დიდგორობისადმი მიძღვნილ განცხადებაში პარლამენტის თავმჯდომარემ, შალვა პაპუაშვილმა 1121 წლის ისტორიულ მოვლენასა და 2008 წლის 12 აგვისტოს ცეცხლის შეწყვეტის შეთანხმებას შორის პარალელი გაავლო. მმართველი პარტიის წარმომადგენელმა 2008 წლის 6-პუნქტიანი დოკუმენტი მიხეილ სააკაშვილის ხელისუფლების „პოლიტიკურ და სამხედრო მარცხად" შეაფასა.

გლობალურ ენერგობაზარზე ფასების მატებისა და დასავლური გიგანტების ზარალის ფონზე, ვაშინგტონმა კიევი, სავარაუდოდ, სამხედრო ტაქტიკის კორექტირებაზე დაიყოლია: აშშ-ის ვიცე-პრეზიდენტის, ჯეი დი ვენსის თხოვნით, უკრაინამ შავ ზღვაში იმ ტანკერებზე იერიშები შეაჩერა, რომლებსაც ყაზახური ნავთობი გადაჰქონდათ.

ეს ნაბიჯი ნათლად აჩვენებს ზღვარს, სადაც უკრაინის მიზანი- გამოფიტოს რუსული სამხედრო მანქანა, ამერიკულ ეკონომიკურ ინტერესებს ეჯახება.

აშშ-საქართველოს ურთიერთობის ე.წ. გადატვირთვის საკითხი ამ დრომდე კვლავ გაურკვეველი რჩება. ქართულმა მხარემ ურთიერთობის ახალ ეტაპზე გადასვლის მზადყოფნაზე განცხადება არაერთხელ გააკეთა, თუმცა, ბოლო პერიოდში, ეს გზავნილებიც თითქოს შეწყდა, ამერიკული მხარის პოზიცია კი კვლავ კონკრეტულ პირობებსა და მოთხოვნებს უკავშირდება.

რუსეთის პრეზიდენტის ვლადიმერ პუტინის განცხადებით, რუსეთი დასავლეთის ქვეყნების მიერ სავაჭრო გემების დაკავებას შესაბამის პასუხს გასცემს. ვლადიმერ პუტინმა სარაკეტო კრეისერი „ვარიაგიდან" რუსეთის წყნარი ოკეანის ფლოტის წვრთნების დასკვნითი ეტაპის მიმდინარეობას მიადევნა თვალი და ადმირალ ვიქტორ ლიინისგან ანგარიში მოისმინა.

საქართველოს მოსახლეობის დაახლოებით, 23.2% სესხს ვერ იხდის. უფრო ზუსტად, „კრედიტინფო საქართველოს“ 2026 წლის ივლისის მონაცემებით, ყოველ მეხუთე მოქალაქეს, რომელსაც ფინანსური სესხი აქვს აღებული, 30-დღიანი ვადაგადაცილება უფიქსირდება. ეკონომისტების შეფასებით, ეს ცალსახად ცუდი მაჩვენებელია, თუმცა უფრო ღრმა შეფასებისას მათი აზრი გაიყო - ეკონომისტების ერთი ნაწილი თვლის, რომ აუცილებელია მარეგულირებლის, ანუ ეროვნული ბანკის ჩარევა, რათა სესხები მხოლოდ საჭიროების მიხედვით გაიცეს, ხოლო მეორე ნაწილის მოსაზრებით, თუ ეკონომიკის რეალური სექტორი არ განვითარდება, მოსახლეობა ამ ფინანსურ სიდუხჭირეს თავს ვერ დააღწევს. 

ახალ თანამდებობაზე ახლადდანიშნული მამუკა მდინარაძე ახლო მომავალში სხვა მიმართულებით გადასვლას არ გამორიცხავს. ვიცე-პრემიერი და რეგიონული განვითარების მინისტრი ამბობს, რომ ახალ უწყებაში „მენეჯმენტის დახვეწის" შემდეგ შესაძლოა იქ გადაინაცვლოს, სადაც „უფრო მეტი გამოწვევა" იქნება. ოპოზიციაში ამბობენ, რომ მდინარაძის თანამდებობიდან თამადებობაზე გადაყვანა ისედაც კითხვებს აჩენს, როგორც პარტიის შიდა ვითარებაზე, ისე მდინარაძის ეფექტუირ მუშაობაზე.

