რუსეთის საგარეო უწყების ხელმძღვანელის მოადგილე მიხაილ გალუზინი აცხადებს, რომ მოსკოვი მზადაა საქართველოსთან "დიპლომატიური ურთიერთობები აღადგინოს" და მზადაა "იმდენად შორს წავიდეს, რამდენადაც ქართული მხარე მზად იქნება".

პრემიერ-მინისტრმა ირაკლი კობახიძემ ანტალიის დიპლომატიური ფორუმის ფარგლებში მაღალი დონის შეხვედრები გამართა. მისი შეფასებით, ფორუმი მაქსიმალურად იქნა გამოყენებული იმისთვის, რომ საქართველოს დელეგაციას გზავნილები პარტნიორებამდე მიეტანა. რა მნიშვნელობისაა საქართველოს მონაწილოება ანტალიის ფორუმში და რამდენად წარმატებულად შეიძლება ჩაითვალოს კობახიძისა და ქართული დელეგაციის ვიზიტი?

ექსპრეზიდენტი მიხეილ სააკაშვილი ორშაბათს, 14 აპრილს საკუთარ ხედვას წარადგენს „ნაციონალური მოძრაობის" ძირეულ რეფორმირებასთან დაკავშირებით. რა კონკრეტული ინიციატივა აქვს მესამე პრეზიდენტს, ჯერჯერობით უცნობია, თუმცა, სავარაუდოდ, ეს პირდაპირ კავშირშია პარლამენტის საგამოძიებო კომისიის მუშაობასა და ამის საფუძველზე ენმ-ის მოსალოდნელ აკრძალვასთან. თუმცა, მეორე საკითხია, რა რეაქცია ექნება ამაზე პარტიის ახლანდელ ხელმძღვანელობას.

11 აპრილს პარლამენტის დროებით საგამოძიებო კომისიის თავმჯდომარის, თეა წულუკიანის გაკეთებულ კომენტარს საქართევლოს ეროვნულ გმირ გიორგი ანწუხელიძეზე დიდი გამოხმაურება მოჰყვა. მან სატელევიზიო ეთერში განაცხადა, რომ „ყველა ბავშვს სჭირდება მშობელი სახლში და არა უაზროდ განწირული ვიღაცის პიარისთვის". ოპოზიციაში მიიჩნევენ, რომ ეს განცხადება ქვეყნის ღალატის ტოლფასია, მმართველ პარტიაში კი ამბობენ, რომ წულუკიანის სიტყვები საზოგადოებამ არასწორად გაიგო, ხოლო ატეხილ აჟიოტაჟს „რადიკალების პერფორმანსს" უწოდებენ.

„ნაცმოძრაობის" შემსწავლელმა კომისიამ ამჯერად პარტიის „გახარია საქართველოსთვის" ლიდერის, გიორგი გახარია გამოკითხავს აპირებს. მას 20 ივნისის მოვლენებთან დაკავშირებით იბარებენ. კომისიის თავმჯდომარე თეა წულუკიანის თქმით, შექმნილია სამართლებრივი და კონვენციური საფუძველი, რომ გახარიას კითხვები დაუსვან. სხვა ოპოზიციონერებისგან განსხვავებით, რომელთაც კომისიისათვის ჩვენების მიცემაზე უარი განაცხადეს, ექსპრემიერის პარტიაში არ გამორიცხავენ, რომ გახარია სხდომაზე მივიდეს.

11 აპრილი უკრაინის ომთან დაკავშირებული მოვლენების მხრივ განსაკუთრებით დატვიორთული და დაძაბული აღმოჩნდა. პეტერბურგში აშშ-ის პრეზიდენტის სპეციალური წარმომადგენელი სტივ უიტკოფი ვლადიმერ პუტინს შეხვდა. იმავე დღეს ვაშნგტონში მოლაპარაკებების სერია გაიმართა უკრაინისა და აშშ-ის ოფიციალურ პირებს შორის იშვიათი მინერალების საკითხზე, სადაც, „როიტერსის" ცნობით, მტრული ატმოსფერო სუფევდა. დამატებით დაძაბულობა კი კეიტ კელოგის სკანდალურ განცხადებას და შესაბამისი რუკის გამოქვეყნებას მოჰყვა, რომელმაც აღნიშნა, რომ უკრაინა შესაძლოა გაიყოს.

