კომენდატის საათი მოქმედებაშია - მას შემდეგ, რაც აშშ-ის იმიგრაციის რეიდებმა ლოს-ანჯელესში თითქმის ერთკვირიანი საპროტესტო ტალღა და მასობრივი დაპირისპირება გამოიწვია, ქალაქში ნაწილში კომენდანტის საათი ამოქმედდა, რასაც მოჰყვა დაკავებების მორიგი სერია, ეროვნული გვარდიის მობილიზება და ფედერალურ ხელისუფლებასა და ადგილობრივ ადმინისტრაციას შორის ღია პოლიტიკური დაპირისპირება.

უკონტროლო მიგრაცია მთელი მსოფლიო პრობლემაა და საკითხი საქართველოსაც მძიმედ შეეხო. 2024 წლის მონაცემებით, ქვეყანაში ოფიციალურად თითქმის 15 ათასი მიგრანტია დასაქმებული (რეალურად კი გაცილებით მეტი), რაც საბოლოო ჯამში, დემოგრაფიისთვის პრობლემას წარმოადგენს, ამიტომ ყველა თანხმდება იმაზე, რომ საქართველოში საიმიგრაციო პოლიტიკა შესაცლელი და გასამკაცრებელია.

მსოფლიოს სანავთობო ბაზარზე ბოლო პერიოდის მდგომარეობა სტაბილურია და რაიმე განსაკუთრებული ცვლილება არ შეინიშნება, არც მკვეთრი სხვაობაა მოსალოდნელი დღევანდელ ფასებთან შედარებით. ასეთივე სტაბილური მდგომარეობაა ქვეყნის შიგნით და ზაფხულის პერიოდში, ლარის მოსალოდნელი სიმყარის გათვალისწინებით, შეიძლება საწვავი ცოტათი გაიაფდეს კიდეც. 

ჩინეთმა და აშშ-მა ოთხშაბათს სავაჭრო ზავის ჩარჩო-შეთანხმებას მიაღწიეს - ლონდონში ორდღიანი მოლაპარაკებების შედეგად მხარეებმა დააანონსეს ექსპორტის შეზღუდვების შემსუბუქება, დაძაბულობის განმუხტვა და ჟენევაში, ასევე ლიდერთა სატელეფონო საუბარში მიღწეული კონსენსუსის რეალიზაცია.

"ქართული ოცნება" ამჯერად ბრიტანეთის ელჩს გარეტ უორდს მწვავედ აკრიტიკებს, მათი განცხადებით, ბრიტანელი დიპლომატი ერეოდა ქვეყნის შიდა "საარჩევნო და პოლიტიკურ პროცესში", 11 ივნისს კი, მათი თქმით, "პოლიტიკურად ანგაჟირებადი გააკეთა", როცა ახალი კანონის გაურკვევლობის მოტივით, საელჩომ მუნიციპალურ არჩევნებთან დაკავშირებული დაგეგმილი გრანტები გააუქმა.

აშშ-ის პრეზიდენტი დონალდ ტრამპი ლოს-ანჯელესის "გათავისუფლების" ოპერაციას იწყებს - ეროვნული გვარდიისა და საზღვაო ქვეითების მობილიზებით ის ძალადობრივი პროტესტების შეჩერებას და, როგორც თავად აცხადებს, ამერიკული ქალაქის უცხოელი მტრისგან დაცვას ცდილობს. საპროტესტო აქციები, რომლებიც საიმიგრაციო რეიდების წინააღმდეგ დაიწყო, უკიდურეს პოლარიზაციაში გადადის; ანალიტიკოსები კი შიდა პოლიტიკური კრიზისისა და სამოქალაქო დაპირისპირების მზარდ საფრთხეებზე საუბრობენ.

რუსეთი დასცინის სამშვიდობო ძალისხმევას და სრულ უპატივცემულობას გამოხატავს მსოფლიოში ყველას მიმართ, ვინც მკვლელობებისა და ომის დასრულებისკენ მოუწოდებს, - ამის შესახებ უკრაინის საგარეო საქმეთა მინისტრი, ანდრეი სიბიგა სოციალურ პლატფორმა „იქსზე" წერს.

გრანტების შესახებ კანონში ცვლილებებია - საერთაშორისო დონორი ორგანიზაციის ან უცხო ქვეყნის მთავრობის მიერ გაწეული ტექნიკური დახმარება ტექნოლოგიების, ასევე სპეციალიზებული ცოდნის, უნარების, ექსპერტიზის გაზიარების და "სხვა სახის დახმარების ფორმით" გრანტად იქნება მიჩნეული. გარდა ამისა, იმ სფეროთა ჩამონათვალს, რა მიმართულებითაც გრანტი შეიძლება გაიცეს, თავდაცვა და უსაფრთხოება ემატება.

საქართველოს ხელისუფლება აშშ-ს კვლავ სუფთა ფურცლიდან სთავაზობს სტრატეგიული პარტნიორობის განახლებას, როგორც პრემიერ-მინისტრი ირაკლი კობახიძე ამბობს, ეს უნდა მოხდეს "კონკრეტული გზამკვლევით და კონკრეტული ამოცანებით", თუმცა რას გულისხმობს კობახიძე გზამკვლევში, ეს ჯერჯერობით უცნობია. ამასთან, "ოცნების" წევრებიც აცხადებენ, რომ მზად არიან ურთიერთობის გადატვირთვისთვის "ბევრად მეტი გააკეთონ, ვიდრე ეს იყო".

2025 წლის მაისის მდგომარეობით საქართველოს მთლიანი საგარეო სახელმწიფო ვალი 8.96 მილიარდ დოლარს შეადგენს, რაც წინა წლის ანალოგიურ პერიოდთან შედარებით დაახლოებით 250 მილიონი დოლარით მეტია, თუმცა მშპ-სთან მიმართებით 40%-ზე ნაკლებია, რაც იმის მანიშნებელია, რომ საქართველოში ვალის მომსახურების პროცესი კარგად მიმდინარეობს. 

სომხეთის ხელისუფლებასა და ეკლესიას შორის დაპირისპირება სულ უფრო მწვავდება. პრემიერმა ნიკოლ ფაშინიანმა საკოორდინაციო საბჭოს შექმნა დაიწყო, რომელიც ყოველთა სომეხთა კათოლიკოსის, გარეგინ II-ის გადაყენებასა და ახალი კათოლიკოსის არჩევნების საორგანიზაციო საკითხებზე იმუშავებს. ვითარება იმდენად რთულია, რომ სომხეთის პოლიტიკურ და ანალიტიკურ წრეებში უკვე სამოქალაქო ომის საფრთხეზეც ალაპარაკდნენ.

საქართველოს ხელისუფლება ღიად გამოხატავს ნატო-ს მიმართ იმედგაცრუებას და ანალიტიკოსთა ნაწილის აზრით, ეს შესაძლოა საფუძველის შემზადება იყოს ჩრდილოატლანტიკურ ალიანსში გაწევრიანებაზე უარის თქმისთვის. თუმცა, კონსტიტუციაში არსებული ცნობილი ჩანაწერის გამო, პირდაპირ ამის გაკეთება ამ ეტაპზე შეუძლებელი იქნება, კონსტიტუციის შესაცვლელად კი „ქართულ ოცნებას" პარლამენტში საჭირო ხმების რაოდენობა არ აქვს.