადევნებს თვალს, ხოლო ათეულ ათასობით იღბლიანი - ტრიბუნებიდან. 

თავიდანვე ვაცხადებ, ჩემთვის მართლმადიდებელ რუსსა და უკრაინელს შორის ისეთივე განსხვავებაა, როგორც მათი პრეზიდენტების რუსულად (ВЛАДИМИР) და უკრაინულად (ВОЛОДИМИР) დაწერილ სახელებს შორის... შესაბამისად, ძმებად თუ არა, ახლობლებად მაინც ვთვლი და რუსეთის მიერ უკრაინის ოკუპაციასაც გამსახურდიასა და შევარდნაძის მომხრეების სისხლიან დაპირისპირებასავით განვიცდი. ტრაგედიაა, როდესაც, ნაცვლად იმისა, რომ მესვეურებმა ცეცხლის დაუყოვნებლივ შეწყვეტის თაობაზე გასცენ ბრძანება და, პირველ რიგში, საკუთარი ხალხის ინტერესებში დასხდნენ მოლაპარაკების მაგიდასთან, ევროპაში მცხოვრები, თანაც მომაკვდავ ერად მიჩნეული აღმოსავლეთ სლავების ორი მონათესავე ჯგუფი XXI საუკუნეში ერთმანეთს ჭურვებს ესვრის და „მტრის“ დახოცილი ჯარისკაცების რიცხვით იწონებს თავს... 

მიწა ერისათვის მისი ყოფიერების ტერიტორიაა, ფიზიკურადაც და ფსიქიკურადაც. იგი სასიცოცხლოდ აუცილებელი ბაზაა, რომელიც არსებითად განსაზღვრავს ქვეყნის ყოველმხრივი დამოუკიდებლობის ხარისხს და ფაქტობრივად წარმოადგენს მოცემულ სივრცეში ერის სულისდგმისა და შემოქმედების აუცილებელ პირობას.

ჯანმრთელობის დაცვის სამინისტროს ადგილზე რომ ვიყო, საგულდაგულოდ გადავხედავდი იმ მასალების ხარისხსა და ფასებს, რომელიც კლინიკებს შემოაქვთ, რადგან უხარისხო სახარჯი მასალა პაციენტების მნიშვნელოვან პროცენტში დაფინანსების ახალ, დამატებით ხარჯებს განაპირობებს, რაც ზედმეტი და გაუმართლებელი ხარჯია ქვეყნისთვის. ასევე, მეტ ყურადღებას დავუთმობდი სადაზღვევო კომპანიების კონტროლს - მათი დიდი ნაწილი ცდილობს თავი აარიდოს მაღალტექნოლოგიური კვლევების ხარჯებს და საჭიროების შემთხვევაშიც კი არ ნიშნავს მათ. ასეთი დამოკიდებულება ზოგიერთ შემთხვევაში პრობლემის დამძიმებას განაპირობებს. მოქალაქეეთა ჯანმრთელობა კი არც კომუნიკაციაზე და არც ენერგეტიკაზე  (ამათ მარეგულირებელი კომისიები აქვთ) ნაკლებმნიშვნელოვანი არ უნდა გახლდეთ.

ადრეც მითქვამს და დღესაც გავიმეორებ, როგორი შედეგითაც არ უნდა დასრულდეს „სპეცოპერაცია“, დარწმუნებული ვარ, რუსი და უკრაინელი ხალხი ორივე წაგებულo დარჩება. თუმცა, ამ უდიდესი ადამიანური და გეოპოლიტიკური ტრაგედიით ზოგიერთები ნამდვილად იხეირებენ (მათ შორის, ოკეანის გაღმაც...). გარდა იმისა, რომ კონფლიქტში პირდაპირ ან ირიბად მონაწილე ქვეყნების შეირაღება-გადაირაღებაზეც მილიარდები „მოტყდება“, რუსეთი კიდევ დიდი ხნით აღმოჩნდება იზოლირებული ევროკავშირისგან და ვერც მისი ბუნებრივი რესურსების ინტეგრირება მოხდება დასავლურ (მაგ., გერმანულ) ტექნოლოგიებთან. 