რუსეთიდან სოხუმის მიმართულებით ფრენებს 2 სანქცირებული ავიაკომპანია შეასრულებს. ამის შესახებ „როსავიაციის" მიერ გავრცელებულ ინფორმაციაშია საუბარი. ყოფილი სახელმწიფო მინისტრი და კონფლიქტოლოგი პაატა ზაქარეიშვილი ფიქრობს, რომ „ფრენები ტყუილად არ დაინიშნა" და სეპარატისტების ამ დიდი ხნის ოცნების ასრულების შემდეგ, კრემლი უფრო აქტიურად მოითხოვს მისთვის სასურველი მისთვის სასურველი გადაწყვეტილებების მიღებას.

„რუსეთთან ურთიერთობის მიმართულებით სამშვიდობო ხედვა გვაქვს - ტერიტორიის დაახლოებით 20% რუსეთის მიერ არის ოკუპირებული და ამ პირობებშიც კი, ძალიან მშვიდობიან და პრაგმატულ ხედვას მივყვებით", - ამის შესახებ პრემიერმა ირაკლი კობახიძემ პანელურ დისკუსიაზე განაცხადა, რომელიც ანტალიის დიპლომატიის ფორუმის ფარგლებში იმართება. პრემიერმა ისიც აღნიშნა, რომ რუსეთთან სავაჭრო ურთიერთობა გაზრდილია.

დედა ენის დღეს 14 აპრილს ქვეყანაში მიმდინარე პროტესტის მონაწილეებმა კიდევ ერთი აქცია-მსვლელობა დაანონსეს. როგორც ისინი ამბობენ, გაჩერებას არ აპირებენ. ხელისუფლება კი ამ დრომდე აცხადებს, რომ არც ვადამდელი საპარლამენტო არჩევნების ჩანიშვნას აპირებს და არც აქციებზე დაკავებულების გათავისუფლებაზე არაფერი უთქვამს. საპროტესტო აქციების პერსპექტივაზე ანალიტიკოსების მოსაზრებები განსხვავებულია.

დიდი ბრიტანეთის მიერ 10 აპრილს „ოცნების" ხელისუფლების კიდევ 4 მაღალჩინოსნის დაასანქცირებას დიდი გამოხმაურება მოჰყვა. მმართველ პარტიაში აცხადებენ, რომ გარე ძალები სახელმწიფოს შიდა საქმეებში ჩარევასა და შანტაჟს განაგრძობენ და ხაზგასმით ამბობენ, ბოლომდე დაიცავენ ქვეყნის სუვერენიტეტს, ოპოზიციაში კი სანქციების დაწესებაში ლეგიტიმურ საფუძველს ხედავენ და თანამდებობის პირებს მკაფიოდ მოუწოდებენ, „სანამ დროა თავი გადაირჩინონ".

პროფესიული სასწავლებლებზე მოთხოვნამ იმატა, თუმცა ხშირ შემთხვევაში სწავლების ხარისხი კრიტიკას ვერ უძლებს. იშვიათი გამონაკილისის გარდა, პროფსასწავლებლები მაღალი კვალიფიკაციის კადრებს ვერ ამზადებენ. ოფიციალური სტატისტიკის თანახმად, სწავლის მსურველთა რიცხვმა 10%-ით იმატა. ყველაზე მოთხოვნადი სპეციალობებია ინჟინერია, წარმოებისა და მშენებლობის სექტორი. ასევე აქტუალურია მომსახურების სფეროს პროფესიები. 

პარლამენტის დროებითმა საგამოძიებო კომისიამ სამხედრო მზვერავ როინ შავაძის მკვლელობის საქმე კიდევ ერთხელ გაიხსენა და მისი მეუღლე, ციცინო შავაძე დაიბარა. საქმის დეტალები, რომელიც თავის დროზე „რეზონანსმა" გაახმოვანა, ხუთშაბათს საზოგადოებას კიდევ ერთხელ გააცნეს.