მილიარდერ ილონ მასკსა და პრეზიდენტ დონალდ ტრამპს შორის დაპირისპირება დღითიდღე მწვავდება. მასკი ტრამპის იმპიჩმენტის იდეას ეთანხმება, 47-ე პრეზიდენტს კი მასკის გაძევებაც კი შესთავაზეს ქვეყნიდან. დაპირისპირება კიდევ უფრო გამწვავდა მას შემდეგ, რაც ტრამპმა განაცხადა, რომ მასკის დახმარების გარეშე საპრეზიდენტო არჩევნებში გაიმარჯვებდა. საჯარო გარჩევები კი მასკის პოსტს მოჰყვა, სადაც ტრამპს მძიმე, მათ შორის პედოფილიის ბრალდებას უყენებს.

აშშ-ის ელჩის, რობინ დანიგანის პენსიაზე გასვლის შესახებ 6 ივნისს მოულოდნელად გაკეთებულმა განცხადებამ საქართველოში განსხვავებული პოლიტიკური ინტერპრეტაციები გამოიწვია: ოპოზიცია აცხადებს, რომ ელჩის წასვლა მოცემულობას არ ცვლის და არც აშშ-ის მხრიდან „ხისტი პოლიტიკის" გატარებას არ გამორიცხავენ, ხოლო „ქართული ოცნება" დანიგანს ორ ქვეყანას შორის ურთიერთობების გაღრმავებისთვის საკუთარი შესაძლებლობების სათანადოდ არგამოყენებლობას მიაწერს და ვარაუდობს, მისი წასვლა შეიძლება ტრამპის წერილის გაუვრცელებლობას უკავშირდებოდეს.

კურიერები ,,ვოლსტს" და ,,გლოვოს"კონკურენციის დარღვევაში ადადნაშაულებენ. საქმე ეხება უცხოელების დასაქმებას, რამაც ადგილობრივ მუშახელს პრობლემა შეუქმნა. ისინი დავას კვლავ განაგრძობენ და საკუთარი უფლებების დასაცავად ფინანსთა სამინისტროს მიმართეს. სპეციალისტებს აღნიშნულ საკითხთან დაგკავშირებით არაერთგვაროვანი დამოკიდებულება აქვთ. ნაწილი ფიქრობს, რომ დავა სახელმწიფოს დონეზე უნდა მოგვარდეს, ნაწილი კი სარჩელს უსაფუძვლოდ მიიჩნევს.

საქართველოში რიგით მესამე ბანკი შესაძლოა, გაიყიდოს და "ბაზისბანკს” შეუერთდეს. ქვეყანაში ასეთი არაერთი შემთხვევა ყოფილა, მაგრამ საინტერესოა, ახლა რას შეიძლება უკავშირდებოდეს "ლიბერთი ბანკის” გარიგება. ასევე საინტერესოა, რისი მომასწავებელი შეიძლება იყოს საბანკო სექტორისთვის ეს ყველაფერი? 

რუსეთიდან ისევ ისმის ბრალდებები, თითქოს უცხოური ძალები ცდილობენ „ოცნების" ხელისუფლების დამხობას და ამისთვის ძალისხმევას არ იშურებენ. საგარეო დაზვერვის სამსახურის ინფორმაციით, დიდ ბრიტანეთს „ქართული ოცნების" ხელისუფლებიდან ჩამოშორების მიზნით ბრძოლის ახალი რაუნდის დაწყება სურს. ევროპული კვლევების დირექტორი კახა გოგოლაშვილი ამბობს, რომ „ერთი სიტყვით შეიძლება ვთქვათ, ეს არის პროვოკაცია და მეტი არაფერი".

თეთრი სახლის ინფორმაციით, აშშ-სა და რუსეთის პრეზიდენტებს შორის სატელეფონო საუბრისას მკაცრი ტონი შეინიშნებოდა. დონალდ ტრამპისა და ვლადიმირ პუტინის მორიგი კომუნიკაცია 4 ივნისს შედგა, საუბარი კვლავ ხანგრძლივი იყო, თუმცა მხარეები დეტალების გასაჯაროებისგან კვლავ თავს იკავებენ და მხოლოდ ზედაპირული განცხადებებით შემოიფარგლებიან.

