პარტიის „გახარია საქართველოსთვის" ლიდერს, ექსპრემიერ გიორგი გახარიას ახლა უკვე 2 ივლისამდე აქვს ვადა, რომ პარლამენტის საგამოძიებო კომისიის სხდომაზე გამოცხადდეს. წინააღმდეგ შემთხვევაში კომისია პროკურატურას მიმართავს. მისი თანაგუნდელები აცხადებენ, რომ გახარია არც 2 ივლისს არ იქნება თბილისში. მათთვის გაუგებარია რატომ ამბობს კომისია გახარიას დისტანციურად გამოკითხვაზე უარს და რატომ ითხოვს მისგან ფიზიკურად კომისიის სხდომაზე მისვლას. ყოველივე ამან და სხვა გარემოებებმა გააჩინა ეჭვი, რომ ექსპრემიერი, შესაძლოა, არც აპირებს ქვეყანაში დაბრუნებას, რაც ნიშნავს, რომ ის პრაქტიკულად გაიქცა.

ისრაელი-ირანის თითქმის ორკვირიანი შეიარაღებული დაპირისპირება დასრულებულია. ორივე მხარე გამარჯვებას ზეიმობს - თელ-ავივში მიიჩნევენ, რომ ოპერაცია „აღმავალი ლომის" ყველა დასახეული მიზანი მიღწეული, თეირანში კი აცხადებენ, რომ მათ აიძულეს ისრაელი შეეწვიტა დარტყმები ირანის ბირთვულ და სამხედრო ობიექტებზე. ანალიტიკოსები კი იმაზე მსჯელობენ, თუ რამდენად მყარი და ხანგრძლივი იქნება ეს ზავი

ქართულ ოპოზიციაში თანდათან იზრდება იმედგაცრუება ევროკავშირის ქმედებების გამო და ამას ზოგჯერ უკვე საჯაროდაც გამოხატავენ. ამაზე მიუთითებს მეხუთე პრეზიდენტის, სალომე ზურაბიშვილის გამოხმაურება სოციალურ ქსელში გაფართოების საკითხებში ევროკომისარის მარტა კოსის მიერ გაკეთებულ პოსტზე. ანალიტიკოსთა შეფასებით, ნაკლებად მოსალოდნელია, რომ ოპოზიციამ სრულად დაკარგოს დასავლეთის მხარდაჭერა, თუმცა ამჟამად ეს მხარდაჭერა „მილევად რეჟიმშია", რასაც თავისი მიზეზები აქვს.

ირანისა და ისრაელის კონფლიქტი საქართველოს სავაჭრო-ეკონომიკურ ურთიერთობებზე საგრძნობ უარყოფით გავლენას მოახდენს. არა მარტო ირანთან, სავაჭრო ურთიერთობები ჩიხში შევა სხვა ქვეყნებთანაც, რადგან საჰაერო სივრცის დაკეტვის გამო, ექსპორტში გარკვეულმა რისკებმა იჩინა თავი. გამოსავალი ჯერჯერობით არ ჩანს, ხოლო დაპირისპირებული მხარეების პოზიციები არ ტოვებს იმის განცდას, რომ სახედრო კონფლიქტი შეიძლება მოკლე ვადაში დასრულდეს, რაც აუცილებლად ნეგატიურად აისახება, როგორც რეგიონზე, ისე საქართველოზე. პირველ რიგში, პრობლემა გადაზიდვას შეეხო და ტარიფებიც გაიზარდა.

ბრიუსელში საქართველოს საკითხზე ევროკავშირის საგარეო საქმეთა მინისტრების შეხვედრა კვლავ კონკრეტული გადაწყვეტილების გარეშე დასრულდა, თუმცა, როგორც ბლოკის უმაღლესმა კომისარმა კაია კალასმა სხდომის შემდეგ განაცხადა, განიხილეს საქართველოში მზარდი რეპრესიები და ევროკავშირი მზადაა პასუხისმგებელი პირების მიმართ დამატებითი შემზღუდავი ზომები განიხილოს.

