გაფიცვის შემდეგ კერძო სექტორის წარმომადგენელთა მცირე ნაწილი თვითმმართველობის არჩევნებს ბოიკოტს უცხადებს. საპროტესტო განაცხადი იმდენად პატარაა, რომ მას მხოლოდ 8 ბიზნესმენი აწერს ხელს, ამიტომ ექსპერტები მათ ამ განცხადებას სერიოზულად არ აღიქვამენ და იმასაც ამბობენ, რომ მას არანაირი ზეგავლენის მოახდენა არ შეუძლია, არც ბიზნესზე, არც ეკონომიკაზე და არც არჩევნებზე. 

აჭარის მთავრობის ყოფილი თავმჯდომარის, თორნიკე რიჟვაძის მდგომარეობა ამ დრომდე მძიმეა. რიჟვაძე გულმკერდის არეში დაჭრილი ჯერ საგარეჯოს რაიონში „ჯეოჰოსპიტალის" საავადმყოფოში მიიყვანეს, შემდეგ კი თბილისში გადმოიყვანეს. ჯერჯერობით უცნობია ადგილი ჰქონდა თვითმკვლელობის მცდელობას თუ სხვა რამ.

აშშ-ის პრეზიდენტი დონალდ ტრამპი „ბრიქსის" წინააღმდეგ გამოდის და აცხადებს, რომ აშშ დამატებით, 10%-იან ტარიფს დაუწესებს ნებისმიერ ქვეყანას, გამონაკლისის გარეშე, რომელიც „ბრიქსის" ანტიამერიკულ პოლიტიკას უჭერს მხარს.

მას შემდეგ, რაც "გახარია საქართველოსთვის" და "ძლიერმა საქართველომ" 4 ოქტომბრის ადგილობრივ არჩევნებში ჩართვის გადაწყვეტილება ოფიციალურად მიიღეს, ორივე პარტიიდან პროტესტის ნიშნად დატოვეს თანამდებობებიც და წევრობაც. ბოიკოტში მყოფ ოპოზიციას მიაჩნია, რომ არჩევნებში ჩართვა არის ღალატი.

საქართველოს ტექნიკური უნივერსიტეტი და სტუ-ის ნიკო მუსხელიშვილის სახელობის გამოთვლითი მათემატიკის კვლევითი ინსტიტუტი, ევროკავშირის კვლევისა და ინოვაციის ჩარჩო პროგრამა „ჰორიზონტი ევროპის“ დაფინანსებით, ახალი საგრანტო პროექტის - „FORGE-AI: ინოვაციური კულტურის ხელშეწყობა ქართული ხელოვნური ინტელექტის მკვლევრების საზოგადოების ახალი თაობისთვის” (FOsteRing innovation culture for a new generation of GEorgian AI research community) - განხორციელებას იწყებს. აღნიშნულთან დაკავშირებით, სტუ-ის ნიკო მუსხელიშვილის სახელობის გამოთვლითი მათემატიკის ინსტიტუტში სასტარტო შეხვედრა გაიმართა.

„ლელო - ძლიერი საქართველო" 4 ოქტომბრის არჩევნებში მონაწილეობას მიიღებს და ეს გადაწყვეტილება წყალგამყოფად იქცა ბოიკოტის მომხრე ოპოზიციასთან, ისინი „ლელოს" ღალატსა და რეჟიმთან გარიგებაში ადანაშაულებენ. დაპირისპირებაა პარტიის შიგნითაც. მეორეს მხრივ კი, ანალიტიკოსები არ გამორიცხავენ, რომ „ლელოს" გადაწყვეტილებამ ბოიკოტის მომხრე სხვადასხვა ოპოზიციური ძალების პოზიციაზეც იმოქმედოს. ამასთან, უკვე დაიწყო საუბარი „ლელოსა" და ექსპრემიერ გიორგი გახარიას პარტიის შესაძლო ალიანსზე.

