4 ოქტომბერს, რუსთაველის გამზირზე ოპოზიციის მიერ დაორგანიზებულ აქციაზე ლიდერებმა სამოქმედო გეგმის სტრატეგია გააჟღერეს, რაც ანალიტიკოსების აზრით, საკმაოდ მშრალია და ახალიც არაფერია. მათივე ვარაუდით, ნაკლებად ის შედეგიანი იქნება და საჭიროა სხვა ღონისძიებები.

არჩევნების შემდგომი პერიოდი ბიზნესისთვის სტაბილური აღმოჩნდა. თითქმის ყველა დარგში მოლოდინი დადებითია და ამ მხრივ დაძაბულობა არ არის, რაც შესაძლოა, პოლიტიკურ სიტუაციას გამოეწვია. მიუხედავად იმისა, რომ ოპოზიცია არჩევნების შედეგს ჯერჯერობით არ აღიარებს, ეკონომიკურ პროცესებზე ამის უარყოფითი გავლენა არ იგრძნობა. 

რუსულ გაზზე დამოკიდებულება მატულობს და სავარაუდოდ, ეს ტენდენცია გაგრძელდება. ამის მიზეზი აზერბაიჯანიდან იმპორტის კლებაა, ბუნებრივი აირი მეზობელი ქვეყნიდან არასაკმარისი რაოდენობით მოგვეწოდება, რისი ნიშნებიც რუსეთ-უკრაინის ომის დაწყების პერიოდიდან გაჩნდა. იქიდან გამომდინარე, რომ აზერბაიჯანულ გაზზე ევროპის მხრიდან მოთხოვნა გაიზარდა, საქართველოში  მიწოდების კუთხით შეიძლება პრობლემა გაჩნდეს. შესაბამისად, რუსული გაზის მიმართ მოთხოვნა მოიმატებს.

არჩევნების დასრულების შემდეგ ლარის კურსი სტაბილურია, რაც ეროვნული ბანკის მიერ გახარჯულმა რეზერვებმა განაპირობა. სავალუტო ბაზარზე არსებულ სიტუაციას სრულად კონტროლდება, თუმცა გამოჩნდნენ ეკონომისტები, რომლებიც ფიქრობენ, რომ კურსს მკვეთრი გაუფასურება ელის. ბოლო დღეებში ამ თემით მანიპულირებამ ტენდენციური და მიზანმიმართული ხასიათი მიიღო. ზოგიერმა საერთოდ წარმოუდგენელი პროგნოზი გააკეთა, თითქოს 1 აშშ დოლარი 5 ლარი გახდება. 

ოპოზიციის ლიდერები ყოველდღიურ რეჟიმში მხარდამჭერებს აწვდიან ინფორმაციას იმ დარღვევების შესახებ, რომელიც არჩევნების დღეს მოხდა. განსაკუთრებულ ყურადღებას კი არჩევნების ფარულობის დარღვევაზე ამახვილებენ და ამბობენ, რომ მხოლოდ ეს არის მიზეზი იმის, რათა  ეს არჩევნები ლეგიტიმურად არ ჩაითვალოს. 

პოკურატურამ კი  ოპოზიციის და პრეზიდენტ სალომე ზურაბიშვილის განცხადებების საფუძველზე  გამოძიება დაიწყო. უწყებამ გამოკითხვაზე დაიბარა, როგორც ოპოზიციის ლიდერები, ასევე პრეზიდენტი ზურაბიშვილი. თუმცა ყველა მათგანის პასუხი ცნობილია, ისინი გამოკითხვაზე მისვლას არ აპირებენ. 

ოპოზიცია საპარლამენტო არჩევნებს ლეგიტიმურად არ აღიარებს საპროტესტო აქციებს აანონსებს. მმართველ პარტიაში კი ამბობენ, რომ რამდენიმე ხანში, როგორც წინა არჩევნებზე, ოპოზიცია ახლაც შევა პარლამენტში. 