ტურიზმის 2025 წლის პროგნოზი, სავარაუდოდ, შეიცვლება. ამის მიზეზი ირან-ისრაელის დაპირისპირება და ამ კონფლიქტში აშშ-ს შესაძლო ჩართვაა, რამაც  რეგიონში მდგომარეობა უკიდურესად დაძაბა. საქართველოს ტურისტული სექტორის წარმომადგენლთა ინფორმაციით,  არა მარტო ისრელიდან და ირანიდან, მომიჯნავე ქვეყნებიდანაც კი შემცირდა ჯავშნები და მომავალშიც ეს ტენდენცია შენარჩუნდება. არასტაბილურობა და რეგიონში განვითარებული მდგომარეობის გამო, ტურისტული ინდუსტრია ზარალდება.

ისრაელი-ირანის სამხედრო დაპირისპირების ფონზე, საერთაშორისო ბირჟაზე ნავთობის ფასი მკვეთრად იზრდება. აშშ-ის მიერ ირანის სამი ძირითადი ბირთვული ობიექტის დაბომბვამ კი დაძაბულობა კიდევ უფრო გაამწვავა, რამაც კონფლიქტი ახალ დონეზე აიყვანა. ბევრი შიშობს, რომ ეს ცუდ სიტუაციას მხოლოდ გააუარესებს.

„ქართული ოცნება" „სიტყვისა და გამოხატვის თავისუფლების შესახებ" კანონის მკვეთრ ცვლილებებს გეგმავს - პარლამენტში უკვე დარეგისტრირდა მმართველი გუნდის ინიციატივა, რომელიც საგრძნობლად ამცირებს სიტყვის თავისუფლების დაცვასთან დაკავშირებულ სამართლებრივ გარანტიებს: ქრება ჩანაწერები კვალიფიციური პრივილეგიებისა და გამოხატვის თავისუფლების შეზღუდვის მკაცრი სტანდარტების შესახებ, რასაც კრიტიკოსები მედიის და საზოგადოების თავისუფალი აზრის გამოხატვის სერიოზულ საფრთხედ აფასებენ.

ირანის წინააღმდეგ არაპროვოცირებულ აგრესიას არანაირი საფუძველი და გამართლება არ აქვს, - ამის შესახებ რუსეთის პრეზიდენტმა, ვლადიმერ პუტინმა ირანის საგარეო საქმეთა მინისტრ აბას არაღჩისთან შეხვედრაზე განაცხადა. მისი თქმით, რუსეთი ყველაფერს აკეთებს ირანელი ხალხის დასახმარებლად.

ბიზნესი ახალი სამუშაო ადგილების შექმნას აღარ ვარაუდობს. კვლევებით დგინდება, რომ კომპანიების 64% დასაქმებულთა რაოდენობის შეცვლას არ აპირებს. ასეთი პროგნოზი ადასტურებს, რომ სამეწარმეო სფერო სტაგნაციას განიცდის. როგორც ეკონომისტები ვარაუდობენ, წლის ბოლოსთვის სურათი არ შეიცვლება და დასაქმების კუთხით წინსვლა არ იქნება. 

სასამართლომ „გირჩი" ზურაბ ჯაფარიძე და „ლელო ძლიერი საქართველოსთვის" ლიდერი მამუკა ხაზარაძე პარლამენტის საგამოძიებო კომისიის მოთხოვნის შეუსრულებლობისთვის დამნაშავედ ცნო - ორივეს მიესაჯა თავისუფლების აღკვეთა და 2 წლით თანამდებობის დაკავების აკრძალვა, გახარიას კი, რომელიც საგამოძიებო სხდომაზე არ გამოცხადდა, მმართველი პარტია გაქცევაში ადანაშაულებს და ექსპერტები მის დაკავებასაც არ გამორიცხავენ.

შესაძლოა მალე ნავთობის გლობალური ვაჭრობის ერთ-ერთი საკვანძო პუნქტი ჩაიკეტოს - აშშ-ს სახელწმიფო მდივანი მარკო რუბიო ჩინეთს მოუწოდებს, რომ ხელი შეუშალოს ირანს ორმუზის საზღვაო მარშრუტის დახურვაში. მანამდე ირანის პარლამენტმა მიიღო გადაწყვეტილება სრუტე ჩაიკეტოს.