პუტინის პასუხი „ობობის ქსელზე"-- კრემლის პრესსპიკერის დიმიტრი პესკოვის თქმით, პრეზიდენტმა ეს პირდაპირ დონალდ ტრამპთან სატელეფონო საუბარში დააანონსა. უკრაინული დრონებით განხორციელებული დივერსიების ფონზე, მოსკოვში ტერორისტულ აქტებზე საუბრობენ და მუქარის ტონი იზრდება, თუმცა სამხედრო ანალიტიკოსების შეფასებით, რუსეთის რეაგირება სავარაუდოდ კონვენციური დარტყმებითა და საინფორმაციო ფრონტზე გააქტიურებით შემოიფარგლება, ბირთვული პასუხის ალბათობა კი ამ ეტაპზე მინიმალურია.

ამ ხელისუფლებას ასეთი რაღაცეებით ვერ ჩამოაგდებენ და თუ ასე გააგრძელეს, პროტესტიც მინავლდება და მთავრობა ლეგიტიმურობას გაიმყარებს, განაცხადა პოლიტოლოგმა იგორ კვესელავამ ადგილობრივი არჩევნების მიმართ ოპოზიციის დამოკიდებულების კომენტირებისას. საგარეო პოლიტიკაზე საუბრისას კი ამბობს, რომ, მისი აზრით, „ოცნება" და ამერიკა ერთად ვერ მოძოვენ და შეიძლება საქართველოზე პრეზიდენტმა ტრამპმა ისეთი განცხადებები გააკეთოს, რაც თბილისში არ მოეწონებათ.

ადგილობრივი არჩევნების ბოიკოტი იმდენად არასწორი გადაწყვეტილებაა, რომ ეჭვი ჩნდება, ამის ავტორები „ოცნებასთან" ხომ არ არიან შეკრულნი, აცხადებს ყოფილი სახელმწიფო მინისტრი პაატა ზაქარეიშვილი. მისი აზრით, კონსოლიდაციის შემთხვევაში ოპოზიციას სულ მინიმუმ დიდ ქალაქებში მაინც სერიოზული შედეგის ჩვენება შეუძლია, მაგრამ თუ ბოლოს მაინც ბოიკოტისტებმა გაიმარჯვებს, ისე გამოჩნდება, რომ „ოცნება" არჩევნებს გაყალბების გარეშე იგებს და ამას დასავლეთიდან შესაბამისი რეაგირება მოჰყვება.

მიუხედავად იმ დიდი ზეწოლისა, რომელიც იყო ბოლო წლების განმავლობაში, ხელისუფლებამ მოახერხა საქართველოში მშვიდობის შენარჩუნება და არა მხოლოდ შეინარჩუნა, არამედ საქართველო მუდმივად ახერხებს მშვიდობის მხარდაჭერას რეგიონშიც, აცხადებს პრემიერი ირაკლი კობახიძე, თბილისის მდგრადი განვითარების რეგიონულ ფორუმზე სიტყვით გამოსვლისას.

საერთაშორისო სავალუტო ფონდი საქართველოს ეკონომიკის იმაზე მეტად ზრდას პროგნოზირებს, ვიდრე მთავრობა და ეროვნული ბანკი. ასეთი რამ პირველად ხდება. ეს იმის მანიშნებელია, რომ ქვეყანაში სტაბილური და ხელსაყრელი მდგომარეობაა და მოლოდინიც პოზიტიურია. სწორედ ამაზე აკეთებენ აქცენტს ნალიტიკოსები და მიიჩნევენ, რომ ეკონომიკამ ყველანაირი საფრთხე უკან მოიტოვა. 

საქართველოში ბინების დიდი ნაწილი შიდა განვადებით იყიდება, რაც ნიშნავს იმას, რომ უძრავი ქონების მყიდველები კომპანიებს თავდაპირველად ბინის ღირებულების გარკვეულ პროცენტს უხდიან, შემდეგ კი დარჩენილი თანხის გასასტუმრებლად ბანკს მიმართავენ. ასე ნაწილ-ნაწილი გადახდილი თანხის გამო, კომპანიები შესაძლოა, პრობლემის წინაშე აღმოჩნდნენ, რადგან მათ ახალი პროექტების დაწყებისთვის ფინანსური რესურსი შეუმცირდეთ. ასეთია სპეციალისტების ერთი ნაწილის მოაზრება, მეორე ნაწილის კი, მსგავს გარემოებას გამორიცხავს.