3 ნოემბერს, მოლდოვაში საპრეზიდენტო არჩევნების მეორე ტური გაიმართა, რომელშიც მონაწილეობენ ამჟამინდელი პრეზიდენტი მაია სანდუ და ყოფილი პროკურორი ალექსანდრე სტოიანოგლო. ანალიტიკოსები რუსეთის მიერ არჩევნებში აქტიურ ჩარევაზე საუბრობენ და აღნიშნავენ, რომ ქვეყნის არსებული ვითარებიდან გამომდინარე, ყველანაირი შედეგია მოსალოდნელი.

საპარლამენტო არჩევნების გაყალბების ბრალდებით შეიძლება ამერიკიდან და ევროპიდან სანქციების მორიგი ტალღა წამოვიდეს. ანალიტიკოსები თანხმდებიან, რომ სრულიად შესაძლებელია ფინანსური და სავიზო შეზღუდვები „ქართული ოცნების" წევრებსა და მასთან დაახლოებულ პირებს დაუწესდეს, თუმცა ზოგიერთი მათგანი ფიქრობს, რომ ბევრი რამე ამერიკის მოახლოებულ საპრეზიდენტო არჩევნებზეა დამოკიდებული.

ოპოზიცია უწყვეტ აქციებს ორშაბათიდან იწყებს, როგორც "კოალიცია ცვლილებებისთვის" ლიდერი ნიკა გვარამია აცხადებს, ათობით კარავი უკვე მოაგროვა, თუმცა ჯერჯერობით უცნობია რა ლოკაციაზე დაიდგმება, ან დაიდგმება თუ არა, რადგან თავად ოპოზიციაშივე ჰყავს ამ იდეას მოწინააღმდგეები, მეტიც, ნაწილი ფიქრობს,რომ ეს იქნება "ოცნების" წისქვილზე წყლის დასხმა და ბიძგი მუხტის მინელებისკენ.

აშშ და ევროკავშირის ზოგიერთი ქვეყანა „ოცნებას" მოუწოდებს, რომ ოქტომბრის არჩევნებზე გამოძიების დაწყების პარალელურად, „აგენტების" და ლგბტ პროპაგანდის წინააღმდეგ კანონები უკან გაიწვიოს. „ოცნება" ჯერჯერობით უარზეა, თუმცა ანალიტიკოსები არ გამორიცხავენ, რომ ეს მომენტიც დადგეს, რაც დამოკიდებულია როგორც შიდა, ისე გარე ფაქტორებზე.

ფემიციდის მორიგი მცდელობა თბილისში - ახალგაზრდა კაცმა ცოლი დაჭრა. შემთხვევა  დადიანის ქუჩაზე 1 ნოემბერს მოხდა. ადგილობრივები „რეზონანსს“ უყვებიან, რომ კაცმა, რომელიც ციხიდან რამდენიმე დღის წინ გამოვიდა, ცოლს სამსახურთან ჩასაფრება მოუწყო და დანით მისი მოკვლა სცადა. ქალს  ჭრილობები სახის არეში დანით მიაყენა. თუმცა დაზარალებულის დახმარება მეორე ქალმა სცადა, რომლიც ასევე დაშავებულია. 

„მას შემდეგ, რაც დაინახეს, რომ ხალხი გაბრაზდა, ამომრჩეველი  მოატყუეს ყალბი ეგზიტპოლებით  და ახლა რაღაცა გზებს ხლართავენ. რა უნდა თქვან? წავაგეთო, ვერ იძახიან, არც გეგმა აქვთ, რადგან პარლამენტში შესვლა უნდათ,“ - აცხადებს „რეზონანსთან“ საუბრისას ოპოზიციის საპროტესტო გეგმებს ანალიტიკოსი გია აბაშიძე.

ამბობს, რომ თუ პარლამენტის ბლოკირებას შეეცდებიან, პასუხი იქნება „კანონით გათვალისწინებული და ადეკვატური“.