პოლიტოლოგი იგორ კვესელავა ფიქრობს, რომ ხელისუფლებისა და ოპოზიციის ურთიერთბრალდებები 2008 წლის აგვისტოს ომზე უადგილოა. მისი აზრით, გადამწყვეტი მნიშვნელოვანი არ აქვს როდის დაიწყო ომი. კვესელავა ასევე მიმოიხილავს 2008 წლის ომის მიმდინარეობასა და დაშვებულ სამხედრო-სტრატეგიულ შეცდომებს.

მოსკოვი ისევ თბილისისგან პოლიტიკური დიალოგის აღდგენასა და ორმხრივი თანამშრომლობის გაფართოების პერსპექტივაზე საუბრობს. რუსეთის საგარეო საქმეთა მინისტრის მოადგილე მიხაილ გალუზინი აცხადებს, რომ საქართველოს წარმატებული განვითარება რუსეთთან „კონფრონტაციაში კი არა, თანამშრომლობაშია". საპასუხოდ კი საქართველოს ხელისუფლება აცხადებს, რომ დიპლომატიური ურთიერთობების აღდგენა აფხაზეთისა და ცხინვალის რეგიონის ე.წ. დამოუკიდებლობის აღიარების პირობებში ვერ მოხდება, ხოლო მმართველი პარტიის მრავარი მიზანი კონფლიქტის მშვიდობიანი დარეგულირებაა.

ოფიციალურმა მოსკოვმა სომხეთის პრემიერ ნიკოლ ფაშინიანს დაახლოებით ერთი თვე მისცა იმისთვის, რომ საბოლოო არჩევანი გააკეთოს ევროკავშირსა და ევრაზიულ ეკონომიკურ კავშირს შორის, წინააღმდეგ შემთხვევაში სანქციების მეორე, უფრო სასტიკ ეტაპს დაიწყებს. ამის შესახებ სომხური მედია წერს. რუსეთის საგარეო საქმეთა სამინისტროს ცნობით კი, სომხეთის ხელისუფლებისგან დეკემბრამდე ელოდებიან ამ საკიტხზე რეფერენდუმის დანიშვნას.

დახურული ჟალუზები, საიდუმლო ბორტი და მოტყუებული პრესა - როგორც „ვაშინგტონ პოსტი წერს", სწორედ ასე დატოვა აშშ-ის პრეზიდენტმა დონალდ ტრამპმა 8 ივლისს ანკარა და ნატო-ს სამიტი. ამავე წყაროს ცნობით, ეს ირანის მხრიდან მოსალოდნელ სარაკეტო თავდასხმას უკავშირდებოდა. მედიის ცნობით, ტრამპი საიდუმლოდ, სატვირთო მანქანით გადაიყვანეს „ბორტი ნომერი ერთიდან" სხვა თვითმფრინავში, რომლითაც მან თურქეთი დატოვა.

ახლო აღმოსავლეთში მიმდინარე რეგიონული დაპირისპირება საქართველოს ეკონომიკაზეც ახდენს გავლენას - ჩვენი ქვეყანა გარკვეულ ეკონომიკურ სარგებელს იღებს. მართალია, ეს ეფექტი მასშტაბებით ჩამოუვარდება იმ პროცესებს, რაც რუსეთ-უკრაინის ომის დასაწყისში იყო, თუმცა გავლენა მაინც თვალსაჩინოა. 

საერთაშორისო საფინანსო ორგანიზიაციებმა, ასევე ეროვნულმა ბანკმა ინფლაციის საპროგნოზო მაჩვენებელი შეცვალეს. მიმდინარე წლის საშუალო ინფლაციის პროგნოზი სებ-მა 5.2%-მდე გაზარდა. ეს ნიშნავს, რომ წლიური მაჩვენებელი შარშანდელს გადააჭარბებს. შედარებისთვის, გასული წლის ბოლოს ინფლაცია 4%-ს შეადგენდა. თუ შარშან წლის დასაწყისში არსებული მაღალი ინფლაციური წნეხი წლის ბოლოსკენ შემცირდა, წელს მსგავს ოპტიმისტურ პროგნოზებს ვეღარ ვხედვთ.