აშშ-ის სახელმწიფო მდივანმა ირანთან დაკავშირებით კონგრესმენებისთვის საიდუმლო ბრიფინგი გამართა. ამის შესახებ ინფორმაციას გამოცემა The Guardian ავრცელებს. მარკო რუბიომ დახურული შეხვედრა გამართა ე.წ. რვას ჯგუფთან, რომელშიც შედიან წარმომადგენელთა პალატასა და სენატში ორივე პარტიის წამყვანი ლიდერები, და ასევე წარმომადგენელთა პალატისა და სენატის დაზვერვის კომიტეტების თავმჯდომარეები და წამყვანი წევრები.

აშშ-ის სახელმწიფო დეპარტამენტმა უკრაინას შავ ზღვაზე დარტყმებისგან თავშეკავებისკენ მოუწოდა მას შემდეგ, რაც კიევმა ნოვოროსიისკის პორტზე იერიში მიიტანა. ვაშინგტონში უკრაინის ელჩის, ოლჰა სტეფანიშინას თქმით, ამერიკული მხარის დემარში უკავშირდებოდა იმას, რომ თავდასხმა აშშ-ის ეკონომიკურ ინტერესებსაც შეეხო, თუმცა კიევი აცხადებს, რომ პარტნიორის მხარდაჭერაში ეჭვი არ ეპარება.

საბჭოთა ოკუპაციის დღე, დიდი ბრიტანეთის მიერ ტელეკომპანიების - "იმედისა" და "პოსტივის" დასაქნცირება, საფრანგეთის, გერმანიისა და დიდი ბრიტანეთის ელჩების განცხადება, ევროკავშირ-რუსეთს შორის ვაჭრობა, საქართველოს პოლიტიკა უკრაინასთან მიმართებაში, ყულევის პორტი და ფასების შემცირება - ეს იმ თემების ჩამონათვალია, რომელზეც პრემიერ-მინისტრმა ირაკლი კობახიძემ კოჯორში ისაუბრა ჟურნალისტებთან.

ქვეყანაში გაცემული ხელფასის მოცულობა და მიმღებთა რაოდენობაც გაიზარდა. 2016 წლიდან 2025 წლამდე შუალედში ეს მაჩვენებელი გასამმაგებულია, რაც სხვადასხვა ფაქტორს უკავშირდება, მათ შორის, ეკონომიკურ ზრდას, ბუღალტერიის "გათეთრების" ტენდენციას და რუსეთ-უკრაინის ომმსაც, რამაც განსაკუთრებით "აიტი" მიმართულებაში დასაქმების ზრდას შეუწყო ხელი და შრომის ანაზღაურებაზეც დადებითად აისახა.

შრომის ბაზრის ანალიზის მიხედვით, უნივერსიტეტებში ყოველწლიურად, დაახლოებით, 14 400 აბიტურიენტი უნდა აბარებდეს. საქართველოს პრემიერ-მინისტრმა ირაკლი კობახიძემ მთავრობის სხდომაზე შრომის ბაზრის კვლევა წარადგინა, რომელიც განათლების სფეროში მიმდინარე რეფორმას უნდა დაედოს საფუძვლად. როგორც გაირკვა, დასაქმებულთა მხოლოდ 60%-ს სჭირდება დიპლომი, 40%-ს კი - პროფესიული განათლება. დარგის სპეციალისტები ამ კვლევას სრულად იზიარებენ და ამბობენ, რომ შრომის ბაზრის კვლევაზე დაფუძნებული განათლების რეფორმა უმნიშვნელოვანესია.

„ოცნებაში" კვლავ საუბრობენ, რომ რუსეთ-უკრაინის ომის მე-4 წლისთავზეც „გარკვეულ ძალებს" საქართველოს ომში ჩართვა სურთ. ანალიტიკოსთა ნაწილი ამბობს, რომ დღემდე მმართველ პარტიას არ დაუკონკრეტებია და არც ფაქტები მოუყვანია, თუ ვის აქვს ასეთი სურვილი, ამიტომაც ესაა „მოგონილი ლეგენდა". ნაწილი კი ფიქრობს, რომ დასავლეთში ძალიან კარგად იციან, რომ თუნდაც მოსკოვისთვის სანქციების დაწესება რუსეთთან ომს ნიშნავს და ამისკენ მოუწოდებენ საქართველოს.