ადგილობრივ არჩევნებამდე 3 თვით ადრე ოპოზიცია ორ ბანაკად იყოფა. ერთი ნაწილი ბოიკოტზე მიდის და 4 ოქტომბრის ადგილობრივ არჩევნებში მონაწილეობაზე მტკიცე უარს აცხადებს, მეორე კი მიიჩნევს, რომ ბრძოლის გასაგრძელებლად საჭიროა არჩევნებში ჩართვა. პოლიტოლოგი პეტრე მამრაძე ოპოზიციის წინასაარჩევნო კონფიგურაციებზე საუბრობს და აღნიშნავს, რომ ამ მხრივ მნიშვნელოვანი იქნება დასავლეთის პოზიცია, თუ ოპოზიციის რომელ ნაწილს დაუჭერს მხარს. მისი ვარაუდით, დასავლეთი არჩევნებში ოპოზიციის მონაწილეობას მიესალმება

იმ ფონზე, როდესაც საქართველოს ხელისუფლება ცდილობს სირია აფხაზეთისა და ე.წ. სამხრეთ ოსეთის დამოუკიდებლობის აღიარების უკან გაწვევაზე დაითანხმოს, სირიაში დე ფაქტო აფხაზეთის ე.წ. საგარეო საქმეთა მინისტრი ოლეგ ბარციცი ჩავიდა. გაიმართა შეხვედრები სირიის ახალი ხელისუფლების ოფიციალურ პირებთან და სოხუმში გარკვეულმა წრეებმა ეს ფაქტი უკვე შეაფასეს, როგორც „აფხაზური დიპლომატიის გამარჯვება“. თუმცა, ამავე დროს, აფხაზურ საზოგადოებაში გაჩნდა კითხვაც - რატომ არ იყო „ოფიციალური“ შეხვედრებისას წარმოდგენილი ე.წ. აფხაზეთის დროშა.

რუსეთ-აზერბაიჯანის დაპირისპირება უკვე კრიმინალურ სამყაროსაც შეეხო. რუსეთში აზერბაიჯანელი „კანონიერი ქურდების" დაკავება დაიწყეს და ორი საკმაოდ გავლენიანი კრიმინალური ავტორიტეტი - ვაგიფ სულეიმანოვი (ბაკინსკი) და ზაურ ზაურ შიპილოვი (ნახიჩევანსკი) უკვე დაკავებულია. ექსპერტები ამასაც მოსკოვსა და ბაქოს ურთიერთობის გამწვავებას უკავშირებენ.

პრეზიდენტ მიხეილ ყაველაშვილის განცხადებამ ოპოზიციაში პროტესტი და ვნებათაღელვა გამოიწვია. გამოითქვა სხვადასხვა მოსაზრებები შეწყალებასთან დაკავშირებით ამ შეთავაზების მიზეზებსა და ფარულ მიზნებზე. ამ განცხადებიდან მცირე ხანში კი „ლელომ" ოფიციალურად მიიღო 4 ოქტომბრის ადგილობრივ არჩევნებში მონაწილეობის გადაწყვეტილება და ამის საფუძველზე ოპოზიციურ ძლებს შორის ახალი მწვავე დაპირისპირება დაიწყო.

4 ივლისს კიშინიოვში ევროკავშირი-მოლდოვას პირველი სამიტის მთავარი ინტრიგა ის იყო, გაკეთდებოდა თუ არა რაიმე განცხადება გაწევრიანებაზე მოლაპარაკებასთან დაკავშირებით და დასახელდებოდა თუ არა ევროკავშირში მოლდოვას გაწევრიანებაზე მოლაპარაკების დაწყების თარიღი. ამგვარი ინტრიგა რუმინეთის პრეზიდენტის განცხადების შემდეგ გაჩნდა. თუმცა სამიტმა ამ მხრივ იმედები არ გაამართლა. ანალიტიკოსთა შეფასებით, ამ ღონისძების მიზანი იყო არა იმდენად მოლდოვას წინ წაწევა ევროკავშირში გაწევრიანების გზაზე, არამედ მოახლოებული საპარლამენტო არჩევნების წინ ევროკავშირის მხრიდან მოქმედი ხელისუფლების მხარდაჭერის დემონსტრირება და ქვეყანაში „ქართული სცენარის" განვითარების ერთგვარი პრევენცია.

პრემიერი ირაკლი კობახიძე განათლების სფეროში ცვლილელებს აანონსებს და ამბობს, რომ თვის ბოლომდე საზოგადოებას წარუდგენენ კონცეფციას, რომელიც გულისხმობს საუნივერსიტეტო სისტემის ფუნდამენტურ რეფორმას. მისივე თქმით, მთავრობას სწორი კონცეფციით შეუძლია, 3 წელიწადში შექმნას ისეთი სისტემა, რომლის პირობებშიც ახალგაზრდებს აღარ მოუწევთ საზღვარგარეთ წასვლა უკეთესი განათლების მისაღებად. განათლების ექსპერტს მანანა ნიკოლაიშვილს რეალურად მიაჩნია პრემიერის გეგმა, თუ არ იქნება ზედაპირული.