სრულიად საქართველოს კიდევ ერთი ღირსეული მამულიშვილი ნოდარ ნათაძე დააკლდა. „სახალხო ფრონტის“ თავმჯდომარე მაშინ გავიცანი, როდესაც გაზეთში გამოსაქვეყნებლად სტატიები შევთავაზე. განსაკუთრებული პატივისცემით კი მას შემდეგ განვეწყვე, რაც სტანდარტული კორპუსის გაურემონტებელ ბინაში მცხოვრები, საწერ მაგიდასა და იატაკზე დახვავებული წიგნების გარემოცვაში ვიხილე. მივხვდი, რომ რუსთაველის ფილოსოფიას ნაზიარები მეცნიერი პოლიტიკაში მხოლოდ სახელმწიფოს ინტერესების გამო ჩაერთო და არა პირადის... ისიც წარმოვიდგინე, როგორ ეტკინებოდა გული, როდესაც მაჟორიტარულ საპარლამენტო არჩევნებში ე. წ. უბნის ავტორიტეტმა აჯობა... 

სანამ სამართლის დარგში დავიცავდი დისერტაციას, თსუ-ის მათემატიკური ფაკულტეტი მქონდა დამთავრებული და სამეცნიერო ნაშრომში ინტეგრალური განტოლებები გამოყენებული. აქედან გამომდინარე, თავს უფლებას მივცემ თანამოქალაქეებს, შეძლებისდაგვარად, მარტივად ავუხსნა, თუ რა არსებითი განსხვავებაა ე. წ. ზუსტ და არაზუსტ მეცნიერებებს შორის. მაგ., თუ ფიზიკის კანონი (სამყაროში არსებულ კანონზომიერებას ასახავს) ექსპერიმენტით დასტურდება და მაგ., ზემოთ ასროლილი ქვა, დროზე თუ არ გამოეცალე, აუცილებლად თავში დაგეცემა, სამართალში (სახელმწიფოს მიერ დადგენილ წესებს შეისწავლის) საზოგადოების განვითარების კონკრეტულ ეტაპზე ჭეშმარიტებად (კანონიერად), ფაქტობრივად, ის მიიჩნევა, რასაც ე. წ. პოლიტიკური (მმართველი) ელიტა დემოკრატიული პროცედურების დაცვით ან თვითნებურად გადაწყვეტს...

ბატონო პრემიერ-მინისტრო,

მიუხედავად მრავალმილიონიანი სახელმწიფო სახსრების განთავსებისა აგრარულ სექტორში, საქართველო კვლავ სუსტია სასურსათო უშიშროების თვალსაზრისით, ადგილი აქვს სურსათზე ფასების პერმანენტულ ზრდას (აგფლაცია), პროდუქტების თითქმის 80% იმპორტირებულია. სასურსათო წარმოების დეფიციტის პირობებში, საშემოდგომო და საგაზაფხულო ნათესი ფართობები 10-15 წლის წინანდელზე ნაკლებია. სოფლის მოსახლეობის აბსოლუტური უმრავლესობა იმყოფება სიღარიბეში და არ გააჩნია არათუ სამეწარმეო განვითარების შესაძლებლობა, არამედ ყოველდღიურად თავის გატანის შესაძლებლობა. სიღარიბის დონე სოფლად თითქმის 2-ჯერ აღემატება ანალოგიურ მაჩვენებელს ქალაქების მიხედვით.

არაგონივრულად მიმაჩნია, მავანთა არაპროფესიონალიზმის ან უპასუხისმგელობის გამო, ან, თუნდაც ქვეყნის ბიუჯეტის შევსების მიზნით, საპროტესტო („რევოლუციური“) მუხტის ხელისუფლებისადმი კეთილგანწყობილ იმ მოქალაქეებშიც გაღვივება, რომლებსაც ადმინისტრაციული ჯარიმების გადახდა ბრალის არარსებობის მიუხედავადაც უწევთ. უგულავას მერობის დროინდელი შპს „სი-ტი პარკის“ თბილისიდან გაძევების შემდეგ, ავტომობილების რაოდენობაზე ათჯერ ნაკლებ „პარკირების ზონებში“ არგაჩერებისთვის სანქციის 5 - ჯერ ზრდა ცალკე მსჯელობის თემაა. ამჯერად მძღოლები მეტროსადგურ „ისანთან“ მოწყობილი მორიგი „მახის“ თაობაზე მინდა გავაფრთხილო. 

აზია ტემპს კრიფავს. მოვიდა დრო საერთაშორისო მექანიზმების ამოქმედებისა, რომლებიც იქმნებოდა და რეგულირდებოდა 30 წლის განმავლობაში, ერთიანი სტრუქტურის შესაქმნელად, რომელიც იმუშავებს სტაბილურად, ორგანიზებულად და ჩავარდნების გარეშე. მითუმეტეს, რომ მსოფლიოში არსებულ სიტუაცის ეს უკიდურესად სჭირდება.