კვირის ერთ-ერთი ყველაზე ხმაურიანი განცხადება მოსკოვიდან - რუსეთის საგარეო დაზვერვა ამტკიცებს, რომ დიდი ბრიტანეთი და საფრანგეთი უკრაინისთვის ბირთვული იარაღის გადაცემას გეგმავენ, თუმცა ექსპერტები ამ ინფორმაციას ფსიქოლოგიური ომისა და გავლენის ოპერაციის ნაწილად აფასებენ.

დიდი ბრიტანეთის მიერ „იმედისა" და „პოსტივის" დასანქცირებას მმართველი გუნდი უსამართლოდ მიიჩნევს, მაშინ როცა ოპოზიცია ამტკიცებს, რომ ეს უფრო ადრე უნდა მომხდარიყო. ოფიციალური ლონდონი ტელევიზიებს რუსული დეზინფორმაციის გავრცელებაში ადანაშაულებს, „იმედი" კი პასუხობს, რომ სანქციებს „არანაირი ფასი არ აქვს". სოციალურ ქსელში მოვლენები უკვე დიდ აჟიოტაჟს იწვევს.

ოპოზიციის ნაწილმა ახალი კამპანია დაიწყო და „ქიმიური მოწამვლის" შესახებ ინფორმაციას აგროვებენ. პარტიები მოუწოდებენ გასული წლის პროტესტის მონაწილე მოქალაქეებს და მკვლევარებს გაუზიარონ საკუთარი გამოცდილება კითხვარის მეშვეობით, რომელსაც ფეისბუქზე აქვეყნებენ. ვარაუდი, რომ შესაძლოა აკრძალური ნივთიერება ხელისუფლებამ აქციების დასარბევად გამოიყენა, თავდაპირველად ბრიტანულმა მაუწყებელმა, ბიბისიმ გაავრცელა.

პოლიტოლოგმა იგორ კვესელავამ საქართველოს დასავლეთთან ურთიერთობები და საგარეო საქმეთა მინისტრის ევროპაში მოხშირებული ვიტიზები შეფასა და აღნიშნა, რომ ვინც გადაწყვეტილების მთავარი მიმღებია, „ქართულ ოცნებას" მხარს არ უჭერს. ამიტომ ურთიერთობების აღდგენის შესაძლებლობა პრაქტიკულად გამორიცხა. ოპოზიციის გეგმებზე საუბრისას კი განაცხადა, რომ მათი გაერთიანება თითქმის შეუძლებელია, ვინაიდან დღევანდელ პოლიტიკურ პარტიებს სრულიად განსხვავებული ინტერესები აქვთ.

მთავრობის ადმინისტრაციაში შრომის ბაზრის კვლევის პრეზენტაცია გაიმართა, ღონისძიებას, მთავრობის წარმომადგენლებთან ერთად, უნივერსიტეტების რექტორებიც ესწრებოდნენ. მისი შეფასებით, შრომის ბაზრის ანალიზმა აჩვენა, რომ ყოველწლიურად უნივერსიტეტებში 14 400-მდე სტუდეტი უნდა აბარებდეს.

დემოგრაფიული მდგომარეობა საქართველოში ბოლო წლების განმავლობაში მკვეთრად გაუარესდა. შემცირდა როგორც ქორწინების, ასევე შობადობის მაჩვენებელი, ხოლო განქორწინების შემთხვევებმა იმატა. ერთი მხრივ, ეს დიდ პრობლემას უქმნის დემოგრაფიას და მოსახლეობის სტრუქტურას. მეორე მხრივ, ეკონომიკასაც, ვინაიდან არის საფრთხე, რომ 60 წელს გადაცილებულთა რაოდენობა ეკონომიკურად აქტიური მოახლეობის რაოდენობას თანდათან გადააჭარბებს.